Soomaali laga soo tarxiililahaa dalka Holland oo daqiiqaddii ugu dambeeyay la joojiyay kadib markii…….

Dad soomaali ah oo la doonayey in laga soo tarxiilo dalka Holland maalintii shalay ayaa daqiiqaddii ugu dambeysay la joojiyey kadib markii uu amar ka soohorjeeda in dadkaasi soomaaliya loo soo tarxiilo uu ka soo baxay makamad ku taalla dalkaasi

Sida warku sheegayo Maxkamadda waxay joojisay Subaxnimadii Arbacadii shalay masaafurinta  dad magan gelyodoon ah oo Soomaali ah , waxayna Maxkamaddu go’aankeeda u cuskatay waxa loogu yeero, xaalad kumeel-gaar, Voolopige Voorziening (Vovo) ee uu garyaqaanka  dadkaasi u doodayey uu doraad maxkamadda u gudbiyay taas  oo ay  maxakamddu oggolaatay Sidaasi darteed ayey tiri maxkamaddu masaafurintii dadkaasi soomaalida ah waxaa looga noqday si ku-meel-gaar ah, inkastoo ay dowladda Holland ku adkeysaneyso in dadkaasi dalkooda soomaaliya loo masaafuriyo

Xoghayaha Dowladda ee qaabilsan qaxootiga Tevens wuxuu dhawaan wax ka baddal ku sameeyay siyaasadda uu kula dhaqmayo Soomaalida, hase yeeshee waxay gabogabadiisu tahay sida ay qabto hay,adda  vluchtelingenwerk oo qaxootiga caawiso in Soomaaliya aysan wali xasilooni buuxdaa ka dhalan . Sidaa darteedna ay si aad iyo aad ah uga walaacsan tahay waxa ay ku dambayn doonaan dadkaasi haddii la celiyo

Qiyaastii, tarxiilka ay dowladda Holland dooneyso  wuxuu saameynaayaa  dhor boqol oo Soomaali ah. Waxaana jira Kooxda qaxootiga taakuleysa iyo dhowr urur  oo xuquuqda dadka u dooda oo masaafirinta ku tilmaamay mid mas’uuliyad darro ay ka muuqato.Ilaa iyo haatan ma jiraan wadamo kale oo Yurub ah oo sheegay inay si qasab ah qaxootiga  Soomaaliyeed dib u celinayaan.

 

Short URL: http://www.somaaljecel.com/wp/?p=16838

Posted by AqilDalmar on Feb 21 2013. Filed under WARARKA/NEWS. You can follow any responses to this entry through the RSS 2.0. You can leave a response or trackback to this entry

You must be logged in to post a comment Login

Search Archive

Search by Date
Search by Category
Search with Google

Photo Gallery

Log in | Farshaxanku waa: SOMAALJECEL NEWS NETWORK