Mid ka mid ah musharixiinta Puntland oo maamulka Puntland uu xanibaad culus ku soo rogay ka dib markii…

Maamulka puntland ayaa la sheegay inuu xanibaad ku soo rogay musharaxa xilka Madaxweynaha Puntland Gen. C/laahi Siciid Samanter oo dhawaan booqasho ku tagay magaalada Boosaaso, waxaana la sheegay in looga digay isaga iyo xubnaha kale ee mucaardka ah inaysan qaban karin shirar uusan maamumulku ka warqabin.

Warqad ay ku saxiixanyihiin Guddoomiyaha goalka bari iyo ku xigeenadiisa ayaa lagu sheegay in Gen. Samanter aanu wax shirar ah ku qaban karin Hoteelada magaalada Boosaaso iyo goobaha shirarka loogu talagalay, isla markaasna uu ka xeysan karo ilaalo kooban oo aan gawaari badan iyo tikniko midna uusan qaadan karin.

Lama oga sababta ka dambeysa arrintani balse waxaa loo maleynayaa inay la xiriirto ama ay dabasocoto  kulamo maalmihii tagay uu Gen. Samatar kula yeeshay gudaha magaalada Boosaaso waxgarad iyo odayaal ka tirsan illa iyo 9-beelood oo ka mid ah kuwa dega gabolka bari, kuwaas oo loo maleynayo inuu kala hadlay qorshihiisa uu ku doonayo inuu ugu tartamo xilka madaxtinimada Puntland iyo muranka ka taagan xilliga la qabanayo doorashada Puntland.

Qoraalkan oo ay ku saxiixnaayeen Guddiga amniga Puntland ayaa lagu faray sidoo kale inaan cidna loo ogoleyn inay gobolka bari ku wadato gawaari tikniko ah, sidoo kalena aan shira lagu qabankarin goobaha lagu shiro iyadoo aan maamulka laga heysan wax ogolaansho ah, iyadoo ay xusid mudantahay in Gen. Samatar oo ka hadlay arrinkan uu sheegay in maamulka hadda jiraa uusan xaq u laheyn inuu horsitaago maadaama buu yiri uu xilkii ka dhamaaday, wuxuuna xusay in loo baahanyahay in Madaxweynaha Puntland u hogaansamo rabitaanka shacabka, isla markaasna uu qabto doorasho xor ah.

Short URL: http://www.somaaljecel.com/wp/?p=14691

Posted by AqilDalmar on Dec 11 2012. Filed under WARARKA UGU DAMBEEYA. You can follow any responses to this entry through the RSS 2.0. You can leave a response or trackback to this entry

You must be logged in to post a comment Login

Search Archive

Search by Date
Search by Category
Search with Google

Photo Gallery

Log in | Farshaxanku waa: SOMAALJECEL NEWS NETWORK