UGAR GAAR WIILKAN YAR EE DHIBAATEYSAN MUDDO SANOOYIN AH

Cadnaan Ibraahin Nuur Cali waa wiil dhibane ah oo ku nool degmada Xamar-jajab ee gobolka Banaadir, muddo 3-sano ah ayuu Baralees yahay, waxaana gacanta ku haya Hooyadiis iyo Aabihiis oo aan heyn wax shaqo ah amaba dhaqaale, isla markaasna ah baagamuudo, waxayna ku noolyihiin wax ay ka helaan dadka deriska la ah xaafadda ay deganyihiin, waxayna markii hore qoyskan ka soo barakaceen magaalada Baydhabo ee xarunta gobolka Bay.

Cadnaan Ibraahin Nuur Cali oo ah wiilka dhibanaha ah ee la ildaran cudurka Baraleeska ayaa xaaladdiisa caafimaad waxaa wax looga qaban waayey dalka gudahiisa, iyadoo Isbitaalka Banaadir oo uu in muddo ah ku jiray markii dambe ay gacanta ka taageen Dhaqaaatiirtii ka dib markii ay wax ka qaban waayeen xaaladda caafimaad ee wiilkan yar, iyadoo agaasimaha Isbitaalka Banaadir Drs. Luul Maxamuud Maxamed ay sheegtay in xaaladda wiilkan aan dalka waxba looga qaban karin, loona baahanyahay in dibadda loo qaado si xaaladdiisa caafimaad ay u hagaagto, sidaas oo ay tahay ayey haddana Qoyska dhalay wiilkan waxba heysan oo ay la daalaadhacayaan wixii ay cuni-lahaayeen isagiina ay caano uga dhihi lahaayeen.

Qof kasta oo Soomaali ah hadday ahaan lahaayeen Ganacsadata, Jaaliyadaha, Hay’adaha samafalka iyo dadka Soomaaliyeed ee ku nool gudaha iyo dibadda dalka waxaa laga codsanayaa inay ilgaar ah oo naxariis leh ku fiiriyaan wiilkan yar, isla markaasna wax u qabtaan.

Fadlan si aad u hesho faahfaahin intaan ka dheeri ah kala xariir xaaladda wiilka Cadnaan Ibraahin Nuur Cali iyo Sacdiyo Saacid Maxamed oo ay Hooyada iyo Aabaha dhalay wiilkan yar ee dhiban, waxaadna kala xiriiri kartaan Taleefanka lambarkiisu yahay:- 061- 5808750.

FIIRO GAAR AH:- Warqaddii uu Isbitaal Banaadir ku sheegay in xaaladda caafimaad ee wiilkan aan waxba looga qaban karin dalka gudahiisa fadlan hoos ka aqri iyada oo afka Ingiriiska ku qoran:-

Search Archive

Search by Date
Search by Category
Search with Google

Photo Gallery

Log in | Farshaxanku waa: SOMAALJECEL NEWS NETWORK