C/xakiin Xaaji Maxamuud Fiqi oo ka warbixiyay safarka ay ku joogaan Baydhabo

Wasiirka Gaashaandhiga dowladda Soomaaliya C/xakiin Xaaji Maxamuud Fiqioo safar labo maalmood ah weli ku jooga magaalada Baydhabo ayaa waxa uu ka warbixiyay socdaalkooda, wuxuuna sheegay in ujeeddada socdaalkooda uu yahay qiimeynta xaaladda dadka ku nool magaalada Baydhabo iyo midda ciidamadu ku sugan yihiin, wuxuuna xusay in muddada ay joogaan Baydhabo ay si qota dheer u eegi doonaan xaaladda ay ku sugan yihiin ciidamada, ayna ku dedaali doona daryeelka ciidamada.

Wuxuu shacabka Baydhabo uga mahad celiyay taageerada ay dowladda u muujiyeen, isagoo rajo wanaagsan ka muujiyay in deegaannada gobolka Bay ee ay ku harsan yihiin Al-Shabaab si degdeg ah looga saari doono.

Wafdiga wasiirka gaashaandhigga ee ku sugan magaalada Baydhabo ayaa waxaa ka mid ah xildhibaano ka soo jeeda gobolka Bay, Saraakiil ciidan oo uu ka mid yahay Taliyaha ciidamada xooga dalka Soomaaliya Jen. Diini, waxaana lagu wadaa inay caawa ku hoydaan Baydhabo, maalinka berry ahna ay dib ugu laabtaan Muqdisho.

Short URL: http://www.somaaljecel.com/wp/?p=15343

Posted by AqilDalmar on Jan 3 2013. Filed under WARAR AF-SOOMAALIYA, WARARKA/NEWS. You can follow any responses to this entry through the RSS 2.0. You can leave a response or trackback to this entry

You must be logged in to post a comment Login

Search Archive

Search by Date
Search by Category
Search with Google

Photo Gallery

Log in | Farshaxanku waa: SOMAALJECEL NEWS NETWORK