Qaar ka mid ah Salaadiinta Somaliland oo la xirxiray iyo kuwo u soo baxsaday magaalada Muqdisho si ay…

Waxa garoonka diyaaradaha Aaden Cabdulle Cismaan ee Magaalada Muqdisho lagu soo dhaweeyay qaar ka mid ah Madax-dhaqameedka deegaanada bariga Sanaag ee Somaliland, kuwaasi oo halkaas u tagay inay ka qeybgalaan shirka lagu ansixinayo dastuurka qabyo qoraalka ah ee Soomaliya.

Madax-dhaqameedkan oo casuumad ka helay guddida qaban-qaabada shirka lagu meel-marinayo dastuurka Soomaliya ayaa waxa ka tageen deegaanada bariga Sanaag ee Somaliland, iyagga oo iska indho tiraya go’aankii salaadiinta Somaliland iyo xukuumaddu ka soo saareen ka qayb-galka shirarka Soomaliya, gaar ahaan kan lagu ansixinayo dastuurka.

Madax-dhaqameedkan oo ah saddex isla-markaana kala ah Ugaas Ibraahim Cali Shibin, Nabadoon Xasan Faarax Maxamuud iyo Nabadoon Jaamac Maxamuud Axmed, ayaa waxa hordhac u yihiin siyaasiyiin iyo aqoonyahan kale oo ka tirsan dadka deegaanka bariga Sanaag oo la filayo inay tagaan Magaaladda Muqdisho si ay uga qayb-galaan shirka ansixinta dastuurka Somaliya

Dhanka kale, ciidamada booliska ee Madaarka Diyaaradaha Hargeysa ee Cigaal ayaa laba Suldaan oo ka mid ah Salaadiintii soo saartay Go’aanka lagu mamnuucayay in ay Madax dhaqameedka iyo Siyaasiyiintu tagaan Shirarka Somaliya oo shalay Jabuuti u duulayey si ay Fiise ay Maraykanka ku tagaan u soo qaataan ayay Ciidamadda Booliiska ee Laanta Socdalka ee Madaaraka Cigaal Airport shalay ku xayireen.

Salaadiintan oo kala ahayd Suldaan Saleebaan Cismaan (Saleebaan Duco)  iyo Suldaan C/raxmaan C/laahi Aw Good ayuu Wasiirka Arrimaha Gudaha Maxamed Nuur Caraalle Duur goor danbe ka sii daayay Booliiska kadib markii uu u sheegay inay Fiisayaal ay ku tagaan Maraykanka ka doonanayaan Safaardda Maraykanka ee Jabuuti  si ay uga qayb galaan Xuska 18 May  ee lagu qabanayo Maraykanka.

Short URL: http://www.somaaljecel.com/wp/?p=8513

Posted by AqilDalmar on May 5 2012. Filed under WAREYSIYADA. You can follow any responses to this entry through the RSS 2.0. You can leave a response or trackback to this entry

You must be logged in to post a comment Login

Search Archive

Search by Date
Search by Category
Search with Google

Photo Gallery

Log in | Farshaxanku waa: SOMAALJECEL NEWS NETWORK