Faah faahin dheeraad ah oo ka soo baxeysa duqeyn dhinaca cirka ah oo lagu qaaday Gobolka Gedo.

Xarunta gobolka Gedo ee Magaalada Baardheere wararka naga soo gaaraya ayaa waxay sheegayaan in shalay duqeyn dhinaca cirka ah ay ciidamada Kenay ka geysteen deegaano badan oo ka tirsan gobolka Gedo, waxayna si gaar ah shalay u duqeeyeen deegaanka Yaqle oo ku dhow Baardheere.

Sida warku sheegayo duqeynta ayaa lala bartilmaameedsaday fariisimo lagu tuhmayey inay ku suganyihiin saraakiil iyo ciidamo ka tirsan Xarakada Al-shabaab, inkastoo aan la sheegin in duqeyntaasi ay ka dhasheen khasaare nafaeed iyo mid hantiyeed intaba.

Afhayeen u hadlay ciidamada Kenya ayaa sheegay inay duqeeyeen ciidamadooda cirk fariisimo ay ku sugnaayeen mas’uuliyiin ka tirsan Al-shabaab, wuxuuna ku dooday inay ku dileen duqeyntaasi rag badan oo ay ku jireen saraakiil mihiim u ah Xarakada Al-shabaab.

Dhinaca kale afhayeenka dhinaca howlgalada Xarakada Al-shabaab Sheekh C/casiis Abuu Muscab oo ka hadlay duqeynta ayaa sheegay inaysan ka soo gaarin wax khasaare ah, wuxuuna intaasi ku daray in ciidamada Kenya ay duqeyn u geysteen dad xoolo dhaqato ah oo aan waxba galabsan, wuxuuna sheegay in cadowtinimada Kenya ay taasi daliil u tahay sida uu yiri.

Si kasta oo ay ahaataba duqeynta ay shalay ciidamada Kenya ka geysteen deegaanka Yaqle ayaa ku soo beegantay xilli ciidamada dalalka Kenya iyo Ethiopia ay gudaha u soo galeen dalka Soomaaliya, kuwaas oo haatan wada isbalaarin deegaano ka tirsan gobolada Koonfurta iyo bartamaha dalka Soomaaliya.

Short URL: http://www.somaaljecel.com/wp/?p=5073

Posted by AqilDalmar on Nov 23 2011. Filed under WARARKA UGU DAMBEEYA, WAREYSIYADA. You can follow any responses to this entry through the RSS 2.0. You can leave a response or trackback to this entry

You must be logged in to post a comment Login

Search Archive

Search by Date
Search by Category
Search with Google

Photo Gallery

Log in | Farshaxanku waa: SOMAALJECEL NEWS NETWORK