1314|1283319000|dynamic|Wararka maanta|
Kulan looga hadlayo dagaalada Muqdisho oo AMISOM ka qeyb galayso oo saacadaha soo socda ka dhacaya dalka Itoobiya
Arbaco.1-September.2010{SOMAALJECEL}-Addis Ababa, Golaha amaanka iyo Midinimada Qaaradda Afrika ayaa maanta kulan deg deg ah ka yeelanaya xaaladda dalka Soomaaliya, waxaana sarkaal u hadlay uu sheegay in ciidamada AMISOM aan laga saari doonin dalka Soomaaliya ilaa inta dowladda Soomaaliya ay gacanta ku dhigeyso guud ahaan dalka Soomaaliya.
Shirkan ayaa looga hadlayaa xaaladihii ugu dambeeyey ee dalka Soomaaliya iyo codsigii ka yimid dowladda KMG ee ahaa in gacan laga siiyo dagaalka ay kula jirto kooxaha ka soo horjeeda.
Madaxa golaha ammaanka ee Midowga Afrika Ramadaan Al-camaamira ayaa sheegay in ciidamada Midowga Afrika ee jooga Soomaaliya aysan ka baxeynin Soomaaliya marnaba, isla markaasna kulanka ay maanta yeelanayaan uu ku saabsan yahay ka hadlidda iyo Waxkaqabashada Dagaalada sida culus uga socda Magaalada Muqdisho ee caasimadda dalka & Guud ahaanba koonfurta Soomaaliya, waxaana sidoo kale Kulankani uu ku saabsan yahay sidii Midowga Afrika uu go'aan & Talaabo rasmi ah uga qaadan lahaa xaalada Soomaaliya oo 20-kii sano ee lasoo dhaafay dagaalo aanan kala joogsi laheyn ay ka socdeen.
Mas'uulkani wuxuu sidoo kale sheegay in ay kulanka ka qeyb geli doonaan Wakiil ka kala socda dowladaha sida gaarka ah uga dhex muuqda arrimaha dalka Soomaaliya, Saraakiil ciidan, Wakiilka gaarka ah ee Xoghayaha Guud ee Qaramada Midoobey u qaabilsan dalka Soomaaliya, Madax ka socota dowladda KMG Soomaaliya.
Dhinaca kale saraakiil kasocota ciidamada AMISOM ayaa lagu wadaa inay warbixin ku saabsan xaalka Muqdisho ka jeediyaan shirka, kaas oo noqon doona qiimeynta koowaad ee ay Goluhu ka fiirsanayaan waxa ay soo jeediyeen saraakiisha ciidamada AMISOM.
Maxamed Dheere oo beeniyey war uu sheegay afhayeenka Al-shabaab
Arbaco.1-September.2010{SOMAALJECEL}-Muqdisho, Maxamed Cumar Xabeeb (M/dheere) oo mar Guddoomiye ka noqday Gobolka Banaadir ayaa war aan sal iyo raad toona lahayn ku tilmaamay hadal uu dhawaan saxaafadda u sheegay afhayeenka Xarakada Al-shabaab Cali Maxamuud Raage (Cali Dheere) kaasoo ahaa in ciidamada Al-shabaab ay qabsadeen guriga Maxamed Dheere iyo nawaaxiga ku dhow dhow.
Waxa uu Maxamed Dheere sheeegay in haba yaraatee ciidamada Al-shabaab aysan u dhawaanin hoygiisa iska daa ay qabsadaane, isagoo xusay in ay adag tahay in ciidamada Al-shabaab ay sahal uga soo gudbaan ciidamada dowladda KMG iyo kuwa AMNISOM ay difaac adag ku jira sida uu yiri.
Waxa uu Maxamed Dheere mas’uuliyadda qasaaraha ka soo gaaraya dadka rayidka ah dagaalada ka socda magaalada Muqdisho ay qaadayaan Al Shabaab, wuxuuna Al-shabaab ku eedeeyay in ay qaadayaan mas’uuliyadda dadka ku geeriyooday dagaalada ka socda magaalada Muqdisho.
Maxamed Dheere waxa uu sheegay in xarakada Al-shabaab had iyo jeer ay madaafiic ka soo dhex tuuraan meelaha ugu dadka badan magaalada Muqdisho, kadibna madaafiic jawaab celin ah lagu garaaco goobaha ay ka soo tuureen madaafiicda taasina ay sababto qasaaro xad dhaaf ah oo rayidka ay madaafiicda ka soo dhex tuureen soo gaarta.
Shacabka Soomaaliyeed ayuu Maxamed Dheere ugu baaqay in ay meel ugu soo wada jeestaan Xarakada Al-shabaab oo sida uu sheegay garab ka helaya hogaamiyeyaal ka tirsan Ururka Al-qaacidda oo ku sugan sida uu yiri magaalada Muqdisho.
Sidoo kale beesha caalamka ayuu ugu baaqay inay wax ka qabtaan dhibaatooyin uu sheegay in Xarakada Al Shabaab ay dalka Soomaaliya ka waddo..
Hadalkan ka soo yeeray Maxamed Dheere ayaa waxa uu ka dambeeyay hadal ka soo baxay dhawaan Afhayeenka Xarkada Al Shabaab Sheekh Cali Maxamuud Raage (Sheekh Cali Dheere) oo ku aaddanaa in ciidamada Al-shabaab ay la wareegeen gurigii hore ee Maxamed Cumar Xabeeb Maxamed Dheere oo ku yaala degmada Boondheere ee magaalada Muqdisho, kaasoo agagaarkiisa ay dagaallo lixaad leh ay ku dhex marayeen ciidamada dowladda Soomaaliya iyo Xarakad Al-shabaab.
Taliyiihii ciidanka Asluubta gobolka Sool oo la dilay
Arbaco.1-September.2010{SOMAALJECEL}-Laascaanood, Cabdi Ciise Nuur oo ahaa taliyihii ciidanka asluubta ee gobolka Sool ayay xalay fiidkii kooxo hubeysani ku dileen magaalada Laascaanood ee xarunta gobolka sool.
Kooxda dilka u geysatay Taliyaha ayaa sidoo kale waxay dhaawaceen Saddex ka tirsan ilaaladii Taliyaha oo isku dayay inay difaacaan Taliyaha la dilay, kuwaasoo mid ka mid ah uu dhaawiciisu culus yahay.
Kooxda dilka u geysatay Taliyaha ayaa ku dishay albaabka hore ee gurigiisa xilli afurkii ah isagoo doonayay in uu Gaarigiisa fuulo afurkii kadib, mana la aqoonsan kooxda dilka geysatay.
Dadkii dhaawaca ahaa ayaa loo qaaday magaalada Burco si loogu daweeyo, waxaana goobta ka baxsaday raggii dilka geystay, waxaana isla xalay ciidamo badan la dhigay gudaha iyo daafaha magaalada si loo baadi goobo dadkii dilka geystay.
Dhinaca kale bandow ayaa lagu soo rogay magaalada Burco ee xarunta gobolka Togdheer ee maamulka Somaliland, iyadoo howlgalgal ay sameeyeen ciidamada aan la sheegin cid ay u qabqabteen.
Ciidamo Itoobiyaan ah oo gaaray degmada Yeed ee gobalka Bakool
Arbaco.1-September.2010{SOMAALJECEL}-Yeed Wararka naga soo gaaraya degmada Yeed ee gobalka Bakool ayaa sheegaya in cutubyo ciidamo Itoobiyaan ah ay xalay saq dhexe gudaha u galeen degmadaas,
Ciidamadaas oo ku hubeysan dabaabaad iyo hub kale ayaa la sheegayaa in saakay dhaqdhaqaaqyo ciidan ay ka bilaabeen gudaha iyo daafaha magaaladaas iyadoo la sheegayo in ay wehliyaan ciidamo Soomaali ah oo ka tirsan dowladda KMG.
Mid ka mid ah saraakiisha ciidamada dowladda KMG Soomaaliya ee la socda ciidamada Itoobiya oo magaciisa lagu sheegay Macalin Maxamed Axmed ayaa saxaafadda u sheegay in imaanshaha ciidamada Itoobiyaanka ee degmada yeed ay qeyb ka tahay sugidda ammaanka xuduudda ay wadaagaan labada dal ee Soomaaliya iyo Itoobiya, isagoo ugu baaqay dadka degaankaasi in ay xasilooni muujiyaan.
Tani waxay ku soo beegmeysaa xilli dhawaan ciidamo Itoobiyaan ah ay tageen degaanka kalabeyr ee gobolka Hiiraan kuwaasoo iyana ay la saf yihiin ciidamo dowladda KMG ka tirsan, mana la oga qorshaha Itoobiya ka leedahay ciidamadaas ay soo gelisay dalka Soomaaliya.
Ra’isal wasaaraha dowladda Itoobiya Melles Zenawi ayaa dhawaan sheegay in Muqdisho ay ciidamo geynayaan haddii ciidamada AMISOM qalqal la geliyo isla markaana AMISOM dowladda Itoobiya codsi ciidamo ah ay u soo dirsato.
Faahfaahin ku saabsan dhimasho iyo dhaawac ka dhashay qaraxyo iyo duqeymo ka dhacay magaalada Muqdisho
Arbaco.1-September.2010{SOMAALJECEL}-Muqdisho, Qaraxyo, dagaalo iyo duqeymo shalay iyo maanta ka dhacay qeybo ka mid ah magaalada Muqdisho ayaa waxaa ku geeriyooday ugu yaraan 35-ruux, tiro ka badan 80-ruuxna waxaa ka soo gaaray dhaawacyo kala duwan.
Labo gaari oo ay la socdeen dad rayid ah oo shalay miino kula qaraxday inta u dhaxeysa Kuliyaddii Jaalle Siyaad iyo Ex-Koonatrool Afgooye ayaa la xaqiijiyay inay ku geeriyoodeen dad ka badan 10-ruux 25-kalena ay dhaawacyo kala duwan ka soo gaareen.
Miino nooca dhulka lagu aaso ah oo ka qaraxday inta u dhexeysay Kuliyaddii Jaalle Siyaad iyo Ex-Koontarool Afgooye ayaa waxay ku qaraxday labo gaari oo nooca dadweynaha qaada ah, kuwaasi oo ay la socdeen dad rayid ah oo u sii kala hoyanyay degmada Madiina iyo degaanka Ceelasha biyaha oo ah meelaha ay haatan baaqiga ku sii yihiin dad badan oo ka qaxay gudaha magaalada Muqdisho, iyadoo waddada uu qaraxa miino ka dhacay tahay midda kaliya ee ay isticmaalaan dadka isaga kala goosha magaalada Muqdisho.
Dhinaca kale dagaalo iyo Duqeymo khasaare geystay oo ka dhacay shalay, xalay ilaa saakay qeybo ka mid ah magaalada Muqdisho ayaa inta la hubo waxaa ku dhintay 22-ruux, waxaana ku dhaawacmay dad ka badan 40-ruux.
Madaafiicda khasaaraha geystay oo intooda badan ka soo dhacayay saldhigyada ay AMISOM ku leedahay magaalada Muqdisho ayaa waxay ku dheceen degmooyinka ay gacanta ku hayaan xoogagga hubeysan ee ka soo horjeeda dowladda, waxaana ugu darneyd suuqa Bakaaraha oo madaafiicdaasi ay dad badan ku dileen, kuwo kalena ku dhaawacmeen.
Dhaawacyadii ka dhashay duqeymaha, dagaalada iyo qaraxyada ayaa dhammaantood la gaarsiiyay Isbitaallada Muqdisho, waxaana la sheegay in qaarkood ay qabaan dhaawacyo halis ah oo ay sababeen madaafiic kula dhacay guryahooda.
Wariye lagu dilay magaalada Gaalkacyo
Arbaco.1-September.2010{SOMAALJECEL}-Gaalkacyo, Waxaa xalay magaalada Gaalkacyo ee xarunta gobolka Mudug lagu dilay Weriye lagu magacaabo C/llaahi Cumar Geedi oo u shaqeynayay Idaacadda Daljir ee magaalada Gaalkacyo.
Dilka wariyahan oo dhacay xalay fiidnimada ayaa waxaa geystay kooxo hubeysan, iyadoo ilaa iyo hadda aan weli la caddeyn sida uu dilkiisa u dhacay iyo sababta dilka keentay.
Warku wuxuu sheegayaa in Weriyahaasi ay dileen koox ku hubaysnayd tooreeyo, waxaana la sheegay in markii hore uu dhaawac soo gaaray kadibna uu u dhintay dhaawac culus oo soo gaaray, xilli lagu dabiibayay Isbitaalka magaalada Gaalkacyo.
|
Addis Ababa: Kulan looga hadlayo dagaalada Muqdisho oo AMISOM ka qeyb galayso oo saacadaha soo socda ka dhacaya dalka Itoobiya
Muqdisho: Maxamed Dheere oo beeniyey war uu sheegay afhayeenka Al-shabaab
Laascaanood: Taliyiihii ciidanka Asluubta gobolka Sool oo la dilay
Yeed: Ciidamo Itoobiyaan ah oo gaaray degmada Yeed ee gobalka Bakool
Muqdisho: Faahfaahin ku saabsan dhimasho iyo dhaawac ka dhashay qaraxyo iyo duqeymo ka dhacay magaalada Muqdisho
Gaalkacyo: Wariye lagu dilay magaalada Gaalkacyo
1313|1283232600|dynamic|Wararkii u dambeeyay|
Sheekh Xasan Daahir oo shir jaraa’id ku qabtay magaalada Muqdisho
Talaado.31-Agosto.2010{SOMAALJECEL}-Muqdisho, Sheekh Xasan Daahir Aweys oo ah Guddoomiyaha ururka Xisbul Islaam ayaa shir jaraa’id oo uu maanta ku qabtay magaalada Muqdisho waxa uu kaga hadlay dagaallada ka socda Muqdisho, hadalkii ka soo yeeray madaxweynaha dowladda KMG Soomaaliya Sheekh Shariif Sheekh Axmed iyo joogitaanka ciidamada shisheeye ee dalka Soomaaliya.
Sheekh Xasan Daahir oo isagoo ku lebisan dareyska ciidamada milateriga, isla markaana gacanta midig ku heystay qoriga AK-47 saxafiyiinta la hadlayay ayaa waxa uu sheegay inuu si weyn uga soo horjeedo baaqa ka soo yeeray shariifka, wuxuuna xusay in faragelin shisheeye waxba soo kordhineynin in ay ka sii darto mooyaane.
Waxa uu sidoo kale digniin u jeediyay ciidamada shisheeye ee ku sugan Muqdisho, isagoo ku baaqay in dalka laga saaro, isla markaana ka digay in kuwo hor leh la keeno dalka Soomaaliya.
Shirka jaraa’id ee uu maanta qabtay Xasan Daahir ayaa ku soo aadaya xilli magaalada Muqdisho ka soconayaan muddo sagaal maalmood ah kaasoo ciidamadiisa Xisbul Islaam ay ku lug leeyihiin, walow inta badan dagaalladaasi la sheegsheego xoogaga Al-shabaab.
Nabaddoon Maxamuud Tooxoow oo sheegay in maamulka Waax-weyn iyo Waadi lagu kala geynayo beelaha Soomaaliyeed
Talaado.31-Agosto.2010{SOMAALJECEL}-Nayroobi, Nabaddoon Maxamuud Tooxoow Maxamed oo ka mid ah nabaddoonnada beesha Abgaal, isla markaana mar isu soo sharaxay madaxtinimada Soomaaliya shirkii Emgathi ee sanadkii 2004 ayaa waxa uu been abuur ku tilmaamay warar lagu baahiyay qaar ka mid ah Web Site-yada afka Soomaaliga wax ku qoro oo sheegay in la dhisay maamulka Waax-weyn iyo Waadi.
Waxa uu nabaddoonku sheegay in qorshahani lagu doonayo mid lagu abuuro colaado beelaha Soomaaliyeed dhex mara, isagoo xusay in 20-sano ah kaddib laga shaqeynayo iska horkeenidda beelaha Soomaaliyeed.
Mudane Maxamuud Tooxoow Maxamed, wuxuu ugu baaqay dhinacyada ay quseyso arrintaan inay ka digtoonaadaan inay abuuraan colaad u dhexeysa Beesha Abgaal, isagoo sheegay in wararkaan ay yihiin kuwo been abuur ah, isagoo ka digay in laga digtoonaado baahinta wararka iska hor keenaya beesha.
Waxa uu ku baaqay in lagu dadaalo sidii looga shaqeyn lahaa nabadda iyo horumarka beesha Abgaal dhexdeeda iyo tan beelaha kale ee Soomaaliyeed.
Mudane Tooxoow waxa uu sidoo kale sheegay in loo hanjabay, isagoo sheegay in uu tirsanayo gef weyn oo laga galay.
Dhawaanahan ayaa saxaafadda Soomaalida gaar ahaan Web Site-yada afka Soomaaliga wax ku qora waxa ay baahinayeen warar sheegaya in magaalada Nayroobi ee dalka Kenya ay ka dheceen kulamo ay yeelanayaan waxgarad ka soo jeeda Beesha Abgaal oo sameeyay maamul lagu magacaabo Waax-weyn iyo Waadi, qorshahaasoo waxgarad ka tirsan beesha abgaal ay ka soo horjeesteen sida nabadoon Maxamuud Tooxoow Maxamed.
10-kun askari dheeraad oo dalka Soomaaliya la geynayo
Talaado.31-Agosto.2010{SOMAALJECEL}-Muqdisho, 10-kun askari dheeraad ah ayay dowladda Yugandha sheegtay inay u direyso gudaha dalka Soomaaliya si ay u xoojiyaan baa la yiri ciidamada AMISOM ee ku sugan magaalada Muqdisho, kuwaasoo dagaallo culus ay ku hayaan xoogaga hubeysan ee Muqdisho dagaallada ka wada.
Taliyaha guud ee ciidamada Yugandha ayaa shaaca ka qaaday in dowladda Yugandha ay qorsheynayso in 10-kun askari oo ka tirsan ciidamada Keydka dalka Yugandha ay u dirto gudaha dalka Soomaaliya si ay u xoojiyaan ciidamadooda jooga Muqdisho, si buu yiri ay dagaalka kaga adkaadaan kooxaha diidan joogitaankooda Muqdisho iyo jiritaanka dowladda KMG Soomaaliya.
Dowladda Mareykanka ayaa sheegtay in dowladda Yugandha ay ka taageereyso daadgureynta ciidamadaas la geynayo Soomaaliya iyo sidoo kale qalabeynta ciidamadaas.
Afhayeen u hadlay safaaradda Mareykanka uu ku leeyahay dalka Yugandha ayaa sheegay in dowladdu Mareykanku ay ka taageerayso dowladda Yugandha arrimaha ciidamo geynta dalka Soomaaliya.
Hadalkan ka soo yeeray dowladda Yugandha ayaa waxa uu imaanayaa xilli shalay ciidamo kuwooda ah lagu laayay madaafiic lagu weeraray, iyagoo dagaalo xooggan iyo iska cabin kala kulmaya kooxaha ka soo horjeeda joogitaankooda Muqdisho.
Dagaallada iyo duqeymada Muqdisho oo joogto noqday iyo khasaaraha rayidka oo sii badanaya
Talaado.31-Agosto.2010{SOMAALJECEL}-Muqdisho, Dagaallada iyo duqeymaha Muqdisho kuwoodii ugu darnaa oo bilowday Siddeed maalmood kahor ayaa maalinba maalinta ka dambeysa sii kordhaya, iyadoo maantana ay galeen maalintii Sagaalaad.
Dagaallo iyo duqeymo xalay ilaa saakay ka dhacay qeybo badan oo Muqdisho ka mid ah ayaa waxa ay sababeen geerida ku dhawaad 15 ruux iyo dhaawaca tiro intaasi ka badan.
Dagaallada sagaal jirsaday ee ka soconaya Muqdisho oo u dhexeeya ciidamada dowladda KMG oo taageero ka helaya kuwa AMISOM iyo xoogagga ka soo horjeeda ee Al-shabaab iyo Xisbul Islaam oo isku dhinac ah ayaa marka laga tago dhimashada soo gaaraysa kooxaha dagaalamaya dadka ugu badan ee waxyeelladu ku soo gaarto ayaa ah rayidka oo madaafiicda iyo rasaasta kale ee habowga ah ay ugu tago goobo ka fog halka ay ka dhacayaan dagaallada, iyadoo ciidamada AMISOM caado ka dhigteen mar kasta oo la weeraro inay duqeeyaan xaafadaha fogfog ee Muqdisho iyo weliba suuga ugu weyn Muqdisho ee Bakaaraha, taasoo sababta dhimashada iyo dhaawaca ugu badan ee shacabka soo gaarta.
Duqeyn culus oo xalay loo geystay xaafadaha degmooyinka Hodan, H/wadaag, Yaaqshid, Huriwaa ayaa sababtay dhimasho iyo dhaawac dad aad u fara badan, iyadoo madaafiicda lagu duqeynayay xaafadahaasi ay ka imaanayeen dhinaca fariisimada ciidamada AMISOM.
Xildhibaannada Soomaaliya oo la sheegay in loo dhisayo dhismayaal amni ah
Talaado.31-Agosto.2010{SOMAALJECEL}-Muqdisho, Shir shalay ay Muqdisho ku yeesheen Golaha wasiirada xukuumadda KMG Soomaaliya uuna shir guddoominayay Ra’isal wasaare Cumar C/rashiid ayaa waxaa lagu soo hadal qaaday isla markaana la go’aamiye in la sameeyo guryo shub ka samaysan oo ay ku hoydaan xildhibannada Baarlamaanka Soomaaliya Muqdisho laga dhiso.
Go’aankan oo ah mid ay ansixiyeen Golaha wasiirada ayaa la sheegay in baarlamaanka la horgeynayo kadib marka ay iyagu ansixiyaanna howsha la guda galayo, wallow aan la sheegin cidda bixineysa qarashka ku baxaya dhismayaasha guryahaas loo dhisayo xildhibaannada.
Qorshahan ayaa imaanaya xilli dhawaac xildhibaanno ka tirsan Baarlamaanka Soomaaliya lagu qarxiyay Hoteel ay ka deganaayeen magaalada Muqdisho taasoo sababtay dhimasho soo gaartay xildhibaanno iyo saraakiil sarsare oo ciidamada dowladda ka tirsan.
Xildhibaannada Baarlamaanka KMG Soomaaliya ee ku sugan JMuqdisho ayaa waxay kiro ahaan u degan yihiin qaar ka mid ah Hoteelada magaalada Muqdisho, iyadoo sida muuqatana ay sahlan tahay in Hoteeladaas lagu waxyeeleeyo sida ka dhacday dhawaan Hotelkii Muna ee degmada X/weyne oo labo nin oo hubeysan kana tirsan xoogaga Al-shabaab ay ugu galeen gudaha kadibna rasaas ku laayeen dad ku sugnaa, kadibna isku qarxiyeen.
Xarakada Al-shabaab oo guulo ka sheegatay dagaallada Muqdisho
Talaado.31-Agosto.2010{SOMAALJECEL}-Muqdisho, Dagaallada Muqdisho ee u dhexeeya ciidamada dowladda KMG, AMISOM iyo Ahlusunna oo isku saf ah iyo xoogaga Al-shabaab iyo Xisbul islaam oo iyagana iska barbar dagaalamay ayaa dagaalladii shalay dhawacay waxaa guulo ka sheegtay xarakada Al-shabaab.
Dagaalladaas oo shalay xoogooda ka dhacay degmada Boondheere ee magaalada Muqdisho ayaa waxaa la sheegay in khasaaro ba’an ay ka dhasheen, iyadoo xarakada Al-shabaab ay guulo ka sheegteen dagaalkaas.
“Shalay ciidamada AMISOM iyo kuwa dowladdu waxay isku dayeen inay weerar ku qaadaan fariisimo ay degamda Boondheere kaga sugnaayeen Mujaahidiinta si ay ugala wareegaan, jab ayaase ka gaaray” ayuu yiri afhayeenka dhinaca howlgalada ee xarkada Al-shabaab Sheekh C/casiis Abuu-Muscab oo la hadlay warbaahinta.
Afhayeenku wuxuu sidoo kale sheegay inay ciidamadooda haatan ku sugan yihiin goobihii dhawaan ay ka qabsadeen ciidamada dowladda KMG iyo kuwa AMISOM oo ay dagaallo kula jiraan in muddo ah.
“Madaxtooyada waxaan shalay ku qaadnay weerar madaafiic ah, waxaan ku dilnay tobaneeyo askari oo Yugaandheys ah, kuwaas oo ku jiray diyaargarow ay doonayeen inay ugu gurmadaan ciidamadii aan shalay dagaalka la galnay” ayuu yiri Abuu Muscab oo sheegay inay joojiyeen dhaqdhaqaaqii ay isugu gurman lahaayeen.
Meydadka askar laga dilay ciidamada AMISOM oo laga dhoofiyay magaalada Muqdisho
Talaado.31-Agosto.2010{SOMAALJECEL}-Muqdisho, Afhayeenka Ciidamada AMISOM Major Bridgiye Bohoku ayaa sheegay in afar askari dagaalladii shalay ee Muqdisho ka dhacay looga dilay, ilaa Siddeed kalena looga dhaawacay.
Meydadka askartaas iyo kuwo kale oo dhaawacoodu uu halis yahay ayaa aroornimadii hore ee saakay laga duuliyey Garoonka diyaaradaha magaalada Muqdisho kuwaasoo la geeyay dalka Yugandha oo lagu aasayo meydadka, dhaawacana lagu dabiibayo.
Sida warar madax bannaan sheegayaan ciidamadii shalay laga dilay AMISOM ayaa ka badan afar askari, iyadoo wararka qaar ay sheegayaan ay gaarayaan Todobo askari, dhaawacana 12, wallow afhayeenka AMISOM uu afar dhimasho iyo Siddeed dhaawac ah uu qiray.
Afhayeen u hadlay Xarakada Al-shabaab oo iyadu weerarka madaafiicda ah ku qaadday xarunta Madaxtooyada ee Villa Soomaaliya ayaa sheegay in 15 askari ay ka dileen ciidamada AMISOM, tiro intaas ka badanna ay ka dhaaweceen, sida uu ka soo xigtay goobjoogayaal ku sugan xarunta madaxtooyada oo uu sheegay inay u warameen.
Major Bridge Bohuku waxaa kale oo uu sheegay in kooxaha ka soo horjeeda dowladda KMG aysan ku guuleysan doonin sida uu yiri dagaalka ay kala soo horjeedaan, wuxuuna intaasi ku daray inaysan jirin halis weyn oo laga digo xilligan, isagoo xusay in ciidamada AMISOM ay diyaar u yihiin inay tirtiraan sida uu yiri kooxaha ka soo horjeeda dowladda KMG Soomaaliya.
AMISOM iyo madaxweyne Shariif oo si isku mid ah u hadlay
Talaado.31-Agosto.2010{SOMAALJECEL}-Muqdisho, Madaxweynaha dowladda KMG Soomaaliya Shariif Sheekh Axmed iyo afhayeenka ciidamada AMISOM ee Muqdisho Major Bridge Bohuku ayaa si isku mid ah beesha caalamka u weydiistay kaalmo Milateri.
Warsaxaafadeed shalay uu soo saaray madaxweynaha Soomaaliya Sheekh Shariif ayaa waxa uu kaga dalbaday beesha caalamka kaalmo ciidan degdeg ah in dowladdiisa lala soo gaaro maadaama kooxaha dagaallada kula jira dowladdiisa ay awooddooda isa soo tareyso isla markaana ay si aad ah ugu soo dhawaadeen fariisimada iyo xarumaha dowladda KMG ee Muqdisho.
Sidoo kale afhayeenka AMISOM Major Bridge Bahuko ayaa isna sheegay in beesha caalamka ay ka codsanayaan inay gacan milleteri ka siiyaan dagaalka ay kula jiraan xoogagga hubeysan ee ka dagaalama dalka Soomaaliya.
Bahuko waxa uu ku booriyey beesha caalamka inay ogaato in dhibaatada ka jirta Soomaaliya aysan ahaaneyn mid ku kooban oo kaliya gudaha dalka Soomaaliya oo adduunka oo dhan ay saameyn xoogan ku yeelan doonto sida uu yiri, sidaa darteed looga baahan yahay beesha caalamka kaalmo milateri inay kaga qeyb qaadato dagaallada Soomaaliya.
Hadalladan labadan mas’uul ayaa u muuqdo kuwo muujinaya in kooxaha Muqdisho ka dagaalamaya aysan u itaal heynin ayna doonayaan awood middooda ka tan badan, iyadoo aanay muuqan wax ay beesha caalamku ka qabanayaan.
Itoobiya oo ka hadashay dagaallada ka socda magaalada Muqdisho
Talaado.31-Agosto.2010{SOMAALJECEL}-Addis Ababa, Warbixin ay soo saartay wasaaradda arrimaha dibadda ee xukuumadda Itoobiya ayaa waxay ku sheegtay in dagaallada ka socda magaalada Muqdisho iyo qaraxii ka dhacay hotel-ka Muna ay muujinayaan khatarta ka jirta magaalada Muqdisho, taas oo daruuri ka dhigeysa bay tiri in Midowga Afrika iyo beesha caalamku il gaar ah ku eegaan xaaladda Soomaaliya.
“Inkastoo dhibaatooyin ammaandarro ka imanayaan kooxaha hubeysan iyo kuwa xagjirka ah ee Soomaaliya, haddana dawladda Itoobiya waxay mar kasta saaxiib la ahaanaysaa dadweynaha Soomaalida, waxayna soo dhaweynaysaa taageerada la siiyo dowladda KMG Soomaaliya” ayaa lagu yiri warbixinta ay soo saartay wasaaradda arrimaha dibadda Itoobiya.
Sidoo kale waxaa warbixinta lagu sheegay in Itoobiya ay dalkeeda ku soo dhaweynays qaxootiga Soomaaliyeed ee ka soo firxanaya dagaalada iyo colaadaha ka jira dalka Soomaaliya.
Waxa dowladda Itoobiya ay sheegtay in sidoo kale xiriir iskaashi oo dhinacyo badan taabanaya la leedahay maamullada Somaliland iyo Puntland, ayna sii wadi doonto xiriirkaasi si xal waara looga gaaro dhibaatooyinka ka jira Soomaaliya.
Warbixinta ka soo baxday dowaldda Itoobiya ayaan marna lagu soo hadal qaadin soo gelitaanka ciidamadeeda ee gudaha dalka Soomaaliya iyo dhaqdhaqaaqyada ciidan ee ay ka waddo xudduuda ay la dawaagto Soomaaliya, gaar ahaan gobolka Hiiraan oo ciidamadeedu ku sugan yihiin.
Madaxweynaha Yugandha oo ka hadlay ciidamadiisa lagu dilay Soomaaliya
Talaado.31-Agosto.2010{SOMAALJECEL}-Kampala, Madaxweynaha dalka Yugandha Yoweri Museveni ayaa ka hadlay askarta ka tirsan ciidamadiisa ee lagu dilay Soomaaliya, wuxuuna sheegay in taasi aysan ka baajin doonin ciidamo kale oo dheeraad ah oo loo diro Soomaaliya.
“Waan sii xoojineynaa howlgallada nabad sugidda ee ciidamadeenu ka wadaan Soomaaliya, tiro kale oo ciidamo dheeraad ahna waan ku kordhineynaa kuwa hadda naga joogo gudaha dalka Soomaaliya” ayuu yiri madaxweyne Musafeni.
Waxa uu madaxweynuhu ugu baaqay beesha caalamku inaanay Soomaalida kaligeed aan la isku deynin, waayo ayuu yiri way is dilayaan xalna ma gaari karaan.
Madaxweynaha dalka Yugandha Yoweri Museveni waxaa kale oo uu sheegay inay guulo ka gaari doonaan dagaalka ay kula jiraan kooxo uu ku tilmaamay inay ka soo horjeedaan in nabad iyo horumar uu ku tilaabsado dalka Soomaaliya .
Waxa uu sidoo kale sheegay inay noqon doonto khalad taariikhi ah in Soomaaliya laga galay haddii buu yiri lagu dhaafo inay iyagu un maareeyaan khatarta ay ku hayaan kooxaha ka soo horjeeda dowladda KMG Soomaaliya, isagoo tusaale u soo qaatay Afganistan oo uu sheegay in markii hore lagu dhaafay dhibaatada xilligii Sagaashameeyadii, taasoo uu Madaxweynuhu sheegay in haatan uu caalamku shalaay ka joogo, wuxuuna ugu baaqay beesha caalamka in loo baahan yahay in dhinac walba laga garabsiiyo howlgalka AMISOM iyo dedaalka dowladda KMG Soomaaliya ugu jiro xasilooni ku soo dabaalidda dalka Soomaaliya.
Muran xooggan oo ka taagan Dastuurka cusub ee dowladda KMG
Talaado.31-Agosto.2010{SOMAALJECEL}-Muqdisho, Xubno ka tirsan guddiga dastuurka iyo arrimaha federaalka ee golaha Baarlamaanka Soomaaliya ayaa shaaciyey in loo baahan yahay in la saxo qaabka ay ku socdaan howlaha sixitaanka dastuurka qabyada ah ee Soomaaliya.
Guddoomiye ku xigeenka Guddiga dastuurka ee goloha Baarlamaanka, Xildhibaan C/qaadir Sheekh Ismaaciil ayaa sheegay in jiraan waxyaabo madmadow ah oo ku jira habsami u socodka sixitaanka dastuurka.
C/qaadir Sheekh Ismaaciil oo xubno uu ku jiro ay shalay shir jaraa’id ku qabteen Muqdisho ayaa waxay ku sheegeen in xubno ka tirsan Guddiga madaxa bannaan ee qoray dastuurka ay sheegeen inaysan xog badan ka heyn sida ay ku socdaan howlaha lagu saxayo dastuurka qabyada ah ee dhawaan la soo bandhigay.
Xildhibaanka ayaa sheegay inay ku baaqayaan in howlaha dastuurka laga qeyb-galiyo Guddiga golaha Baarlamaanka u qaabilsan dastuurka.
Hadalka ka soo baxay xubno ka mid ah Guddiga dastuurka ee Baarlamaanka, ayaa yimid xilli xubno ka mid ah Guddigaasi iyo tiro wasiiro ah ay magaalada Nairobi ka wadaan howlo ku aadan dhameystirka arrimaha dastuurka la xiriira.
|
Muqdisho: Sheekh Xasan Daahir oo shir jaraa’id ku qabtay magaalada Muqdisho
Nayroobi: Nabaddoon Maxamuud Tooxoow oo sheegay in maamulka Waax-weyn iyo Waadi lagu kala geynayo beelaha Soomaaliyeed
Muqdisho: 10-kun askari dheeraad oo dalka Soomaaliya la geynayo
Muqdisho: AMISOM iyo madaxweyne Shariif oo si isku mid ah u hadlay
Addis Ababa: Itoobiya oo ka hadashay dagaallada ka socda magaalada Muqdisho
Muqdisho: Dagaallada iyo duqeymada Muqdisho oo joogto noqday iyo khasaaraha rayidka oo sii badanaya
Muqdisho: Xildhibaannada Soomaaliya oo la sheegay in loo dhisayo dhismayaal amni ah
Muqdisho: Xarakada Al-shabaab oo guulo ka sheegatay dagaallada Muqdisho
Muqdisho: Meydadka askar laga dilay ciidamada AMISOM oo laga dhoofiyay magaalada Muqdisho
Kampala: Madaxweynaha Yugandha oo ka hadlay ciidamadiisa lagu dilay Soomaaliya
Muqdisho: Muran xooggan oo ka taagan Dastuurka cusub ee dowladda KMG
1312|1283146200|dynamic|Wararkii u dambeeyay|
Xafiiska Madaxweynaha Soomaaliya oo laga soo saaray Warsaxaafadeed kaalmo milateri ku dalbatay dowladda KMG
Isniin.30-Agosto.2010{SOMAALJECEL}-Muqdisho, Warsaxaafadeed maanta ka soo baxay Xafiiska madaxweynaha dowladda KMG Soomaaliya ayaa waxaa beesha caalamka uga codsaday dowladda KMG in kaalmo milateri ay la soo gaaraan dowladda Soomaaliya.
Madaxweyne Shariif ayaa waxa uu warsaxaafadeedkiisa ku sheegay in dowladdiisa ay qatar weyn ku hayaan kooxaha dagaallada kala soo horjeeda, sidaa awgeed beesha caalamka uu uga baahan yahay inay indhaheeda u soo weeciso gudaha dalka Soomaaliya.
Warsaxaafadeedka uu soo saaray madaxweynaha waxa uu sidoo kale kaga hadlay weerarkii isqarxinta ee lala eegtay Hotel Muna 24-kii Agost ee sanadkan 2010, kaasoo galaafatay nolosha dad Soomaaliyeed oo rayid ah oo gaaraya 30 qofood oo ay ku jiraan xildhibaanno iyo saraakiil ciidan.
Waxa uu madaxweyne Sheekh Shariif ku sheegay warsaxaafadeedkiisa in xagjirka Al-shabaab ay u dhar dhigteen ololahooda argagaxisonimo sidaa awgeed ay beesha caalamka ka doonayaan taageero milateri oo aan kala sooc lahayn sida uu yiri.
Sax ma aha in Soomaaliya kaligeed lagu daayo ka hortagga Al-shabaab iyo Al-qaacidda oo jaalkood ah, maadaama Soomaaliya ay ku jirto buu yiri 20 sano oo burbur, qas iyo jahawareer siyaasadeed ah.
Marka la eego weerarkii is-qarxinta ee July 11-keedii lala eegtay Kampala, iyo weerarkii Mogadishu ee Al-shabaab iyo saaxiibadood ay abaabuleen, waxaa muuqata in argagaxisadu ay qorshaysteen in ay carqalad iyo xasilooni la’aan ku camimaan gobolka Geeska Afrika oo dhan iyo ka fogba, sidaa awgeed ayaa waxa uu yiri dowladda Soomaaliya waxaa ka go’an dib-u-yagleelka sharciga iyo kala-dambeynta Muqdisho iyo in ay gaashaanka u daruurto Alshabaab iyo kuwa taageera ee wata afkaaraha nidaam-diidka ee ku xiran xagjirnimada oo ay fidiniyaan.
“Inkastoo ay jiraan culeysyadaas, waa inaynaan waligeen iloobin in guushu ay u baahan tahay istaraatijiyad iyo u dhabar-adayga hawsha iyo in si dhab ah looga hortago argagixisada, si taas loo helana dowladda Soomaaliya waxay u baahan tahay kaalmada bulshada caalamka” ayuu yiri Sheekh Shariif.
Sida ay qirtay dowladda Mareykan dhawaan, Alqaacidada ku sugan carriga Carabta ee ay xuddun tahay waddanka jaarka inala ah ee Yaman ayaa ka khatar badan ta ku sugan Bartamaha Pakistaan. Iyada oo ay jirto xaqiiqda ah in Pakistan -- sida Afganistan iyo Ciraaq oo la ildaran tumaatida argagaxisada -- ayaa waxay helaan taageero wax ku ool ah marka laga hadlayo dhinaca dhaqaalaha, lojistikada iyo qalabka militariba. Dowladda Soomaaliyeed ma haysato taageero la mid ah ama u dhaw taa, mana laha ilaha dhaqaalaha dowladahaas leeyihiin oo kale. Isla markaasna, “dowladda Soomaaliyeed ayaa waxay wajahaysaa cadow la mid ah, waaba haddii uusan ka khatar badnayn.” ayuu Madaxweynuhu xusay.
Iyada oo ay jirto xaqiiqda ah in ilaha dhaqaale yaryihiin ayay ciidamada dowladda FKM ahi ku mintideen difaacidda meelaha halbawlaha u ah dowladda, kana go’antahay inay jabiyaan Alshabaab.
“Maadaama kooxa nabad-diidka ahi ay wadaan khatar isaga gudbaysa xuduudaha ayay dowladda Soomaaliya mar kale ku celinaysaa dalabka ah in lala soo gaaro taageero caalami ah” ayuu yiri Madaxweynaha.
Ciidamada AMISOM oo hub iyo rasaas u qeybiyey ciidamada dowladda KMG iyo kuwa Ahlusunna Waljamaaca
Isniin.30-Agosto.2010{SOMAALJECEL}-Muqdisho, Ciidamada AMISOM ee ku sugan magaalada Muqdisho ayaa hub iyo rasaas fara badan u qeybiyey ciidamada dowladda KMG Soomaaliya iyo Ahlusunna Waljameeca.
Goob joogayaal ku sugan Garoonka diyaaradaha Muqdisho ayaa saxaafadda u xaqiijiyay in ay arkayeen ciidamo fara badan oo isugu jira kuwo ku lebisan dareeska ciidamada dowladda iyo kuwo dhar caadi ah ku lebisan oo safaf dhaadheer ugu jira albaabka laga galo xarunta Xalane ee ciidamada AMISOM halkaasoo rasaas fara badan ciidamada AMISOM ugu qaybinayeen.
Wararka qaar waxa ay sheegayaan in ciidanka AMISOM Rasaas iyo Hub ay u qeybiyeen ciidamadaas oo isugu jira kuwa dowladda KMG iyo kuwa Ahlsuuna.
Sidoo kale warar aanu ka helnay degmada Waaberi ee magaalada Muqdisho ayaa sheegaya in ciidamo AMISOM ah oo ku sugan degmada Waaberi gaar ahaan guriga shaqaalaha ay hub iyo rasaas u qeybiyeen ciidamo kuwa dowladda ah.
Inta badan hubka loo qeybiyo ciidamada dowladda KMG Soomaaliya ayaa waxay u iib geeyaan Suuqyada magaalada Muqdisho, iyadoo qaarkood ay suuragal tahay in ay ka iibiyaan xoogaga ka soo horjeeda dowladda KMG ee Soomaaliya.
Ciidamo Itoobiyaan ah oo ku soo wajahan magaalada B/weyne
Isniin.30-Agosto.2010{SOMAALJECEL}-B/weyne, Ciidamo Itoobiyaan ah oo ay weheliyaan kuwa dowladda Soomaaliya iyo Saraakiil ka tirsan maamulkii hore ee gobalka Hiiraan ayay wararku sheegayaan inay ku soo wajahan yihiin magaalada B/weyne ee xarunta Gobolka Hiiraan.
Wararka laga helayo magaalada B/weyne ayaa sheegaya in ciidamadaas ay isku aruursanayaan deegaanka Kalabeyr ee gobalka Hiiraan oo qiyaastii 30-km dhinaca Waqooyi kaga beegan magaalada B/weyne, halkaasoo shalay ilaa xalay ciidamo aad u fara badan oo Itoobiyaan ah ay soo buux dhaafiyeen, kuwaasoo ay wehliyaan kuwo Soomaali ah.
Isgoyska Kalabeyr oo marka la eego ah marin muhiim u ah isku xirka gobalada bartamaha Soomaaliya iyo dhulka Ismaamulka Itoobiya ayaan la ogeyn sababta keentay in mar kale ciidamada Itoobiya dib ugu soo laabtaan deegaankaas oo maalin kahor ay isaga bexeen.
Yuusuf Axmed Hagar Dabageed oo horay u ahaa guddoomiyihii hore ee gobalka Hiiraan ee dowladda Soomaaliya ayaa waxba kama jiraan dhawaan ku tilmaamay in ciidamo Itoobiyaan ah ku sugan yihiin deegaanka Kala-beyr, isagoo sheegay in ciidamada halkaa jooga ay yihiin kuwa ciidamo ay leeyihiin reer Hiiraan, isla markaana sida uu sheegay ku wajahan magaalada B/weyne.
Dagaalo weli ka sii soconaya qeybo ka mid ah magaalada Muqdisho
Isniin.30-Agosto.2010{SOMAALJECEL}-Muqdisho, Dagaalo iyo duqeymo ayaa maanta ka socda magaalada Muqdisho, dagaalladaasoo galay maalintoodii Todobaad ayaa waxay ka soconayaan haatan degmooyinka Hodan iyo Boondheere ee magaalada Muqdisho.
Dagaallada oo u dhexeeya ciidamada dowladda KMG iyo kuwa AMISOM oo isku dhinac ah iyo Xarakada Al-shabaab iyo Xisbul islaam oo isku dhinac ah ayaa waxay labada dhinac isu adeegsanayaan hub noocyo kala duwan leh.
Inkastoo khasaaraha dagaallada manta aan la ogeyn haddana dhimasho iyo dhaawac ayay geysteen, iyadoo qeybo ka mid ah suuqa Bakaaraha ay ku soo dheceen madaafiic dhowr ah ayaa haddana suuqu shaqeynayaa oo weliba mashquul saa’id yahay iyadoo lagu howlan yahay dukaameysi loona diyaargaroobayo ciidda Fitriga.
Dagaalkii shalay dhacay ayay dhinacyadu guulo ka sheegteen, wuxuuna afhayeenka ciidamada Booliska ee dowladda KMG Soomaaliya C/llaahi Xasan Bariise uu warbaahinta u sheegay dagaalka ay kaga awood roonaadeen kooxihii ka soo horjeeday, isla markaasna ay dib ula wareegeen mar kale fariisimo horay looga qabsaday.
Bariise waxa uu ku dooday in dhinacooda ay dagaalka ugu dhinteen sida u yiri labo askari 3-kalena ay uga dhaawcmeen, halka dhinaca kale ee ka soo horjeeda ay ka dileen askar fara badan.
Dhinaca kale afhayeenka Howlgalada Xarakada Al-shabaab Sheekh C/casiis Abuu Muscab oo isna warbaahinta la hadlay ayaa sheegay in dagaalkii shalay ka dhacay magaalada Muqdisho ay ciidamadoodu guulo ka soo hooyeen, wuxuuna intaasi ku daray in ciidamadoodu ay weli ku sugan yihiin fariisimopoyinkii ay horay u qabsadeen, isla markaasna ay been tahay warka ka soo yeeray dhinaca dowladda KMG.
Ciidamo gurmad ah oo Xisbul islaam iyo Al-shabaab ugu yimid magaalada Muqdisho
Isniin.30-Agosto.2010{SOMAALJECEL}-Muqdisho, Xoogaga Xisbul Islaam iyo Al-shabaab ee dagaallada kala soo horjeeda dowladda KMG iyo ciidamada AMISOM ayaa ciidamo gurmad ah waxa ay uga yimaadeen gobollada dalka Soomaaliya si ay uga caawiyaan dagaallada Muqdisho ka soconaya.
Xoogaga Al-shabaab ayaa labadii maalmood ee tagay ciidamo aad u fara badan oo ka kala yimid gobollada Bay, Bakool iyo J/hoose waxay soo geliyeen magaalada Muqdisho, kuwaasoo qaarkood fariisimo cusub looga sameeyay magaalada Muqdisho kuwo kalena lagu kala biiriyey fariisimooyin ay hore ciidamadooda ugu sugnaayeen, kuwana safka hore ee dagaalka ku biireen.
Ururka Xisbul oo iyagana ciidamo dheeraad ah Muqdisho soo geliyey ayaa waxay ka keeneen degmada Buurhakaba ee gobalka Bay, waxaana la socday Guddoomiyaha degmada Buurhakaba ee maamulka Xisbul Islaam oo sheegay ciidamadaasi in ay yihiin gurmad ayna ka qeyb galayaan dagaalada magaalada Muqdisho.
"Waa ciidamo qalabeysan looguna tala galay inay ka qeyb qaataan dagaalada si loo xoojiyo" ayuu yiri Sheekh Axmed Haajir oo warbaahinta kula hadlayay degmada Lafoole ee gobalka Sh/Hoose oo shalay uu soo gaaray.
Wuxuu sheegay ciidamadan inay yihiin kuwo hordhac ah isla markaana ay jiraan ciidamo kale oo Xisbul Islaam ugu tala gashay inuu ku soo biiriyo dagaalada kuwaasoo maalmaha soo socda uu sheegay inay Muqdisho soo gaarayaan.
Ururka Xisbul Islaam ayaa wuxuu sheegay dhankooda inay sii xoojinayaan ayna sii wadayaan dagaalada ilaa ciidamada AMISOM looga saarayo caasimadda Soomaaliya ee Muqdisho.
Mid ka mid ah madaxweynayaashii Soomaaliya oo ka hadlay dagaallada Muqdisho
Isniin.30-Agosto.2010{SOMAALJECEL}-Qaahira, Dr. C/qaasim Salaad Xasan oo mar madaxweyne ka noqday Soomaaliya ayaa isagoo ku sugan magaalada Qaahira ee dalka Masar waxa uu ka hadlay dagaallada ka socda Muqdisho.
Dr. C/qaasim waxa uu ugu baaqay dowladda KMG iyo dhinacyada ka soo horjeeda inay joojiyaan dagaalka, isla markaasna ay ilaaliyaan dhibaatada soo gaaraysa dadka rayidka ah ee aan waxba galabsan.
Dr. C/qaasim Salaad Xasan waxa uu sheegay in haddii dagaalka lagu qaadayo saldhigyada dowladda KMG ah iyo ciidamada AMISOM ay yaraaneyso khasaaraha soo gaaraya shacabka Soomaaliyeed, sidaa awgeed uu ku talinayo in kooxaha ka soo horjeeda dowladda iyo ciidamada AMISOM ay ka daayaan dagaalka dadka dhexdiisa, sida uu yiri.
Dr. C/qaasim waxa uu si kulul u weeraray ciidamada AMISOM duqeynta culus ay u geysanayaan shacabka Muqdisho, wuxuuna ugu baaqay dowladda KMG inay arrintaasi xakameeyaan, isla markaasna ay ku xisaabtamaan inay qeyb ku yeelanayaan tacdiyada lagula kacayo dadka, isla markaasna ay mas’uuliyaddeeda iyagu qaadayaan.
Dhinacyada dowladda KMG ka soo horjeeda ee Al-shabaab iyo Xisbul Islaam ayuu ugu baaqay inay ogolaadaan wadahal ay Soomaalida oo dhan isugu timaado si loo joojiyo dhiiga Soomaaliyeed ee daadanaya, wuxuuna xusay in haddii ay kooxi dagaalka ku guuleysan lahayd ay xukumi lahayd khalfoofka dadka ku dhintay oo kaliya sida uu yiri.
Dad tiro badan oo lagu qabqabtay Puntland
Isniin.30-Agosto.2010{SOMAALJECEL}-Boosaaso, Ciidamada maamulka Puntland ayaa habeen hore iyo shalay subax waxay ay magaalada Boosaaso ka qabqabteen ku dhawaad labo boqol qofood.
Dadka la qabqabtay oo isugu jiray dad barakacayaal ah iyo kuwo degaanka ah ayaan la ogayn sababaha loo qabqabtay, waxaase loo maleynayaa inay la xiriirto dilalka ka dhacay maalmihii ugu dambeeyay magaalada Boosaaso, mana la oga dadka la qabqabtay in laga musaafurinayo magaalada Boosaaso iyo in kale.
Hore ayay maamulka Puntland magaalooyinka Puntland uga qabqabteen dad fara badan oo aan u dhalan Puntland, kuwaasoo loo musaafuriyey degaannadii ay ka yimaadeen, inkastoo weli qaraxyada iyo dilalku ay ka sii socdaan Puntland.
Sheekh Attam oo ka hadlay dagaalladii ciidamadiisu la galeen maamulka Puntland
Isniin.30-Agosto.2010{SOMAALJECEL}-Galgala, Maxamed Siciid Atam oo ah Hoggaamiyaha koox ka soo horjeedda maamulka Puntland oo ka dagaalanta gudaha iyo daafaha deegaanka buuraleyda Galgala ee gobolka Bari ayaa ka hadlay dagaaladii ugu dambeeyay ee ay la galeen ciidanka Puntland.
Sheekh Attam waxa uu sheegay in khasaare xoogan ay u geysteen ciidanka Puntland ee ku sugan deegaanka Galgala, waxaana uu sheegay in dagaalkii ay kula jireen ciidamada Puntland ay u bedaleen weeraro ku dhufo oo ka dhaqaaq ah.
Hoggamiye Maxamed Siciid ayaa hadalkiisa ku daray in baabuur badan oo nooca dagaalka ah ay ka gubeen Puntland, halkaasina ay khasaare ugu geysteen tiro askar ah sida uu hadalka u dhigay.
“Waxaan weerarnay Saldhiga ciidanka PIS-ta ee Galgala, waxaana halkaasi ugu geysanay khasaare, waxaan sidoo kale ka gubnay gaari tikniko ah oo aanu qarax la bartilmaameedsanay” ayuu yiri Maxamed Siciid Atam.
Dagaalka ka dhacay deegaanka Galgala ee welina ka soconaya ayaa waxaa uu Attam eeddiisa dusha u saaray Madaxweyne Faroole, Ku-xigeenkiisa Cabdi Samad iyo Wasiirka Arrimaha Gudaha Ilkajiir oo uu sheegay in ay qaadan doonaan mas’uuliyadda dhibaatada deegaankaasi ka dhacday, isagoo intaa ku daray in dhinacooda khasaare uusan soo gaarin balse dhinaca ka soo horjeeda ee Puntland ay gaarsiiyeen khasaare kala duwan oo naf iyo maal ah.
Maxamed Siciid Atam ayaa sheegay in wadahadal iyo nabad ay la galaan maamulka Puntland ay ka horeyso in la ogaado cidda dhibta wadda, isla markaana Puntland ay qaadato mas’uuliyadda dagaalka ka dhacay Galgala iyo khasaaraha halkaasi shacabka ku soo gaarey sida uu yiri Atam.
Shilal khasaaro geystay oo ka dhacay Boosaaso iyo Qardho
Isniin.30-Agosto.2010{SOMAALJECEL}-Boosaaso, Shilal geystay khasaarooyin isugu jira dhimasho iyo dhaawac ayaa shalay iyo xalay ka kala dhacay deegaano hoos taga maamulka Puntland gaar ahaan degmooyinka Boosaaso iyo Qardho.
Gaari nooca xamuulka qaada ah siiba noocyada ay Soomaalidu u taqaan Waaraadka oo siday xoolo ayaa ku ku dhacay duleedka degaanka Waaciye oo ka tirsan degmada Qardho sida uu xaqiijiyay Guddoomiyaha Degmadaasi Isxaaq Axmed Xasan .
Guddoomiyuhu waxa uu sheegay in gaarigaasi uu ku rogmaday halka loo yaqaan Qayaadsame, uuna sababay khasaarooyin isugu jira dhimasho iyo dhaawac soo gaaray dadkii iyo xoolihii saarnaa intaba.
In ka badan 6-qofood ayaa ku dhaawacmay hal qofna waa uu ku guuriyooday shilkaasi, waxaana uu sheegay Guddoomiyaha in dadka dhaawaca ah loo qaaday magaalada Boosaaso halkaas oo lagu dabiibayo.
Ruuxa geeriyooday ayaa waxa uu ahaa nin ka mid ahaa rakaabibkii gaariga saarnaa, isla markaasna u dhashay dalka Itoobiya, kana soo jeeday qowmiyadda Oromada sida uu sheegay Guddoomiyaha.
Dhinaca kale shil baabur oo sababay khasaaro isugu jirta dhimasho iyo dhaawac ayaa fiidnimadii xalay ka dhacay gudaha magaaladda Boosaaso ee xarunta gobolka Bari.
Shilkan oo yimid kadib markii ay isku dheceen labo gaari oo kala ah Caandhameydle iyo Mark II ayaa waxaa ku dhintay saddex qofood oo rayid ah, saddex kalena way ku dhaawacmeen.
Labada gaari ayaa la sheegay inay ku socdeen xawaaro aad u sareeya, waxaana dadka dhintay ku jira qof haweenay ganacsi ku haysatay waddada dhinaceeda.
Wararkii ugu dambeeyay ee dagaalada Bacaadweyn iyo Camaara
Isniin.30-Agosto.2010{SOMAALJECEL}-Bacaadweyn, Xiisado dagaal ayaa weli ka taagan deegaanada Bacaadweyne iyo Camaara halkaasi oo shalay ilaa iyo maanta ay ka jiraan dhaqdhaqaaqyo dagaal oo ay sameynayaan labada maleeshiyo beeleed ee halkaasi ku dagaalamaya.
Wararkii ugu dambeeyay ee laga helayo degaannadaas ayaa sheegayo in dagaallo ay ka socdaan halkaas, iyadoo xalay ilaa iyo shalay gelinkii dambe dagaalo xooggan ay ka dheceen degaano hoos yimaada Bacaadweyne iyo Camaara.
Dagaaladaas ayaa waxay sababeen barakaca baahsan oo ay sameyanayaan qoysaska ku nool deegaannada hoos yimaada Bacaadweyne iyo Camaara kuwaas oo ka firxanaya dagaalada ka soconaya degaannadaas.
Hubka ay isweydaarsanayaan labada dhinac ayaa la sheegayaa inay gaarayaan deegaanada rayidka, taasoo sababtay barakaca dadka oo iyagu u sii kala yaacaya dhulka miyiga ah.
Dhinaca kale waxaa ka soconaya deegaanno hoos yimaada Bacaadweyne dadaalo lagu doonayo in lagu joojiyo dagaalka, maleeshiyaadka dagaalamayana lagu kala qaado, dedaalkaasoo ay wadaan Odayaal iyo culumaa’udiin ka tirsan deegaanadaasi, iyadoo sidoo kale ay baaqyo lagu dalbanayo in la joojiyo xiisadaha dagaal ee ka soconaya deegaanadaasi.
|
Muqdisho: Xafiiska Madaxweynaha Soomaaliya oo laga soo saaray Warsaxaafadeed kaalmo milateri ku dalbatay dowladda KMG
Muqdisho: Ciidamada AMISOM oo hub iyo rasaas u qeybiyey ciidamada dowladda KMG iyo kuwa Ahlusunna Waljamaaca
B/weyne: Ciidamo Itoobiyaan ah oo ku soo wajahan magaalada B/weyne
Muqdisho: Dagaalo weli ka sii soconaya qeybo ka mid ah magaalada Muqdisho
Muqdisho: Ciidamo gurmad ah oo Xisbul islaam iyo Al-shabaab ugu yimid magaalada Muqdisho
Qaahira: Mid ka mid ah madaxweynayaashii Soomaaliya oo ka hadlay dagaallada Muqdisho
Boosaaso: Dad tiro badan oo lagu qabqabtay Puntland
Galgala: Sheekh Attam oo ka hadlay dagaalladii ciidamadiisu la galeen maamulka Puntland
Boosaaso: Shilal khasaaro geystay oo ka dhacay Boosaaso iyo Qardho
Bacaadweyn: Wararkii ugu dambeeyay ee dagaalada Bacaadweyn iyo Camaara
1311|1283059800|dynamic|Wararka maanta|
Maxaa ka jira in caasimadda Soomaaliya laga bedelayo Muqdisho
Axad.29-Agosto.2010{SOMAALJECEL}-Jabuuti, Aqoonyahanno, Siyaasiyiin iyo waxgarad Soomaali ah oo ku kala nool daafaha dunida ayaa la sheegayaa inay wadaan qorshe loogu takhalusayo dowladda KMG Soomaaliya ee uu madaxweynaha ka yahay Sheekh Shariif Sheekh Axmed, qorshahaasoo ay la wadaan waddo Carbeed iyo kuwo reer Yurub ah, iyadoo sidoo kale qorshahaasi uu ku jiro in caasimadda Soomaaliya laga wareejiyo Muqdisho.
Sida laga soo xigtay aqoonyahanno ka qeyb galaya shirka la sheegay in lagu qabanayo dalka Jabuuti bishan soo socota ayaa lagu soo bandhigayaa qorshahaas, iyadoo ujeeddada shirkan lagu sheegay inay tahay sidii wax looga bedeli lahaa hanaanka dowladda KMG Soomaaliya iyo guud ahaan xaaladda dalka Soomaaliya.
Qorshahan oo loo gudbiyay dowladaha beesha caalamka gaar ahaan Maraykanka, Midowga Yurub, Q/Midoobay iyo dowladaha Carbeed ayaa la sheegay in qaar ka mid ah dalalkaasi ay ogolaadeen qaarna ay diideen.
Qodobka ugu muhiimsan ee ay soo jeediyeen aqoonyahanada qabanqaabada shirkan wadda ayaa waxaa ka mid ah in dowladda Soomaaliya oo fashilantay laga shaqeeyo sidii Soomaaliya dowlad loogu dhisim lahaa, sidoo kalena caasimadda Soomaaliya oo degi weysay laga wareejiyo magaalada Muqdisho, lagana dhigo magaalada Hargeysa oo ahayd caasimaddii labaad ee Soomaaliya, dowladdala dhisayana maamulkeeda loo gacan geliyo Somaliland, caalamkuna uu gacan weyn arrintaas ka geysto, dhammaan Hay’adaha samafalka iyo Safaaradaha adduunkana la dejiyo Hargeysa.
Ma jirto cid si rasmi ah u xaqiijinaysa jiritaanka warkan, lamana oga waxa uu ka bedeli doono shirkan la sheegayo inuu ka dhacayo dalka Jabuuti xaaladda dalka Soomaaliya, iyadoo sidoo kale aan la ogeyn in dowladda KMG ay ka war heyso qorshahan iyo in kale.
Warar is khilaafsan oo dowladda Itoobiya kaga hadashay ciidamadeeda ku sugan xuduudda Soomaaliya
Axad.29-Agosto.2010{SOMAALJECEL}-Addis Ababa, Madax ka tirsan dowladda Itoobiya ayaa siyaabo kala duwan uga hadashay xaaladda dalka Soomaaliya, gaar ahaan ciidamo dowladda Itoobiya xilligan soo geliso dalka Soomaaliya si ay gacan u siiyaan ciidamada AMISOM iyo dowladda KMG Soomaaliya.
Wasiirka Warfaafinta dowladda Itoobiya Bereket Simon ayaa wabaahinta dalkiisa u sheegay in dowladda Itoobiya aysan qorshaha ugu jirin inay faragelin ciidan ku sameyso dowladdiisa dalka Soomaaliya.
“Ma jiro go'aan ay Itoobiya ku gaartay inay ciidamo u dirto Soomaaliya, ciidamadeenuna waxay ku sugnaan doonaan xuduudaha, kama talaabi doonaan halkaas” ayuu yiri Bereket Simon.
Dhanka kale Ra'isal wasaaraha Itoobiya Meles Zenawi ayaa sheegay in ciidamadiisu ay galayaan gudaha Soomaaliya haddii ay qeyla-dhaan kaga timaado ciidamada AMISOM ee ku sugan Muqdisho, isagoo xusay in ciidamada Itoobiya aysan Soomaaliya galeynin haddii la rido xukuumadda Sheekh Shariif.
Wargeys ka soo baxa dalka Itoobiya oo lagu magacaabo Addis-Neger ayaa qoray in xukuumadda Addis Ababa ay qorsheynayso inay ciidamadeeda ka tallaabiso xuduudda ay Soomaaliya kala wadaagto Gobolada Gedo iyo Hiiraan oo ay ka taliso xarakada Al-shabaab, iyadoo wargeysku uu shaaciyey in ciidamada Itoobiya todobaadyadii ugu dambeeyay la geeyay deegaannada Feerfeer iyo Doolow si ay halkaas uga talaabaan.
Hadalladan is burinaya ee madaxda Itoobiya ka soo yeeray ayaa ku soo beegmaya xilli ciidamo aad u fara badan ay dowladda Itoobiya soo dhoobtay xadka ay la wadaagto Soomaaliya, iyadoo dorraadna ciidamo muddo kooban ku sugnaa Isgoyska Kala-bayr ee gobolka Hiiraan ay Itoobiya soo gelisay halkaas, kuwaasoo dib ugu laabtay deegaanka Feerfeer oo ku taalla xadka labada dal, halkaas oo la sheegay in todobaadyadii tagay ay Itoobiya soo dhoobtay ciidamo fara badan.
Dowladda Itoobiya ayaa laba sano faragelin ciidan ku sameysay dalka Soomaaliya, waxayna dagaalo culus la galeen xoogagii Midowga Maxkamadaha islaamiga ee diiday heshiiskii ay la saxiixdeen madaxweynaha dowladda KMG Sheekh Shariif.
Dhaqdhaqaaq ciidan oo ka jira deegaanka Kalabeyr ee gobolka Hiiraan
Axad.29-Agosto.2010{SOMAALJECEL}-Kalabeyr, Ciidamo ka tirsan dowaladda KMG Soomaaliya ayaa saakay dhaqdhaqaaqyo ciidan ka wada deegaanka kalabeyrka ee gobolka Hiiraan halkaasoo doraad ciidamo Itoobiyaan ah ay tageen.
Wararku waxa ay sheegayaan in ciidamada Soomaalida ah ee dhaqdhaqaaqa ciidan ka wada degaankaas maalintii dorraad ay hub iyo saanad kale oo ciidan u qeybiyeen saraakiil Itoobiyaan ah oo degaanka Kalabeyrka tagay.
Ciidamadaas ayaa baaraya Gaadiidka degaankaas maraya, waxayna wararku sheegayaan in ay qorsheynayaan weerar ay ku qaadaan magaalada B/weyne ee Xarunta gobolka Hiiraan si ay ugala wareegaan xoogaga Al-shabaab ee gacanta ku haya magaalada B/weyne iyo inta badan qeybaha gobolka.
Sarkaal ka tirsan Puntland oo la weeraray iyo askari toogasho lagu dilay
Axad.29-Agosto.2010{SOMAALJECEL}-Boosaaso, Wararka naga soo gaaraya magaalada Boosaaso ee xarunta Gobolka Bari ayaa sheegaya in kooxo hubeysan ay weerar ku qaadeen Taliyaha ilaalada Laanta canshuuraha ee magaalada Boosaaso.
Sida warku sheegayo C/qaadir Axmed Kheyr oo ah sarkaalka la weeraray ayaa ka badbaaday weerarkaasi kadib markii ilaaladiisa ay rasaas kala hortageen kooxda weerarka ku soo qaadday, waxaase la sheegayaa Weerarkaasi in dhaawac daran uu weerarkaasi ka soo gaaray mid ka mid ah ilaalada taliyaha.
Dhanka kale shalay ayaa waxa bartamaha magaalada Boosaaso kooxo hubeysani ay ku toogteen askari ka tirsan ciidamada maamul goboleedka Puntland, iyadoo kooxihii dilka geystayna ay baxsadeen.
Ciidamo ka tirsan maamulka magaalada Boosaaso ayaa gaaray goobta lagu dilay askariga, waxayna halkaas ka qaadeen meydkii askariga.
Ciidamada oo howlgal ka sameeyay agagaarka goobta uu dilku ka dhacay ayaan la sheegin cid ay falkaasi u qabteen, balse sida la sheegay ay ku raad joogaan soo qabashada dadkii fuliyay falka dilka ah.
Habeen hore ayay ahayd markii bartamaha magaalada Boosaaso dil loogu geeystay nin dhalinyaro ahaa, isla markaana uu dhaawac culus soo gaaray qof kale oo rayid ahaa kaasoo ku sugnaa goobta dilku ka dhacay.
Magaalada Boosaaso oo beryahan damba dilalku ku soo bateen ayaanay saraakiisha ciidamada Puntland ee magaalada Boosaaso weli wax faahfaahin ah ka bixinin dilalka kala duwan ee ka dhacay magaalada, xilli magaalada Boosaaso iyo degaannada kale ee Puntland laga musaafuriyey dadka aan u dhalan Puntland.
Wasiir ka tirsan dowladda KMG oo sheegay in uu jiro qaladaad dowladda dhexdeeda ah
Axad.29-Agosto.2010{SOMAALJECEL}-Muqdisho, C/rashiid Maxamed Xiddig oo ah Wasiiru dowlaha arrimaha gudaha dowladda KMG Soomaaliya ayaa sheegay inay jiraan dhaliilo iyo xil gudasho la'aan ka jirta dhinaca mas'uuliyiinta dowladda KMG dhexdeeda.
Waxa uu sheegay in dagaalada waqtiga badan qaatay ee ka socda Soomaaliya ay sabab u tahay dowladda KMG sida uu yiri, isagoo xusay in madaxda dowladdu ay qaaqdan waayeen go’aan lagu soo afjarayo dagaalka.
Waxa uu wasiiru dowluhu tilmaamay inuu jiro dadaal lagu doonayo in lagu saxo qaladaadka ka jira dhinaca dowladda KMG, isagoo ka gaabsaday in saddexda nin ee ugu sareysa madaxda dowladda carabaabo midka ay howshu ka socon la’dahay, laakiin wuxuu sheegay in dhawaan arrimahan oo dhan Baarlamaanka la hor keeni doono, si loo ogaado halka ay wax ka qaldan yihiin.
Dhanka kale waxa uu sheegay in kooxda Al-shabaab ay dagaalka u adeegsnayaan dhalinyaro uu ku tilmaamay in ay ka soo duufsadeen gobollada ay maamulaan, isagoo aan xusin ciidamada dowladda KMG loogu soo tababaray dalal kala duwan oo ay ku jiraan dhalinyaro fara badan.
Dowladda KMG oo ciidamo fara badan ku soo daadisay Waddada Makka Al-mukarama
Axad.29-Agosto.2010{SOMAALJECEL}-Muqdisho, Dowladda KMG ayaa bannaanka u soo saartay cutubyo ka tirsan ciidamadii Milateriga ee lagu soo tababaray dalka dibaddiisa, kuwaasoo laga soo bixiyey xeryo ay ku xareysnaayeen.
Ciidamadaas ayaa waxay dowladda KMG soo dhoobtay waddada Makka Al-mukarama oo dhaqdhaqaaqyo xoogan laga dareemayo, halkaasoo ay si aad ah uguu sii siqayaan kooxaha ka soo horjeeda dowladda.
Boqolaal ka tirsan ciidamada Milateriga ayaa shalay ilaa xalay lagu soo daadgureeyay waddada Makka Al-mukarama oo halbowle u ah isu socodka madaxda iyo saraakiisha dowladda KMG Soomaaliya iyo sidoo kale kuwa AMISOM ee Muqdisho ku sugan.
Waddadaas ayaa waxaa lagu arkayaa Gaadiid dagaal oo ciidamada dowladda KMG iyo kuwa AMISOM dusha sare ka saran yihiin, waxaana la sheegayaa in ciidamada dowladda ee waddadaas lagu soo daadiyey in laga soo saaray xerada Xalane ee fariisinka ugu weyn u ah ciidamada AMISOM, Warshaddii hore ee Nacnaca iyo deegaanka Jaziira.
Ciidamadan ayaa ahaa kuwo Dowladda ay muddooyinkii u dambeeyay u diyaar garaynaysay inay duulaan saf ballaaran oo ay ku qabsato magaalada Muqdisho ku qaadaan kooxaha dowladda ka soo horjeeda, laakiin baahida hadda muuqata ayaa noqotay in waddada kaliya ee madaxda dowladda KMG isticmaalaan ahna waddo isku xirta garoonka diyaaradaha iyo xarunta madaxtooyada ay difaacaan.
Dhinaca kale ciidamada AMISOM ayaa fariisimo cusub ka sameystay waddada Makka Al-mukarama, iyadoo ciidamadaasi ay masaafo aad u yar isu jiraan kooxaha ka soo horjeeda dowladda KMG iyo kuwa AMISOM.
Rag dil lagu xukumay oo Maxkamada Boosaaso dib loogu soo celiyay
Axad.29-Agosto.2010{SOMAALJECEL}-Boosaaso, Maxkamada darajada koowaad ee magaalada Boosaaso Gobolka Bari ayaa waxaa dib loogu soo celiyey dad gacan ku dhiigleyaal ah oo ay hore maxkamaddu ugu ku xukuntay dil toogasho ah.
Xeer ilaaliyaha guud ee maxkamadda darajada koowaad ee gobolka Bari Maxamuud Maxamed Yuusuf “Shimbir” ayaa sheegay in eedeysaneyaashaas la amray in maxkamadda dib loogu soo celiyo isla markaasna dib loo fiiriyo xukunka lagu riday, wuxuuna sheegay in maxkamadda sare ee Puntland ay soo saartay amarka dib loogu eegaayo kiisaska raggaasi.
Raggan dib loogu soo celiyay maxkamadda darajada koowaad ee maamulka Puntland ayaa gaaraya ilaa 7-qof, waxaana ku jira muwaadin u dhashay dalka Itoobiya oo isagu lagu eedeeyay inuu dil iyo dhaawac ka geystay gudaha magaaladda Boosaaso.
Xeer ilaaliyaha maxkamadda darajada koowaad ee gobolka Bari ayaa xusay in Bisha Ramadaan kadib dib loo eegi doono raggan dacwadahooda isla markaasna go’aan laga soo saari doono.
Maxkamada darajada koowaad ayaa muddo billooyin kahor dadkaan ku xukuntay dil toogasho kadib markii la horkeenay maxkamadda.
Lama oga sababta keentay in rag m,axkamadi ku xukuntay dil mar kale maxkamaddii xukuntay lagu soo celiyo si mar kale loo eego kiixka dembigooda.
Waddo muhim u ah dowladda KMG oo lagu hardamayo gacan ku heynteeda
Axad.29-Agosto.2010{SOMAALJECEL}-Muqdisho, Dowladda KMG Soomaaliya oo caasimadda Soomaaliya ee Muqdisho ka maamusho meelo aad u kooban, ayaa aad u xajisanaysa waddo muhim u ah oo ay isticmaalaan madaxda iyo saraakiisha dowladda iyo kuwa AMISOM, waddadaasoo isku xirta garoonka diyaaradaha Muqdisho iyo xarunta madaxtooyada Villa Somalia.
Waddada Makka Al-mukarama oo ah waddo muhim u ah dowladda KMG iyo AMISOM, sidoo kalena ahayd waddo u furan shacabka u kala goosha qeybo ka mid ah magaalada Muqdisho ayaa haatan waxaa ku hartamaya gacan ku heynteeda kooxaha dowladda dagaallada kala soo horjeeda iyo ciidamada dowladda KMG iyo kuwa AMISOM, iyadoo dhinacyadaasi ay haatan isku hor fadhiyaan waddadaas.
Waddadaas oo qeyb ka mid ah ay la wareegeen xoogaga Al-shabaab ayaa waxaa mar kaliya lagu soo daadiyey ciidamo aad u fara badan oo kuwa dowladda KMG iyo kuwa AMISOM, iyadoo sidoo kale ciidamada AMISOM fariisimo cusub ka sameysteen waddadaas isla markaana ay degeen Isgoyska lagu magacaabo Dabka ee halbowlaha u ah waddada Makka Al-mukarama iyo suuqa Bakaaraha oo laga soo galo halkaas.
Ciidamada dowladda KMG iyo kuwa Ahlusunna oo maalmihii la soo dhaafay ay gacantooda ka baxday waddadaas ayna ku soo siqeen ciidamada Al-shabaab ayaa haatan waxaa soo degay ciidamada AMISOM oo wata Taangiyo kuwaas oo saldhig ka sameystay waddada Dabka iyo hareeraheeda iyo dhismayaasha waddada ku hareereysan, iyadoo Taangiyada ciidamada ay ku sugan yihiin degaandega Isgoyska Dabka, iyagoo difaacaya inay waddadaasi xiranto, kadib markii xoogaga Al-shabaab ay ku soo dhawaadeen waddadaasi oo halbowle u ah isticmaalkeeda madaxda sare dowladda KMG iyo Ciidamada AMISOM.
Dadka degan degmooyinka X/weyne, X/jabab, Waaberi, Shangaani, C/casiis, Wadajir iyo Dahrkanlay oo waddadaasi ka soo geli jiray suuqa Bakaaraha ayaa haatan ka quustay inay dib u furanto waddadaas oo isku xirta isgoyska Dabka iyo suuqa Bakaaraha, waxayna haatan gaadiidka ka imaanaya degaannadaasi ay maraan waddada wareega ah ee la yiraahdo waddada warshadaha, taasoo inteeda badan xooggaga Al-shabaab ay ka taliyaan.
|
Jabuuti: Maxaa ka jira in caasimadda Soomaaliya laga bedelayo Muqdisho
Addis Ababa: Warar is khilaafsan oo dowladda Itoobiya kaga hadashay ciidamadeeda ku sugan xuduudda Soomaaliya
Jawiil: Dhaqdhaqaaq ciidan oo ka jira deegaanka Kalabeyr ee gobolka Hiiraan
Boosaaso: Sarkaal ka tirsan Puntland oo la weeraray iyo askari toogasho lagu dilay
Muqdisho: Wasiir ka tirsan dowladda KMG oo sheegay in uu jiro qaladaad dowladda dhexdeeda ah
Muqdisho: Dowladda KMG oo ciidamo fara badan ku soo daadisay Waddada Makka Al-mukarama
Boosaaso: Rag dil lagu xukumay oo Maxkamada Boosaaso dib loogu soo celiyay
Muqdisho: Waddo muhim u ah dowladda KMG oo lagu hardamayo gacan ku heynteeda
1310|1282973400|dynamic|Wararki u dambeeyay|
Guddoomiyaha Maxkamadda Hargeysa oo dil ka badbaaday(Warbixin dheer)
Sabti.28.Agosto.2010{SOMAALJECEL}-Hargeysa, Wararka naga soo gaaraya magaalada Hargeysa ee xarunta maamulka Somaliland ayaa sheegaya in Guddoomiyaha degmada Hargeysa C/rashiid Beergeel uu ka badbaaday dil ay doonayeen inay u geysteen dhalinyaro ku hubeysnaa Mindiyo.
Sida warku sheegayo Afar nin oo dhalinyaro ah oo ku hubeysan mindiyo dhaadheer ayaa maqribnimadii xalay ku weeraray suuqa weyn ee magaalada Hargeysa.
C/rashiid Beergeel oo falkaasi kadib saxaafadda Hargeysa la hadlay ayaa sheegay in niman tooriyo dhaadheer ku hubaysnaa ay isku dayeen inay dilaan, kadib markii gaarigii uu watay oo waddada laamiga taagan ay isku dayeen inay xoog ku soo fuuleen, isagoo sheegay in baastoolad uu isku difaacayay uu ku dhaacaway nin shacib ah oo ka ag dhawaa goobta weerarku ku dhex maray isaga iyo nimanka hubeysan.
“Abaaro Lixdii iyo daqiiqado markay saacaddu ahayd ayaa aniga oo doonaya in aan la soo afuro hooyaday oo xanuunsanaysa oo maraya waddada waxaan ka joogsaday Gaari bas ah oo jidka marayay, kadibna waxa i soo horjoogsaday nin ku dhawaaqay “Waa isagii…waa isagii”, nin kale oo minddi sita ayaa inta uu daaqadda hore ee gaariga iska furay ayuu kursiga hore soo fadhiistay, labo kale oo mindiyo dhaadheer oo kuwa Geela lagu qalo ah sita ayaa iyaguna daaqadaha dambe intay iska fureen gaarigii soo fuulay, daaqadihii intay xireen oo aflagaaddo iigu dhaqaaqeen ayay toorriyihii igu soo laaceen, kadibna inta aan si degdeg ah daaqadii dhinacayga isaga furay ayaan dhulka isku tuuray” ayuu yiri Guddoomiyaha Maxkamada Hargeysa C/rashiid Beergeel oo ka sheekayay sida ay wax u dheceen.
Waxa kale oo C/rashiid Beergeel intaas ku sii daray “Markii aan dhulka ku dhacay, ayaan arkay labo nin oo kale oo mindiyo dhaadheer Gaariga la bada taagan, way igu soo yaaceen, kuwii kale ee gaaariga saarnaana way soo degeen oo waxay damceen inay mindiyaha dhuunta iga geliyaan, niman sarriflayaal ah oo agtayda joogay ayaa damcay inay ii soo gurmadaan, kuwiina ninankii toorriyaha ku hubaysnaa ayaa ku yiri “car soo dhaqaaqa”, markii ay naftaydu halis gashay ayaan la soo baxay baastoolad aan sitay si aan isugu difaaco, waxaan damcay in aan nin toorri igula soo cararayay cagaha ka toogto, nasiibdarro intay labadiisa lugood ka dhex baxday ayay nin kale oo shicib ah oo meel saanbuus ku iibsanayay lugta kaga dhacday, nimankii Tooriyaha ii watayna inta baqdeen ayay iga carareen, anna waxaan gurmad u sameeyay ninkii aan dhaawaca gaarsiiyey oo aan isbitaalka geeyay”.
“Ma jirin cid ii soo gurmatay, dadkuna way I daawanayeen” ayuu yiri Guddoomiyaha Maxkamada Hargeysa C/rashiid Beergeel oo intaas ku daray inuu la xiriiray ehelada ninkii uu dhaawaca gaarsiiyey kadibna ay u yimaadeen, haatana waxaa ninka dhaawacmay su’aalo weydiinaya ciidamada Booliska, anna Booliska su’aalo ayay i weydiiyeen, markaan u tilmaamay astaamaha nimanka I dili rabay ayaa waxay ii sheegeen inay garteen oo ay yihiin tuugtii waaweynayd ee khatarta ahayd ee cafiska madaxweyne lagu soo daayay dhawaan.
Safiirkii Somalia ee dalka Zambia oo meydkiisa laga helay Musqul
Sabti.28.Agosto.2010{SOMAALJECEL}-Luzaka, Safiirkii Soomaaliya u fadhiyay dalka Zambia Cumar maxamed Cumar (Umal) ayaa Axaddii tagtay waxaa meydkiisa laga helay Musqul ku dhex taala guriga uu ka deganaa caasimadda dalkaas ee Luzaka.
Jariidadda Postzambia cadadkeedii soo baxay 26-kii bishan ee maalintii Khamiista ayaa lagu shaaciyey in marxuumka geeridiisa ay xaqiijiyeen shaqaalaha safaaradda Soomaalida ee Zambia, kuwaasoo uu u gudbiyay ciidamada Booliska.
Safiirka oo ahaa 53 sano jir ayaan la ogeyn sababta uu u geeriyooday, waxayse shaqaalaha safaaradda Soomaaliya ee dalka Zambia ay sheegeen in meydkiisa ay ka heleen musqusha xilli uu fooraray isla markaana dhiig fara badani ay ka qubanayeen sankiisa iyo afkiisa iyadoo aysan jirin cid kula wehlisay musqusha.
Taliyaha ciidamada Booliska dalka Zambia Graphael Musamba ayaa sheegay in ay baarayaan sababta uu safiirku u geeriyooday, wuxuuna xusay inay meydkiisa dhigeen isbitaalka Jaamacadda Luzaka oo lagu baarayo.
Taliyaha Boolisku wuxuu sheegay in baaritaan meydka safiirka lala sugayo xaaskiisa iyo carruurtiisa oo dalka Kanada ku sugan, iyadoo wararku sheegayaan inuu in muddo ah xanuunsanayay safiirka sida uu saxaafadda u xaqiijiyey Nin Taksiile ah oo isbitaalka u qaadi jiray beryahan dambe.
Faahfaahin dheeraad ah oo ku saabsan dagaallada Muqdisho
Sabti.28.Agosto.2010{SOMAALJECEL}-Muqdisho, Dagaallada Muqdisho oo muddo todobaad ah sii socda ayaa maanta waxaa ka jira Muqdisho xasilooni aan cago badan ku taagnayn, inkastoo labadii maalmood ee la soo dgaafay dagaallo culus oo fariisimo lagu kala qabsaday ay Muqdisho ka dhexeen.
Shalay galab ayaa waxaa dagaal xooggan oo u dhaxeeya ciidamada Ahlusunna Waljamaaca oo ay taageerayeen kuwa AMISOM iyo kuwa dowladda KMG oo dhinac ah iyo Xarkada Al-shabaab iyo Ururka Xisbul Islaam oo dhinac ah ayaa waxa ay ka dheceen degmooyinka Hodan iyo H/wadaag ee magaalada Muqdisho.
Dagaalkan oo daba joogay dagaalo maalimihii la soo dhaafay ka dhacayay magaalada Muqdisho ayaa xooggiisu waxa uu ka dhacay degmada Hodan, waxaana la xaqiijiyay in Xarakada Al-shabaab ay la wareegtay fariisimihii ciidamada Ahlusunna ay kaga sugnaayeen degmada Hodan iyo xaruntii Ahlusunna ee degmadaas oo ahayd Mowlicii Macalin Nuur, iyagoo horay ula wareegay fariisinkii ciidamada dowladda KMG ee isbaarada u tiilay inta u dhexeysa Isgoysyada Dabka iyo Bakaaraha.
Dagaalka oo muddo hal saac ka badan socday ayaa waxaa dhinac socday maadaafiic culus oo ka imaanaysay dhinaca ciidamada AMISOM, kuwaas oo Taangiyo soo dhigtay isgoysyada Dabka iyo Sayidka, iyadoo aysan jirin hadda cid u dhexeysa ciidamada AMISOM iyo kuwa Xarakada Al-shabaab, kadib markii ay ciidamadii dowladda KMG iyo kuwii Ahlusunna ay dhinaca shishe ka mareen waddada Makka Al-mukarama.
Dhinaca kale dagaalo ka dhacay degmada Boodheere ayay Xarakada Al-shabaab waxa ay kula wareegeen wasaaraddii hore ee waxbarashada sida uu sheegay afhayeenka howlgalada Al-shabaab Abuu Muscab, waxaana dhinaca kale taasi beeniyey sarkaal ka tirsan ciidamada dowladda KMG oo sheegay inaan lagala wareegin wasaaraddii waxbarashada, warkaasina uu yahay been la dhoodhoobay sida uu yiri.
Suuqa Bakaaraha ayaa maanta intiisa badan la furin inkastoo ay jiraan dukaamo iyo bakhaaro si teel teel ah u furan, waxaana jira ganacsato labadii maalmood ee dagaalku socday alaabadooda ka rartay suuqa Bakaaraha, kadib casi daran oo soo wajahday iyo dagaallada oo sii xoogeysanayay awgeed.
Dowladda KMG oo sheegtay inay diyaarisay qorshe cusub oo dagaal
Sabti.28.Agosto.2010{SOMAALJECEL}-Muqdisho, Dowladda KMG Soomaaliya ayaa shaaca ka qaadday inay si dhaqso badan wax uga qabanayso ammaanka magaalada Muqdisho.
Ra'isal wasaaraha dowladda KMG Soomaaliya Cumar C/rashiid Cali Shama'arke ayaa sheegay in dowladdiisu ay waddo qorshe cusub oo ay wax kaga qabanayso ammaanka guud ee Muqdisho iyo kan dalka oo dhan, isagoo xusay in dhawaan la bilaabi doono howlgal.
Waxa uu Ra’isal wasaaruhu sheegay inay xoogga saari doonaan sugidda ammaanka Xildhibaanada Baarlamaanka iyo xubnaha kale ee dowladda, si aanay mar kale u dhicin fal la mid ah kii lagu beegsaday Hotel Muna ee magaalada Muqdisho.
“Xoogagga naga soo horjeeda waxay doonaayaan inay huriyaan colaadda dalka ka jirta, waana taas sababta ay xukuumaddu u qaadatay go'aan ah inay sugto ammaanka” ayuu yiri Sharma'arke.
Ra'isal wasaaraha Soomaaliya wuxuu sheegay in Golaha wasiirada ay kulan ka yeesheen xaaladda nabadgalyodarro ee ka taagan dalka Soomaaliya, ayna isku raaceen in sida ugu dhaqsiyaha badan wax looga qabto ammaanka magaalada Muqdisho.
Hadalka ka soo yeeray dowladda KMG ayaa ku soo beegmaya xilli xoogagga ka soo horjeeda dowladda KMG ay ku sii siqayaan fariisimada ciidamada dowladda, isla markaana fariisimo cusub laga qabsanayo ciidamada dowladda iyo kuwa Ahlusunna Waljamaaca.
Dowladda Itoobiya oo ciidamo ku hubeysan Taangiyo soo dhoobtay xadka ay la wadaagto Soomaaliya
Sabti.28.Agosto.2010{SOMAALJECEL}-Dhagaxbuur, Wararka ka imaanaya magaalada Dhagaxbuur ee Killinka shanaad ee gobolka Soomaalida Itoobiya ayaa waxay sheegayaan in ciidamo aad u fara badan oo ku hubeysan Taangiyo nooc cusub ah ay dowladda Itoobiya geysay meel ku dhow xadka ay Itoobiya la wadaagto Soomaaliya.
Warar aan si rasmi ah loo xaqiijin ayaa sheegaya in dowladda Itoobiya oo dhaqdhaqaaq ciidan ka wadda xuduuda ay la wadaagto Soomaaliya ay sidoo kale shalay ciidamo kuweeda ah soo galeen degaanno ka tirsan gobolka Hiiraan.
Taangiyada cusub ee ciidamada Itoobiya xadka ay la wadaagto Soomaaliya soo dhoobtay ayaa lagu sheegay in ay yihiin nooca aan sida sahalka ah ku guban, kuwaasoo sida la sheegay Itoobiya ugu talo gashay in haddii ciidamadeeda galaan mar kale gudaha dalka Soomaaliya ay isticmaalaan.
Dhinaca kale meelo kale oo Degaanka Soomaalida ka mid ah ayaa iyagana laga soo sheegayaa in Taangiyo noocan oo kale ah la geeyay, iyadoo weli aan war rasmi ah laga heyn waxa loogu talagalay taangiyadan iyo howsha ay qaban doonaan.
Wasiirka Isgaarsiinta dowladda Itoobiya Bereket Simon ayaa saxaafadda u sheegay in aysan weli dowladda Itoobiya go’aan ku gaarin inay faragelin ku sameyso Soomaaliya.
Shabakadda AddisNeger oo laga leeyahay dalka Itoobiya ayaa shaacisay in Kun askari oo Itoobiyaan ah ay u gudbeen dalka Soomaaliya, iyaga oo ku wajahan deegaannada B/xaawo iyo Ceelwaaq, sidoo kalena tiro ciidamo ka badan 5 Kun askari ay ku sugan yihiin deegaanka Dooloow Itoobiya, kuwaasoo culeys saar loogu talo galay, sida shabakaddu shaacisay.
Sidoo kale ciidamo Itoobiyaan ah ayaa galay shalay degaanka Kalabeyrka ee Gobolka Hiiraan, kuwaasoo wararku ay sheegayaan in loogu talo galay in xoogga Al-shabaab ee ku wajahan Muqdisho laga soo weeciyo gobolladana culeys saar looga dhigo.
Ra’isal wasaaraha Itoobiya ayaa dhawaan sheegay in ciidamadiisu ay diyaar u yihiin inay galaan mar kale Soomaaliya haddii buu yiri ay qatar galaan ciidamada AMISOM, wuxuuna intaasi ku daray inuusan wax shaqo ah ku laheyn dowladda KMG Soomaaliya, codsigeedana aanu ku tageynin.
Nin lagu dilay bartamaha magaalada Boosaaso
Sabti.28.Agosto.2010{SOMAALJECEL}-Boosaaso, Nin rayid ahaa oo ku sugnaa goob aad u mashquul badan oo habeenkii lagu caweeyo ayaa xalay lagu dilay gudaha magaalada Boosaaso.
Dilka ninkaas oo uu geystay qof ku hubeysnaa bistoolad ayaa la sheegay inuu madaxa ka toogtay, kadibna uu baxsaday.
Goobta dilka uu ka dhacay ayaa waxaa tagay ciidamadaa Booliska magaalada Boosaaso ee gobolka Bari, kuwaasoo halkaas ka sameeyay baaritaanno mana la sheegin cid ay falkaasi u qabqabteen.
Ma aha markii ugu horreysay oo qof rayid ah lagu dilo gudaha magaalada Boosaaso, iyadoo maamulka Puntland oo horey u qabay shaki ah in dilalka ka dhaco Boosaaso iyo degaannada kale ee puntland ay ka dambeeyaan dadka reer Koonfureedka ah ee u soo barakacay Puntland ay beenowday taas kadib markii dadkaas badi laga musaafuriyay Puntland, welina ay sii socdaan dilalka iyo weerarada ka dhanka ah ciidamada iyo saraakiisha maamulka Puntland.
Ciidamo cusub oo loo daabulayo dalka Soomaaliya
Sabti.28.Agosto.2010{SOMAALJECEL}-Kampala, Ciidamo dheeraad ah oo ka socda dalka Yugandha ayaa la sheegay in la geynayo Soomaaliya, kuwaas oo gaaraya 1700 askari oo ka mid noqonaya ciidamada AMISOM ee howlgallada ka wada caasimadda Soomaaliya.
Ciidamadaas oo tababar dheeraad ah haatan looga furay dalka Yugandha ayaa waxaa la sheegayaa inuu u bilowday tababar soconayo muddo saddex bilood ah, kaas oo la xiriira howlaha ay ciidamada AMISOM u joogaan magaalada Muqdisho ee loogu yeero nabad ilaalinta.
Afhayeenka Ciidamadda dalka Yugandha Col. Felix Kulayigye ayaa sheegay in ciidamadan tababarka u furmay ay bedeli doonaan labo guuto oo ka mid ah ciidamada jooga magaalada Muqdisho tan iyo sanadkii la soo dhaafay.
Sida uu afhayeenku u sheegay Wargeyska The Daily Monitor tababarka u furmay ciidamada Yugandha ee loo dirayo Soomaaliya ayaa waxa uu qaadan doonaa saddex ilaa iyo afar bilood kahor inta aan loo daadgureyn Soomaaliya.
Khilaaf soo kala dhex galay dowladda Itoobiya iyo maamulka Somaliland
Sabti.28.Agosto.2010{SOMAALJECEL}-Hargeysa, Wararka laga helayo magaalada Hargeysa ayaa sheegaya in khilaaf cusub uu soo kala dhex galay dowladda Itoobiya iyo maamulka la baxay jamhuuriyadda Somaliland kaduib markii sida la sheegay dowladda Itoobiya ay soo saartay warbixin dhaliilaysa Xukuumadda cusub ee uu soo dhisay Axmed Siilaanyo.
Wararku waxay tibaaxayaan in Madaxweynaha maamulka Somaliland Axmed Maxamed Maxamuud (Axmed Siilaanyo) uu u hanjabay wakiilka dowladda Itoobiya u jooga magaalada Hargeysa kaasoo la sheegay inuu ka dalbaday in dowladdiisa Itoobiya ay caddeymo ka bixiso eedaymaha ay u jeedisay maamulka Somaliland, wuxuuna ku hanjabay inuu magaalada Hargeysa ka saari doono haddii uu caddeymo cad ka keeni waayo warbixintaas.
Carada uu kala dul dhacay Axmed Siilaanyo wakiilka Itoobiya ee magaalada Hargyeysa ayaa ka dambeysay kadib markii wafdi Ingiriis ah oo booqasho ku tagay magaalada Hargeysa ay soo gaarsiiyeen Axmed Siilaanyo tuhunno ay dowladda Itoobiya ka qabto xukuumaddiisa cusub.
Sida warku sheegayo Madaxwayne Siilaanyo waxa uu si adag ula hadlay Safiirka Itoobiya oo uu ka dalbaday inay dowladdiisu sharaxaad ka bixiso sababta ay tuhunnada iyo eedaymaha ula daba socoto Xukuumaddiisa, taas oo sida la sheegay uu Safiirkuna ka gaabsaday inuu faahfaahin ka bixiyo.
Siilaanyo ayaa la sheegay inuu ka biyo diiday dhaqdhaqaaqyada Itoobiya ee ku wajahan Xukuumadda Somaliland, waxaana la sheegay in arrinta ay sii murjisay dalab ay Xukuumadda Itoobiya kaga dalbatay Madaxwayne siilanyo inuu Itoobiya ku tago, taas oo dhowr jeer oo hore uu ka gaabsaday, balse hadda ay cadaadis ku saarayso inuu aqbalo si ay wax uga waydiiyaan arrimaha ay ka shakisan yihiin ee ku gedaaman Xukuumadiisa.
Maamulada Puntland iyo Somaliland oo si isku mid ah uga hadlay dagaalada ka socda magaalada Muqdisho
Sabti.28.Agosto.2010{SOMAALJECEL}-garowe, Maamulada Puntland iyo Somaliland ayaa ka hadlay dagaalada ka socda magaalada Muqdisho ee u dhaxeeya ciidamada dowladda KMG iyo xoogagga ka soo horjeeda.
Madaxweynaha maamulka C/raxmaan Maxamed Faroole ayaa ugu baaqay dowladda KMG Soomaaliya inay dalka ka difaaco Ururada ka soo horjeeda, isla markaasna ay sugto ammaanka dadweynaha ku nool goobaha ay gacanta ku heyso.
Mr. Faroole waxa uu ugu baaqay dowladda KMG inay dalka ka soo saarto kooxaha ka soo horjeeda, wuxuuna sheegay inuu si aad ugu xunyahay qarixii ka dhacay Hotelka Munna ee magaalada Muqdisho ee lagu dilay Xidhibaano iyo saraakiil ka tirsan dowladda KMG.
Dhinaca kale maamulka Somaliland ayaa markii ugu horeysay waxa ay ka hadashay dagaalada ka socda magaalada Muqdisho, waxayna sheegtay inay si aad ah ugu xun tahay dhibaatada ka taagan.
Wasiirka wasaaradda arrimaha dibadda maamulka Somaliland Maxamed Cabdilaahi Cumar ayaa sheegay in maamulkiisu uu ka xun yahay dagaalada ka socda Muqdisho uuna ugu baaqayo dhinacyada isaga soo horjeeda dagaalka ee ku loolamaya gacan ku heynta magaalada Muqdishi inay dagaalka joojiyaan oo ay wadahadlaan.
“Mushkiladda dhinaca nabadgalyada ah ee muddada dheer ka taagan Soomaaliya waa arrin aanu aad iyo aad uga xunahay haddii aanu nahay Somaliland, dowlad ahaan, umad ahaan iyo qaran ahaanba, waxaanuna aaminsanahay in arrimtaasi ay tahay arrin aan loo baahneyn, loona baahan yahay inay si wada jir ah wax ugu qabtaan dhibaatada heysata shacabka Soomaaliyeed” ayuu yiri Maxamed C/llaahi Cumar.
Ciidamadii Itoobiyaanka ee deegaanka Kalabeyr ee gobolka Hiiraan oo dib u laabtay
Sabti.28.Agosto.2010{SOMAALJECEL}-B/weyne, Wararka naga soo gaaraya magaalada B/weyne ee xarunta Gobolka Hiiraan ayaa sheegaya in deegaanka Kala-beyr oo khiyaastii 30-km ka xiga dhinaca waqooyi ee magaalada B/weyne ay shalay gaareen ciidamo Itoobiyaan ah oo watay gaadiidka dagaalka, kuwaas oo fariisin ka sameystay goobtaasi.
Sida warku sheegayo ciidamada Itoobiya ee halkaasi fariisinka ka sameystay ayaa waxaa wehliyay ciidamo ka tirsan kuwa dowladda KMG Soomaaliya, waxaana la sheegay in wax yar kadib ay dib ugu laabteen goobihii ay markii hore ka yimaadeen, iyadoo markaasi kadibna ay halkaasi gaareen ciidamo daacad u ah Xarakada Al-shabaab.
“Waxaan arkay ciidamo Itoobiyaan ah oo ku hubeysan gadiidka dagaalka isku fidiyay isgoyska Kala-beyr mar marka qaarna gadiidka ayay joojinayeen” ayuu yiri mid ka mid ah darawalada gadiidka xamuulka ah oo la hadlay warbaahinta isagoo sidoo kale sheegay in ciidamadaasi ay dib uga bexeen degaankaas.
Lama oga sababaha rasmiga ah ee ay ciidamada Itoobiya halkaasi u yimaadeen iyo waxyaabaha keenay inay durbadii dib ugu laabtaan goobihii ay markii hore ka yimaadeen, waxaase la ogyahay in dhowr jeer oo hore halkaasi yimaadeen.
Bandow lagu soo rogay degmada Caabudwaaq iyo dagaal ka socda Camaara
Sabti.28.Agosto.2010{SOMAALJECEL}-C/waaq, Maamulka Ahlusunna Waljameeca ayaa ka dhaqan geliyay bandow degmada Caabudwaaq ee gobalka Galgaduud.
Bandowgan oo dhaqan galay habeenkii xalay ayaa waxaa ka hadlay Taliyaha ciidamada Ahlusunna ee degmada Caabudwaaq oo sheegay ujeeddada bandowga ay tahay si loo xaqiijiyo ammaanka iyo nabadgelyada magaalada.
Ciidamada Ahlusunna ayaa beryihii u dambeeyay kordhiyay howlgalada ammaanka la xiriira gudaha degmada Caabudwaaq iyo deegaano kale oo ka tirsan gobalka Galgaduud.
Dhanka kale, dagaal beeleed ayaa lagu soo waramayaa inuu ka bilowday deegaanada Camaara iyo Bacadweyn, halkaasoo beelo wada dega ay ku dagaalamayaan, iyadoo dagaalku sii xoogeysanayo.
Dagaalka ka socda degaannadaas ayaa waxa uu daba joogaa dagaalo marar badan ku dhex maray labadaas beelooood deegaanadaasi, inkastoo mar lagu guuleystay in heshiis la dhex dhigo, mana la oga haatan waxa dagaalka dhaliyey.
|
Hargeysa: Guddoomiyaha Maxkamadda Hargeysa oo dil ka badbaaday (Warbixin dheer)
Luzaka: Safiirkii Somalia ee dalka Zambia oo meydkiisa laga helay Musqul
Muqdisho: Faahfaahin dheeraad ah oo ku saabsan dagaallada Muqdisho
Muqdisho: Dowladda KMG oo sheegtay inay diyaarisay qorshe cusub oo dagaal
Hargeysa: Khilaaf soo kala dhex galay dowladda Itoobiya iyo maamulka Somaliland
Dhagaxbuur: Dowladda Itoobiya oo ciidamo ku hubeysan Taangiyo soo dhoobtay xadka ay la wadaagto Soomaaliya
Boosaaso: Nin lagu dilay bartamaha magaalada Boosaaso
Kampala: Ciidamo cusub oo loo daabulayo dalka Soomaaliya
Garowe: Maamulada Puntland iyo Somaliland oo si isku mid ah uga hadlay dagaalada ka socda magaalada Muqdisho
B/weyne: Ciidamadii Itoobiyaanka ee deegaanka Kalabeyr tagay oo dib u laabtay
C/waaq: Bandow lagu soo rogay degmada Caabudwaaq iyo dagaal ka socda Camaara
1309|1282800600|dynamic|Wararka maanta|
Faahfaahin ku saabsan dagaalada Muqdisho ka socda
Khamiis.26-Agosto.2010{SOMAALJECEL}-Muqdisho, Dagaalo qaraar oo galay maalintii afaraad ayaa ka socda magaalada Muqdisho, kuwaas oo u dhaxeeya ciidamada dowladda KMG, AMISOM iyo kuwa Ahlusunna oo isku dhinac iyo xoogagga ka soo horjeeda oo dhinac ah, waxaana dagaaladaasi saddexdii maamood ee tagtay ku dhintay 90-ruux in ka badan 200 ruux oo kalena waxaa ka soo gaaray dhaawacyo kala duwan.
Dagaalkii shalay oo ah mid ka xooggan kuwii labadii maalmood ee hore ka dhacay Muqdisho ayaa waxaa si toos ah uga qeyb qaadanayay ciidamada AMISOM oo wata gaadiidka dagaalka, sida Kaarayaasha, kuwaas oo madaafiic xoog badan ku garaacay qeybo badan oo ka mid ah magaalada Muqdisho oo ay ugu darneyd Suuqa Bakaaraha iyo agagaarkiisa.
Suuqa ayaa gebi ahaan shalay iyo doraad fumin, waxaana waddooyinka soo gala suuqa ay ahaayeen kuwo haawanaya oo cidlo ah, iyadoo madaafiicdana sida roobkii oo kale ugu socotay gudaha Suuqa Bakaaraha, waxayna arrinta la yaabka aheyd iyadoo shalay sida xabadaha yaryar ee Wiiftada ay xabadaha Taangigu noqdeen, kadib markii ciidamada AMISOM ay xabadda Taangiga ku ridayeen qofkii ay inshoodu qabato iyo gaarigii ay arkaan isagoo meel maraya, waxaana madaafiicdaasi ay dad badan ku dishay gudaha Suuqa Bakaaraha, sidoo kale waxay ku dhacday gaadiid uu dad saaranaa.
Dhanka kale dagaal xooggan ayaa xalay saq dhexe waxa ay ka dheceen Ex.Koontarool Afgooye oo ah Koontaroo ay ciidamada dowladda KMG lacago uga qaataan gaadiidka BL-ka iyo kuwa xamuulka qaada.
Dagaalkaa oo ahaa mid aad u culus oo socday ugu yaraan laba saacadood oo xariir ah ayaa u dhexeeyay xooggaga Al-shabaab iyo kuwa dowladda KMG oo isu adeegsaday Madaafiic iyo hub kale.
Dhimashada 7 askari oo labada dhinac ah iyo dhaawaca 12 ka badan ayaa la xaqiijiyey in ay kala gareen labada dhinac oo xalay meel banaan ah isku helay, iyadoo saakayna isgoyska uu yaalay meydka hal askari oo la sheegay in ciidamada Al-shabaab uu ka tirsanaa.
Ciidamo ka tirsan dowladda KMG Soomaaliya oo aad u fara badan ayaa la soo dhoobay saakay agagaarka xeradii hore ee ciidamadii Asluubta oo ku taala agagaarka Ex.Koontarool Afgooye halkaasi oo ah goobta ugu badan oo dagaaladii xalay khasaaraha fara badan ka dhashay uu ka dhaca dhex maray labadaasi dhinac.
Isku socodka wadada Afgooye iyo Muqdisho saaka wax saamayn ah kuma yeelan dagaaladii xalay dhex maray Ciidamada dowladda KMG iyo kuwa Alshabaab oo weerarka dhanka KM 13 ka soo qaadeen.
Dhinacyada uu dagaalku u dhaxeeyo ayaa guulo ka kala sheegtay, waxaana afhayeeno u kala hadlay Xarakada Al-shabaab iyo Ururka Xisbul Islaam ay sheegeen in dagaalka ay guulo waaweyn ka soo hoyeen, isla markaasna fariisimo badan oo ay ku sugnaayeen ciidamada dowladda KMG iyo kuwa Ahlu Sunna ay gacantoodu soo gashay sidoo kalena ay hareeraysan yihiin fariismo ay leeyihiin ciidamada AMISOM, ayna qabsadeen qeyb ahaan waddada Maka Al-mukarama.
Dhinaca kale afhayeen u hadlay dowladda KMG ayaa sheegay inaysan waxba ka jirin sheegashooyinka ka soo yeeraya kooxaha ka soo horjeeda, isla markaasna ay ciidamadoodu ku sugan yihiin goobihii ay horay ugu sugnaayeen, isla markaasna ay horumar ka sameeyeen dagaalka oo ay ku sii siqeen goobo ay ku sugnaayeen kooxaha ka soo horjeeda.
Dhanka kale maanta oo dagaalku goos goos yahay ayaa waxaa jira madaafiic ku dhacayso xaafadaha magaalada Muqdisho, iyadoo qeybo ka mid ah suuqa Bakaaraha ay dhowr madaafiic ku dhacday.
Madaxweynaha Soomaaliya oo loogu baaqay inuu is casilo.
Khamiis.26-Agosto.2010{SOMAALJECEL}-Muqdisho, Madaxweynaha dowladda KMG Soomaaliya Sheekh Shariif Sheekh Axmed ayaa waxaa soo wajahday dhowr caqabadood oo dhanka hogaanka Soomaaliya sii heynteeda ah, isagoo loogu baaqay inuu gebi ahaanba iska casilo xilka madaxtinimada Soomaaliya.
Qaar ka mid ah Xildhibaannada iyo xubno horay Wasiiro uga soo noqday Xukuumada Cumar C/rashiid Cali Sharmaarke oo siyaabooyin kala duwan warfidiyeenadu uga hadleen ayaa waxay ugu baaqeen Madaxweynaha dowladda KMG ee Soomaaliya Sheekh Shariif Sheekh Axmed in uu iska casilo xilka, maadaama wax la taaban karo uu muuqda uusan qaban marka laga reebo dhowr dharbaaxo kulul oo ku dhacday dowladdiisa.
Mas’uuliyiinta baaqan u jeediyey Sheekh Shariif waxaa ka mid ah Prof. Gaandi oo horay u soo noqday Wasiirkii Gaashaandhiga iyo Xidlhibaanad Seynab Maxamad Caamir waxayna shegeen Sheekh Shariif dowladdiisu ay ilaalin weysay amaanka xildhibaanada ku nool degmooyinka fara ku tiriska ah oo ay dowladda KMG maamusho, arrintaasina ay tahay mid meel ka dhac ku ah jiritaanka dowladda KMG Soomaaliya.
Sidoo kale waxay ku eedeeyeen madaxweynaha inuu ku mashquulay safaro iyo socdaalo aan natiijo lahayn oo uu dalka dibaddiisa isaga kala gooshayay waqtiyo is xig xiga iyagoo sheegay in intii uu xilka hayay aanu waxba soo kordhinin.
Ma aha markii ugu horreysay oo madaxweyne Sheekh Shariif Sheekh Axmed cadaadis lagu saaro in uu xilka ka dego, waxaana jira baaqyo kale oo caalami ah oo madaxweynaha loogu baaqayo inuu si sharuud la’aan ah isaga dago xilka Soomaaliya maadaama uu noqday madaxweyne tabar u waayay maaraynta xaaladda dalka Soomaaliya.
Ganacsiga Suuqa Bakaaraha iyo qaar ka mid ah waddooyinka magaalada Muqdisho oo maalintii Afaraad xiran.
Khamiis.26-Agosto.2010{SOMAALJECEL}-Muqdisho, Waxaa maalintii Afaraad gebi ahaanba xiran ganacsiga Suuqa weyn ee Bakaaraha ee magaalada Muqdisho, kadib saamayn suuqa ku yeeshay dagaalada iyo duqeymaha ka holcaya magaalada.
Dagaalada socda afarta maalmood oo galaaftay nolosha dad rayid ah oo aad u fara badan ayaa haddana waxay sababeen in ay xirmaan goobaha Ganacsiga, Waxbarashada iyo waddooyinka Gaadiidka BL-ka iyo kuwa kale ee yar yar ay mari jireen, iyagoo sidoo kale sababay dagaallada barakac baahsan.
Qaar ka mid ah ganacsatada Suuqa Bakaaraha oo warbaahinta la hadleen ayaa waxay sheegeen in maanta ay u tahay maalintii afaraad oo aysan furin goobahooda ganacsiga Suuqa Bakaaraha, kadib saamayn ay ku yeesheen dagaalada Muqdisho ka socda.
Sidoo kale wadayaasha gaadiidka BL-ka ee isticmaali jiray waddada Maka Al-Mukarama ee magaalada Muqdisho ayaa waxay sheegeen in maanta ku afar waddadaasi aysan marin wax gaadiid ah, kadib saamayn ay ku yeelatay dagaalada culus ee ka socda magaalada Muqdisho.
Ma ahan markii ugu horraysay oo dagaallo iyo duqeymo ay ka dhacaan magaalada Muqdisho laakiin kuwani ayaa waxay noqdeen kuwii ugu adkaa uguna khasaaraha badnaa muddooyinkan dambe.
Taliska Ciidamada Booliska dowladda KMG oo soo bandhigay Meydka Nin ay sheegeen inuu ka mid ahaa Xarakada Al-shabaab.
Khamiis.26-Agosto.2010{SOMAALJECEL}-Muqdisho, Afhayeenka Ciidamada Booliska dowladda KMG Soomaaliya G/sare C/llaahi Xasan Bariise oo saxaafada kula hadlay degmada Waabari ee magaalada Muqdisho ayaa soo bandhigay meydka nin ay sheegeen in uu ka mid ahaa Xarakada Al-shabaab.
Afhayeenku waxa uu sheegay ninkan iyo kooxo kale ay xalay weerar ku soo qaadeen Saldhiga ciidamada dowladda KMG degmada Waabari, kadibna iska caabin ay kala kulmeen ciidamada dowladda KMG taasoo sababtay buu yiri dhimashada nin ka mid ahaa Xarakada Al-shabaab oo ah meydka uu taliska soo bandhigay.
Xarakada Al-shabaab ayaan ka hadlin meydka dowladda KMG saaka soo bandhigtay oo ay ku sheegtay inuu ka mid ahaa ciidamada Al-shabaab.
Ma ahan markii ugu horaysay taliska Ciidamada Booliska dowladda KMG soo bandhigo meydka qof ay sheegeen inuu ka mid yahay dhinacyada ka soo horjeeda dowladda.
Magaalada Boorama oo uu dhul gariir xooggan uu gilgilay
Khamiis.26-Agosto.2010{SOMAALJECEL}-Boorame, Wararka naga soo gaaraya magaalada Boorama ayaa waxay sheegayaan in dhul gariir aad u xoog badan uu ruxay magaaladaas iyo nawaaxigeeda maalintii dorraad.
Dhul gariirkan ayaa waxaa laga dareemay magaalada xilli u dhaxaysa Salaadda Duhur iyo Tan casar dhexdooda, waxaana la sheegay in uu ahaa mid aad u xoog badan, iyadoo mar qura laga dareemay ruxanka dhul gariirka Albaabada, Daaqadaha, iyo Jiingadaha Guryaha.
Dhul gariirkan ayaan wax khasaare ah geysan marka laga reebo waxoogaaga dadku ay ka naxeen ruxanka dhulka, taas oo cabsi weyn ku abuurtay dadka ku nool magaalada Boorama.
Xildhibaano eedeeyay madaxda dowladda KMG iyo mid is casilay
Khamiis.26-Agosto.2010{SOMAALJECEL}-Muqdisho, Xildhibaanno ka tirsan Baarlamaanka Soomaaliya ayaa ku eedeeyay madaxda dowladda KMG Soomaaliya inay mas'uul ka yihiin weerarkii doraad lagu qaaday Hotel Muna ee lagu dilay dadka faraha badan kuwo kalena lagu dhaawacay.
“Weerarkii dhacay wuxuu ku yimid dayacaadda madaxda dalka ay dayaceen inay xil iska saaraan ammaanka xildhibaannada, waxaana mas'uul ka ah iyaga” ayuu yiri Xildhibaan Cismaan Cilmi Boqorre oo la hadlay saxaafadda weerarka ka dib.
Xildhibaanku wuxuu sheegay in madaxda dowladda ay iyagu ammaankooda sugaan, ayna dayaceen ammaanka xildhibaanada uuna filayay inay tan oo kale dhici doonto, wuxuuna ku boorriyey xildhibaanada inay ka tashadaan ammaankooda.
Sidoo kale shir jaraa'id oo ay Hotelka Munna ku qabteen mudanayaal ka badbaaday weerarka iyo kuwo kale ayaa ku eedeeyay madaxda dowaldda inay dayaceen ammaankooda, ayna ka fikireen ammaanka xurumahooda oo keliya.
Dhinaca kale Mudane ka tirsan Baarlamaanka oo lagu magacaabo Cali C/llaahi Xasan {Cali Ganey} ayaa isagoo ku sugan dalka Norway waxa uu sheegay inuu iska casilyay xilkiisii, ka dib markii uu arkay xaaladda dalka ka taagan.
“Markaan arkay xaaladda dalka ka taagan iyo in dowladdu ay ku fashilantay wax ka qabashada dhinacyada ammaanka iyo dib u heshiisiinta ayaan go'aansaday inaan iska casilo xubinnimadii Baarlamaanka Soomaaliya waayo waxba kama bedeli karno xaaladda sida ay hadda tahay, waadna arkeysaan in la leynayo xildhibaanadii iskaba daa inay dowladdu ay wax kale qabatee” ayuu yiri xildhibaankan.
Macgacyadii Xildhibaanadii ku geeriyooday weerarkii Hotel Munna iyo kuwii dhaacmay
Khamiis.26-Agosto.2010{SOMAALJECEL}-Muqdisho, Warsaxaafadeed ay soo saartay wasaaradda warfaafinta ee dowladda KMG Soomaaliya ayaa lagu soo bandhigay magacyada xildhibaannadii Baarlamaanka ee maalintii doraad ku geeriyooday iyo kuwii ku dhaawacmay weerarkii ka dhacay Hotel Muna oo ku yaala degmada Xamar wayne ee magaalada Muqdisho.
Magacyada xildhibaanadii ku geeriyooday weerarkaasi waxaa ka mid ahaa:- Maxamed Xasan Maxamed Nuur, Geeddi Cabdi Gadiid, Buulle Xasan Macalin iyo Idiris Muuse Cilmi.
Dhinaca kale xildhibaanada ku dhaawacmay weerarkaas ayaa magacyadooda lagu kala sheegay Cali C/qaadir Macalin, Cali Maxamuud Cabdi, Axmed Sheekh Maxamed Maxamuud, Maxamed Caateeye Fariid iyo Isaaq Ibraahim Cali, iyadoo sidoo kale warsaxaafadeedka ka soo baxay wasaaradda warfaafinta dowladda KMG lagu sheegay in Maxamed Caateye iyo Isaaq Ibraahim Cali laga soo saaray Isbitaalka haatanna ay caafimaad qabaan.
Sheekh Shariif oo sheegay in dowladdiisu ay qorshe cusub heyso
Khamiis.26-Agosto.2010{SOMAALJECEL}-Muqdisho, Madaxweynaha dowladda KMG Soomaaliya Sheekh Shariif Sheekh Axmed ayaa sheegay in Al-shabaab iyo kooxaha ku fikirka ah ay bilaabeen sida uu yiri qidado cusub oo ay ku waxyeelaynayaan mas’uuliyiinta dowladda KMG iyo shacbiga Soomaaliyeed, wuxuuna sheegay in ciidanka xoogga dalka Soomaaliyeed ay sameynayaan isbedel weyn oo dhinaca Amniga ah si buu yiri loo ilaaliyo shacabka kooxaha xiriirka la leh Al-Qaacida.
Waxa uu madaxweynuhu sheegay in Saraakiisha Ciidanka dowladda KMG ay soo gudbiyeen qorshe cusub oo ay xukuumaddu gacanta ku hayso, isla markaana uu rajeynayo in uu u dhaqangalo sida ugu dhaqsaha badan, qorshahaasoo uusan sheegin waxa uu yahay.
Madaxweyne Sheekh Shariif ayaa dhanka kale sheegay in Saraakiishu ay u sheegeen inay la shaqeyn waayeen Milkiilayaasha Hoteellada, isla markaasna ay dhowr jeer isku dayeen inay gacan ka siiyaan si ay u gutaan waajibkooda, wuxuuna sheegay wixii ka dambeeyay falkaasi in loo arki doono ciddii gacan ka gaysan weysa sugidda amniga mas’uuliyiinta dowladda iyo Shacabka Soomaaliyeedba inay qeyb ka yihiin falalka lagu dhibaataynayo Ummadda Soomaaliyeed gaar ahaan mas’uuliyiinta dowladda KMG oo ugu horeeyaan Xildhibaanada sida uu yiri.
|
Muqdisho: Faahfaahin ku saabsan dagaalada Muqdisho ka socda
Muqdisho: Sheekh Shariif oo sheegay in dowladdiisu ay qorshe cusub heyso
Muqdisho: Ganacsiga Suuqa Bakaaraha iyo qaar ka mid ah waddooyinka magaalada Muqdisho oo maalintii Afaraad xiran
Muqdisho: Madaxweynaha Soomaaliya oo loogu baaqay inuu is casilo
Muqdisho: Taliska Ciidamada Booliska dowladda KMG oo soo bandhigay Meydka Nin ay sheegeen inuu ka mid ahaa Xarakada Al-shabaab
Boorame: Magaalada Boorama oo uu dhul gariir xooggan gilgilay
Muqdisho: Xildhibaanno eedeeyay madaxda dowladda KMG iyo mid is casilay
Muqdisho: Macgacyadii Xildhibaanadii ku geeriyooday weerarkii Hotel Munna iyo kuwii dhaacmay
1308|1282627800|dynamic|Wararkii u dambeeyay|
Madaxweyne Sheekh Shariif oo ka hadlay dagaallada Muqdisho iyo xasuuqii loo gteystay xildhibaannada
Talaado.24-Agosto.2010{SOMAALJECEL}-Muqdisho, Madaxweynaha dowladda KMG Soomaaliya Sheekh Shariif Sheekh Axmed ayaa maanta ka hadlay dagaallada ka socda magaalada Muqdisho iyo sidoo kale mashaqada lagu laayay xubno ka tirsan dowladda KMG ee ka dhacday Hotelka ku yaala degmada X/weyne ee magaalada Muqdisho.
Madaxweynuhu wuxuu ugu horreyn tacsi u diray ehalada dadkii ku geeriyooday weerarkii iyo qaraxyadii maanta ka dhacay Magaalada Muqdisho, wuxuuna sheegay in dhacdadii maanta ay sameeyeen Al-shabaab ay tahay wax aan loo dulqaadan karin, isla markaana aan indhaha laga qarsan karin.
Waxa uu madaxweyne Shariif sheegay in tani ay soo afjartay wadahadlkii dowladda KMG ay in muddo ah ugu baaqeysay xarakada Al-Shabaab iyo ururka Xisbul Islaam, isagoo sheegay in wixii maanta ka dambeeya ay dowladda ka go’antahay la dagaalanka Al-shababa iyo Xisbul Islaam, isagoo xusay inay u adeegsanayaan awood walba oo ay waddamada caalamka ka helaan.
Waxa uu sheegay inuu si aad ah uga xun yahay in dad sheeganaya magaca diinta Islaamka ay iyadoo lagu jiro bil Ramadaan ay daadiyaan dhiiga dad muslimiin ah oo aad u tiro badan isla markaana Soomanaa.
Waxa uu madaxweyne Shariif ugu baaqay dhammaan ciidamada qalabka sida ee dowladda KMG Soomaaliya, in wixii xiligaan ka dambeeya ay bilaabaan la dagaalanka xoogaga dowladda ka soo horjeeda.
Waxa uu shariif ugu baaqay shacabka Soomaaliyeed gaar ahaan ganacsatada iyo dadka wax heysta inay gargaar u fidiyaan dadka dhibaateysan ee ku sugan gudaha iyo daafaha magaalada Muqdisho.
Faahfaahin dheeraad ah oo ku saabsan xildhibaanno iyo saraakiil ciidan oo Muqdisho lagu dilay
Talaado.24-Agosto.2010{SOMAALJECEL}-Muqdisho, Labo nin oo hubeysan isla markaana ka tirsan xarakada Al-shabaab ayaa ku dhawaad 40 ruux oo ay ku jiraan xildhibaanno iyo saraakiil ciidan ku dilay magaalada Muqdisho.
Labadaas nin ee hubeysan ayaa si fudud gudaha ugu galay Hotelka lagu magacaabo Muna oo ku yaala degmada X/weyne ee magaalada Muqdisho, kaasoo ay deganaayeen xildhibaanno iyo saraakiil ciidamada dowladda ka tirsan kadib markii ay ku lebisteen dareeska ciidamada dowladda KMG iyagoo loo maleeyay inay askarta dowladda ka tirsan yihiin.
Waxa ay isla markiiba labada nin u tallaabeen barxadda Hotelka kadibna waxa ay rasaas ku bilaabeen xildhibaanno iyo saraakiil ciidan oo kuraasta Hotelka fadhiyay, iyadoo markii rasaastu gabaabsi ku noqotayna sameeyay qarax is miidaamin ah oo sababtay dhimashada ugu badan ee ka dhacday Hotelka oo qeyb ka mid ah burbur xooggani uu soo gaaray.
kadibna qarax ismiidaamin ah sameeyay ayaa waxaa ku geeriyooday tiro ka badan 30 qofood oo ay ku jiraan xildhibaanno, saraakiil, askar iyo dad shaqaalo ah iyadoo dhaawac fara badanna uu jiro.
Dowladda KMG ayaa iyadu xaqiijisay in raga ku dhintay Hotelka ay gaarayaan 33 nin oo sida ay sheegeen ay ku jireen Lixm xildhibaan iyo Shan sarkaal ciidan.
Ra’isal wasaare ku-xigeenka dowladda KMG ahna Wasiirka kalluumeysiga iyo kheyraadka Badda ee dowladda KMG C/raxmaan Ibbi oo shir jaraa’id ku qabtay Hotelka ay mashaqadani ka dhacday ayaa saxaafadda u sheegay in isu geyn dadka dhintay ay gaarayaan 33 qofood oo sida uu sheegay Labo ka mid ahi yihiin raggii falka geystay, sidoo kalena Lix yihiin xildhibaanno, Shan saraakiil ciidan, hal askari iyo dad shaqaale ah.
Inkastoo tirada dhimashada iyo dhaawaca ay ka badan karto inta uu sheegay wasiirka ayaa haddana saxaafadda waxaa loo diiday inay galaan Hotelka inta meydadku ay yaaleen, waxaana loo fasaxay mar dambe oo meydadka iyo dhaawaca la qaaday, iyadoo wasiirku uu sheegay in hal xildhibaan oo ka mid ah dadkii dhaawacmay uu dhaawiciisu daran yahay.
Dhanka kale Xarakada Al-shabaab ayaa shaaca ka qaadday inay falkaasi iyadu ka dambeysay, waxaana saxaafadda shir jaraa’id u qabtay Afhayeenka Xarakada Al-shabaab Sheekh Cali Maxamuud Raage (Sh.Cali Dheere) oo sheegay in Hotelka Muna oo ay deganaayeen xildhibaanno ay galeen sida uu sheegay ciidamo si gaar ah u qabay tababar, kuwaasoo uu xusay inay dileen 60 ilaa 70 ruux oo sida uu sheegay isugu jira xildhibaanno, wasiirro iyo saraakiil ciidamada nabad sugidda ah, isagoo sheegay inaysan halkaasi ku jirin wax shacab ah.
Sheekh Cali Dheere waxa kale oo uu sheegay in wixii faahfaah dheeraad ee ka soo baxa weerarkaasi ay saxaafadda u soo gudbin doonaan haddii uu Alle idmo.
Ururka Xisbul islaam oo guulo ka sheegtay dagaalladii maanta
Talaado.24-Agosto.2010{SOMAALJECEL}-Muqdisho, Ururka Xisbul oo dagaallada ka socda magaalada Muqdisho qeyb ka ah ayaa maanta sheegay inay dagaalladaasi guulo ka gaareen, isla markaana ay dileen labo askari oo Yugandheys ah, gaari kuwa ciidamada dowladda KMG-na ay gubeen.
Afhayeenka howlgallada ururka Xisbul Islaam Maxamed Cusmaan Caruus oo shir jaraa’id maanta ku qabtay magaalada Muqdisho ayaa sheegay in dagaallada ay la galeen ciidamada dowladda KMG iyo kuwa AMISOM ay guulo wax ku ool ah ka gaareen, isla markaana ay ku dhibaateeyeen ciidamada Yugandha iyo kuwa dowladda KMG.
“Waxaan ummadda Soomaaliyeed ugu bishaareynayaa in ciidamada ku soo duulay dalkeena aan u geysanay jab iyo halaag, waxayna ciidamada Xisbul Islaam ee dagaallada kula jira ciidamadaasi dileen Labo askari oo meydkooda uu yaalo agagaarka gurigii C/qaasim Salaad ee ku djhow Km.4, sidoo kalena waxaan ciidamada dowladda KMG ka gubnay Gaari ay wateen iyo ciidamadii saarnaa” ayuu yiri Afhayeenka howlgallada Xisbul islaam.
Isgoyska KM.4 ayuu sheegay inay tageen ciidamada Xisbul islaam halkaasoo fariisin ay ku leeyihiin ciidamada Yugandha ee AMISOM, isagoo sidoo kale xusay inay la wareegeen fariisimo ay horey ugu sugnaayeen ciidamada dowladda KMG Soomaaliya.
Warbixin ku saabsan dagaalo xooggan oo Shalay ilaa maanta ka soconaya magaalada Muqdisho
Talaado.24-Agosto.2010{SOMAALJECEL}-Muqdisho, Dagaalo culus oo shalay ka bilowday qeybo ka mid ah magaalada Muqdisho ayaa sababay dhimashada dad ka badan 40 ruux iyo dhaawaca ku dhawaad 100-ruux.
Dagaalka oo u dhaxeeya ciidamada dowladda KMG, Ahlusunna Waljamaaca iyo ciidamada AMISOM oo isku dhinac ah iyo Xarakada Mujaahidiinta Al-shabaab oo dhinac ah ayaa waxa uu bilowday kadib salaaddii casir ee shalay kadib xilli uu afhayeenka guud ee Al-shabaab Sheekh Cali Dheere uu ku dhawaaqay bilowga dagaalka.
Dagaalka ayaa waxa uu shalay isku mar ka bilowday fariisimo ay labada dhinac ku kala leeyihiin degmooyinka Hodan, H/wadaag, Boondheere iyo degmooyin kale oo ka mid ah kuwa ay isku horfadhiyaan dhinacyada iska soo horjeeda, waxaana rasaasta yaryar iyo tan waaweyn si weyn looga maqlayay qeybo badan oo ka mid ah xaafadaha magaalada Muqdisho, iyadoo madaafiicda culus ay badi dadka leysay.
Degmooyinka dagaalku ka socdo iyo kuwa aanay ka socon ayaa si isku mid ahi dagaallada ay u saameeyeen iyadoo madaafiic sida darandooriga u dheceysay ay xaafado badan oo magaalada Muqdisho ka mid ah dad ku waxyeeleysay sida xaafadaha degmooyinka Hodan, H/wadaag, W/dhiigley, Yaaqshiid, Boondheere, Xamarweyne, X/jajab iyo Dayniile ee magaalada Muqdisho, waxaana inta la ogyahay madaafiicdaasi ku dhintay dad ka badan 40-ruux, halka tiro dad ah oo ku dhawaad gaaraya 100-ruuxna ay dhaawacyo kala duwan soo gaareen.
Goobaha ugu daran ee ay madaafiicdu ku dhacday ayaa waxaa ka mid ahaa gudaha suuqa Bakaaraha gaar ahaan Suuqa dahablaha, Bacadlaha, Kawaanka, agagaarka shirkadda Golobol, X/weyne, X/jajab, Suuq-bacaad iyo Towfiiq, waxaana duqeyntaasi ay socotay shalay ilaa saakay oo dhan, iyadoo ay sii kordhayaan khasaaaha rasmiga ah ee ay geysatay.
Dhanka kale waxaa saakay hakad ku jira ganacsiga suuqa weyn ee Bakaaraha oo albnaaba furani aysan jirin, iyadoo badi ganacsatadu aysan soo shaqo tegi saakay maadaama dagaalku si xawli uu u soconayo, isla markaana suuqa ay ku hoobanayaan tiro madaafiic ah.
Afhayeenka Al-shabaab Sheekh Cali Maxamuud {Raage} uu ku dhawaaqay dagaalka shalay bilowday ayaa waxa uu sheegay in dagaalkani uu yahay mid dalka looga sifeynayo ciidamada soo duulay, isagoo dagaalka ugu magac daray dabar-goynta kuwa soo duulay, wuxuuna sheegay inay ka qeyb qaadanayaan mujaahidiinta meel kasta oo ay joogaan, isagoo ugu baaqay qeybaha kala duwan ee bulshada inay dagaalka uga qeyb qaataan Maal, Fikir iyo inay dagaalka si toos ah uga qeyb galaan, wuxuuna dadka rayidka ah ugu baaqay inay dhufeyso ka sameystaan guryahooda dhexdooda ama ay gabaad ka dhigtaan guryaha shubka ah, taas oo uu ku sababeeyey in marka uu dagaalku bilowdo ciidamada AMISOM ka aargoosanayaan dadka shacabka ah ee xaafadaha iyo suuqyada ku sugan.
Dhinaca kale Afkayeenka Wasaaradda Warfaafinta dowladda KMG Soomaaliya Sheekh C/risaaq Qeylow oo isna dagaalka ka hadlay ayaa waxa uu sheegay in dagaalka khasaarihii ka dhashay ay eeddiisa qaadayaan kooxihii iclaamiyay ee ku dhawaaqay, wuxuuna xusay inay iska difaacayaan haddii ciidamadooda la soo weeraro.
Dhanka kale afhayeenka Ahlusunna Waljamaaca ee Gobolka Banaadir Sheekh Maxamuud Maxamed {Shuuriye} oo dagaalka ka hadlay ayaa sheegay in dagaalka ay guulo ka gaareen sida uu yiri, isla markaasna ay dileen 15-ka mid ah kooxihii ka soo horjeeday, wuxuuna beeniyay in saldhigyo ciidan lagala wareegay, isagoo xusay inay hadda ku sugan yihiin goobahoodii hore.
Sidoo kale waa isna dagaalka ka hadlay afhayeenka ciidamada AMISOM Baridje Bahuko oo sheegay in hanjabaadda cusub ee ka soo yeertay Al-shabaab aysan waxba ka bedeleynin sida uu yiri kuwii horay uga soo bixi jiray, isla markaasna ay iyagu mar hore u diyaar garoobeen dagaalka Al-shabaab, isagoo aan ka hadlin madaafiicda ciidamadoodu ay ku garaacayaan goobaha ay degan yihiin dadka shacabka ah.
Rag iyo Gaari siday walxaha qarxa oo Hargeysa lagu qabtay
Talaado.24-Agosto.2010{SOMAALJECEL}-Hargeysa, Saddex nin oo mid dhaawac yahay iyo Baabuur ay wateen oo ay u saarnaayeen walxaha qarxa ayaa lagu qabtay bartamaha magaalada Hargeysa.
Taliyaha ciidamada Booliska Somaliland Maxamed Saqadhi Dubad ayaa sheegay in ciidamada Booliska ay gacanta ku dhigeen ciidamada Booliska Gaari Bas ah oo lagu siday walxaha qarxa iyo raggii watay oo saddex nin gaarayay.
Gaariga lagu qabtay walxahaas iyo raga watay ayaa noocoosu ahaa TATA waxaana ku xirnaa Taarko Somaliland ah oo lambarkeedu yahay 37057, kadib baaritaan lagu sameeyay gaarigana lagu arkau Taarko kale oo Puntland ah oo u qorsoonayd.
Ninka dhaawaca ah ee ka mid ah Saddexda nin ee la qabtay ayaa ku dooday in uu ka yimid magaalada Boosaaso, isla markaana Toorey lagu dhaawacay, laakiin Taliyaha Boolisku wuxuu sheegay in dhaawucu uusan ahayn mid Toorey ee xabbadi ay tahay.
Waxa kale oo Taliyaha ciidamada Booliska Somaliland Maxamed Saqadhi Dubad uu sheegay in lagu qabtay raggaas Lix Boosh oo ah kuwa dhexda lagu xirto ah oo ay ka buuxeen walxaha qaraxyada ismiidaaminta ah lagu fuliyo, isagoo xusay in baaritaan adag raggaasi lagu samaynayo.
Culimaa’udiinka Ahlusunna Waljmaaca oo ka warbixiyey shirkii Addis Ababa ku dhex maray iyaga iyo dowladda KMG
Talaado.24-Agosto.2010{SOMAALJECEL}-Muqdisho, Xoghayaha warfafinta ee culumaa’udiinka Ahlusunna Wal-jamaaca Sheekh C/laahi Sheekh C/raxmaan {Abuu Yuusuf Al-qaadi} oo ka mid ah xubnaha Ahlusuna uga qeyb galay shirkii dhawaan ka dhacay magaalada Addis Ababa ee dalka Itoobiya ayaa waxa uu sheegay in shirkaasi looga hadlay sidii si dhab ah ay dowladda iyo Ahlusunna isu kaashan lahaayeen.
Waxa uu Xoghayaha warfafinta Ahlusunna sheegay in kulanka oo ay goobjoog ka ahaayeen xubnaha beesha caalamka, lagu gaaray go’aano laga sugayo sida uu yiri fulintooda dowladda KMG Soomaaliya.
Sheekh C/llaahi waxa uu ku eedeeyay dowladda KMG inaysan fulinin heshiiskii ay wada gaareen labada dhinac, wuxuuna xusay in xubnihii beesha caalamka ka socday ay garwaaqsadeen eedeymaha ay u jeediyeen dowladda.
Xoghayaha warfaafinta ee Ahlusunna Waljamaaca ayaa sheegay in weli ay soo dhaweynayaan inay is kaashadaan Ahlusunna iyo dowladda KMG Soomaaliya, wuxuuna intaasi ku daray in kulankii ka dhacay magaalada Addis Ababa uu qeyb weyn ka noqon doono sidii loo hubin lahaa in amni iyo nabad lagu soo celiyo guud ahaan dalka Soomaaliya.
Dowladda Imaaraadka Carabta oo sheegtay inay adkeynayso sharciyada Xoolaha uga yimaada dalka Soomaaliya
Talaado.24-Agosto.2010{SOMAALJECEL}-Dubai, Dowladda Imaaraadka Carabta ayaa go’aamo cusub ka soo saartay dhoofinta xoolaha nool ee looga keeno gudaha dalka Soomaaliya lana geeyo dalkeeda.
Wargeys ka soo baxa dalka Imaaraadka ayaa sheegay in dalka Imaaraadka la soo geliyo xoolo badan oo aan soo marin talaal, kuwaas oo laga yaabo inay qabaan buu yiri xanuuno kala duwan.
Dowladda Imaaraadka Carabta ayaa sheegtay inay adkeynayso sharciyada uga yaala xoolaha uga yimaada dalka Soomaaliya, kadib markii ay sheegtay inay aragtay xoolo aan soo marin talaaikii xoolaha oo la soo geliyey dalkeeda.
Wargeys ka soo baxa dalka Imaaraadka oo lagu magacaabo Al-Itixaad ayaa qoray warbixin tilmaameysa in ganacsatadu ay Imaaraadka geliyaan xoolo aan caafimaadkooda la hubin ama aan la talaalin.
Agaasimaha Waaxda Xoolaha iyo Beeraha ee Wasaaradda degaanka iyo Biyaha ee Imaaraadka Carabta Cabdullaahi Aljinaan ayaa Wargeyska Al-itixaad u sheegay in go’aamada la soo saaray ay qeyb ka tahay xoolaha laga soo dhoofiyo dekadaha Soomaaliya ku sugnaadan muddo 21-maalmood inta aysan imaan dalka imaaraadka Carabta.
Muddadaasi ayuu sheegay in baaritaan lagu sameyn doono dhammaan xoolaha la soo dhoofinayo taasina u sheegay in ay muhiim tahay qaybna ka mid ah sugidda caafimaadka guud.
Mas’uulkan ayaa sheegay in sharciyada iyo xaaladahan cusub la soo saaray kadib markii ay dheceen waxyaabo dhowr ah oo ay ka mid tahay sida uu sheegay in Markabka soo qaaday 1,000-neef ah markuu yimaado dekadda Dubai oo tirin lagu sameeyo ay tirada noqoto 4,000-neef ah,taasna ay micnaheedu tahay in la isku daro xoolaha aan baaritaan caafimaad marin iyo kuwa maray ayuu yiri.
Mr. Aljinaan ayaa intaasi waxa uu ku daray in arrintani ay keeni karto in cuduro kala duwan ay ka dilaacan dalka Imaaradka carabta oo dhan, maadaama xoolaha aan la talaalin la keeno, taasina ay saameyn ku yeelan karto suuqa xoolaha ee dalkaasi.
Dhinaca kale waxaa warkaasi beeniyay ganacsatada xoolaha ee Soomaaliya, oo ku tilmaamay warka uu faafiyay Wargeysku mid lagu majaxaabinayo ganacsiga xoolaha Soomaaliya, isla markaasna aan laga fiirsan warkaasi.
Xarakada Al-shabaab oo mid ka mid ah Idaacadaha Muqdisho la wareegay
Talaado.24-Agosto.2010{SOMAALJECEL}-Muqdisho, Sida uu saxaafadda u xaqiijiyey Agaasimaha Idaacadda Qur’aanka Kariimka Maxamed C/wahaab C/llaahi ayaa saxaafadda u xaqiijiyey in xarakada Al-shabaab ay la wareegtay qalabkii iyo dhismihii ay lahayd Idaacadda Qur’aanka Kariimka ee ka mid ah Idaacadaha ka howlgala magaalada Muqdisho.
Waxa uu Agaasimuhu sheegay in warqad shalay la soo gaarsiiyey oo lagu amrayay inay Idaacadda ku wareejiyaan xarakada Al-shabaab ayaa waxa uu sheegay in wixii ka dambeeyay shalay Idaacadda furaheeda ay ku wareejiyeen xarakada Al-shabaab.
Idaacadda oo xalay si toos ah xarkadaha Al-shabaab ay ula wareegeen ayaa waxaa laga sii deynayay khudbado Carabi ah iyo darsiyo kale oo ay soo diyaariyeen xarakada Al-shabaab.
Sababta la wareregitaanka ee xarakada Al-shabaab ee Idaacaddaas oo aan la ogeyn ayaa haddana sida loo malaynayo waxay ka dambeysay iyadoo Idaacadda milkiyaddeeda uu hore u lahaa Wasiirkii hore ee warfaafinta dowladda KMG Soomaaliya Daahir Maxamuud Geelle oo Idaacaddaasi furtay xilligii maxaakiimta oo uu mas’uuliyiinteeda ka mid ahaa kadibna ka mid noqday xubnihii raacay madaxweyne Sheekh Shariif.
|
Muqdisho: Madaxweyne Sheekh Shariif oo ka hadlay dagaallada Muqdisho iyo xasuuqii loo gteystay xildhibaannada
Muqdisho: Faahfaahin dheeraad ah oo ku saabsan xildhibaanno iyo saraakiil ciidan oo Muqdisho lagu dilay
Muqdisho: Ururka Xisbul islaam oo guulo ka sheegtay dagaalladii maanta
Muqdisho: Warbixin ku saabsan dagaalo xooggan oo Shalay ilaa maanta ka soconaya magaalada Muqdisho
Hargeysa: Rag iyo Gaari siday walxaha qarxa oo Hargeysa lagu qabtay
Muqdisho: Culimaa’udiinka Ahlusunna Waljmaaca oo ka warbixiyey shirkii Addis Ababa ku dhex maray iyaga iyo dowladda KMG
Dubai: Dowladda Imaaraadka Carabta oo sheegtay inay adkeynayso sharciyada Xoolaha uga yimaada dalka Soomaaliya
Muqdisho: Xarakada Al-shabaab oo mid ka mid ah Idaacadaha Muqdisho la wareegay
1307|1282541400|dynamic|Wararka maanta|
Qoraal sir ah oo su’aallo laga weydiinayo madaxweyne Sheekh Shariif
Isniin.23-Agosto.2010{SOMAALJECEL}-Muqdisho, Warqad sir ah oo la sheegay inuu saxiixay Madaxweynaha dowladda KMG Soomaaliya Sheekh Shariif Sheekh Axmed ayay wararku sheegayaan in waxa ka jira su’aallo laga weydiinayo madaxweyne Sheekh Shariif.
Sida warku sheegayo dowladda Itoobiya ayaa khubaro baaeritaan ku sameeya warqad sir ah oo uu saxiixay madaxweynaha dowladda Soomaaliya Sheekh Shariif u soo dirtay Muqdisho, kuwaasoo baaraya waxa ka jira warqaddaas.
Qoraalka sirta ah ee laga helay xafiiska madaxweynaha Soomaaliya ayaa la sheegay in ka hadlaysay arrimo kala duwan oo ay mid tahay maamulada Somaliland, Puntland, Ahlusunna iyo kooxaha dowladda ka soo horjeeda.
Qoraalka sirta ah oo ay heshay sida la sheegay jariirada Al-Sharqal Awsat ee ka soo baxda magaalada London ayaa waxaa la sheegay inay diyaariyeen culumaa’udiin iyo aqoonyahanno Soomaaliteed oo u bandhigay madaxweyne Sheekh Shariif, kadibna ogoleysiiyey kana saxiixay.
Qoraalka oo ahaa mid aad u dheeraa ayaa qodobadii ku qornaa waxaa ka mid ah in dowladda Sheekh Shariif ay xaq u leedahay inay wadahadallo qarsoodi ah la gasho kooxaha ka soo horjeeda dowladdiisa, iyadoo dowladdu ay ka qarinayso heshiiskaas dalalka reer galbeedka iyo in dowladda KMG xiriirka diplomaasiyadeed u goyso dowlad kasta oo xiriir wanaagsan la leh maamulka Somaliland oo isagu doonaya kala goynta Soomaaliweyn.
Waxyaabaha kale ee qoraalka sirta ah lagu sheegay waxaa ka mid ahaa in inta badan xoogagga mucaaradka ahi aysan kalsooni ku qabin dalalka reer galbeedka, taasina ay tahay sababta ay dagaalka u joojin la’yihiin, una diidan yihiin in ay la heshiiyaan dowladda KMG.
Qoraalka ayaa waxaa lagu xusay in mucaaradka oo la soo dhaweeyaa si nabad loo raadiyo Soomaalina xasilooni u heshi ay ka muhiimsan tahay taageerada dowladaha reer galbeedka ee dowladda KMG.
Sidoo kale qoraalkaas sirta ah ee uu saxiixay Sheekh Shariif ayaa ku talinayay in macno buuxa uusan lahayn heshiiska dowladdu la gashay Ahlusunna Waljamaaca, maadaama aysan ahayn kooxo dowladda ka soo horjeeda, waxaana lagu taliyey in Ahlusunnala lagula dhaqmo siyaasad gaabis ah oo ah inaan si buuxda loo wada diidin, isla markaasna si buuxda loo wada qaadan heshiisyada lala galo, iyadoo dhinaca kale laga digay damaca Ahlusunna oo la sheegay in aanay ku qancaynin saami ka yar inay gacanta ku wada dhigaan talada xukuumadda.
Khubarada ay dowladda Itoobiya u soo xil saartay wax ka ogaanshaha qoraalkan ayaa warar hordhac ah oo bixiyeen waxay ku sheegeen in qoraalkani intiisa badan yahay been la faafiyay oo dano gaar ah laga leeyahay.
“Dowladda KMG markii aan su’aalo badan ka weydiinay qoraalkan waxay caddeysay in uu yahay dacaayad aan macno lahayn oo khayaali ah, waana mid dadka lagu khiyaameynayay oo run loo ekeysiiyay, isla markaana aan waxba ka duwanayn warbixinno been abuur ah oo hore loo faafiyay” ayaa laga soo xigtay mid ka mid ah khubarada dowladda Itoobiya u xilsaartay wax ka ogaanshaha qoraalkan.
“Been abuuridda dokomentigan waxaa loogu tallo galay in khilaaf lagu kala dhex dhigo dowladda KMG iyo ururka Ahlusunna Waljamaaca oo dhawaan heshiis wada gaaray, sidoo kale waxaa lagu doonayaa in la isku dayo in shaki lagu kala dhex dhigo dowladda KMG iyo dhinacyada kala shaqeeya la dagaalanka waxa loogu yeero argagixisada, sidoo kalena waxay u muuqataa in la doonayay in khilaaf laga dhex abuuro gobolka iyo waddamada doonaya inay caawiyaan dowladda KMG Soomaaliya” ayaa lagu yiri warbixinno wasaaradda arrimaha dibadda Itoobiya u gudbiyeen khubarada baarista qoraalkan wadday.
Wasaaradda arrimaha dibadda Itoobiya ayaa tiri “Ujeedooyinkani ma guuleysan doonaan, mana cabsi gelin doonto waddamada IGAD, Midowga Afrika amaba bulshada caalamka inay qabtaan wax kasta oo suurtagelinaya in la teegeero dowladda KMG Soomaaliya.
Dowladda Yugandha oo kordhisay ciidamadeeda jooga Muqdisho
Isniin.23-Agosto.2010{SOMAALJECEL}-Muqdisho, Wararka laga helayo Garoonka diyaaradaha caalamiga ah ee magaalada Muqdisho ayaa sheegaya in ciidamo dheeraad ah oo ka socda dowladda Yugandha labadii maalmood ee aynu soo dhaafnay ay soo gaareen caasimadda Soomaaliya ee Muqdisho.
Ciidamadaas oo gaarayay Boqolaal askari ayaa la sheegay in loogu talo galay in ay xoojiyaan kuwa AMISOM ee hadda ku sugan magaalada Muqdisho.
Wararka qaar ayaa sheegaya in ciidamadan cusub ee dowladda Yugandha ay geysay Muqdisho ay xoojin doonaan kuwa ku sugan magaalada Muqdisho, halka warar kalana ay sheegayaan inay bedeli doonaan qaar ka mid ah ciidamadii horay u joogay magaalada Muqdisho si ay nasiinno u helaan, kuwan cusub ee carcartooda qabana howlgallada u sii wadaan.
Ciidamadan ayaa waxaa la sheegay in lagu kala biiriyey fariisimooyinka ciidamada AMISOM ku leeyihiin magaalada Muqdisho, iyadoo ciidamada ugu badan lagu biiriyey kuwa ku sugan xerada Xalane ee duleedka Garoonka diyaaradaha Muqdisho.
Lama oga ciidamadan cusub ee dowladda Yugandha ku soo kordhisay ciidamadeeda ka jooga Muqdisho waxa ay xaaladda ka bedelli karaan ama ay soo kordhin karaan, iyadoo inta badan ciidamada AMISOM ay duqeymo ka geystaan xaafadaha magaalada Muqdisho.
Dowladda KMG oo caado ka dhigatay hanjabaad aan hadal dhaafsiineyn
Isniin.23-Agosto.2010{SOMAALJECEL}-Muqdisho, Dowladda KMG Soomaaliya oo marar badan ku hanjabtay inay kooxaha hubeysan kala wareegi doonto gobollada dalka ee ay maamulaan balse aan wax tallaabo ahi oo hadal dhaafsiisan qaadin ayaa mar kale waxay ku celisay in inta aysan dhammaan bishan barakeysan ee Ramadaan ay la wareegi doonto guud ahaan gobollada dalka Soomaaliya gaar ahaan kuwa Gedo, Bay, Bakool iyo Hiiraan.
C/rashiid Xiddig oo ah Wasiiru dowlaha wasaaradda arrimaha gudaha dowladda KMG ayaa sheegay inay qorsheynayaan sidii ay ula wareegi lahaayeen gacan ku heynta gobollada dalka Soomaaliya oo ay ku jirto magaalada caasimadda ah ee Muqdisho oo dowladdu degmooyin kooban kaga sugan tahay.
Wasiiru dowlaha wasaaradda arrimaha gudaha waxa uu intaasi ku daray in ciidamadii la wareegi lahaa gobollada Koonfureed ee dalka Soomaaliya ay diyaar ku yihiin sida uu yiri degmada Doolow ee xudduuda kala qeybisa dalka Itoobiya.
“Waxaa inoo haray inaan dagaalka qaadno oo kaliya si aan ugala wareegno gobollada koonfureed ee Soomaaliya kooxaha Al-shabaab iyo Xisbul Islaam” ayuu yiri Wasiiru dowlaha wasaaradda arrimaha gudaha C/rashiid Xiddig.
Ma aha markii ugu horreysay oo mas’uul ka tirsan dowladda KMG hanjabaado dagaal oo ceynkani ah jeediyaan, laakiin hanjabaadahooda ayaa waxay la mid noqdeen shirarka caalamka u qabato Soomaaliya oo heshiis kasta oo lagu gaaro miiska lagu shiray aan soo dhaafin, iyadoo madaxda sarsare ee dowladda KMG oo horey hanjabaado noocan ah u jeediyey hadalka afkooda ka soo baxay kaliya uu ku koobnaa.
Q/Midoobay iyo M/Afrika oo shir looga hadlayo arrimaha Soomaaliya yeelanaya
Isniin.23-Agosto.2010{SOMAALJECEL}-Qaahira, Ergooyin ka kala socda Qaramada Midoobay iyo Midowga Afrika ayaa kulan ku yeelanaya maalinta Khamiista ee soo socota magaalada Qaahira ee dalka Masar, kaasoo socon doona 26 – 28ka bishan aynu ku jirno ee Agosto.
Sida uu xaqiijiyey Wasiirka arrimaha dibadda ee Masar Axmed Abul Qeyd iyo Guddoomiyaha Guddiga Midowga Afrika Jean Ping shirkan ay yeelanayaan Q/Midoobay iyo M/afrika ayaa waxay si wadajir ah uga wada hadli doonaan arrimaha dalka Soomaaliya.
Shirkan oo ay wada yeelanayaan Ergada khaaska ah ee Qaramada Midoobay u qaabilsan arrimaha Afrika iyo sidoo kale Ergada caalamiga ee Afrika joogta ayaa waxaa goobjoog ka noqon doona ururo maxali ah iyo kuwa caalami ah iyo sidoo kale marti sharaf ah oo ka socota beesha caalamka.
Agaasimaha xarunta tababarka howlaha la xiriira nabad ilaalinta iyo xalinta dagaalada Afrika ee magaalada Qaahira Soad Shalabi ayaa sheegay in kulankan inta uu socda lagu falanqeyn dooni caqabadaha hortaagan nabadda iyo amni adag oo ay yeelato Qaarada Afrika, waxaa sidoo kale laga hadli doonaa qalalaasaha ka jira Qaaradda iyo horumarrada laga gaaro heshiisyada nabadda iyo cadaaladda ee qaaradda, waxaana si gaar ah diiradda loo saari doonaa ayuu yiri xaaladda siyaasadeed dalalka Soomaaliya iyo Suudaan iyo qaar ka mid ah dalalka ku yaala galbeedka Afrika.
Dowladda Koonfur Afrika oo si cad u diiday ciidamo ay u dirto Soomaaliya
Isniin.23-Agosto.2010{SOMAALJECEL}-Cape Town, Dowladda Koonfur Afrika ayaa si qayaxan u diiday inay ciidamo kuweeda ah u dirto dalka Soomaaliya, iyadoo sheegtay in xaaladda Soomaaliya aan waxba looga qaban karin ciidan shisheeye.
Golaha wasiirrada dowladda Koonfur Afrika oo kulan adag ka yeeshay arrimaha Soomaaliya ayaa waxay ku sheegeen inaan wax ciidamo ah loo dirin Soomaaliya, iyadoo sidoo kale baarlamaanka dalkaasi ay ku kala aragti duwanaadeen in ciidamo loo diro Soomaaliya.
Sidoo kale mudaaharaadyo ka dhacay dalkaasi ayay dadka reer K/afrika uga soo horjeesteen ciidamo dalkooda ah oo loo diro Soomaaliya, taasoo sida muuqata suuragal ka dhigtay diidmada dowladda K/afrika ku diiday ciidamo ay u dirto dalka Soomaaliya.
“Dhibaatada Soomaaliya ka jirta ma ahan mid lagu xallin karo ciidan fara badan oo la geeyo, waa mid siyaasadeed waxaana loo baahan yahay in xal kale la raadiyo” ayuu yiri wasiirka xiriirka caalamiga ah ee dalka Koonfur Afrika Mait Nkoana-Mashabane.
Dhinaca kale machadka baaritaanka arrimaha nabadgelyada iyo deganaanshaha ee ku yaala magaalada Pretoria ee dalka Koonfur Afrika ayaa sheegay inaysan jirin istraatijiyad siyaasadeed ee lagu xalin karo khilaafaadka Soomaaliya, isla markaasna aanay xal noqon karin ciidamo dheeraad ah oo la geeyo caasimadda Soomaaliya ee Muqdisho.
Dalalka Angola, Nayjeeriya, Gaana, Jabuuti iyo Gini ayaa iyagu ballanqaad afka ah ku sheegay inay ciidamo u dirayaan Soomaaliya intii uu socday shirkii Midowga Afrika ee Yugandha, laakiin ma jirto ilaa hadda dal kaliya oo dalalkaas ka mid ah oo ciidamo u soo daray Soomaaliya.
Magaalada Boosaaso oo dil uu ka dhacay
Isniin.23-Agosto.2010{SOMAALJECEL}-Boosaaso, Magaalada Boosaaso ee xarunta gobolka Bari ee maamulka Puntland ayaa waxaa shalay dil toogasho ah loogu geystay nin dhalinyaro ah oo ka mid ahaa dadka deegaanka.
Dilka ninkan ayaa ka dhacay bartamaha suuqa sarifka ee magaalada Boosaaso, waxaana dilkiisa ka dambeeyay sida la sheegay rag ku hubaysnaa bastoolad, kuwaas oo markii ay ninkan toogteen ka ib ka baxsaday goobtii uu dilku ka dhacay.
Si rasmi ah looma oga cidda ka dambeysay dilkan iyo sababaha loo dilay midna, wuxuuna ku soo aadayaa dilkan iyadoo todobaadyadii tagay uu maamulka Puntland dagaal kula jiray ciidamo ku sugan buuraleyda Galgala oo daacad u ah Wadaadka lagu magacaabo Sheekh Attam.
Shirka kooxda xiriirka Soomaaliya oo berri furmaya
Isniin.23-Agosto.2010{SOMAALJECEL}-Madrid, Waxaa maalinta berri ah lagu wadaa in uu ka furmo dalka Spain shirkii kooxda la baxday xiriirka Soomaaliya ee Contact Group, waxaana shirkaasi shir guddoomin doona ergayga gaarka ah ee Qaramada Midoobay u qaabilsan arrimaha Soomaaliya.
Shirka ayaa la sheegay in looga hadli doono xaaladda dalka Soomaaliya iyo sida xal loogu heli karo arrimaha murugsan ee ka taagan Soomaaliya, lamana oga waxa uu kaga duwanaan doono kuwii ka horreeyey oo go’aamadii ka soo baxay aysan soo dhaafin halkii lagu gaaray.
Kooxdan oo ay ku jiraan dalalka Mareykanka, Yurub, Afrika iyo Carab ayaa muddo ku dhow 20-jeer ka shiray arrimaha dalka Soomaaliya, mana jirto ilaa hadda wax la taaban karo oo ka soo baxay.
Dhinaca kale xoghayaha guud ee Qaramada Midoobay ayaa qorshaysanaya inuu 24-ka bisha dambe uu ku qabto magaalada New York ee dalka Mareykanka shir looga hadlayo arrimaha dalka Soomaaliya.
|
Muqdisho: Qoraal sir ah oo su’aallo laga weydiinayo madaxweyne Sheekh Shariif
Muqdisho: Dowladda Yugandha oo kordhisay ciidamadeeda jooga Muqdisho
Muqdisho: Dowladda KMG oo caado ka dhigatay hanjabaad aan hadal dhaafsiineyn
Qaahira: Q/Midoobay iyo M/Afrika oo shir looga hadlayo arrimaha Soomaaliya yeelanaya
CapeTown: Dowladda Koonfur Afrika oo si cad u diiday ciidamo ay u dirto Soomaaliya
Boosaaso: Magaalada Boosaaso oo dil uu ka dhacay
Madrid: Shirka kooxda xiriirka Soomaaliya oo berri furmaya
1306|1282455000|dynamic|Wararka maanta|
Jaaliyadda reer Hiiraan ee Waqooyiga Ameerika oo taegeeray maamul gobolleedka Hiiraan and Midland
Axad.22-Agosto.2010{SOMAALJECEL}-NewYork: Kulamo xiriir ah oo adeegga wicitaanka shirarka (Teleconference Call) ay ku yeesheen Jaaliyadda Saransoor ee reer Hiiraan ee degan Waqooyiga Amerika 5tii bishan Agosto ilaa 17keedii ayaa waxay ku gorfeeyeen sida ay u arkaan dowlad Gobolleedka Hiiraan and Midland ee dhawaan looga dhawaaqay magaalada London ee cariga Ingiriiska.
Shirarkaas oo si xiriir ah ku socday ayaa gunaanadkiisii waxay Jaaliyadda Saransoor ee reer Hiiraan ee Waqooyiga Amerika ka soo saareen baaq taageero ah oo ay dowlad gobolleedka Hiran iyo Midland ku taageerayaan, baaqaasoo u qornaa sidatan:
Kadib markay aragtay Jaaliyaddu in Maamul Gobolleedka Hiiraan and Midland ay ku dhan yihiin dhammaan beelaha dega gobolka Hiiraan, marka laga reebo hal beel.
Kadib markii ay la tashadeen waxgarad ka tirsan beelaha kale ee degaanka Gobolka Hiiraan sida Baadicadde, Jajeele, Jidle, Saddex Cumar, Shanta Culimo iyo Cayr(Habargidir) ee ku sugan Qaaradda Amerika ayaa waxay taageero buuxda u dirayaan Maamulka Hiiraan and Midland oo uu Madaxweynaha ka yahay Inj. C/qaadir Aadan Jiraabey.
Sidoo kale waxaa ay Jaaliyaddu ugu baaqaysaa dowlad Goboleedka Hiiraan and Midland in ay mideyso safafka shacbiga ku dhaqan Hiiraan, una horseeddo dariiq caddaalad, wada-tashi, wada-noolaansho, iskaashi iyo walaaltinimo ku dhisan, si ay uga gudbaan nidaam-darida, iska horimaadyada iyo dhibaatada joogtada ahayd oo ay horseedka ka ahaayeen maamuladii soo maray Gobolka 20-kii sanno ee la soo dhaafay.
Waxa ay Jaaliyaddu ugu baaqaysaa Beesha kaliya ee ka maqan maamulkaasi in ay ku soo biirto maamulka cusub ee Hiiraan and Midland oo ay ku dhan yihiin beelaha kale ee dega gobolka Hiiraan oo idil, waxaana beeshaasi si gaar ah loogu jeedinayaa in ay tixgeliso go’aanka ay wada qaateen walaalahooda kale ee reer Hiiraan.
Bridje Bahuko: “Kooxaha dagaallada ka wada Soomaaliya ma aha kuwo uu Ilaahay la jiro”
Axad.22-Agosto.2010{SOMAALJECEL}-Muqdisho, Afhayeenka ciidamada AMISOM Bridje Bahuko oo ka warbixinayay qaraxyo ka dhacay Muqdisho oo mid ka mid ah ciidamadooda lala beegsaday ayaa sheegay in qaraxa shalay lala beegsaday ciidamada Burundi ee qeybta ka ah howlgalka Midowga Afrika uu ka wado dalka Soomaaliya ayaa waxa uu sheegay in qaraxaasi aysan wax khasaare ah ka soo gaarin ciidamada AMISOM, isagoo xusay in ujeeddada qaraxaasi uu ahaa mid la doonayay in lagu waxyeeleeyo shacabka Soomaaliyeed oo waddada la qarxiyey si aad ah u isticmaala.
“Amiso, xarumaheeda kama dhicin wax qarax ah, qaraxa waxa uu ka dhacay meel bannaan ah oo shacab ku badan yahay, waxayna taas daliil u tahay in shacabka lala damacsanaa qaraxaas” ayuu yiri Bridje Bahuko.
Waxa uu sheegay in qaraxyo is xigxigay oo Muqdisho ka dhacay ay fashilmeen, isagoo xusay in qaraxyadaasi sidii loogu talo galay u fulin, isla markaana kooxihii dhigayay ay ku waxyeelloobeen, sida uu yiri.
“Ilaahay lama jiro Kooxaha nabaddiidka ah ee wada qorshayaasha guracan ee ay shacabka Soomaaliyeed ku dhibaateynayaan, waxaana kuu sheegayaa in qaraxyada ay maleegayeen ay iyaga wax ku noqdeen, taasna waxay muujineysaa in Ilaahay uusan la jirin” ayuu yiri afhayeenka AMISOM.
Waxa uu sheegay in qaraxyadaasi dhammaan iyaga wax ku noqdeen, isla markaana uu ka fashilmay qorshayaashii qaraxyadaas oo dhammaantood sida uu sheegay iyaga kuwada qarxay, dhibaato xoogganna ka soo gaartay.
Waxa uu sheegay in qarax miino la doonayay in la dhigo Buunddo ku taala Muqdisho qofkii dhigayay uu ku geeriyooday, sidoo kale qarax ismiidaamin ah oo gaadiid lagu rakibayay dadkii rakibayay oo ajnani u badan ay ku baabe’een.
“Dadkii qaraxa ismiidaaminta rakibayay Lix ka mid ahi waxay ahaayeen ajnabi u kala dhashay dalka Bakistaan oo saddex ah, Labo Hindi ah, hal Afganistaan ah, hal Aljeeriya ah iyo mid Soomaali ah” ayuu yiri Bahuko oo tibaaxay in qaraxyadaas oo ay doonayeen inay dad ku dhibaateeyaan iyaga Ilaahay ku dhibaateeyay.
“Dadka Muqdisho waxba uma hayaan kooxaha nabaddiidka ah” ayuu yiri afhayeenka AMISOM oo intaas ku daray in markasta Ilaahay uu la jiro dadka shacabka ah, kuwa nabad diidka ahina uusan Ilaahay la jirin.
Xildhibaanno Nayroobi ka wada in la rido dowladda Sheekh Shariif
Axad.22-Agosto.2010{SOMAALJECEL}-Nayroobi, Xildhibaanno uu hor boodayo Cali Maxamed Geeddi oo mar noqday Ra’isal wasaaraha Soomaaliya xilligii xukuumaddii C/llaahi Yuusuf ayaa magaalada Nayroobi ee dalka Kenya ka wada kulamo uu la yeelanayo xildhibaannada Baarlamaanka soomaaliya.
Wararku waxa ay sheegayaan in xildhibaan Cali Maxamed Geeddi uu olole ugu jiro in xil ka qaadis lagu sameeyo madaxweyne Sheekh Shariif oo muddadii uu xilka madaxtinimada Soomaaliya hayay aan waxba soo kordhin, iyadoo sida muuqata Cali Maxamed Geeddi uu doonayo in isaga loo doorto madaxweynaha Soomaaliya.
Warar kale oo Nayroobi naga soo gaarayana waxay sheegayaan in siyaasiyiin ay ka mid yihiin Maslax Maxamed Siyaad Barre oo tartan la galay Sheekh Shariif xilligii doorashada madaxtinimada Soomaaliya ay ka socotay dalka Jabuuti oo isagana ku sugan haatan dalka Kenya ayaa la sheegayaa inuu wado kulamo uu la yeelanayo xildhibaannada Baarlamaanka ee Kenya ku sugan, kuwaasoo uu la soo hadal qaaday sidii xilka madaxtinimada Soomaaliya isaga loogu dhiibi lahaa marka uu dhammaado waqtiga yar ee u harsan madaxweyne Sheekh Shariif.
Dhanka kale Siyaasiga Ismaaciil Maxamuud Hurre {Buubaa} oo dhawaan laga saaray xubinnimadii Baarlamaanka dowladda KMG Soomaaliya ayaa xildhibaanno uu Nayroobi kula kulmay kala hadlay in la bedelo madaxweynaha dowladda KMG Sheekh Shariif Sheekh Axmed.
Ismaaciil Buubaa oo xilal kala duwan ka soo qabtay Soomaaliya, dowladdii C/llaahi Yuusufna ka soo noqday Wasiirkii arrimaha dibadda iyo wasiir arrimo dibadeed, xildhibaanna ahaa ayaa xildhibaanno iyo siyaasiyiin uu la kulmay kala hadlay sidii looga shaqeyn lahaa in la bedelo Sheekh Shariif, kadib markii sida uu yiri uu ku fashilmay wax ka qabashada arrimaha dalka Soomaaliya.
“Arrinta maanta Soomaliya haysataa waa arrin aad iyo aad u adag, dowladda uu hoggaamiyo Shariifkana ayaandaro ayaa ku habsatay oo waxay noqotay dowlad aan ka faa’idaysan khibraddii ama aragtidii siyaasadeed ee dalku soo maray, sidaas daraadeed aniga waxay ila tahay in dowladda Sheekh Shariif la bedelo” ayuu yiri Ismaaciil Buubaa oo sheegay in kharash xoog leh oo caalamka ka heshay dowladda Sheekh Shariif lagu takri falay halkii dalka iyo dadka Soomaaliyeed wax looga qaban lahaa.
Ismaaciil Buubaa waxa uu sheegay in dowladda Shariifka ay ku fashilantay sida uu yiri wax ka qabashada arrimaha ka taagan dalka Soomaaliya, sidaa awgeed uu ku talinayo in la bedello.
Ololahan ka dhanka ah dowladda Sheekh Shariif ee laga wado dalka Kenya ayaan la ogeyn meesha uu ku dambeyn doono, iyadoo hore xildhibaan Cali Maxamed Geeddi oo mar ka waday dalka Kenya olole lagu afgambinayo dowladda Sheekh Shariif ay wasiirro ka tirsan dowladda KMG ky dacweeyeen dowladda Kenya iyo diplomaasiyiinta beesha caalamka, kadibna heshiis la dhex dhigaym, iyadoo aan la ogeyn sababta keentay in mar kale uu ku soo laba kacleeyo dowladda Shariifka.
Ra’isal wasaaraha Itoobiya oo arrimaha Soomaaliya ka hadlay
Axad.22-Agosto.2010{SOMAALJECEL}-Addis Ababa, Ra’isal wasaaraha Xukuumada Itoobiya Melles Zanawi ayaa mar kale ka hadlay xaaladda dalka Soomaaliya wuxuuna sheegay in Soomaaliya xaaladeeda marba marka ka dambeysa ay ka sii dareyso isla markaana ay u baahan tahay gargaarka beesha caalamka kaasi.
Waxa uu Zenawi sheegay in loo baahan yahay in beesha sida ugu dhaqisyaha badan ay u dadajiyaan taageerada dowladda KMG Soomaaliya si ay guulaysato buu yiri wax ka qabashada dhibaatada aan dhammaadka lahayn ee Soomaaliya ay ka wadaan kooxaha dowladda dagaallada kula jira.
Ra’isal wasaaraha Itoobiya oo hadalkan jeediyey mar uu saxaafadda kula hadlayay dalka Gaabon oo uu socdaal ku marayo ayaa waxa uu sheegay in dowladda KMG Soomaaliya ay qatar weyn ku hayaan kooxaha hubeysan kuwaas oo uu sheegay haddii beesha caalamka aysan wax ka qaban ay u soo tallaabi karaan geeska afrika oo uu xusay inay qaraxyo ka geysan karaan qatarna ku yihiin ammaanka dalalka deriska, sida uu yiri.
Waxa uu Meles Zanawi Ra’iisul sheegay in haddii laga gaabiyo wax ka qabashada xaaladda Soomaaliya ay keeni karto in dhibaatooyinka ka jira ay ku sii fidaan waddamo kale oo Afrika ka tirsan, isagoo ku cel celiyay in Al Shabaab ay qatar ku tahay gobolka Geeska Afrika sidaasi darteedna loo baahan yahay sida uu sheegay in la soo afjaro oo taageero buuxda la siiyo dowladda KMG iyo ciidamada Midowga Afrika si ay ula dagaalamaan kooxda Al-shabaab.
Ma kale ayuu ku celiyey inay suuragal tahay in xukuumaddiisu ciidamo u dirto Soomaaliya balse sida uu sheegay inay ku xiran tahay codsi uu uga yimaado Ciidamada Midowga Afrika haddii ay qatar dareemaan.
Soomaalida u safraysa dalka Yugandha oo shiruudo adag lagu soo rogay
Axad.22-Agosto.2010{SOMAALJECEL}-Kampala, Dowladda Yugandha ayaa shaaca ka qaadday in Soomaalida u safraysa dalka Yugandha fiiro gaar ah loo yeelanayo, isla markaana hannaankii ay ugu socdaali jireen dalka Yugandha wax laga bedelay.
Sharcigan cusub ee ay dowladda Yugandha wax kaga badashay Soomaalidii dalkeeda u soo socdaali jirtay ayaa dhigaya in aanu dalka Yugandha Airiporkeeda ka soo degi karin qof Soomaali ahi ilaa uu helo qof u dhashay dalka Yugandha oo damiinta, isla markaana ugu yimaada gudaha Airiportka marka uu qofka Soomaaliga ahi soo caga dhigto garoonka dayaaradaha, haddii taa la waayana aanu soo geli karin qof Soomaali ah dalka Yugandha.
Dadka Soomaalida ah ee u socdaali jiray dalka Yugandha ayaa si fudud uga degi jiray Garoonka diyaaradaha ee Kampala, iyadoo aan wax Viiso ah ama dal ku gal aan la weydiineynin.
Amarkan cusub ee ay dawlada Yugandha ku soo rogtay dadka Soomaalida ah ee u dhoofaya dalkeeda ayaa waxa uu ka dambeeyay kadib qaraxyadii lala beegsaday magaalada Kampala 11-kii July ee sanadkan oo ay ku naf waayeen dad aad u fara badan, waxaana amarkan lagu sheegay in lagu xoojinayo amniga dalka Yugandha.
Faahfaahin ku saabsan Markab u rarnaa Ganacsato Soomaaliyeed oo degay
Axad.22-Agosto.2010{SOMAALJECEL}-Sanca, Markab kuwa xamuulka qaada ah oo lagu magacaabo Al-Caqiid Express oo ganacsato Soomaaliyeed u rarnaa ayaa ku degay xeebaha dalka Yeman kadib markii sida la sheegay ay ku keceen dabaylo iyo duufaano.
Warku waxa kale oo intaa ku daray in markaban oo ay lahayd shirkad lagu magacaabo Al-Caqiid General Trading Co, ayaa waxa uu ku degay meel ku dhow jasiiradda lagu magacaabo Soqotra oo ku taala dalka Yemen, iyadoo dhammaan shixnaddii ganacsi ee saarnayd ee aysan haba yaraatee wax ka badbaadin.
Wararka ayaa sheegaya in shaqaalihii Markabka ka shaqaynayay ay bed qabaan oo aysan waxba gaarin, balse shixnaddii Markabka saarnayd oo dhan ay la quuseen Markabka, iyadoo shixnada ganacsi ee ku halaagsamay Markabkaas oo qiimaheedu aad u badan yahay la sheegay in aanu wax caymis ah lahayn maadaama shirkadda Markabka iska leh aysan caymiska ku jirin, sidaa daraadeedna aanay jirin meel loo raaco hantidii uu la degay Markabkaasi.
Ururka Xisbul Islaam oo isu diyaarinaya dagaal culus
Axad.22-Agosto.2010{SOMAALJECEL}-Luuq, Ciidamada Ururka Xisbul Islaam ee ku sugan degmada Luuq ee gobolka Gedo ayaa isu diyaarinaya in maalmaha soo socda ay duulaan qorsheysan ku qaadaan ciidamada dowladda KMG iyo kuwa Ahlusunna ee ku sugan xuduudda u dhexeysa Soomaaliya iyo Itoobiya.
Guddoomiyaha Ururka Xisbul Islaam ee degmada Luuq Sheekh Farxaan Cabdi Ciil-mooge ayaa saxaafadda u sheegay inay qorsheynayaan sidii ay u weerari lahaayeen ciidamada dowladda KMG iyo kuwa Ahlusunna ee ku sugan degmada Doolow ee xadka kala qeybiya Soomaaliya iyo Itoobiya, kuwaasoo sida uu sheegay dhaqdhaqaaqyo ciidan ka wada deegaankaasi.
Waxa uu ugu baaqay ciidamada dowladda KMG inay isa soo dhiibaan inta aysan ku dhimin gacanta mujaahidiinta, isagoo sheegay in ay ka go’an tahay dagaal guluf ah oo ay ku qaadaan ciidamada Doolow ku sugan.
Guddoomiyaha Ururka Xisbul Islaam ee degmada Luuq Sheekh Farxaan Cabdi Ciil-mooge waxa kale oo uu sheegay in ciidamada daba-dhilifka ee u adeegaya dowladda Itoobiya ee Ahlusunna sheegtay ay gumaca rasaasta ku leynayaan, isagoo xusay in ay ka daba gelayaan meel walba oo ay galaan.
Hanjabaaddan Ururka Xisbul ee degmada Luuuq ka soo yeeraysa ayaa ku soo beegmaysa xilli dhawaan dalka Itoobiya ay heshiis ku gaareen dowladda KMG iyo Ahlusunna kaasoo dhigayay in dagaal lagu qabsado degaannada Gobollada Gedo, Bay, Bakool, Hiiraan kadibna laga dhiso maamul hoos taga dowladda KMG Soomaaliya.
Dowladda KMG oo Shirkadaha duulimaadka amarro ku so rogtay iyo shirkadaha oo diiday
Axad.22-Agosto.2010{SOMAALJECEL}-Nayroobi, Shirkadaha duulimaadka ee isaga gala goosha Muqdisho iyo Nayroobi ayay dowladda KMG ku soo rogtay amarro ku wajahan dadka safarka ah ee qaadaan gaar ahaan carruurta yaryar.
Safaaradda dowladda KMG Soomaaliya ku leedahay dalka Kenya ayaa wareegto laga soo saaray waxaa lagu sheegay dadka u dhoofaya Soomaaliya gaar ahaan carruurta yaryar inay goostaan warqadaha Go Home-ka.
Wareegtada ka soo baxday safaaradda dowladda KMG Soomaaliya ee dalka Kenya ayaa lagu sheegay in looga baahan yahay carruurta yar yar marka ay u dhoofayaan Soomaaliya in ay jartaan warqadda Go Home halka horay carruurta yaryar aan wax qarash ah laga qaadi jirin, kaliyana cidda wadda ee damaanadda ka ah ay jaran jireen warqadaha safarka.
Shirakadaha duulimaadka Soomaalida ayaa la sheegay in qorshahan cusub ay ka hor yimaadeen kuna tilmaameen mid aad suuragal ahayn.
“Qorshahani wuxuu ka hor imaanayaa u adegidda bulshada Soomaaliyeed, taasina ma aha mid bulshada Soomaaliyeed ee dhibaateysan loogu shaqeyn karo, maxaa yeelay waalidka Soomaaliyeed ee heysta carruur badan ma awoodaan in mid waliba lacag uu ka bixiyo xilli ay dalkooda hooyo u socdaan” ayuu yiri mid ka mid ah maamulka Shirkadaha duulimaadka Soomaalida oo arrintaas si weyn uga horyimid isagoo xusay in marka Safaaradda Soomaalida ee Kenya ay lacagaha warqadda Go-home-ka qaataan aysan waxba ka qaban qashqashaadka askarta Kenya ee garoonka diyaaradaha ku sugan, isagoo sidoo kale sheegay in xarunta socdaalka ee Kenya ay iyana Soomaalida safreysa ka qaataan lacago dheeraad ah.
Maamulka Puntland oo jawaab ka bixiyey eedeymo kulul oo loo jeediyay
Axad.22-Agosto.2010{SOMAALJECEL}-Garowe, Maamul gobolleedka Puntland ayaa jawaab ka bixiyey eedeymo ay u jeediyeen qaar ka mid ah odayaasha beelaha dega deegaannada Puntland, kuwaasoo sheegay in ciidamada Puntland ay weerar ku qaadeen beel ka mid ah beelaha dega deegaannada Buuraleyda Galgala.
Wasiirka Wasaaradda arrimaha Gudaha maamulka Puntland Jen. C/llaahi Axmed Jaamac {Ilka-jiir} ayaa si kulul u beeniyey hadalo ay baahiyeen dhawaanahan qaar ka mid ah warbaahinta gudaha kuwaas oo sheegay in beelaha dega deegaanka Galgala uu maamulka Puntland ku duulay, xadgudubyana u geystay.
Waxa uu Ilka jiir tilmaamay in dadka reer Puntland ay yihiin kuwo wada dhashay oo aanay colaad qabiil ka dhaxeynin, wuxuuna xusay inuusan maamulkiisu qabiil gaar ah ku duulin isagoo sheegay inuu ka xun yahay in la garan waayo qorshaha guracan ee kooxda dagaalka kula jirta Puntland oo dagaalka ku sheegaya mid qabiil, iyagoo doonaya buu yiri in ay si kale wax u dhigaan.
“Bulshadu waa inay fahmaan in maamulku uu iyaga ka yimid mas'uuliyadna ka saaran tahay difacooda, basle isku duubni looga hortagi karo cadowga naga soo horjeeda” ayuu yirii Jen. Ilka jiir.
“Waxaa la yaab ah in raggii ka baqaan inay qabtaan ruux dambiile ah oo fal amaanka lidi ku ah hortooda ku sameynaya haweenkiina soo qabteen, waa mid muujinaysa in la baqay, basle danta kooxaha falakaasi wadaa waxa ay wax u dilayaan, u qarxinayaan u weerarayaan waa inay cabsi idin geliyaan waxaase la idinka rabaa in aan loo baqin, ciidamana gacan laga siiyo cirib tirkooda” ayuu yiri mar kale wasiirku.
Ciidamada dowladda KMG oo baaritaanno ka wada qeybo ka mid ah magaalada Muqdisho
Axad.22-Agosto.2010{SOMAALJECEL}-Muqdisho, Howlgallo lagu baarayo dadka iyo gaadiidka ayay ciidamada dowladda KMG saakay ka bilaabeen qeybo ka mid ah magaalada Muqdisho, gaar ahaan degmooyinka Waaberi iyo Xamar jabab oo ah degaannada Muqdisho ee ay gacanta ku hayso dowladda.
Baaritaanadan ay wadaan ciidamada dowladda ayaa lagu sheegay inuu yahay mid lagu xoojinayo ammaanka deegaanada ay gacanta ku heyso dowladda KMG, kuwaas oo beryihii dambeeyay ay ku soo kordahayeen falal amnidarro ah.
Afhayeenka ciidamada Booliska C/llaahi Bariise ayaa sheegay in degmooyinka X/jajab iyo Waaberi ay ku soo bateen kooxo uu ku tilmaamay qaswadayaal aan dooneyn inay nabad ka dhalato Soomaaliya sidaa darteed baaritaanka ugu weyni labadaasi degmo laga qado ilaa buu yiri la xaqiijinayo amniga labadaasi degmo.
|
.jpg)
NewYork: Jaaliyadda reer Hiiraan ee Waqooyiga Ameerika oo taegeeray maamul gobolleedka Hiiraan and Midland
Muqdisho: Bridje Bahuko: “Kooxaha dagaallada ka wada Soomaaliya ma aha kuwo uu Ilaahay la jiro”
Nayroobi: Xildhibaanno Nayroobi ka wada in la rido dowladda Sheekh Shariif
Addis Ababa: Ra’isal wasaaraha Itoobiya oo arrimaha Soomaaliya ka hadlay
Kampala: Soomaalida u safraysa dalka Yugandha oo shiruudo adag lagu soo rogay
Sanca: Faahfaahin ku saabsan Markab u rarnaa Ganacsato Soomaaliyeed oo degay
Luuq: Ururka Xisbul Islaam oo isu diyaarinaya dagaal culus
Nayroobi: Dowladda KMG oo Shirkadaha duulimaadka amarro ku so rogtay iyo shirkadaha oo diiday
Garowe: Maamulka Puntland oo jawaab ka bixiyey eedeymo kulul oo loo jeediyay
Muqdisho: Ciidamada dowladda KMG oo baaritaanno ka wada qeybo ka mid ah magaalada Muqdisho
1305|1282368600|dynamic|Wararka maanta|
Ciidamada Sheekh Attam oo la wareegay deegaanka Galgala
Sabti.21-Agosto.2010{SOMAALJECEL}-Galgala, Wararka ka imaanaya deegaanka Buurta Galgala ee duleedka magaalada Boosaaso ayaa waxay sheegayaan in dagaallo u dhexeeya ciidamada maamulka Puntland iyo ciidamada uu hogaamiyo wadaad diimeedka Sheekh Maxamed Siciid {Attam} uu xalay iyo ilaa shalay ka soconayay halkaasi.
Dagaalka oo sababay dhimasho iyo dhaawac soo gaaray dhinacyada dagaalamay ayay sidoo kale wararku sheegayaan in gaadiid dagaal lagu kala qabsaday, kuwo kalena la isaga gubay.
Wararkii ugu dambeeyay ayaa waxay sheegayaan in ciidamada Sheekh Attam ay la wareegeen gebi ahaanba deegaanka Buurta Galgala oo ay gacan ku heyteeda ku loolamayeen iyaga iyo ciidamada Puntland oo kol hore qabsaday halkaas, waxayna wararku tibaaxayaan in degaanno ka baxsan buurta Galgala uu haatan dagaalku ka socdo.
Dagaalka ayaa bilowday kadib markii sida la sheegay ciidamo daacad u ah Sheekh Attam ay weerar gaadmo ah ku soo qaadeen ciidamo ka tirsan kuwa Puntland oo ku sugnaa degaan ka mid ah Buuraleyda Galgala oo ay labada dhinaca horay ugu dagaalameen, waxaana muddo markii uu dagaalka socday la xaqiijiyey inay la wareegeen ciidamadii Attam degaankii.
Qabsashada ay ciidamada Sheekh Attam qabsadeen degaanka Buuralayda Galgala ayaa waxa uu ku soo beegmayaa xilli ciidamo ka tirsan maamulka Puntland ay ka baxsadeen Puntland, kuwo kalena ay baneeyeen fariisimadii ay kaga sugnaayeen Buuralayda Galgala, taasoo la dhihi karo waxay ciidamada Sheekh Attam u sahashay dib u qabsashada Buuralayda Galgala.
Qarammada Midoobay oo sheegtay in dowladda Soomaaliya aysan wax awood ah lahayn
Sabti.21-Agosto.2010{SOMAALJECEL}-Nayroobi, Qaramada Midoobay ayaa sheegtay in dowladda KMG Soomaaliya aysan awood buuxda laheyn, isla markaana aysan iska difaaci Karin kooxaha ka soo horjeeda jiritaankeeda.
Wakiilka gaarka ah ee Qarammada Midoobay u qaabilsan arrimaha dalka Soomaaliya Augustine Mahiga ayaa sheegay in dowladda KMG Soomaaliya aysan laheyn awood ay isaga difaacdo kooxaha ka soo horjeeda wuxuuna sheegay in dowladda KMG waxa kaliya ee haatan u furan ay tahay wadahadal ay la gasho kooxaha dagaalka kula jira.
Waxa uu ergeygu sheegay in Xarakada Al-shabaab aysan doonayn nabad, isagoo xusay in loo baahan yahay in dowladdu dhinacyada kale la heshiiso kadibna kooxaha nabadda iyo wadahadalka diida meel looga soo wada jeesto sida uu yiri.
“Ma filayo in Xarkada Al-shabaab oo inta badan dalka Soomaaliya gacanta ku heysa ay diyaar u tahay inay la heshiiso dowladda Soomaaliya, haddana waxaan aaminsanahay in jidka kaliya ee lagu xasilin karo Soomaaliya uu yahay wadahadal” ayuu yiri Mr. Mahiga.
“Waxaa loo baahan yahay in wadahadalada nabadeed ay barbar socdaan qaab ammaanka lagu ilaalinayo, taasina waa mid gaabis ah, waana sababta loo raadinayo in dowladda KMG ay hesho awood ay isku difaacdo” ayuu yiri Mahiga oo intaa ku daray in shirkii Jabuuti ee lagu soo dhisay dowladda Soomaaliya uu saldhig u ahaa dib u heshiisiin, dowladduna ay waddo arrintaasi, isagoo xusay in dowladdu ay ku guuleysatay inay hannaan nabadeed ugu soo biiriso ururka Ahlusunna dowladda, dhinacyada kalena sidaas oo kale loogu baahan yahay inay wadahadal ula furto.
Waxa uu dhanka kale sheegay in ciidamadii dowladda loogu soo tababaray dalka dibaddiisa aysan weli howl gelin, sababta ay u howlgeli la’yihiina ay tahay sida uu yiri mushaar la'aan iyo qalab la'aan heysata.
“Ciidamada dowladda diyaar ayay u yihiin inay howlgalaan, balse waxaysan heysan mushaaraad iyo qalab ay ku howlgalaan, mana jiro wasaarad dowladeed oo u taagan fulinta qodobadan, waayo dowladdu awood uma lahan inay canshuuraha soo uruursato si ay ugu taageerto ciidamadeeda” ayuu yiri Augustine Mahiga.
Waxa kale oo uu sheegay in ay jiraan aragtiyo kala duwan oo ay dalalka IGAD qaarkood kala qabaan si dowladda KMG wax loogu qabto, balse waxa uu sheegay in la isku waafaqsan yahay in la taageero dowladda KMG Soomaaliya.
Miino la aasayay oo qaraxday iyo dowladda KMG oo soo bandhigtay Meydka ninkii aasayay
Sabti.21-Agosto.2010{SOMAALJECEL}-Muqdisho, Qarax xooggan oo habeenkii xalay laga maqlay degmada Waaberi ee magaalada Muqdisho ayaa la sheegay in uu ka dhashay miino la doonayay in la aaso oo ninkii aasayay ku qaraxday.
Miinadaa oo la doonayay in lagu aaso waddo ay aad u isticmaalaan saraakiisha iyo ciidamada dowladda KMG Soomaaliya ayaa saakay waaberigii waxaa looga tegay goobta miinadu ka qaraxday ninkii doonayay in aaso, kaasoo ay saxaafadda u soo bandhigtay dowladda.
Goobta qaraxa ka dhacay oo ah Buuntada Ansalooti degmada Waaberi ee magaalada Muqdisho ayaa afhayeenka ciidamada Booliska dowladda KMG C/llaahi Xasan Bariise oo saakay shir jaraa’id ku qabtay goobtii uu yaalay ninka Meydka ahaa ayaa waxa uu sheegay in ninkani uu ahaa ninkii aasayey miinada, isagana ay ku qaraxday nasiib wanaag sida uu hadalka u dhigay.
“Waad u jeeddaan ninkan meydkiisa ay indhihiina qabanayaan waa ninkii aasayay miinada la doonayay in lagu waxyeeleeyo dadka shacabka ah ee reer Muqdisho iyo ciidamada dowladda KMG iyo saraakiishooda, balse nasiib wanaag isagii ayay ku qaraxday, waxaan maqli jiray dhimo oo ceeb reeb, sida muuqata maahmaahdaasi waxay hadda ku dhacday wiilkan dhalinyarada ah ee la qalday” ayuu yiri Afhayeenka oo sheegay in sababta ay ku caddeynayaan in ninkani meydka ah uu yahay ninkii qaraxa rakibayay ayaa waxa uu sheegay inuu wato rimuutkii miinada lagu qarxinayay iyo bam gacmeed, isagoo sidoo kale inay gacanta ku dhigeen labo nin oo uu sheegay inay la shaqeynayeen ninka miinada aasayay oo ilaalo u ahayd sida uu yiri.
Waxa uu afhayeenku sheegay in nimankan la qabtay ay baarayaan, haddii wax dembi ah lagu waayana ay iska sii deyn doonaan, balse haddii ay ku helaan dambiga lagu hayo ee ah inay ilaalo u ahaayeen inka miinadaha aasayay ay sharciga horkeeni doonaan sida uu yiri.
Dowladda KMG iyo Ahlusunna oo heshiis rajo ku dhisan wada gaaray
Sabti.21-Agosto.2010{SOMAALJECEL}-Addis Ababa, Mas’uuliyiin ka kala tirsan dowladda KMG iyo Culumaa’udiinka Ahlusunna Waljamaaca oo ku sugan magaalada Addis Ababa ee xarunta dalka Itoobiya ayaa waxay heshiis rajo u muuqda ku gaareen halkaas.
Heshiiska dhex maray Dowladda KMG iyo Ahlusunna ayaa waxaa ka mid ahaa in gobollada gobollada Gedo, Hiiraan, Galgaduud, Bay iyo Bakool laga dhiso maamulo ay leeyihiin gobolladaas oo hoostaga dowladda KMG Soomaaliya, waa haddii ay ka qabsadaan kooxaha haatan ka taliya ee al-shabaab iyo Xisbul islaam, taasoo ah rajo aan hadda soo muuqan.
Shirka ayaa waxaa dhinaca dowladda KMG u saxiixay Wasiirka Gaashaandhigga Abuukar Cabdi Cusmaan {Mardaadi}, wasiirka amniga Qaranka Axmed C/salaan, Wasiirka iskaashiga caalamiga Mustaf Dhuxulow, dhinaca Ahlusunnana waxaa u saxiixay Sheekh Maxamed Yuusuf {Xeefow}, Sheekh C/llaahi C/raxmaan {Abuu Yuusuf Al-qaadi}, Xoghayaha arrimaha dibadda Bashiir Colaad, Mustaf Gacamay iyo Barre Aadan shire {Barre hiiraale} oo ka mid ahaa hogaamiye kooxeedyadii soo maray dalka Soomaaliya.
Wasiirka Gaashaandhigga dowladda KMG ayaa saxaafadda u sheegay in la isku afgartay in si wadajir ah ay labada dhinac isaga kaashadaan sidii ay dalka nabad ugu soo celin lahaayeen sida uu yiri, isla markaasna la isku afgartay in haddii gobolladaasi laga saaro kooxaha hubeysan laga dhisayo maamulo hoos taga dowladda.
Dhinaca kale Xubno ka tirsan Ahlusunna ayaa la sheegay inay ka soo horjeesteen heshiiskaa, iyagoo sheegay in xubnaha ka qeyb galay shirka aysan magaca Alhusunna metelin, isla markaasna ay yihiin kuwo iskood u madax bannaan.
Sheekh Cumar Maxamed Faarax oo kamid ah saraakiisha ugu sareysa Ahlusunna Waljamaaca ayaa si kulul u canbaareeyay kulankaasi isagoo sheegay dadka ka qayb galay in aysan ka tirsanayn marnaba Ahlusunna Waljamaaca sida uu yiri.
Taliyihii hoggaaminayay ciidamada Puntland ee ka dagaalamay Buurta Galgala oo is casilay
Sabti.21-Agosto.2010{SOMAALJECEL}-Boosaaso, Wararka naga soo gaaraya magaalada Boosaaso ee Puntland ayaa sheegaya in si lama filaan ah uu isku casilay taliyihii ciidamada daraawiisha maamulka Puntland Col. Siciid (Tuuta weyne) oo ahaa sarkaalkii ugu sarreeyay ee hoggaaminayay dagaalkii ciidamada Puntland la galeen kuwa Sheekh Attam.
Is casilaata taliyaha oo aan la ogeyn waxa sababay balse loo malaynayo inuu arrimo guracan la kulmay ayaa shalay markii uu ka soo laabtay goobta dagaalka ee deegaanada buuraha Galgala ku dhawaaqay is casilaaddiisa.
Iscasilaadda taliyahan oo lama filaan ku noqotay maamulayaasha Puntland ayay wararku sheegayaan in weli aan laga aqbalin, wallow la hadal hayo in baadigoob loogu jiro sarkaalkii booskiisa buuxin lahaa, iyadoo la hadal hayo in kaalintaas loo rabo sarkaal lagu magacaabo Siciid Dheere oo haatan ah Taliyaha guud ee Ciidamada maamulka Puntland.
Taliyihii Ciidamada daraawiishta Puntland ee is casilay Col Siciid Tuuta weyne ayaa hore is casilaad uu soo gudbiyey Madaxtooyada Puntland ka diidday, haddana si rasmi ah looma xaqiijin karo in laga aqbali doono iyo in kale, wallow markan la hadal hayo in la fasixi doono.
Ururka Xisbul Islaam oo xirxiray Odayaal dhaqameeyo
Sabti.21-Agosto.2010{SOMAALJECEL}-Afgooye, Ururka Xisbul Islaam ee gacanta ku haya degmada Afgooye iyo deegaanada ku dhowdhow ayaa la xaqiijiyey in ay xabsi u taxaabeen Odayaal dhaqameedyo ku noolaa tuulada lagu magacaabo Furuqley ee ka tirsan degmada Afgooye.
Odayaashan ay xirxireen Ururka Xisbul Islaam ayaa waxaa la sheegay in la soo eedeeyey, kadibna sidaasi ay ku xirxireen, waxaana la sheegayaa in odayaashaasi ay haatan ku jiraan saldhig ku yaala deegaanka Furuqley ee gobolka shabeelaha Hoose.
Waxaa socota waanwaan iyo isku dayayo in lagu sii daayo Odayaashan kaasoo ay wadaan Odayaasha Tuulada Furuqley oo hadda shirar gooni gooni ah la leh maamulka Ururka Xisbul Islaam ee gacanta ku haya tuuladaas.
Lama shaacin waxyaabaha lagu eedeeyay Odayaashan, balse waxaa la sheegay oo kaliya in sababta lagu xiray ay tahay eedeyn loo jeediyay oo maamulka Xisbul Islaam loo gudbiyay.
Raashiin Muqdisho lagu gubay
Sabti.21-Agosto.2010{SOMAALJECEL}-Muqdisho, Raashin ay horay u bixisay hay’adda cunnada adduunka ee WFP oo ganacsato Soomaaliyeed u xareysnaa, kuwana gaadiid ay ku rarnaayeen ayay xarajkada Al-shabaab dab qabadsiiyeen.
Raashiinkaas oo shalay Jimcihii lagu gubay magaalada Muqdisho ayaa waxay xarakada Al-shabaab sheegeen in raashiinkaasi uu ahaa mid dhacay.
“Raashinka aan gubnay oo isugu jiray Galley, Boorash iyo Qamadi waxaa lagu soo qabtay howlgallo aan ka sameynay degmooyinka gobolka Banaadir, waxayna ahaayeen raashiin dhacay” ayuu yiri Guddoomiyaha gobolka Banaadir ee Xarakada Al-shabaab Sheekh Cali Maxamed Xuseen oo shir jaraa'id ku qabtay goobtii raashinka la gubay.
Guddoomiyuhu wuxuu sheegay in raashinkan ay soo ururiyeen maalmo kala duwan ayna qaarkood soo qabteen iyagoo lagu wado gaadiid, halka kuwo kalena ay ka soo saareen bakhaaro ay ku keydsanayeen, isagoo ugu hanjabay qofkii lagu helo raashiin hay’adda WFP leedahay ama ay bixisay la dilayo, gaadiidkii iyo bakhaarkii lagu arkana lala wareegayo sida uu yiri
“Maanta kadib qofkii lagu helo raashinka WFP, waxaa loo arkayaa cadow dhib ku haya shacabka Soomaaliyeed, waxaana lagala lagala wareegayaa gaadiidka, bakhaarka ama wax walba oo uu ku wado, isaguna wuxuu mutaysanayaa dil” ayuu yiri Sheekh Cali.
Wuxuu sheegay inay siinayaan ganacsatada muddo laba maalmood ah oo raashinka ay hayaan ay ugu wareejiyaan walaayaadka gacanta ku haya deegaannada ay ku sugan yihiin, isagoo sheegay wixii markaas ka dambeysa ay sharciga la tiigsan doonaan qofkii ay ku qabtaan.
Magaalada B/weyne ee xarunta Gobolka hiiraan ayaa Bakhaaro lagu arkay raashiinka WFP bixisay lagu xirxiray, bakhaaradaas oo gaarayay ilaa 30-nakhaar kuwaasoo weli xiran, ganacsatadii lahaydna ay dacwad ku socoto.
|
Galgala: Ciidamada Sheekh Attam oo la wareegay deegaanka Galgala
Nayroobi: Qarammada Midoobay oo sheegtay in dowladda Soomaaliya aysan wax awood ah lahayn
Muqdisho: Miino la aasayay oo qaraxday iyo dowladda KMG oo soo bandhigtay Meydka ninkii aasayay
Addis Ababa: Dowladda KMG iyo Ahlusunna oo heshiis rajo ku dhisan wada gaaray
Boosaaso: Taliyihii hoggaaminayay ciidamada Puntland ee ka dagaalamay Buurta Galgala oo is casilay
Afgooye: Ururka Xisbul Islaam oo xirxiray Odayaal dhaqameeyo
Muqdisho: Raashiin Muqdisho lagu gubay
1304|1282195800|dynamic|Wararka maanta|
Madaxweyne Sheekh Shariif oo sheegay in dowladdiisa iyo kooxaha ka soo horjeeda wadahadal loo furayo
Khamiis.19-Agosto.2010{SOMAALJECEL}-Muqdisho, Madaxweynaha dowladda KMG Soomaaliya Sheekh Shariif Sheekh Axmed oo shalay dib uga soo laabtay safar maalmo kooban qaatay oo uu ku tagay dalka Suudaan ayaa waxa uu ka warbixiyay ujeeddada socdaalkiisa Suudaan.
Waxa uu madaxweyne Shariif sheegay in safarkiisu uu ku wajahnaa sidii madaxda dalka Suudaan uu ugala soo hadli lahaa xal u helidda arrimaha dalka Soomaaliya, isagoo sheegay in arrimo badan oo muhim ah ay isla soo meel dhigeen isaga iyo madaxweynaha Suudaan Xasan Al-bashiir.
Sheekh Shariif oo u waramayay Idaacadda Umdurman ee dalka Suudaan intii aanu ka soo ambabixin magaalada Khartuum ee dalka Suudaan ayaa wuxuu sheegay in dowladda Suudaan ay waddo dedaal ay ku doonayso in la isku keeno dhinacyada isku haya dalka Soomaaliya, isla markaasna xal laga gaaro arrimaha Soomaaliya iyadoo la marayo qaab wadahal sida uu yiri Sheekh Shariif.
Waxa uu sheegay in dowladdiisa iyo kooxaha ka soo horjeeda la wadahadalsiinayo si loo dhammeetyo buu yiri khilaafaadka ragaadiyey xalka Soomaaliya, isagoo xusay in howshaas ay dhabarka u ridatay dowladda Suudaan oo arrimahaas ay ka soo wada hadleen madaxda dalka Suudaan.
“Waxaa arki doontaan dhawaan natiijada ka soo baxda dedaalka dowladda Suudaan ee ay xalka ugu doonayso arrimaha Soomaaliya ee murugsan” ayuu yiri Madaxweyne Shariif Shariif oo sheegay in ay ka go’an dowladda uu madaxweynaha ka yahay dhameynta khilaafka Soomaalida iyadoo loo marayo dariiq nabadgelyo ah iyo wadahal.
Ciidamada AMISOM oo sheegay inaysan waxba ka qaban karin xaaladda Soomaaliya, dalbadayna…..
Khamiis.19-Agosto.2010{SOMAALJECEL}-Muqdisho, Ciidamada AMISOM ee ku sugan magaalada Muqdisho ayaa sheegay in ay ku adkaatay inay wax ka qabtaan xaaladda dalka Soomaaliya, iyagoo dalbaday in tiro kale oo ciidamo ah lagu soo kordhiyo.
Sarkaal sare oo ka tirsan ciidamada AMISOM ayaa magaalada Kampala ee dalka Yugandha ka sheegay in ciidamada Midowga Afrika ee haatan ku sugan magaalada Muqdisho aysan waxba ka qaban karin xaaladda Soomaaliya sida uu yiri, isagoo xusay in loo baahan yahay 40-Kun askari kale oo dheeraad ah in lagu kordhiyo ciidamada Midowga Afrika ee haatan Muqdisho jooga.
Waxa uu sarkaalkani sheegay in 8-kun askari oo ay ballanqaadeen Midowga Afrika kaliya aysan waxba ka qaban karin Soomaaliya loona baahan yahay ciidamo dheeraad ah oo gaaraya 40-kun askaro oo lagu biiriyo ciidamada AMISOM, isagoo sheegay inay sii kordheyso awoodda kooxaha islaamiyiinta ee Soomaaliya dagaallada ka wada, oo uu xusay in ay taageero ciidamo ka helayaan dagaalyahanno shisheeye oo kala kala yimid dalalka Afganistaan, Bakistaan iyo waddamo kale.
Maxkamadda ciidamada Milateriga dowladda KMG oo albaabada loo laabay
Khamiis.19-Agosto.2010{SOMAALJECEL}-Muqdisho, Wareegto ka soo baxday madaxda sare ee dowladda KMG Soomaaliya ayaa albaabada loogu laabay Maxkamadda ciidamada Milateriga dowladda Soomaaliya, sida uu saxaafadda u sheegay xeer Ilaaliyaha Maxkamaddaas.
G/sare Muuse Maxamed Axmed oo ah Xeer Ilaaliyaha Maxkamadda Milateriga dowladda KMG Soomaaliya ayaa sheegay in maalintii shalay wareegto ka timid madaxtooyada la soo gaarsiiyey taasoo loogu sheegay in la baabi’yay Maxkamadda Ciidamada Milateriga, isla markaana la samaynayo maxkamadda Darajada Koowaad ee Ciidamada.
Wareegtada laguma xusan sida uu sheegay xeer Ilaaliyaha sababta keentay in Maxkamadda Ciidamada Milateriga la laalo, wuxuuse sheegay in maxkamaddaas bedelkeeda la samaynayo Maxkamadda darajada Koowaad, dibna faahfaahin laga soo siinayo.
Ciidamo ka tirsan maamulka Puntland oo u galay kooxda Maxamed Saciid Attam
Khamiis.19-Agosto.2010{SOMAALJECEL}-Galgala, Ciidamo ka tirsan Maamul Goboleedka Puntland iyo Gaadiid dagaal oo ay wateen ayaa la sheegay inay u galeen ciidamada Maxamed Saciid Attam ee muddooyinkan dambe dagaallada kula jiray maamulka Puntland.
Sida wararku sheegayaan saraakiil sarsare iyo ciidamo fara badan oo ka tirsan maamulka Puntland ayaa isu dhiibay ciidamada Maxamed Saciid Attam iyadoo wararka qaar ay sheegayaan in saraakiil ka wada tirsan ciidamada Maxamed Saciid Attam iyo kuwa ka goostay maamulka Puntland ay safar ugu kicitimeen deegaanka lagu magacaabo Xudun oo ka mid ah gobalka Sool halkaasoo la sheegay inay kulamo kula qaadanayaan saraakiil ka tirsan Jabahdda SSC ee dagaalka kula jirta Puntland iyo Somaliland.
Wararku waxay sheegayaan in kulamada ay yeelanayaan dhinacyadaas uga wada arrinsanayaan sida la sheegay sidii dagaal mideysan ugu qaadi lahaayeen maamulka Puntland oo ay sheegeen in caburin uu ku hayo dadka reer Puntland.
Ciidamada la sheegay in ay ka goosteen maamulka Puntaland ayaa la sheegay in ay ka mid ahaayeen ciidamadii ka qayb qaatay howlgalkii buuraha bari ee ciidamada Puntland ay kula dagaalameen ciidamo uu hogaamiyo Sheekh Maxamed Saciid Atam, kuwaasoo isu dhiibay kuwa Maxamed Saciid Attam, una sii tallaabay dhanka Gobolka Sool.
Waxaa haatan haawanaya fariisimo ku yaala degaanka Galgala oo ay ku sugnaayeen ciidamadaasi goostay shalay, mana jiraan wax warar ah oo ka soo baxay maamulka Puntland ee ku saabsan ciidamada ka goostay.
Dhanka kale cutubyo ka tirsan ciidamo Puntland ayaa farujiayay fariisimo ay ku lahayeen Tuulada Galgala iyo Madashoob oo ka mid goobihii ay kala dagaalameen ciidamada uu hoghaamiyo Maxamed Saciid Atam, kuwaas oo la ogeyn meel ay u dhaqaajiyeen.
Nin Bac madow alaab ku watay oo la dilay
Khamiis.19-Agosto.2010{SOMAALJECEL}-Muqdisho, Nin la sheegay inuu alaabo ku watay bac midabkeedu madoobaa oo ka mid ah baxaha suuqyada lagu iibiyo ayaa waxaa saakay lagu dilay degmada Waaberi ee magaalada Muqdisho.
Dilka qofkaasi rayidka ah ayaa waxaa geystay askar ka tirsan ciidamada dowladda KMG Soomaaliya oo howlgal baaritaan ah ka waday saakay degmada Waaberi ee magaalada Miqdisho.
Sida dad goobjoogayaal ah ay sheegayaan ninka la dilay oo marayay meel si aad ah uga fof goob ay ciidamadu dad ku baarayeen ayaa waxaa la sheegay in lagu amray inuu istaago, balse sida ay sheegeen goobjoogayaashu uu maqli waayay hadalkii kadibna rasaas lagu furay uu u geeriyooday.
Ciidamada dowladda KMG ayaa saakay guri guri u galayay xaafadaha degmada Waaberi oo ay howlgal baaritaan ah ka wadeen, iyadoo sidoo kale howlgal ay ka socoto degmada Dharkenley oo ciidamada dowladdu ay baaritaan ka sameynayaan.
Ajnabi gaaray deegaano ka tirsan Koonfurta G/Mudug oo warar kala duwan laga bixiyey
Khamiis.19-Agosto.2010{SOMAALJECEL}-Gaalkacyo, Warar kala duwan ayaa ka soo baxaya rag ajnabi caddaan ah oo shalay gaaray qeybo ka mid ah koonfurta gobolka Mudug, kuwaas oo la sheegay inay ka yimaadeen dhinaca magaalada Gaalkacyo, isla markaasna ay isla shalay gaareen magaalada Hobyo iyo deegaanno kale oo hoos yimaada koonfurta gobolka Mudug.
Raggaas oo ku dhawaad 10-ruux ahaa ayay warar qaar sheegayaan in raggaasi ay yihiin saraakiil ka tirsan ciidamada la dagaalanka burcad badeedda ee Midowga Yurub, kuwaas oo gelinkii dambe ee dorraad ka soo degay garoonka diyaaradaha ee magaalada Gaalkacyo ee xarunta Gobolka Mudug, ayna halkaas ku sugnaayeen ilaa habeen hore.
Warku wuxuu intaasi ku darayaa in raggani ay yihiin wariyaal doonaya ama ay wax ka qoraan arrimaha burcad badeeda, kuwaasoo shalay muddo kooban ku sugnaa qeybo ka mid ah magaalada Hobyo, isla markaasna sawiro ka qaatay qeybo ka mid ah magaalada.
Warar saddexaad ayaa waxay sheegayaan in raggan ay ka socdaan hay’ado samafal ayna kormeer ugu socdeen maamulka Galmudug, oo tusinayay deegaannada ay ka taliyaan ee iyaga hoos yimaada iyo xaaladda Binni’aadannimo ee ka jirta, mase jirto cid si rasmi ah u xaqiijin karta dhab ahaanta waxa ay ragganiyihiin, waxayna wararka ku saabsan raggan ayaa sheegay in ammaankoodu ay sugayaan maleeshiyo beeleedyo oo aysan sugeyn ciidamada maamulka Galmudug.
Maamulka Somaliland oo baadigoobaya ciidamada Sheekh Attam
Khamiis.19-Agosto.2010{SOMAALJECEL}-Burco, Wararka naga soo gaaraya magaalada Burco ee ka mid ah degaannada maamulka Somaliland uu ka taliyo ayaa waxa ay sheegaan in ciidamo ka tirsan Booliska magaalada Burco ay ka bilaabeen xaafadaha magaalada burco inay guri guri u baaraan iyagoo ka raadinaya sida la sheegay ciidamada Maxamed Saciid Attam ee dagaalka kula jira maamulka Puntland.
Sida warku sheegayo maamulka Somaliland ee magaalada Burco ayaa helay xog sheegeysa in rag xiriir la leh Sheekh Attam kana mid ah ciidamadiisa ay soo galeen magaalada Burco.
Taliyaha hoggaanka Booliska gobolka Togdheer C/raxmaan Axmed Liibaan {Fooxle} ayaa sheegay in howlgalka ay bilaabeen kadib markii la soo gaarsiiyay warbixinno sheegaya in askar ka tirsan ciidamada Maxamed Saciid Attam soo galeen magaalada Burco iyo degaano ka tirsan Gobolka Togdheer, isagoo xusay in boqolaal ka tirsan ciidanka amaanka magaalada Burco saddexdii habeen ee tagtay ay guri guri u baarayeen xaafadaha magaalada Burco iyagoo baadi goobaya rag uu sheegeen inay xiriir la leh kooxaha ka dagalama Koonfurta Soomaaliya iyo maamul gobolleedka Puntland, kuwaas oo soo galay buu yiri magaalada Burco.
“Waxaanu baarnay guryo tiro badan, baaristiina way inoo socotaa weli, haddana ma jirto cid aanu ku soo qabanay baaristaas ayuu yiri Mr. Fooxle oo sheegay inay sii wadayaan baarista inta ay ka xaqiijinayaan ammaanka magaalada, sida uu yiri.
Mas’uuliyiin ka tirsan maamulka Puntland oo laga mamnuucay safarada dibadda
Khamiis.19-Agosto.2010{SOMAALJECEL}-Garowe, Wareegto shalay ka soo baxday xafiiska Wasiirka Arimaha Gudaha iyo dowladaha Hoose ee maamulka Puntland Jen. C/llaahi Axmed Jaamac (Ilka-jiir) ayaa lagu sheegay in hadda iyo wixii ka dambeeyay la xadiday dhaqdhaqaqa iyo safarada Guddoomiyaasha gobollada iyo degmooyinka ee maamulka Puntland.
“Waxaa lagu wargelinayaa dhamaan Guddoomiyaasha gobollada & degmooyinka Puntland in aysan ka bixi karin xuduudaha gobollada iyo degmooyinka ay ka arrimiyaan, isla markaasna aysan geli karin wax safar dibadeed ah oo ka baxsan xuduudda gobolada ay maamulaan iyagoo aan ka heysan waraaq ogolaansho ah xarunta dhexe ee Wasaaradda arrimaha Gudaha Puntlad” ayaa lagu yiri wareegtadaas ka soo baxday xafiiska Wasiirka Arimaha Gudaha iyo dowladaha Hoose ee maamulka Puntland.
Lama oga sababaha keenay culayskan la saaray mas’uuliyiinta Gobollada iyo degmooyinka maamulka Puntland, mana la oga sida amarkani uu u saamaynayo guddoomiyeyaasha la xadiday dhaqdhaqaaqooda.
Barakacayaal gaajo darted ugu geeriyooday magaalada Muqdisho
Khamiis.19-Agosto.2010{SOMAALJECEL}-Muqdisho, Sida uu sheegay Guddoomiyaha degmada Shibis ee maamulka dowladda KMG Soomaaliya Kulmiye Yabroow Haruur haweeney iyo Labo carruur ayaa gaajo darted ugu geeriyooday degmada Shibis kuwaas oo uu sheegay inay ka mid ahaayeen qoysas barakacayaal ah oo dhawaan ka soo barakacay xaafadahooda Muqdisho oo dagaallo ay ka jiraan.
Guddoomiyaha ayaa waxa uu ka deyriyay xaaladda nololeed ee qoysaska barkacayaasha ah ee ku nool degmada Shibis, wuxuuna sheegay in xaaladda dadka ku nool degmadaasi ay aad u liidato isagoo tilmaamay in maalintii shalay maculuul darteed ay u geeriyootay Haweeneey ku noolayd degmada Shibis iyo sidoo kale labo kale oo Carruur ah, sida uu tibaaxay.
Waxa uu Mr. Yabaroow sheegay in marar badan hay’adaha samafalka iyo maamulka sare ee Gobolka Banaadir ay u direen codsi ku wajahan in la gargaaro dadka ku nool degmada Shibis, balse uu sheegay in aysan cid dhag jalaq u siinin.
Sidoo kale Guddoomiyha degmada Shibis ee gobolka Banaadir waxa uu tilmamay in muddo 3-bilood ah aysan helin barakacayaasha ku nool degmada Shibis wax gar gaar ah, wuxuuna ka dalbaday Hay’adaha ku shaqada leh caawinta dadka tabaalaysan iyo ganacsatada Soomaaliyeed ee hantida leh in si degdeg ah ay gargaar bini’aadannimo ula soo gaaraan dadka ay saameeyeen dagaalada ka soconaya waqooyiga magaalada Muqdisho ee ku soo barakacay degmada Shibis ee uu isagu Guddoomiyaha ka yahay.
|
Muqdisho: Madaxweyne Sheekh Shariif oo sheegay in dowladdiisa iyo kooxaha ka soo horjeeda wadahadal loo furayo
Muqdisho: Ciidamada AMISOM oo sheegay inaysan waxba ka qaban karin xaaladda Soomaaliya, dalbadayna…..
Muqdisho: Maxkamadda ciidamada Milateriga dowladda KMG oo albaabada loo laabay
Galgala: Ciidamo ka tirsan maamulka Puntland oo u galay kooxda Maxamed Saciid Attam
Muqdisho: Nin Bac madow alaab ku watay oo la dilay
Gaalkacyo: Ajnabi gaaray deegaano ka tirsan Koonfurta G/Mudug oo warar kala duwan laga bixiyey
Burco: Maamulka Somaliland oo baadigoobaya ciidamada Sheekh Attam
Garowe: Mas’uuliyiin ka tirsan maamulka Puntland oo laga mamnuucay safarada dibadda
Muqdisho: Barakacayaal gaajo darted ugu geeriyooday magaalada Muqdisho
1303|1282109400|dynamic|Wararka maanta|
Sheekh caan ah oo heshiiskii ay wada galeen dowladda Itoobiya iyo Jabhadda UWSLF ku tilmaamay mid Gaalnimo ah
Arbaco.18-Agosto.2010{SOMAALJECEL}-Nayroobi, Sheekh Maxamed Cabdi Umal oo ka mid ah Culumaa’udiinka waaweyn ee Soomaaliyeed isla markaana ku nool dalka Kenya ayaa waxa uu markii ugu horreysay ka hadlay heshiiskii ay Jabhadda UWSLF la gashay dowladda Itoobiya, heshiiskaas oo uu ku tilmaamay mid baadil ah isla markaana Gaalnimo cad u horseedaya Jabhadda.
Waxa uu Sheekh Umul ugu baaqay Jabhadda Soomaali Galbeed ee UWSLF in ay deg deg uga laabtaan heshiiska ay la gashay dowladda Itoobiya, isagoo heshiiskaas u tilmaamay khalad weyn oo ka hor imanaya Mabda’a Diinta Islaamka.
Sheekh Umul waxa uu sheegay in qodobo ku jira heshiiska ay yihiin Gaalnimo Cad, isagoo tilmaamay in farqadda 5aad ee qodobka 1aad ee heshiiska uu yahay Gaalnimo cad sababtoo ah ayuu yiri waxaa qodobkaas ku cad in Jabhadda UWSLF ay aqbashay Dastuurka Itoobiya.
Qodobkaas waxa uu dhigayaa Jabhadda UWSLF inay aqbashay in ay u hoggaansamayso Dastuurka Federaalka ee Jamhuuriyadda Dimoqraadiga Itoobiya iyo qawaaniinta kale ee dalka Itoobiya, iyadoo la ogyahay buu yiri in dowladda Itoobiya aysan ku dhaqmin Diinta Islaamka, qodobadeedana ay ku salaysan yihiin shuruucda Gaalada, sidaa awgeed Jabhadda UWSLF oo ah Jabhad Soomaaliyeed oo Islaam ah ay heshiiskaasi ku gaaloobeyso.
Sheekh Maxamed Umal oo wareysi uu siiyey Telefishinka Al-jazeera ku sheegay hadalkan ayaa waxa kale oo uu sheegay in uusan waxba ka ogeyn ama waxba kala socon heshiiskaas dhexmaray UWSLF iyo Itoobiya, sida ay saxaafaddu hore u faafisay, kadib markii Guddoomiyaha Jabhadda UWSLF oo heshiiska la saxiixday Itoobiya uu hore u sheegay in uu hambalyo uu ka helay culimo Soomaaliyeed oo uu ka mid yahay Sheekh Maxamed Umal, balse uu taas Sheekh Umal beeniyey, kuna xambaartay inuu ka hadlo.
Sheekh Umal waxa uu Jabhadda UWSLF ugu baaqay in ay heshiiskaasi ay ka laabtaan inta ay goori goor tahay, isagoo ku celceliyey inuu yahay khalad weyn oo ka soo horjeeda mabaadiida iyo qawaaniinta Islaamka.
Sheekh Maxamed Cabdi Umal ayaa hore uga hadlay Dastuurkii dowladda KMG Soomaaliya xilligii la soo doortay madaxweyne Sheekh Shariif isagoo ka hadlay ku dhaarashada Kitaabka Qur’aanka iyadoo la adeecayo Dastuur aan waafaqsanayn Qur’aanka.
Dhanka kale waxaa arrintaas ka hadlay Sheikh Xasaan Xuseen Aadan(Abuu Salmaan) oo heshiiskaasi ay wada galeen Jabhadda UWSLF iyo Itoobiyna ku tilmaamay mid meel ka dhac iyo xadgudub ah, wuxuuna jabhadda iyo taageerayasheeda ugu baaqay in ay heshiiskaas degdeg uga laabtaan, kana towbad keenaan.
Sheekh Xasaan (Abuu Salmaan) hore ayuu fadwo dheer oo ka kooban 45 bog oo ku qoran Carabi uga soo saaray heshiiska jabhadda iyo Itoobiya oo uu ku tilmaamay is dhiibid.
Jabhadda UWSLF waxa ay dowladda Itoobiya heshiiskan ay naqdiyeen Culimaa’udiinka Soomaaliyeed la gashay bishii 29kii July sanadkii tagay ee 2010, heshiiskaas oo Jabhaddu ay ku sheegtay inuu yahay mid lagu soo afjaray iska caabintii ay jabhaddu soo wadday muddo 18 sano oo ay u dagaalamaysay xornimadoon, isla markaasna jabhaddu ay u hoggaansantay dastuurka Itoobiya, ayna ka mid ah Jabhaddu shacab hubkeediina iska dhigtay.
Garoonka diyaaradaha magaalada Hargeysa oo albaabada loo laabayo
Arbaco.18-Agosto.2010{SOMAALJECEL}-Hargeysa, Maamulka Somaliland ayaa shirkadaha duulimaadka ee isticmaala Garoonka diyaaradaha Hargeysa ku wargeliyey in laga bilaabo bisha Oktoobar aysan isticmaali karin Garoonka diyaaradaha magaalada Hargeysa.
Wasiirka duulista hawada ee maamulka Somaliland ayaa sheegay in bisha Oktober ee soo socota albaabada loo laalabayo garoonka diyaaradaha magaalada Hargeysa, isagoo xusay in uu ku wargeliyey shirkadaha diyaaradaha ee isticmaala garoonka Hargeysa inay diyaaradahooda hadda kadib u weeciyaan dhinaca garoonka diyaaradaha ee magaalada Bebera.
Waxa uu wasiirku sheegay in garoonka Hargeysa lagu samaynayo ballaarin iyo dib u dhis, sidaa awgeed xilliga ay howshaasi socoto la xirayo Garoonka, isagoo aan sheegin muddada rasmiga ah ee uu xirnaanayo garoonka.
Dhinaca kale waxaa shalay laga furay magaalada Garoowe garoon diyaaradeed oo dhismihiisu socday muddo 7-sano ah, waxaana xarigga ka jaray Madaxweynaha maamulkaasi, kaas oo sheegay in dhismaha garoonka uu qeybka yahay heshiis uu dhawaan maamulkiisu ku soo galay dalka Turkiga.
Dowladda KMG iyo Ahlu Sunna oo heshiis Q/Midoobay ay goobjoog ka ahayd wada gaarray
Arbaco.18-Agosto.2010{SOMAALJECEL}-Addis Ababa, Dowladda KMG Soomaaliya iyo Culumaa’udiinka Ahlusunna Waljamaaca ayaa magaalada Addis Ababa ee dalka Itoobiya kuwada gaaray heshiis ku wajahan arrimaha Soomaaliya.
Heshiiskaas oo ay goobjoog ka ahaayeen Qaramada Midoobay iyo urur Gobolleedka IGAD ayaa waxa uu dhigayaa in la xoojiyo dagaalada lagula jiro kooxaha ka soo horjeeda dowladda KMG, in Q/midoobay ay dhinaca hubka iyo dhaqaalaha ku taageerto labada dhinac, in beesha caalamka ay ka shaqeyso taageerada dowladda KMG Soomaaliya iyo qodobo kale.
Kulankaas oo ahaa mid aan la sii qorsheynin oo si qarsoodi ah ku dhacay balse mar dambe saxaafaddu ka war heshay ayaa waxaa ka qeyb galay as’uuliyiin ka kala socotay dowladda KMG Soomaaliya iyo Culumaa’udiinka Ahlusunna Waljamaaca iyadoo heshiiskaasi ujeeddadiisu ahayd sidii ay labada dhinac oo muddooyinkan dambe uu madmadow soo kala dhex galay ugu midoobi lahaayeen dagaalka ay kula jiraan kooxaha ka soo horjeeda.
Kulankani oo uu soo qaban qaabiyay urur goboleedka IGAD ayaa waxaay labada dhinac isla ogolaadeen inay si wadajir ah ula dagaalamaan xoogaga hubeysan ee ka soo horjeeda.
Mas’uuliyiinta kala mataleysay labada dhinac ayaa waxaa ay beesha Caalamka ka codsadeen inay la barbar istaagaan taageero militari, mid qalab iyo mid dhaqaale, iyagoo ku celceliyay in ay nabadda Soomaaliya ay soo celin karaan haddii beesha caalamku ay garab istaagto sida ay yiraahdeen.
Ninka u qaabilsan IGAD nabadda Soomaaliya Mr. Kipruto Arap Kirwa oo Kulankaani goob joog ka ahaa ayaa sheegay in Ururka IGAD uu si aad ah u qadarinayo taageerada labada dhinac iyo isku raacistooda ku aaddan xoojinta dagaalada ay kula jiraan kooxaha ka soo horjeeda.
Kulanka ayaa waxaa goob joog ka ahaa mas’uuliyiin ka tirsan dowladda KMG Soomaaliya oo ay ku jiraan wasiiradii dhawaan xukuumada KMG uga soo biiray dhinaca Culumaa’udiinka Ahlusunna Waljamaaca, waxaana la filayaa in saxiixa qodobada heshiiskani uu maanta ka dhaco magaalada Addis Ababa ee dalka Itoobiya.
Dowladda Suudaan oo sheegtay inay dhexdhexaadinayso dowladda KMG iyo xoogagga ka soo horjeeda
Arbaco.18-Agosto.2010{SOMAALJECEL}-Khartuum, Wasiirka arrimaha dibadda ee dowladda Suudaan Cali Karti ayaa sheegay inay ka qayb qaadanayaan wax ka qabashada xaaladda adag ee ka taagan dalka Soomaaliya.
Mr. Cali Karti oo Shir jiraa’id ku qabtay magaalada Khartum kadib kulan dhex maray Madaxweynayaasha Soomaaliya iyo Suudaan Shariif Sheekh Axmed iyo Cumar Xasan Al-Bashiir ayaa waxa uu sheegay in dowladda Suudaan ay ka go’an tahay inay dhexdhexaadin u sameyso kooxaha mucaaradka iyo dowladda KMG si loo baajiyo buu yiri dhiigga daadanaya.
Wasiirku wuxuu sheegay in beesha caalamka iyo waddamada gobolka Geeska Afrika ay iska kaashanayaan wax ka qabashada dhibaatooyinka ka jira Soomaaliya si loo joojiyo dagaallada aan dhammaadka lahayn ee 20-ka sano ka taagan Soomaaliya kaasoo sababay buu yiri dhimasho fara badan, dhaawac iyo barakac baahsan.
Dagaallo goos goos ah iyo duqeymo magaalada Muqdisho ka bilowday saakay iyo dad tukanayay oo uu Madfac ku habsaday
Arbaco.18-Agosto.2010{SOMAALJECEL}-Muqdisho, Rasaasta culus iyo midda fudud ayaa aroornimadii hore ee saakay laga maqlay xaafadaha degmada Hodan ee magaalada Muqdisho halkaasoo ay isku hor fadhiyaan ciidamo ka tirsan dowladda KMG iyo kuwa ururka Xisbul islaam.
Dagaalkaa oo la isku adeegsanayo hubka culus iyo midka fudud ayaa waxaa barbar socda madaafiic ay ridayaan ciidamada AMISOM oo garab siinaya kuwa dowladda KMG, iyadoo madaafiicdaasi ay ku dhacayso qeybo ka mid ah suuqa Bakaaraha iyo xaafadaha ku dhow dhow degmada Hodan.
Dagaalkan oo u muuqda mid daba socdo dagaal culus oo labo maalmood kahor degmada Hodan ku dhex maray ciidamada dowladda KMG iyo kuwa Ururka Xisbul Islaam ayaa waxaan la ogeyn khasaaraha rasmiga ah ee ka dhashay dagaaladan saakay sida goos gooska uga bilowday magaalada Muqdisho, sidoo kalena ma jiraan ilaa iyo hadda cid ka hadshay dhinacyada uu dagaalku u dhexeeyo.
Dhinaca kale Madaafiic culus oo xalay lagu garaacay degmada Wardhiigley ee magaalada Muqdisho ayaa sababatay khasaarooyin isugu jira naf iyo maal, waxayna mashaqada ugu naxdinta badani ay ka dhacday Masjid ay xalay salaadda Taraawiixda lagu tukanayay oo dhimasho iyo dhaawacba ay ka dhacday, masjidkaas oo lagu magacaabo Masjidka Lakari, waxaana dadkii ku dhaawacmay loo qaaday Isbitaalada magaalada Muqdisho.
Dagaalladii labada maalmood dhex maray dhinacyadaas ayaa waxay sababeen dhimashada ku dhawaad 20-ruux iyo dhaawaca tiro ka badan 60-ruux kuwaasoo u badan dad rayid ah oo iyagu aan lug ku lahayn dagaalladaas, iyadoo inta badan dagaallada ka dhaca Muqdisho ay ku waxyeeloobaan dadka rayidka, halka dhinacyada dagaalamana ay guulo uun kala sheegtaan, iyagoo goobahoodii kala jooga.
Weerar bambaanno oo xalay lagu qaaday ciidamo ka tirsan dowladda KMG Soomaaliya
Arbaco.18-Agosto.2010{SOMAALJECEL}-Muqdisho, Qarax xooggan oo loo adeegsaday Bambo gacmeed ayaa xalay lala beegsaday saldhiga Afar irdood degmada X/weyne ee magaalada Muqdisho halkaasoo ay ku sugnaayeen ciidamo ka tirsan dowladda KMG.
Qaraxaas oo aan la sheegin waxyeello ka soo gaartay ciidamada ayay wararku sheegayaan in qaraxa kadib ay fureen Ciidamada Dowladda KMG ee ku sugan saldhigaas rasaas culus oo sababtay dhaawaca Saddex qof oo rayid ah, waxaana dhaawacyada dadkaasi rayidka ah loo qaaday Isbitaalka Madiina ee Magaalada Muqdisho.
Waxaa la sheegay in ciidamada Booliska Saldhiga Afar irdood ay bilaabeen baaritaano ka dhan ah dadka rayidka ah si ay u soo qabtaan kooxihii weerarka Bambooyinka ku soo qaaday saldhigaasi, laakiin ciidamadu waxay ku guuldaraysteen in ay soo qabtaan kooxahaasi.
Taliska ciidamada Booliska Saldhiga Afar irdoodka faahfaahin kama bixin qaraxyada xalay lagu soo weeraray saldhigaasi, waxa ayna qaraxyadan ku soo beegmayaan xili maalmihii ugu danbeysay ciidamada Booliska howlgalo amaanka lagu sugayo ay ka wadeen degmooyinka Xamar-weyne, Xamar jajab iyo Waabari ee magaalada Muqdisho.
Askari dhacdo layaab leh naftiisa ugu waayay magaalada Muqdisho
Arbaco.18-Agosto.2010{SOMAALJECEL}-Muqdisho, Fiidnimadii xalay ayaa askari ka tirsanaa ciidamada dowladda KMG Soomaaliya askari kale oo isla dowladda KMG ka tirsan ku dileen degmada Xamar weyne ee magaalada Muqdisho kadib markii ay damceen sida la sheegay in ay ka dishaan Bastoolad uu dad ku dhacayay.
Sida warku sheegayo askariga la dilay ayaa Bastoolad nooca laga sameeyo Caaga ee carruurta ku cayaaraan ku dhacayay dad rayid ah, iyadoo dadkuna u malaynayeen Bastoolad dhab ah sidaasina hantidooda uu uga qaadanayay askarigaas.
Askar kale oo kuwa dowladda KMG Soomaaliya ka tirsan oo arkay askariga dhaca u geysanaya rayidka ayaa la sheegay in uu damac ka galay Bastooladda uu askarigu dhaca ku geysanayay maadaama uu kaligiis ahaa, kadibna waxay ku fureen rasaas sababtay in askarigu geeriyoodo.
Bastooladdii uu watay markii ay ka qaateen ayay ka shakiyeen khafiifkeeda kadibna ogaadeen baa la yiri inay tahay Bastoolad macmal ah oo ah kuwa carruurta ay ku cayaaraan xilliyada Ciidaha ee suuqyada Muqdisho lagu iibiyo.
Askarigan oo dhac u geystay dad u socday tukashada Salaada Taraawiixda ayaa isna basyooladdii been abuurka ahayd ee uu dhaca ku geysanayay ku waayay naftiisa, iyadoo askartii kale ee dilka u geysatayna ay arrintaasi la noqotay filanwaa, waxaana la sheegay inay si hal-haleel ah goobtii uga baxsadeen, iyagoo ku hungoobay damacoodii ahaa in ay helaan Bastoolad.
Ciidamada dowladda KMG ayaa mar waliba dhac u geysta dadka tayidka iyadoo aanay jirin cid wax ka qabata arrintaas oo marar badan cabasho ka muujiyeen shacabka, waxaana xusid mudan in dowladda KMG oo sheegata inay ku dhaqanto shareecada islaamka aysan waxba ka qaban ciidamadeeda dhaca, dilka iyo boobka u geysta rayidka.
|
Nayroobi: Sheekh caan ah oo heshiiskii ay wada galeen dowladda Itoobiya iyo Jabhadda UWSLF ku tilmaamay mid Gaalnimo ah
Hargeysa: Garoonka diyaaradaha magaalada Hargeysa oo albaabada loo laabayo
Addis Ababa: Dowladda KMG iyo Ahlu Sunna oo heshiis Q/Midoobay ay goobjoog ka ahayd wada gaarray
Khartuum: Dowladda Suudaan oo sheegtay inay dhexdhexaadinayso dowladda KMG iyo xoogagga ka soo horjeeda
Muqdisho: Dagaallo goos goos ah iyo duqeymo magaalada Muqdisho ka bilowday saakay iyo dad tukanayay oo uu Madfac ku habsaday
Muqdisho: Weerar bambaanno oo xalay lagu qaaday ciidamo ka tirsan dowladda KMG Soomaaliya
Muqdisho: Askari dhacdo layaab leh naftiisa ugu waayay magaalada Muqdisho
1302|1282023000|dynamic|Wararki u dambeeyay|
Baarlamaanka dowladda KMG oo ansixiyay qodobada xeer hoosaadka
Talaado.18-Agosto.2010{SOMAALJECEL}-Muqdisho, Kulan ay maanta ku yeesheen magaalada Muqdisho xildhibaannada baarlamaanka dowladda KMG Soomaaliya ayaa waxa ay ku ansixiyeen dhammaan qodobada uu ka kooban yahay xeer hoosaadka.
Xidhibaannada oo muddooyinba qeyb qeyb ay uga doodayay qodobada xeer hoosaadka ee Baarlamaanka ayay isku wada raaceen qodobada xeer hoosaadka ee Baarlamaanka.
Fadhiga maanta ee baarlamaanka oo uu shir guddoominayay Guddoomiyaha Baarlamaanka Shariif Xasan Sheekh Aadan ayaa waxaa ka qeyb galay ku dhawaad Saddex Boqol xildhibaan oo cod aqlabiyad ah ku ansixiyey qodobada ay ka doodeen.
Xildhibaanada Baarlamaanka ayaa waxa ay ku murmeen in fasax la geliyo fadhiyada Baarlamaanka ilaa ay ka dhamaaneyso bisha Ramadaan, hasa ahaatee Guddoomiyaha ayaa ka diiday isagoo ku dooday in Baarlamaanka ay horyaalaan howlo fara badan oo uu sheegay inaan fasax laga geli karin.
Dhanka kale xildhibaannada waxaa isla fadhigii maanta loogu qeybiyay qoraal ku saabsan Dastuurka cusub ee dowladda KMG ay diyaarineyso si ay u soo akhristaan kadibna uga doodaan.
Ururka xisbul islaam oo soo bandhigay askari ay ku qabteen dagaaladii shalay ka dhacay Muqdisho
Talaado.18-Agosto.2010{SOMAALJECEL}-Muqdisho, Ururka Xisbul Islaam oo shalay dagaal culus la galay ciidamada dowladda KMG Soomaaliya iyo kuwa AMISOM isla markaasna dagaalladaasi guulo ka sheegtay ayaa maanta u soo bandhigay saxaafadda askari shalay ay ku qabteen dagaalkii ay degmada Hodan ee magaalada Muqdisho kula galeen ciidamada dowladda KMG Soomaaliya.
Madaxa howlgalada ururka Xisbul Islaam Sheekh Maxamed Cusmaan Caruus ayaa sheegay in dagaalkii shalay ay kula wareegeen fariisimo ay ciidamada dowladda KMG horey ugu sugnaayeen, isla markaasna ay ciidamo aad u badan ka dileen kuwo kalena ka dhaaweceen.
Waxa kale oo uu sheegay in dhowr askari ay ka soo qabteen dowladda KMG Soomaaliya kuwaasoo lagu qabtay dagaalkii shalay ka dhacay qeybo ka mid ah degmada Hodan wuxuuna xusay in askarta kale ee ay soo qabteen ay dhaawac ahaayeen isla markaana u dhinteen dhaawacyadii soo gaaray, balse halkan askari oo isagoo bed qaba ay soo qabteen ay saxaafadda u soo bandhigeen.
Madaxweynaha Soomaaliya oo kulamo la qaatay dhigiisa dalka Suudaan
Talaado.18-Agosto.2010{SOMAALJECEL}-Khartuum, Madaxweynaha dowladda KMG Soomaaliya Shariif Sheekh Axmed oo maalintii shalay gaaray magaalada Khartuum ee dalka Suudaan ayaa waxa uu kulamo kula leeyahay madax ka tirsan dalka Suudaan.
Madaxweyne Shariif ayaa la sheegayaa in maanta uu kulan la qaatay dhigiisa dalka Suudaan Cumar Xasan Al-Bashiir oo uu kala hadlay xaaladda dalka Soomaaliya, isagoo ka dalbaday inuu taageero siiyo.
Waxaa la sheegay in madaxweyne Al-Bashiir uu u ballanqaaday dhigiisa Sheekh Shariif inuu ka aqbalay taageerada dowladda KMG Soomaaliya uga baahan tahay Suudaan, wuxuuna xusay in mar waliba dowladda Suudaan ay garab taagan tahay dowladda iyo shacabka Soomaaliyeed.
Qarax waxyeello xooggan geystay oo lala eegtay Gaari ay wateen ciidamada Puntland
Talaado.18-Agosto.2010{SOMAALJECEL}-Galgala, Wararka naga soo gaaraya degaanka Galgala ee Gobolka Bari ayaa sheegaya in qarax xoogan barqanimadii maanta lala eegtay Gaari sahay u siday ciidamada maamul goboleedka Puntland ee ku sugan degaanka Galgala
Qaraxaas oo dhacay barqinamdii maanta ayaa waxa uu ka dhacay dalacaad ku dhow buurta Galgala, iyadoo aan la ogeyn tirada qasaare ee ka dhashay qaraxaas lala beegsaday gaarigaas oo ay saarnaayeen tiro ciidamada maamulka Puntland iyo sahay kale oo ciidan.
Gaariga qaraxa lala beegsaday oo noociisu ahaa Jeemis ayaa la sheegayaa in gebi ahaantiis uu burburay isla markaana ciidamadii saarnaa iyo agabkii ciidan ay bas beel noqdeen, inkastoo rasmi ahaan aan loo ogeyn inta ay gaarayaan askarta wax ku noqotay qaraxaas.
Dhanka kale wararka laga helayo degaanka Galgala ayaa sheegaya in ciidmadii Puntland ee dhawaan fariisimada ka samaystay degaanka Galgala ay faarujiyeen fariisimo dhowr ah kadib markii sida la sheegay qaraxyo iyo weeraro ku dhufo oo ka dhaqaaq ah ay kala kulmeen ciidamada uu hoggaamiyo Sheekh Maxamed Saciid Atam oo weli ku sugan qeybo ka mid ah buuraleyda gobolka Bari ee degaanka Galgala, iyadoo weeraradaasi ay askar badan wax kaga noqdeen.
Dowladda KMG oo sheegtay inay Muqdisho ka furtay xarumo lagu sameeyo Baasaboorka
Talaado.18-Agosto.2010{SOMAALJECEL}-Muqdisho, Taliyaha waaxda socdaalka iyo jinsiyadaha ee dowladda KMG Soomaaliya C/llaahi Gaafow ayaa shaaca ka qaaday in xarumo lagu sameynayo baasaboorka cusub ee Soomaaliya laga furay gudaha magaalada Muqdisho.
C/llaahi Gaafow waxa uu sheegay in sida ugu dhaqsiyaha badan ay dalka ku soo gaari doonaan qalabka loogu shaqeynayo sameynta Baasaboorka cusub oo uu xusay in qalabkaasi qaar ka mid ah mar hore la keenay magaalada Muqdisho qaarna ay weli harsan yihiin oo mar dhaw la soo dhameys tiri doono, sida uu yiri.
Baasaboorka cusub ee Soomaaliya (E-Passport) ayaa waxaa lagu soo daabici jiray dalka dibaddiisa ilaa markii la soo saaray, iyadoo xilliga uu dhacayo laga dhigay Shan sano, halka markii hore uu ka ahaa saddex sano, sida uu sheegay C/llaahi Gaafow oo xusay in codsi ka yimid shacabka ay sidaasi u sameeyeen.
Dowladda Itoobiya oo Fariin culus u dirtay dowladda KMG Soomaaliya
Talaado.18-Agosto.2010{SOMAALJECEL}-Addis Ababa, Dowladda Itoobiya ayaa dowladda KMG Soomaaliya ee uu hoggaamiyo Sheekh Shariif Sheekh Axmed u dirtay fariin culus oo ku wajahan heshiiskii ay wada galeen dowladda KMG iyo ururka Ahlusunna Waljamaaca.
Sida wararku sheegayaan mas’uuliyiin ka tirsan ururka Ahlusunna Waljamaaca ayaa dacwad ka dhan ah dowladda KMG Soomaaliya u gudbiyey dowladda Itoobiya, dacwadaasoo ay Ahlusunna ku sheegeen in dowladda KMG Soomaaliya ay baal martay heshiiska dalka Itoobiya ay kuwada gaareen iyaga iyo dowladda, iskana dhego tirtay baaqyo Culimada Ahlusunna u jeediyeen dowladda KMG.
Sida warku sheegayo fariin ayay dowladda Itoobiya u dirtay dowladda Soomaaliya taasoo ay uga dalbatay inay fuliso heshiisyadii ay la gashay dowladda Soomaaliya ururka Ahlusunna Waljamaaca.
Dowladda Itoobiya waxa ay si qayaxan ugu sheegtay fariintaasi ay u dirtay dowladda KMG Soomaaliya in weli si rasmi ah aysan dowladdu u fulin heshiiska ay la gashay Ahlusuna, waxayna sheegtay in hoggaanka dowladda KMG Soomaaliya ay muhiim tahay inay fuliyaan ballanqaadyadii ay horay ula galeen Ahlusunna, isla markaasna ay diyaar u ahaadaan sii wadidda in si wadajir ah labada dhinac u wada shaqeeyaan.
Dowladda KMG Soomaaliya ayaa iyadu horey u sheegtay in ay fulisay heshiiskii ay la gashay Ahlusunna Waljamaaca, isla markaana qeybo badan oo qodobadii lagu heshiiyey ah dhinaceeda ka fulisay sida in xubno ka socda Ahlusunna lagu biiriyey xukuumadda KMG Soomaaliya oo wasiirro Ahlusunna ka socda lagu biiriyey, inkastoo taasi ay diideen Culimaa’udiinka Ahlusunna oo ku dooday in raga dowladdu ku biirisay xukuumadda ee sheegtay inay Ahlusunna yihiin aysan ahayn, isla markaana uu burburay heshiiskii ay la galeen dowladda KMG Soomaaliya.
Shalay meeqa qof ayaa Muqdisho ku dhimatay ?
Talaado.18-Agosto.2010{SOMAALJECEL}-Muqdisho, 16-ruux ayaa dhimatay, 57-ruux kalena dhaawacyo kala duwan ayaa soo gaaray kadib dagaal culus iyo duqeymo xooggan oo shalay galab ka dhacay qeybo ka mid ah magaalada Muqdisho.
Dagaalkaa oo u dhexeeyay ciidamada dowladda KMG Soomaaliya oo gacan ka helayay ciidamada AMISOM iyo xoogaga Ururka Xisbul Islaam ayaa ka bilowday degmada Hodan ee magaalada Muqdisho kadibna ku faafay degmooyinka Howlwadaag iyo Waaberi, iyadoo sidoo kale madaafiic ay isweydaarsanayeen labada dhinac ay dad ku waxyeeleeyeen degaanno ka fog fog goobaha dagaalladu ka socdeen.
Dagaalka oo shalay dhan si goos-goos ah u socday ayaa xoogeystay markii laga baxay salaadda casar, waxaana uu socday ilaa 5:20-daqiiqo, iyadoo duqeyn culus lagu gaaracay xaafado ay degan yihiin dad rayid ah, waxaana ugu badnaa meelaha ay madaafiicda sida roobka oo kale uga socotay Suuqa weyn ee Bakaaraha gaar ahaan suuqa Khudaarta, Caanaha iyo Bacadlaha, kuwaas oo geystay khasaaro soo gaaray dad rayid ah oo ku sugnaa suuqa iyo hareerihiisa.
Dhinaca kale madfac ku dhacay xero ay deganaayeen dad qaxooti ah oo ku yaala agagaarka isbitaalkii Digfer ayaa waxaa ku geeriyooday 4 ciyaal oo isku qoys ahaa, waxaana ku dhaawacmay 6-ruux oo kale, iyadoo sidoo kale meelo kala duwan madaafiicda sida indha la’aanta ah loo ridayay meelo kala duwan dad rayid ah waxyeelo isugu jirta dhimasho iyo dhaawac u soo gaarsiisay.
Labada dhinac ee dagaalku dhex maray ayaa guulo ka kala sheegay waxaana afhahayeenno u kala hadlay dowladda KMG iyo Xisbul Islaam uu mid waliba sheegtay in dhinacooda ay guul ballaaran dagaalka ka gaaray.
Marka laga soo tago guulaha ay kala sheeganayaan dhinacayada dagaalamay ayaa haddana qasaaraha ugu badan waxa uu soo gaaray dadka rayid ah oo aan waxba galabsan.
Saakay ayaa waxaa xaalad deganaan ah laga dareemayaa Xaafadihii shalay ay ku dagaalameen Ciidamada dowladda KMG iyo kuwa Ururka Xisbul Islaam, iyadoo dadku howlahoodii caadiga ahaa ay u kala dareereen, mana jirto wax rasaas ah oo maanta la maqlayo.
Warbixin ku saabsan dagaal u dhexeeya ciidamo Itoobiyaan ah iyo dhalinyaro Soomaaliyeed oo ka dhacay degaan ku dhow Balanbale
Talaado.18-Agosto.2010{SOMAALJECEL}-Balanbale, Dagaal u dhexeeya ciidamo ka tirsan dowladda Itoobiya iyo dhalinyaro Soomaaliyeed ayaa saakay waxa uu ka qarxay Tuulada lagu magacaabo Jeed ee Gobolka Shiilaabo ee dhulka Soomaalida Itoobiya.
Dagaalkaas ayaa waxa uu bilowday kadib markii ciidamo Itoobiyaan ah oo loo yaqaano New Boolis ay weerar gaadmo ah ku soo qaadeen Tuulada Jeed, kadibna ay ka hortageen dhalinyarada Soomaalida ee degan degaankaas.
Sida wararku sheegayo ciidamada la magac baxay New Boolis waxa ay maalmihii u dambeeyay qashqashaad ku hayeen dadka degan deegaannada Soomaalida ee Itoobiya ay maamusho, iyagoo ku amray gaadiidka Soomaalidu leedahay ee ka kala shaqeeya degaannada Soomaaliya iyo dhulka ismaamulka Soomaalida Itoobiya inaysan xiran Karin ama lagu arki Karin Taargo Soomaali ah, sidoo kale dadka ganacsatada ayay sheegeen in mararka qaar lacago baad ay ka qaadanayeen, dhalinyarada ay xirxirayeen, arrintaasoo ay ka dhiidhiyeen dhalinyarada.
Warar kale ayaa sheegaya in shalay ciidamo Itoobiyaan ah ay rasaas ku fureen dad Shacab ah oo ku sugnaa Tuulo lagu magacaabao Fadhigaraale oo ka tirsan dhulka Soomaalida ee Itoobiya ay maamusho iyadoo halkaasi ay ku dhaawacmeen ilaa saddex ruux oo rayid ahaa.
Tuulada Jeed ee dagaalku ka bilowday ayaa la sheegay in magaalada Balanbale ay u jirto 30 Km, iyadoo wararku sheegayaan in dadka deegaankaasi ay bilaabeen inay isaga cararaan degaanka.
Lama oga qasaaraha ka dhashay dagaalkaasi, waxaana la sheegayaa in dagaalku sii xoogeystay, labada dhinacna ay isu adeegsanayaan hub noocyo kala duwan leh, waxaana jira gurmadyo labada ciidan ay helayaan.
Bishii la soo dhaafay ayay ahayd markii Ciidamada Itoobiya ee la magac baxay New Boolis weerar midkan oo kale ah ku qaadeen Tuulada Ceeldibir ee dhulka Soomaalida ee Itoobiya ay maamusho, halkaasi oo ay ku dileen in ka badan 20 ruux oo u badnaa odayaal dhaqameedyo ka soo jeeda tuuladaasi.
Shil sababay dhimasho iyo dhaawac oo ka dhacay degaan ka tirsan Gobolka Sh/hoose
Talaado.18-Agosto.2010{SOMAALJECEL}-Beladul-amiin, Labo qof ayaa dhimatay, Afar kalena dhaawac ayaa soo gaaray kadib markii gaari xamuul ah oo ay saarnaayeen dad rakaab ah uu xalay ku rogmaday deegaan ka tirsan gobolka Sh/hoose.
Shilkaa oo ka dhacay xalay saqdii dhexe deegaanka lagu magacaabo Beladul Amiin oo ka tirsan gobalka Sh/hoose isla markaana ku yaala xadka ay wadaagaan goballada Sh/hoose iyo Hiiraan ayaa waxa uu yimid kadib markii sida la sheegay gaariga ay mar qura u bexeen Labadii Luggood ee hore, kadibna uu waduhu xamili waayay Gaariga, sidaasina uu ku rogmaday.
Dadka dhaawacmay ayaa la sheegayaa in xaaladdooda ay aad u liidato, iyadoo 2 ka mid ah oo xaaladooda aad looga deyriyay loola cararay Isbtaalada magaalada Muqdisho, halka labada kale lagu daeynayo isbitaal ku yaala Gobolka Sh/hoose.
Dagaal ka dhacay duleedka magaalada Garowe
Talaado.18-Agosto.2010{SOMAALJECEL}-Garowe, 3-ruux ayaa dhimatay 10-kalena waxaa soo gaaray dhaawacyo kala duwan kadib markii shalay galab uu dagaal ku dhex maray duleedka magaalada Garowe ciidamo ka tirsan maamulka Puntland iyo koox dhalinyaro ah.
Dagaalkaas dhex maray ciidamada Puntland iyo dhalinyaradaas hubeysan ayaa yimid kadib markii dhul muran ka taagnaa ay ciidamadu isku dayeen inay xoog kula wareegaan, kaasoo ay heysteen dhalinyarada hubeysan oo iyagu sheeganayay inay dhulka leeyihiin.
Sida warku sheegayo mamaulka Puntland ayaa qorsheynayay inay dhulkaasi ka wareejiyaan dhalinyarada kadibna ay dejiyaan dad barakacayaal ah, balse ay ku dagaalameen dhalinyaradii oo sida la sheegay weli heysta dhulkii.
Wararku waxa ay sheegayaan in uu fashilmay waanwaan laga dhex waday labada dhinac, isla markaana dhalinyarada oo hal beel ka soo wada jeedda ay wadaan is aruursi iyadoo laga cabsi qabo in mar kale uu dagaal ka dhex qarxo dhalinyaradaas iyo ciidamada Puntland oo iyagu doonaya inay xoog kula wareegaan dhulkaas.
Dhulka lagu dagaalamay oo ku yaala halka lagu magacaabo Khayr Seexay ee duleedka magaalada caasimadda Puntland ee Garowe ayaa la sheegayaa in 3ruux ee dhimatay 2 ka mid ahi yihiin ciidamada Puntland, halka midka kalena dhinaca dhalinyarada dagaalantay uu ka tirsanaa, iyadoo tiro ka badan 10-ruux oo isugu jira labada dhinac ay ku dhaawacmeen.
Mas’uuliyiin u hadlay maamulka Puntland ayaa sheegay in 12-ka mid ah kooxdii dhalinyarada ahaa ee ciidamada la dagaalamay gacanta lagu soo dhigay oo ay xiran yihiin, kuwa kalena ee dhimana ay soo qabqabanayaan, sida ay yiraahdeen.
Guddoomiyaha degmada Guri-ceel oo ka badbadaay isku day dil
Talaado.18-Agosto.2010{SOMAALJECEL}-Guriceel, Guddoomiyaha degmada Guriceel gobalka Galgaduud ee maamulka Ahlu Sunna Cismaan Ciise Nuur {Taar-dhuleed} ayaa ka badbaaday qarax miino oo la doonayay in lagu qaarijiyo.
Guddoomiyaha oo qaraxa miino lagula eegtay maqribnimadii shalay hoygiisa ayaa la sheegay in aysan waxba gaarin isaga, balse sida la sheegay qaraxaasi ay ku dhaawacmeen qaar ka mid ah carruurtiisa sida uu warbaahinta u sheegay Guddoomiyaha qaraxa ka badbaaday.
“Ilaah ayaan uga mahad celinayaa inaan ka bad baaday weerarka la doonayay in laygu dilo” ayuu yiri Cismaan Taar Dhuleed oo intaa raaciyay in weerarkan yahay mid qeyb ka ah dhacdoonyinka ka jira dalka ee lagu ugaarsanayo dadka aan waxba galabsan, wuxuuna ku eedeeyay inay ka dambeeyeen qaraxaasi kooxaha ay dagaalka isaga soo horjeedaan.
Dowladda Itoobiya oo sheegtay in dagaalka ka socda deegaanka Galgala Al-shabaab ku lug leeyihiin
Talaado.18-Agosto.2010{SOMAALJECEL}-Addis Ababa, Dowladda Itoobiya ayaa markii u horreysay ka hadashay dagaalka maamul goboleedka Puntland uu kula jiro kooxda uu hoggaamiyo Sheekh Maxamed Siciid {Attam}, waxayna sheegtay in dagaalkaasi uu u dhexeeyo Al-shabaab iyo maamulka Puntland sida ay tiri dowladda Itoobiya.
Wasaaradda arrimaha dibadda Itoobiya oo war ka soo saartay dagaalka Galgala ayaa sheegtay inuu dagaalkaasi astaan u yahay qorshe ay Al-Shabaab ku dooneyso inay isku fidiso deegaannada nabdoon ee dalka Soomaaliya.
“Dagaalada hadda ee u dhexeeya ciidamada Puntland iyo kooxda uu hoggaamiyo Sheekh Attam waxay astaan cad u tahay in khataraha Al-Shabaab aanay ku koobneyn deegaannada Koonfurta Soomaaliya, laakiin ay ku fidinayaan deegaannada laga aasaasay nabadda iyo xasiloonida” ayaa lagu yiri warka ka soo baxay wasaaradda arrimaha dibadda Itoobiya.
“Gobolada Puntland iyo Somaliland waxaa looga baahan yahay inay iska kaashadaan sidii loo dhisi lahaa awood lagula dagaalamo Al-shabaab” ayaa lagu yiri warsaxaafadeedka wasaaradda arrimaha dibadda Itoobiya oo intaasi ku daray “Dedaalada beesha Caalamka ee lagu taageerayo dowladda KMG iyo AMISOM waa in laga dhigaa mid dhameystiran oo lagu sugayo wax kasta oo nabadgelyo iyo xasilooni ah gobolada dalka Soomaaliya sida ay u kala mudan yihiin”.
Odayaasha beelaha Hawiye oo bilaabay inay is eedeeyaan
Talaado.18-Agosto.2010{SOMAALJECEL}-Muqdisho, Golaha odayaasha dhaqanka iyo midnimada Beelaha Hawiye oo la aas-aasay xilligii ay Soomaaliya soo galeen ciidamada Itoobiya, si weyna ugu ololeeyay bixitaanka ciidamada Itoobiya ayaa haatan u kala jabay Labo garab, iyagoo kala degay degaannada ay Muqdisho ka maamulaan dowladda KMG iyo ururada islaamiyiinta.
Labadaas dhinac oo mid waliba uu isagu sheeganayo inuu yahay Golaha Hawiye ee saxda ah, mid walibana uu shaqadiisa si gaar ah isaga watay ayaa haatan waxay bilaabeen inay is eedeeyaan, iyagoo warbaahinta isugu gudbiyey hadallo kulul oo eedeyn ah.
Axmed Diiriye oo ah Afhayeenka Garabka uu Guddoomiyaha u yahay Maxamed Xasan Xaad oo iyagu dhinaca dowladda KMG xigsaday ayaa sheegay in raga sheeganaya Golaha dhaqanka Hawiye ee ku sugan Suuqa Bakaaraha aysan metelin beelaha hawiye, hogaanka Hawiye ee saxda ahina ay iyagu yihiin, kuwa kale ee magacooda sheeganayana ay u adeegaan oo kaliya Al-shabaab iyo Xisbul islaam, sida uu hadalka u dhigay, isagoo ka cidsaday in magacooda ay u daayaan.
Garabka kale ee Axmed Diiriye uu eedeeyay oo iyaguna la baxay Golaha Islamiga dhaqanka Beelaha Hawiye ayaa waxay sheegeen in Axmed Diiriye iyo Maxamed Xasan Xaad ay ka bexeen Golaha Hawiye ayna ku biireen dowladda KMG sida ay yiraahdeen.
Afhayeenka Golaha islaamiga dhaqanka beelaha Hawiye Axmed Maxamed Guuleed {Fartaag} ayaa sheegay in wax lagu qoslo ay tahay in dad ka mid ahaan jiray golaha haddase aan ka mid ah ahayn ay yiraahdaan annaga ayaa Odayaashii Hawiye ee saxda ah.
“Waxaan ognahay in labadan nin ay ka mid noqdeen xildhibaannada dowladda KMG, taasina xaqiiqo ayaan u heynaa, waayo waxay mar kasta difaacaan ciidamada calooshood u shaqeystayaasha ah ee AMISOM, sidoo kalena waad ogtihiin inay kulamo kula soo qaateen magaalada Nayroobi ee dalka Kenya Mareykanka iyo dowlado kale oo gaalo ah, ayna kala hadleen sidii dalka gumeysiga loogu sii heyn lahaa, waxaa wax aan qarsooneyn ah in kirada guriga ay degan yihiin ay ka bixiso dowladda KMG” ayuu yiri Mr. Fartaag.
Dhinaca kale Golaha Islaamiga dhaqanka beelaha Hawiye waxay sheegeen inay shacabka Soomaliyeed iyo Mujaahidiintuba ay ka raali gelinayaan sida ay yiraahdeen hadalladii uu ku hadlay Axmed Diiriye Cali.
Maamul cusub oo loo magacabay degmada Baydhabo
Talaado.18-Agosto.2010{SOMAALJECEL}-Baydhabo, Waxaa xalay xaflad ka dhacday magaalada Baydhabo ee xarunta gobolka Bay afurkii kadib lagu magacaabay xubno maamul cusub oo uu yeelanayo gobolka Bay, waxaana ku dhawaaqay xubnahaasi ku-simaha Guddoomiyaha gobolka ee Xarakada Shamaamul mujaahidiin ee gobollada Bay iyo Bakool Sheekh C/llaahi Gaab.
Xubnaha la magacaabay ayaa waxay kala yihiin Sheekh Aadan Maxamed Nuur {Waaliga degmada Baydhabo}, Sheekh Cabdi Faarax Abuu Muscab, Ku-xigeen, Sheekh C/llaahi Ismaaciil, Guddoomiyaha Maxkamadda, Maxamed Isaaq Abuu Xasan, Xisbada, Sheekh Xasan C/llaahi, Dacwada iyo Sheekh Bakar Shariif oo isna loo magacaabay dhinaca Maaliyadda ee degmada Baydhabo.
Dowladaha Jabuuti iyo Sweden oo ka wadahadlay arrimaha dalka Soomaaliya
Talaado.18-Agosto.2010{SOMAALJECEL}-Jabuuti, Wasiirka difaaca ee dalka Sweden oo booqaasho ku tagay dalka Jabuuti ayaa kulamo uu la yeeshay Madaxda dalka Jabuuti ayaa waxay ka wada hadleen arrimaha dalka Soomaaliya.
Wasiirka difaaca Sweden oo kulan gaar ah la yeeshay ku simaha wasiirka arrimnaha dibadda Jabuuti Axmed Cali ayaa waxay ka wadahadleen iskaashiga labada dal ka wadayeeshaan arrinta dalka Soomaaliya gaar ahaan dib u dhiska dalka Soomaaliya sida lagu sheegay war ka soo baxay gabagabadii kulankaasi.
Labada dal ayaa waxay kaloo ka hadleen sidii gacan loo siin lahaa ciidamada dowladda KMG Soomaaliya gaar ahaan kuwa Booliska, waxayna arrintani ku soo aadaysaa iyadoo dhawaan lagu wado in ciidamo ka badan 1000-askari tababar loogu qaado dalka Jabuuti, in kastoo Ra’isul wasaare Sharma’arke uu sheegay in ciidamo ka tirsan dowladda KMG aan mar dambe tababar loogu qaadi doonin dalka dibaddiisa, isla markaasna lagu tababari doono dalka gudihiisa sida uu yiri.
|
Muqdisho: Baarlamaanka dowladda KMG oo ansixiyay qodobada xeer hoosaadka
Muqdisho: Ururka xisbul islaam oo soo bandhigay askari ay ku qabteen dagaaladii shalay ka dhacay Muqdisho
Khartuum: Madaxweynaha Soomaaliya oo kulamo la qaatay dhigiisa dalka Suudaan
Galgala: Qarax waxyeello xooggan geystay oo lala eegtay Gaari ay wateen ciidamada Puntland
Muqdisho: Dowladda KMG oo sheegtay inay Muqdisho ka furtay xarumo lagu sameeyo Baasaboorka
Addis Ababa: Dowladda Itoobiya oo Fariin culus u dirtay dowladda KMG Soomaaliya
Muqdisho: Meeqa qof ayaa shalay Muqdisho lagu dilay..?
Balanbale: Dagaal u dhexeeya ciidamo Itoobiyaan ah iyo dhalinyaro Soomaaliyeed oo ka dhacay degaan ku dhow Balanbale
Beladul-amiin: Shil sababay dhimasho iyo dhaawac oo ka dhacay degaan ka tirsan Gobolka Sh/hoose
Garowe: Dagaal ka dhacay duleedka magaalada Garowe
Guriceel: Guddoomiyaha degmada Guri-ceel oo ka badbadaay isku day dil
Addis Ababa: Dowladda Itoobiya oo sheegtay in dagaalka ka socda deegaanka Galgala Al-shabaab ku lug leeyihiin
Muqdisho: Odayaasha beelaha Hawiye oo bilaabay inay is eedeeyaan
Baydhabo: Maamul cusub oo loo magacabay degmada Baydhabo
Jabuuti: Dowladaha Jabuuti iyo Sweden oo ka wadahadlay arrimaha dalka Soomaaliya
1301|1281936600|dynamic|Wararka maanta|
Dowladda Soomaaliya oo sheegtay in ciidamada loogu soo tababaray dalka dibaddiisa ay dhibaato weyn kala kulantay
Isniin.16-Agosto.2010{SOMAALJECEL}-Muqdisho, Dowladda KMG Soomaaliya ayaa markii ugu horreysay sheegtay in ciidamadeeda lagu soo tababaray dalka dibaddiisa ay caqabado baahsan kala kulantay, sidaa darted ay dowladdu go’aansatay in mar dambe aan ciidamo loogu soo tababarin dalka dibaddiisa.
Ra'isal wasaaraha xukuumadda KMG Soomaaliya Cumar C/rashiid Cali Sharma’arke oo war qoraal ah ka soo saaray xafiiskiisa ayaa waxa uu sheegay in ciidamada dowladda KMG Soomaaliya ee tababarka ku soo qaatay dibadda ay diideen inay dagaalka galaan iyagoo ku dooda inaan loo soo tababarin dagaal ee loo soo tababaray sugidda amniga.
“Ciidamada naloo soo tababaray waxaan kala kulanay dhibaato weyn, ciidan kasta waxa uu wataa dhaqankii dalkii lagu soo tababaray, qaarkood ayaaba diiday inay dagaalka galaan oo waxay leeyihiin anaga waxaa naloo soo tababaray inaan ammaanka sugno ee nalooma soo tababarin inaan dagaalanno” ayaa lagu yiri war qoraal ah oo ka soo baxay Xafiiska Ra’isal wasaare Cumar C/rashiid.
Waxa uu Ra’isal wasaaruhu sheegay in hadda kadib aan loo qaadi doonin ciidamada dowladda KMG dalal dibadda ah, wuxuuna xusay in ciidamada lagu tababari doono gudaha dalka Soomaaliya, isagoo sheegay ibn tababarka ciidamada dowladda KMG ay ku filan yihiin saraakiishii lagu soo tababaray dalka dibaddiisa iyo kuwii hore ee dowladdii dhexe ka tirsanaan jiray.
Dowladda Kenya oo ka hadashay sida dhibaatada Soomaaliya wax looga qaban karo
Isniin.16-Agosto.2010{SOMAALJECEL}-Nayroobi, Dowladda Kenya ayaa soo bandhigtay sida ay u aragto xalka dalka Soomaaliya iyo sida lagu demin karo dagaalada ka socda gudaha dalka Soomaaliya.
Wasiirka Arrimaha dibadda ee dowladda Kenya Moses Wetangula ayaa oo kulan magaalada Nayroobi kula qaatay saraakiil ka socota beesha caalamka ayaa waxa uu u sheegay in xaaladda adag ee ka taagan dalka Soomaaliya aan wax hormar ah laga gaari karin ilaa iyo inta ay iskaashi buuxa ka yeelayaan beesha caalamka oo ay iska deynayaan isku haleynta iyo wax qabad la’aanka dhankooda ah.
Moses Wetangula oo sidoo kale kulan gaar ah la qaatay Wakiilka Qaramada Midoobay u qaabilsan arrimaha Soomaaliya Augustine Mahiga ayaa sheegay in xaaladda dalka Soomaaliya ka taagan ay u baahan tahay in si wadajir ah wax loogu qabto loona wajaho, isla markaana la iska daayo in si keli keli ah wax looga qabto.
Mr. Wetangula waxa kale oo uu sheegay in loo baahan yahay in taageero dheeraad ah la siiyo dowladda KMG Soomaaliya si ay wax uga qabato ayuu yiri xaaladda amni ee ka jirta dalka Soomaaliya gaar ahaan tan magaalada Muqdisho, wuxuuna xusay in dowladdiisu ay diyaar u tahay inay gacan ka geysato sidii xal loogu helli lahaa wax ka qabashada xaaladda adag ee haatan ka taagan dalka Soomaaliya.
Ra’isal wasaaraha Somaaliya o qorsheynaya inuu baajiyo mooshin laga gudbiyay
Isniin.16-Agosto.2010{SOMAALJECEL}-Muqdisho, Ra'isal wasaaraha dowladda KMG Soomaaliya Cumar C/rashiid Sharma’arke oo shalay dib ugu laabtay magaalada Muqdisho ayaa dedaal adag ugu jira sidii u baajin lahaa mooshin Xukuumaddiisa ay ka keeneen qaar ka mid ah mudanayaasha Baarlamaanka oo ugu baaqay in xukuumadda Baarlamaanka hor timaado isla markaana ay codka kalsoonida soo weydiisato Baarlamaanka.
Ra’isal wasaaraha ayaa markii uu shalay dib ugu soo laabtay Muqdisho isagoo aan nasan waxa u durbadiiba bilaabay inuu shirar gooni gooni ah la yeesho Xildhibaanada dowladda KMG, waxaana la sheegay in kulan uu la qaatay xildhibaanno isaga taageersan uu kala hadlay sidii loo baajin lahaa ama meesha looga saari lahaa in xukuumaddu ay codka kalsoonida weydiisato Baarlamaanka ama ay hortimaado, iyadoo la sheegay in xildhibaannadaas uu ballanqaad aan la shaacin waxa uu yahay u sameeyay, balse loo malaynayo in ballanqaad dhaqaale uu u sameeyay.
Ra’isal wasaare Sharma'arke ayaa la sheegay in uu kala hadlay mudanayaashaa sidii loo baajin lahaa mooshinka laga gubdiyay xukuumaddiisa isagoo weydiistay inay codadka ugu shubaan xukuumaddiisa haddii ay noqoto inay kalsoonida weydiisato Baarlamaanka.
“Waa nasiib-darro in xukuumada oo ku shaqeynayso amaan xumo ayna horyaalaan caqabado dhowr ah laga keeno mooshin” ayuu Ra'iisal wasaaruhu kahor sheegay Baarlamaanka laba todobaad a hor, markaasoo uu hor tagay inkastoo kulankaas khilaaf ku dhammaaday laguna kala dareeray inta aan codka kalsoonida loo qaadin xukuumadda Ra’isal wasaare Sharma’arke.
Mooshinkii laga geeyay xukuumadda ayaa weli furan, iyadoo xildhibaanadii maalintaas maqnaa oo ahaa kuwii mooshinka soo diyaariyay iyo guddoonka Baarlamaanka ay ku gaareen heshiis in wax walba oo qaldan lagu saxo Baarlamaanka dhexdiisa.
Dowladda KMG oo cambaareysay mamnuucistii Al-Shabaab ee hay'adaha samafalka
Isniin.16-Agosto.2010{SOMAALJECEL}-Muqdisho, Dowladda KMG Soomaaliya ayaa wax laga xumaado ku tilmaantay in hay’ado samafal oo ka shaqeynaya danaha bulshada Soomaaliyeed shaqada laga mamnuuco.
Wasiiru dowlaha arrimaha gudaha dowladda KMG Soomaaliya C/rashiid Maxamed Xidig ayaa ku tilmaamay mamnuucistaasi arrimo dano gaar ah laga leeyahay, wuxuuna eedeeyay xarakada Al-Shabaab inay doonayaan inay cunaqabateeyaan shacabka Soomaaliyeed, si buu yiri dadka ay uga barakacaan dalka.
Dhanka kale waxa uu C/rashiid Maxamed Xidig sheegay inay ka war heleen dagaalo ka dhan ah dowladda KMG oo uu sheegay inay qorsheynayaan xoogaga hubeysan, wuxuuna xusay inay u diyaar garoobeen sidii ay uga hor tagi lahaayeen dagaaladaasi uu sheegay in lagu soo qaadi rabo dowladda KMG.
Xrakada Al-Shabaab ayaa dhawaan goobaha ay ka taliyaan ka mamnuucday saddex ka mid ah hay'adaha samafalka ee ka howl gala dalka Soomaaliya, kuwaasoo ay sheegtay inay Diinta Kirishtaanka dalka ku faafinayeen.
Dad Soomaali ah oo jirdil iyo dhac loogu geystay mid ka mid ah dalalka Yurub
Isniin.16-Agosto.2010{SOMAALJECEL}-Athens, 17-qofood oo dhammaantood Soomaali ah ayaa habeen hore jirdil iyo dhac loogu geystay meel duleedka ka ah magaalada Athens ee caasimadda dalka Giriiga, xilli ay doonayeen inay ka tahriibaan dalka Giriiga si ay ugu gudbaan waddamada kale ee Yurub.
Dadkan Soomaalida ah oo qaab tahriib ah ku galay dalka Giriiga gaar ahaan magaalada Athens ayaa waxaa loo geystay dhac iyo jirdil, iyagoo qorsheynayay inay ka sii tahriibaan dalka Giriiga oo ay horay ugu sugnaayeen.
Dadkan oo 5 ka mid ahi ay ahaayeen dumar oo la sheegay in safar dhinaca dhulka ah ay ku tagi rabeen sida u qorsheysneyd dalka Austaraaliya, ayaa qaar ka mid ah dadkaasi oo saxaafadda la hadlay waxa ay sheegeen in markii hore ay heshiis la galeen rag Soomaali ah oo xiriir la leh niman Ajnabi ah oo dadka Tahriibiya kuwaas oo markii ay geeyeen meel duleedka ka ah magaalada Athens kula dhaqaaqay wax aanay fileynin oo dhac iyo jirdil ah.
Waxa kale oo ay intaasi ku dareen in markii gaarigii ay saarnaayeen uu ka baxay magaalada la geeyay meel duur ah, isla markaasna gaarigii laga soo dejiyay kadibna qof kasta afka sharooto blastig ah looga xiray, sidoo kalena gacmaha iyo lugaha laga laga xirxiray kadibna baaritaan lagula dhaqaaqay, iyagoo laga qaatay dhammaan wixii ay wateen haddii ay ahaan lahayd Lacag, telefoonnada gacanta iyo sidoo kale dahab gabdhaha ay wateen.
Dadkaasi qaarkood jirkooda waxaa ka muuqday jirdil iyadoo qaarna dhaawacyo laga gaarsiiyay Ilkaha balse markii dambe ay soo badbaadiyeen dad Beeraley ah oo ka ag dhawaa goobtii dadkaasi lagu furtay laguna jir dilay.
Soomaalida laga tahriibiyo Giriiga gaar ahaan kuwa ku safra dhinaca dhulka ayaa waxaa laga qaadaa lacago aad u badan oo gaaraya ilaa 3200 Euro, iyadoo qorshahaasina ay soo xiraan dad Soomaali ah, laakiin ay adag tahay inay damaanad qaadaan amaanka dadkaasi Tahriibka ah.
Horay ayaa dhacdadan oo kale waxay uga dhacday isla magaalada Athens iyadoo wiilal Soomaali ah oo loo sheegay in la geynayo waddamada kale ee Yurub kadibna lagu xareystay guri, kuwaasoo xirnaa ilaa dhowr maalmood iyagoo sidoo kale lagu amray inay qadka telefoonka ay ku fasaxaan lacagihii lagula soo heshiiyay balse ay diideen arrintaasi iyagoo ugu dambeyntii ay ka soo baxsadeen raggii ajaaniibta ahaa ee heystay.
Dhinaca kale dowladda Gariiga ayaa dhawaan ansixisay inay sharciyo siiso qaxootiga Soomaalida ah ee ku nool dalkeeda, kuwaas oo horay ugu dhibanaa inay wax sharciyo ah helaan, waxaana arrinkaasi soo dhaweeyay jaaliyadda Soomaalida ee ku nool dalka Giriiga.
Warbixin dheeraad oo ku saabsan dil loo geystay Guddoomiyihii Samaddoonka Soomaaliyeed
Isniin.16-Agosto.2010{SOMAALJECEL}-Muqdisho, Guddoomiyihii Golaha Samadoonka Soomaaliyeed Sheekh Maxamed Tahliil Warsame ayay shalay kooxo hubeysan waxa ay ku dileen agagaarka Suuqa Ramadaan ee deegaanka loo barakacay ee Ceelasha biyaha.
Kooxaha falka geystay oo aan la garaneyn cidda ay ka tirsan yihiin ayaa la sheegay inay baxsadeen, waxaana goobta tagay ciidamo ka tirsan ururka Xisbul Islaam oo degaankaasi ka taliya.
Meydka marxuumka la dilay oo in mudo ah yaalay halkii lagu dilay, ayaa waxaa mar dambe ka qaaday eheladiisa iyadoo isla shalay lagu duugay qabuuro ku yaala degaanka Ceelasha biyaha.
Marxuum Sheekh Maxamed Tahliil ayaa waxa uu ka mid ahaan jiray Guddigii fulinta ee Maxkamadaha islaamiga, waxaana uu ahaa la taliyihii Xasan Daahir Aweys xilligii uu ahaa Guddoomiyihii Golaha Shuurada ee Midowga Maxkamadaha Islaamiga, inkastoo xilligan uusan cidna ka tirsanayn dhinacyada siyaasadda dalka isku haya, balse uu u ololeynayay nabadda Soomaaliya.
Ma cadda sababta loo dilay Wadaadkani sida weyn looga yaqaanay magaalada Muqdisho iyo gobolada dariska la ah gobolka Banaadir, waxaana dilkiisa ka hadlay Guddoomiyaha Hay’adda Culimada Soomaaliyeed, Odayaasha Dhaqanka beelaha Hawiye, Guddoomiyaha degmada Guriceel iyo dowladda KMG Soomaaliya, kuwaas oo dhammaantood si isku mid ah u cambaareeyay dilka loo geystay Sheekh Maxamed Tahliil, waxayna sheegeen inay si aad ah ugu xun yihiin dilkiisa, iyadoo Guddoomiyaha degmada Guriceel uu ku eedeeyay dilka Sheekhan inay ka dambeeyaan xarakada Al-shabaab sida uu yiri.
Odayaasha Dhaqanka beelaha Hawiye ayaa ugu baaqay Ururka Xisbul Islaam ee gacanta ku haya deegaanka Ceelasha-biyaha ee lagu dilay Sheekh Maxamed Tahliil inay sida ugu dhaqsida badan gacanta ugu soo dhigaan dadkii dilka geystay.
|
Muqdisho: Dowladda Soomaaliya oo sheegtay in ciidamada loogu soo tababaray dalka dibaddiisa ay dhibaato weyn kala kulantay
Nayroobi: Dowladda Kenya oo ka hadashay sida dhibaatada Soomaaliya wax looga qaban karo
Muqdisho: Ra’isal wasaaraha Somaaliya o qorsheynaya inuu baajiyo mooshin laga gudbiyay
Muqdisho: Dowladda KMG oo cambaareysay mamnuucistii Al-Shabaab ee hay'adaha samafalka
Athens: Dad Soomaali ah oo jirdil iyo dhac loogu geystay mid ka mid ah dalalka Yurub
Muqdisho: Warbixin dheeraad oo ku saabsan dil loo geystay Guddoomiyihii Samaddoonka Soomaaliyeed
1300|1281850200|dynamic|Wararka maanta|
Afhayeenka AMISOM oo sheegay in goobaha cusub ee ay Muqdisho ka degayaan ay dani ugu jirto shacabka Muqdisho
Axad.15-Agosto.2010{SOMAALJECEL}-Muqdisho, Afhayeenka ciidamada AMISOM ee ku sugan magaalada Muqdisho Bridjye Bahuko ayaa ka warbixiyey fariisimo ay ciidamada AMISOM dhawaan ka samaysteen qeybo ka mid ah magaalada Muqdisho, taasoo ay ugu dambeysay fariisin ay dhawaan ka samaysteen degmada Dharkeynley ee magaalada Muqdisho.
Fariisinkaas cusub ee ay ciidamada AMISOM degeen ayaa habeenkii ugu horreeyay ee ay ku hoyden weerar madaafiic ah lagu soo qaaday iyaguna waxay ka bixiyeen jawaab sababtay inay dhimasho iyo dhaawac soo gaarto dadkii deganaa degaanka Km.13 oo ah halka weerarka looga soo qaaday oo ay degan yihiin dad barakacayaal ah.
Afhayeenka AMISOM waxa uu sheegay inaysan jirin qorshe cusub oo ciidamada AMISOM ay damacsan yihiin, gaar ahaan kuwa goobta cusub la dejiyey, wuxuuna xusay inay la mid yihiin ciidamada AMISOM ee horey Muqdisho ugu sugnaa, wax ka duwan kuwaasina aysann wadan.
Waxa uu sheegay in goobaha cusub ee ay ciidamada AMISOM degayaan ay u wanaagsan tahay shacabka Soomaaliyeed oo sida uu yiri ay dani ugu jirto, isagoo xusay in qorshahooda ugu muhiimsan ee is ballaarinta uu yahay inay shacabka Soomaaliyeed ugu adeegaan, isla markaana ay siiyaan adeeyada muhimka ah ee ay u baahan yihiin, sidaasi darteed aysan jirin qorshe cusub oo ay ciidamada AMISOM ku dhaqaaqeen.
“Qorshaheenu waa in tirada ugu badan ee dadka reer Muqdisho aan siino adeegyada ugu mjuhiimsan ee ah dhinaca nabadda ee kol hore ka luntay” ayuu yiri Birdjiye Bahuko oo xusay inay isku dayayaan inay isku ballaariyaan magaalada Muqdisho, sida uu yiri.
“Mar kasta oo ay ciidameedna ka degaan Muqdisho goobo cusub waxay u muhiimsan tahay dadka reer Muqdisho oo nabadda weysan” ayuu yiri afhayeenka AMISOM isagoo xusay in si kasta oo ay ahaataba haddii la soo weeraro ay is difaacayaan.
“Xaq baan u leenahay inaan is difaacno, waana sii wadaynaa inaan cayaarno doorkeena is difaacidda ah, sidaa darteed waxaan awood u leenahay inaan ka jawaabno weerarada ka hortaga ah ee xoogaga Al-shabaab iyo Xisbul Islaam, waana qasab haddii aad ogaato inay cid ku soo weerarayso inaad is difaacdo, waana kala ceyrinaa kuwa na soo weeraro waana middaas midda aan samayno” ayuu yiri Bridjiye Bahuko.
Ciidamada AMISOM oo muddooyinkan dambe fariisimo cusub ka samaynayay degmooyin ka mid ah magaalada Muqdisho ayaa fariisimada ay dhawaan samaysteen waxay ka degeen degmooyinka C/casiis, Boondheere iyo Dharkenley.
Maamulka Puntland oo amar ku soo rogay Idaacadaha madaxa bannaan ee ka howlgala Puntland
Axad.15-Agosto.2010{SOMAALJECEL}-Boosaaso, Maamulka Puntland ayaa amar ku soo rogay Idaacadaha ka howlgala degaannada puntland maamusho, amarkaasoo ah in Idaacaduhu aysan sii deyn Karin wararka iyo warbixinnada la xiriira hoggaamiye Diimeedka Maxamed Saciid Attam oo ciidamadiisu dagaal xooggan kula jiraan kuwa maamulka Puntland.
Wasiir ku-xigeenka wasaaradda warfaafinta Maamulka Puntland C/qani Salaad Gurey ayaa sheegay in Idaacadaha puntland aysan ka hadlin karin, faahfaahin Karin, isla markaana wareysiyo ka diyaarin karin hoggaamiye diimeedka Maxamed Saciid Attam oo uu sheegay inuu yahay nin nabadda Puntland ka soo horjeeda una adeegaya dano shisheeye sida uu yiri.
Waxa uu wasiir ku-xigeenku sheegay in xitaa saxaafadda Puntland aysan ka hadlin Karin weerarada iyo dagaalada uu ku lugta leeyahay Maxamed Saciid Attam, wixii warar ah ee ku saabsan dagaallada lala galo ciidamada Maxamed Saciid Attam-na ay ka qaadan karaan saraakiisha ciidamada maamulka Puntland,
Amarkan cusub ee ku wajahan warbaahinta madaxa bannaan ee Puntland ee ka soo baxay maamulka Puntland ayaa ku soo beegmaya xilli maalintii shalay Maxkamadda magaalada Boosaaso ay xabsi gaaraya Lix sano iyo ganaax lacageed oo dhan 500 doollar ay ku xukuntay agaasimaha Idaacadda Horseed Media oo maamulka Puntland ku eedeeyay in wareysi laga qaaday hoggaamiye Maxamed Saciid Attam laga sii daayay Idaacadda, wareysigaasoo maamulka Puntland uu sheegay in dhowr jeer lagu celceliyey.
Waxa uu wasiir ku-xigeenka warfaafinta Puntland uu ku dooday inuu jiro amarro hore loo soo rogay oo baarlamaanka Puntland ay ansixiyeen kaasoo ahaa inaan wareysiyo laga qaadi Karin kooxaha nabad diidka ah ee ka soo horjeeda Puntland, amaradaasii warbaahinta madaxa bannaan ee puntland loo qeybiyey, amarkaasina Idaacadda horsed media ay jebisay sida uu yiri, sababtaasina ay keentay in Agaasimaha Idaacaddaas la xukumo.
Sarkaal caan ka ahaa Gobolka Soomaalida Itoobiya oo xabsi loo taxaabay
Axad.15-Agosto.2010{SOMAALJECEL}-Jigjiga, Wararka naga soo gaaraya magaalada Jigjiga ee xarunta gobolka Soomaalida Itoobiya ayaa waxay sheegayaan in sarkaal caan ka ahaa gobolkaasi xabsi la dhigay.
Sarkaalkan xabsiga la dhigay ayaa waxaa magaciisa lagu sheegay Cali Cabdulle Xirsi {Cali-shucaac} wuxuuna ka mid ahaa saraakiishii hogaamin jiray jabhadihii ka soo horjeeday dowladdii Mingiste Xeyle Maryam, iyadoo aan la ogeyn sababta rasmiga ah ee loo xiray sarkaalkan, kaas oo haatan ku xiran xabsi ku yaala magaalada Jigjiga.
Sarkaalkan oo la sheegay inay xireen maamulka ka jira degaankaas ayaa waxaa la sheegay in uu dhawaan gobolka dib ugu laabtay, waxaana la sheegayaa in xariga Cali Shucaac ay caqabad ku keeni karto geedi socodka nabadda ee hadda gobolkaasi ka socda.
Baarlamaanka Koonfur Afrika oo ku kala qeybsan ciidamo loo diro dalka Soomaaliya
Axad.15-Agosto.2010{SOMAALJECEL}-Johannesburg, Baarlamaanka dalka Koonfur Afrika ayaa bilaabay dood uu ka yeelanayo soo jeedin ka timid xukuumadda K/afrika oo ku aaddan in ciidamo loo diro Soomaaliya, iyadoo warku sheegayo in xildhibaannada Baarlamaanka K/afrika isku khilaafsan yihiin ciidamo loo diro Soomaaliya.
Dood adag oo Baarlamaanka K/afrika dhex martay ayaa waxaa la sheegayaa in Baarlamaanku uu arrintaasi ku kala aragti duwanaaday, iyadoo qaar ka mid ah ay doonayaan in ciidamo loo diro Soomaaliya, kuwo kalena ay diidan yihiin, iyadoo xitaa kuwa u ololeynaya in ciidamo loo diro Soomaaliya ay doonayaan in ciidamadaasi ay noqdaan kuwo dhinaca Badda ka taageera dowladda KMG Soomaaliya, haddii loo baahdana gacan siiya ciidamada AMISOM ee gudaha Muqdisho ku sugan.
Xildhibaannada Baarlamaanka K/afrika ee iyagu sida weyn uga biyo diidsan in ciidamada K/afrika loo diro dalka Soomaaliya, waxayna sheegeen inaysan Soomaaliya ka jirin nabad la ilaaliyo, haddii ciidamo loo diro Soomaaliyana ay ka dhigan tahay dagaal ay ka galaan Soomaaliya.
Lama oga in Baarlamaanka K/afrika uu isku raacayo in ciidamo loo diro Soomaaliya, waxaana haddii uu Baarlamaanku ogolaado ciidamadaasi ay ka mid noqonayaan kuwa AMISOM ee ku sugan magaalada Muqdisho oo shirkii Midowga Afrika ee ugu dambeeyay lagu go’aamiyay in la gaarsiiyo in ka badan 10-kun askari oo lagu biiriyo kuwa AMISOM ee hadda ku sugan magaalada Muqdisho.
Dowladda Yugandha oo soo bandhigtay magacyada 72-ruux oo ay sheegtay inay ka dambeeyeen qaraxyadii Kampala
Axad.15-Agosto.2010{SOMAALJECEL}-Kampala, Dowladda Yugandha ayaa soo bandhigtay magacyada 72-ruux oo ay sheegtay inay u qabatay tuhun ku saabsan qaraxyadii dhawaan ka dhacay magaalada Kamoala ee caasimadda dalka Yugandha.
Dowladda Yugandha oo aan sheegin dadkani dowladaha ay ka soo kala jeedaan ayaa waxaa la hadal hayaa inay ku jiraan dhowr ruux oo Soomaali ah, waxa ayna magacyada dadkaasi kala yihiin sidatan:-
Abdul Karim Kato, Mariam Namaku, Isa Ali Senkumba, Peter Ntale, Fazila Namaku, Hussein Aliyowi Abdi, Andrew Obelai, Andrew Kanyoro, Muhammad Keche, Hassan Abdu Isaac, Echeku Vincent, Isaac Gedi Godana, Muzamiru Kawumbire, Gulfan Zameer, Ramula Nagudi, Inam Ul Haq, L/Cpl Koss Alfrred, Shakeel Ur Rehman Qureshi, Abdullahi Muhamod Ahmed, Waseem Afzal, Saidi Sulaiman, Muhammed Abdul Aziz, Abdul Aziz Ali Madope Aka, Ali- Ibrahim, Kaala Isaac, Inayatula Ullah, Muhammad Abdallah, Salat Ahmed Alasom, Omar Jimale, Bile Abdullah, Waris Mungayi, Kavuma Ibrahim, Kanyoro Andrew, Abushiri Yusuf Muhammed, Jairan Karim, Biraze Ku 2, Mubaraka Juma Dawa, Yunus Maganda, Obina Ismail, Medi Abdallah Saleh, Yusuf Balimuntale, Hassan Kasim Salah, Ahmed Hassan Barkhadle, Abdullahi Muhamoud Ismail, Muhamed Abdullahi, Bashir Abdul Khadir Medle, Abdullahi Omar Guleed, Alias Mutuyangu, Kasaya Patrick, Mulinde Robert, Fahdi Abdul Rahman, Muhammad Adam, Muhammod Musa Fara, Liban Muhammad Ali, Daudi Ibrahim Hassan, Abdi Hassan Ismail, Rihan Muhammad, Md Aka Muhammad Kasim, Ahmed Abdulah Muhammed, Ahmed Abdulah Muhammed, Magumba Abdul Hakim, Hassan Muhammad Abou, Jackson Omolo, Naufal Zamir Shiekh, Baturaine Christopher, Ali Yahya Hussein, Anthony Kiarie, Moses Mwenda Meme, Nangayi Keneth, Isaak Kibede, Manga Mubarak Salim, Muhammad Ahsan Raza iyo C/laahi Xuseen Cali.
Puntland Itoobiya ayay ciidan weydiisay waana loo diiday
Axad.15-Agosto.2010{SOMAALJECEL}-Galgala, Sheekh Maxamed Siciid {Attam} oo ah Hogaamiye Diimeedka dagaalka kula jira maamulka Puntland ayaa sheegay in maamulka Puntland uu weydiistay Itoobiya ciidamo u dagaalama, balse sida uu sheegay ay Itoobiya u diiday iyadoo ka baqeysa inay ku dhacaan wixii kaga dhacay Koofurta dalka Soomaaliya markii ay si xoog ah ku gashay ayuu yiri Attam.
Sheekh Attam waxa uu sheegay inay sii wadayaan dagaalka ay kula jiraan ciidamada Puntland, dhawaanna ay dadka Soomaaliyeed maqli doonaan sida uu yiri war farxad leh, isagoo xusay in hadda ay ku sii siqayaan fariisimada ciidamada Puntland ayna ka guuleysan doonaan mar kale sida uu hadalka u dhigay.
Sidoo kale Sheekh Attam waxa uu sheegay inaysan jiri doonin wax la yiraahdo waanwaan ay la galaan maamulka Puntland, sababtoo ah buu yiri horay baa loogu soo jeediyay Puntland wayna ku gacan seyrtay oo weliba odayaashii ay dirsatay ayay aamini weysay, marka ma jiro wadahal dambe oo aan la galayno ilaa aan ka sifeyno ayuu yiri.
Xildhibaan ka tirsan Baarlamaanka Soomaaliya oo sheegay in dowladda KMG ay hub u dirtay Puntland
Axad.15-Agosto.2010{SOMAALJECEL}-Nayroobi, Xildhibaanad Caasho Axmed Cabdalla ayaa sheegay in dowladda KMG Soomaaliya ay hub iyo saanad kale oo milleteri u dirtay dhinaca maamul goboleedka Puntland, waxayna sheegtay in hubkaasi dhibaato loogu geystay dad shacab ah oo ku sugan deegaanka Galgala, isla markaasna sida ay tiri mar ay noqotaba lagula xisaabtami doono.
Xildhibaannad Caasha waxay kaloo sheegay in maamulka Puntland uu xadgudbyo ka geystay deegaanka Galgala, isla markaasna dadkii rayidka ahaa ee dhaawacmay loo diiday in la daweeyo kadib markii sida ay tiri la go’doomiyay deegaanka Galgala, waxayna xustay inay jiraan sidoo kale beero la gubay.
“Hubka waxaa diray Sheekh Shariif Sheekh Axmed iyo Cumar C/rashiid, waxaana Puntland geeyay xildhibaano ka tirsan Baarlamaanka oo dhalasho ahaan ka soo jeeda Puntland iyo rag kale oo loo wakiishay geynta hubkaas” ayay tiri Xildhibaanad Caasho Axmed Cabdalla oo sidoo kale sheegtay in dagaalka Galgala ka socda uu yahay mid dhaqaale, isla markaasna Faroole uu doonayo sida ay tiri inuu qabsado dhulka kheyraadka ku jira ee deegaanka Galgala iyo Majiyagan, isagoo qancinaya shirkado ka soo jeeda dalalka reer Galbeedka oo uu lacag badan ka soo qaatay ayay tiri.
Xidhibaano ugu baaqay beesha caalamka in sharciga la horkeeno cid walba oo dembi ka geysatay Soomaaliya
Axad.15-Agosto.2010{SOMAALJECEL}-Muqdisho, Xildhibaannada ku mideysan Kudladda toosinta iyo badbaadinta Baarlamaanka ayaa ka dalbaday beesha caalamka in cid walba oo dambi ka geysatay Soomaaliya la horkeeno sharciga.
"Waxaan beesha caalamka ka codsanaynaa in la soo nooleeyo qodobkii ahaa in sharciga la hor geeyo cid walba oo dambi ka geysatay Soomaaliya" ayuu yiri Xildhibaan Maxamed Xuseen Isaaq (Afaraale).
Shirkii Jabuuti ee lagu soo dhisay dowladda Soomaaliya ayaa lagu soo bandhigay qodobkan sheegaya in lala xisaabtamo cid walba oo dambi ka geysatay Soomaaliya, sida hoggaamiyeyaasha dagaalka iyo cid walba oo hurinaysa colaadaha Soomaaliya, mana jirto ilaa iyo hadda sharcigaas cid meeshiisa ka soo qaadday.
Dhanka kale, xildhibaannadan waxay sheegeen in xukuumadda KMG ay ku fashilantay wax ka qabashada arrimaha amniga, dib u heshiisiinta, gargaarka bani'aadamnimo iyo dhismaha hay'adaha dowladda waxayna ka dalbadeen inay soo weydiisato Baarlamaanka codka kalsoonida.
Xildhibaannadan waxay sidoo kale ka hadleen dastuurka cusub ee loo sameynayo dalka, iyagoo sheegay in dib u eegis lagu sameeyo qoraalka laga diyaariyey Dastuurka, sidoo kalena loo magacaabo guddi cusub oo laga ansixiyo baarlamaanka.
“Waxaan saluugsan nahay dastuurka cusub iyo qaabka la doonayo in loo sameeyo, waxaana layaab nagu noqotay in qoristiisa laga bilaabo dalka dibaddiisa iyadoo aan la soo marsiin Baarlamaanka” ayuu yiri Xildhibaan Afaraale.
Ururka Ahlusunna oo eedeeyay maamulka Puntland
Axad.15-Agosto.2010{SOMAALJECEL}-C/waaq, Maamulka Ahlusunna Waljamaaca ee ka arrimiya degaanno ka mid ah gobolka Galgaduud ayaa ku eedeeyey maamul goboleedka Puntland inuu lacag faalso ah soo geliyay deegaanada ay ka taliyaan Ahlusunna.
Sheekh Mahad Khaliif oo ah Guddoomiyaha Ahlusunna ee degmada Caabudwaaq ayaa sheegay in Puntland lacagta faalsada ah ee ay soo gelisay deegaanadooda ay ugu dan leedahay sida yiri inay khalkhal ku abuuraan degaannada ay ka arrimiyaan Ahlusunna, isla markaasna wax loogu dhimo ammaanka deegaanada ay gacanta ku hayaan.
“Puntland waxay khalkhal ku abuureysaa deegaannada ay ka taliyaan Culimaa’udiinka Ahlusunna Waljmaaca, waayo waxay gudaha magaalooyinka Dhuusamareeb, Caabudwaaq iyo Guriceel ay soo geliyeen lacago faalso ah, taasoo ka sameysan warqadda A4-ta loo yaqaano” ayuu yiri Guddoomiyaha Ahlusunna ee degmada C/waaq.
Madaxda sare ee maamulka Puntland ayuu ka dalbday inay ka joojiyaan lacagta faalsada ah ee ay ku soo gurayaan deegaanada ay gacanta ku hayaan Ahlusunna.
Shil gaari oo sababay dhaawaca dad ka badan 20-ruux oo ka dhacay ……
Axad.15-Agosto.2010{SOMAALJECEL}-Kismaayo, Dad ku dhaw 20 ruux ayaa ku dhaawacmay shil Gaari oo ka dhacay magaalada Kismaayo ee xarunta Gobolka J/hoose.
Shilkan gaari ayaa yimid kadib markii ay isku dheceen labo gaari oo kuwa BL-ka ee ka dhex shaqeeya gudaha magaalada Kismaayo, waxaana la sheegay in 18-ruux ay ku dhaawacantay shilkaas, kuwaas oo lix ka mid ay yihiin Haween.
Goobtii uu shilka ka dhacay ayaa waxaa tagay ciidamo ka tirsan kuwa Al-shabaab, kuwaas oo dadkii dhaawaca ahaa ka qaaday goobta, isla markaasna geeyay Isbitaalka magaalada Kismaayo oo haatan lagu dabiibayo.
|
Muqdisho: Afhayeenka AMISOM oo sheegay in goobaha cusub ee ay Muqdisho ka degayaan ay dani ugu jirto shacabka Muqdisho
Boosaaso: Maamulka Puntland oo amar ku soo rogay Idaacadaha madaxa bannaan ee ka howlgala Puntland
Jigjiga: Sarkaal caan ka ahaa Gobolka Soomaalida Itoobiya oo xabsi loo taxaabay
Johannesburg: Baarlamaanka Koonfur Afrika oo ku kala qeybsan ciidamo loo diro dalka Soomaaliya
Kampala: Dowladda Yugandha oo soo bandhigtay magacyada 72-ruux oo ay sheegtay inay ka dambeeyeen qaraxyadii Kampala
Galgala: Sheekh Attam:- Puntland Itoobiya ayay ciidan weydiisay waana loo diiday
Nayroobi: Xildhibaan ka tirsan Baarlamaanka Soomaaliya oo sheegay in dowladda KMG ay hub u dirtay Puntland
Muqdisho: Xidhibaano ugu baaqay beesha caalamka in sharciga la horkeeno cid walba oo dembi ka geysatay Soomaaliya
C/waaq: Ururka Ahlusunna oo eedeeyay maamulka Puntland
Kismaayo: Shil sababay dhaawaca dad ka badan 20-ruux oo ka dhacay magaalada Kismaayo
1299|1281763800|dynamic|Wararka maanta|
Agaasimaha Idaacadda Horseed ee magaalada Boosaaso oo lagu xukumay sanad barkiis oo xarig ah iyo ganaax 500 doolar ah
Sabti.14-Agosto.2010{SOMAALJECEL}-Boosaaso, Maamulka Puntland ee magaalada Boosaaso ayaa maanta 6 sano oo xarig ah oo u dhiganta sanad barkii ku xakumay Agaasimaha Idaacadda lagu magacaabo Horseed Media ee ka furan magaalada Boosaaso ee xarunta Gobolka Bari
C/fataax Jamac Mire oo ah Agaasimaha Idaacadda Horseed Media oo shalay gelinkii dambe ay xireen Ciidamada Maamul goboleedka Puntland ayaa waxay maxkamadda Boosaaso ku xukutay Lix sano oo xarig ah iyo ganaax lacageed gaaraya 500 oo doolarka Maraykanka.
Waxaa Agaasimaha dambiga lagu xukumay lala xiriiriyey in Idaacadda uu Agaasimaha ka yahay ay wareysi la yeelatay Sheekh Maxamed Saciid Attam oo ciidamo uu hoggaamiyo dagaal kala soo horjeedaan maamulka Puntland.
Wareysiga Idaacadda Horseed la yeelatay Sheekh Maxamed Saciid Attam ayaa waxa uu Sheekhu ku sheegtay guulo uu ka gaaray dagaalkii ugu dambeeyay ee uu la galay Ciidamada Puntland, hadalkaasoo maamulka Puntland si weyn uga caroodeen faafintiisa.
Kadib markii wareysigaasi uu ka baxay Idaacadda Horseed gelinkii dambe ee shalay ayaa waxaa xarunta Idaacadaasi tagay ciidamada Maamulka Puntland oo Idaacadda ka soo kaxeeyay dhammaan wariyeyaasha iyo shaqaalihii ku sugnaa kadibna ku xiray saldhiga Booliska magaalada Boosaaso, xilligaasoo uu Agaasimaha Idaacadda ka maqnaa, balse sida la sheegay ay kula xiriireen Telefoonkiisa gacanta kana dalbadeen inuu saldhiga yimaado.
Markii uu Agaasimuhu tagay saldhiga ayaa waxa uu ciidamada ka dalbaday inay sii daayaan shaqaalaha u xirxiran ee Idaacadda, wixii dambi ah ee Idaacadda lagu heystana uu isaga mas’uul ka yahay, kadibna waxaa la sii daayay wariyeyaashii isaga ayaana lala haray oo xabsiga saldhiga xalay ku hoyday waxaana isla maanta la soo saaray maxkamad ku xukuntay Lix sano oo xarig ah iyo 500 doollar oo ganaax ah.
Maxkamada ayaan u ogolaan agaasimaha in uu sameysto qareen u dooda, waxaana ay sidoo kale go’aanka lagu ridey xukunkiisa u qaadatay si deg deg ah, iyadoo halkii ay ka dhaceysay maxkamadeynta Agaasime Cabdi Fitaax Jamac Mire ay goob joog ka ahaayeen mas’uuliyiin ka tirsan Maamulka Puntland ee magaalada Boosaaso, iyadoo agaasimaha xitaa loo diiday inay la kulmaan eheladiisa oo laga celiyey goobta maxkamadda lagu saarayay.
Lama oga sababta soo dadjineysa in agaasime Idaacadeed xukun degdeg ah oo noocan ah lagu fuliyo iyadoo ay tahay arrin la yaab ah oo uu Maamulka Puntland fuliyay.
Dhanka kale waxaa dib u howl bilaabay Idaacadda Horseed Media oo shalay Ciidamadu albaabada isugu dhufteen, inkastoo xariga lagu hayo agaasimaha Idaacaddaas ay walaac ka muujiyeen shaqaalaha Idaacadda.
Ciidamada Puntland oo lagu eedeeyay inay haweenka degaanka Galgala jalaabiibka ka dhigaan, beerahana gubaan
Sabti.14-Agosto.2010{SOMAALJECEL}-Galgala, Ciidamada maamulka Puntland ee dhawaan qabsaday deegaanada buuraleyda ah ee gobolka Bari oo ay kula dagaalameen ciidamada Maxamed Saciid Attam ayaa waxaa la soo sheegayaa in ay degaannadaasi ka bilaabeen inay dharka Jalaabiibka ka dhigaan dumarka kuna amraan inay dhar kale oo khafiif ah xirtaan.
Nabadoon C/raxmaan Faarax Gurxan oo ka mid ah naboodanada ka soo jeeda deegaanka buuralayda Galgala ee gobalka Bari ayaa sheegay in ay dhibaato weyn ku qabaan ciidamada Puntland ee dhawaan galay deegaanka Galgala, isagoo sheegay in beerihii ku yiilay degaanka Galgala ay ciidamada Puntland dab qabadsiiyeen, haweenka xiran dharka jalbaabadana ay ka dhigeen.
Nabaddoon C/raxmaan Faarax Gurxan waxa uu dhanka kale ugu baaqay dhammaan dadka deegaanka Galgala ay ka hortagaan ciidamada Maamulka gobolleedka Puntland isagoo xusay in ciidamadaasi ay ku soo qaadeen weerar gumaysi sida uu hadalka u dhigay.
Hadalka nabaddoonkan ayaa ku soo beegmaya hadal uu dhawaan sheegay Hoggaamiye Diimeedka Maxamed Saciid Attam oo dagaal kula jira ciidamada Puntland kaasoo sheegay in ciidamada Puntland markii ay ka qabsadeen degaanka Galgala ay beerihii gubeen, dadka dhibaateyn ku bilaabeen.
Madaxweyne Sheekh Shariif oo sheegay in dhibaato weyn ay ka jirto goobaha ay ka taliyaan Al-shabaab iyo Xisbul Islaam
Sabti.14-Agosto.2010{SOMAALJECEL}-Muqdisho, Madaxweynaha dowladda KMG Soomaalya Sheekh Shariif Sheekh Axmed oo shalay dib ugu soo laabtay magaalada Muqdisho isagoo safarro dibadda ah ku maqnaa in muddo ah ayaa waxa uu sheegay in shacabka ku dhaqan goobaha ay ka taliyaan Xarakada Al-shabaab iyo kuwa Ururka Xisbul Islaam ay dhibaato kala kulmaan kooxahaas.
Waxa uu Madaxweynahu sheegay in dhinacyada ka soo horjeeda dowladda KMG Soomaaliya ee dagaalada kula jira ay dhibaatooyinka kala duwan u gaystaan dalka iyo dadka Soomaaliyeed ee ku dhaqan goobaha ay ka taliyaan, isagoo xusay in dhinacyada ka soo horjeeda dowladda KMG Soomaaliya ay gowricid ay ku hayaan dadka Soomaaliyeed ee ku sugan goobaha ay ka taliyaan.
Madaxweyne Sheekh Shariif Sheekh Axmed waxa uu sidoo kale sheegay in dowladda KMG ee Soomaaliya aysan u dulqaadan doonin dhibaatooyinka dalka iyo dadka ay u gaystaan dhinacyada dagaalka kula jira dowladda KMG Soomaaliya, waxaana sidoo kale qaybaha kala duwan ee bulshada uu ugu baaqay inay kooxahaasi iska qabtaan ayna la shaqeeyaan dowladda.
Muqdisho: Maxaabiis u xirxirnaa Xarakada Al-shabaab oo la sii daayay
Sabti.14-Agosto.2010{SOMAALJECEL}-Muqdisho, Tiro maxaabiis ah oo ka badan 10 ruux ayay maamulka Xarakada Al-shabaab ee Gobollada Shabeellooyinka, Gedo iyo Hiiraan xabsiyada ka sii daayeen, bisha barakaysan ee Ramadaan awgeed.
Guddoomiyeyaasha Xarakada Al-shabaab ee Gobollada laga sii daayay maxaabiistaas ayaa sheegay in maxaabiista ay sii daayeen ay ahaayeen kuwo loo hayay dambiyo fudud, sida eedeymo ku saabsan in lagu soo qabtay iyagoo daawanayay filimaan aan anshaxa ku wanaagsanayn iyo wax la mid ah.
Degmada Jowhar oo ah xarunta Gobolka Shabeellada dhexe ayaa laga sii daayay 3-maxbuus oo rag ah, kuwaasoo guddoomiyaha Gobolkaas Sheekh Bukhaari uu sheegay inay u xirnaayeen dambiyo aan weynayn.
Guddoomiyaha Gobolka Hiiraan ee Xarrakada Al-shabaab Sheekh Yuusuf Cali Ugaas oo isaguna ka hadlay maxaabiista ay cafiska u fidiyeen ayaa sheegay inay tahay mid ay ku xurmeynayaan bisha Ramadaan.
"Dhammaan maxaabiistii ku xirnaa xabsiga waan sii daynay, waxaana lagu soo qabqabtay maandooriyo iyo daawashada aflaam anshax-darro ah, balse sii dayntan ma ahan inay sii wataan howlahooda" ayuu yiri Sheekh Yuusuf oo uga digay maxaabiista ay sii daayeen in mar kale ay u laabtaan dambiyadii lagu soo qabqabtay.
Maxaabiista la sii daayay ayaa waxay ku faraxsanaayeen sii daynta, waxayna sheegeen inaysan ku laabaynin mar kale dambiyada lagu soo qabtay, mana jirin wax tacsiir ah oo lagu fuliyay dhalinyaradaas.
Ergayga Q/midoobay u qaabilsan Soomaaliya oo sheegay inuu ku shaqeynayo talo uu siiyay Ergeygii ka horreeyay, taasoo ah…..
Sabti.14-Agosto.2010{SOMAALJECEL}-Nayroobi, Ergeyga gaarka ah ee Xoghayaha Guud Qaramada Midoobay Augustine Mahiga ayaa sheegay in Ergeygii ka horreeyay isaga ee Axmed Walad Cabdalla uu si gaar ah ugula taliyey la xiriiridda jaaliyadaha Soomaaliyeed ee dalalka dibadda ku nool, si buu yiri ay taageero uga geystaan dhammaan howlaha kala geddisan ee uu qabto xafiiska siyaasadda Qaramada Midoobay u qaabilsan arrimaha dalka Soomaaliya.
Waxa uu Mr. Augustine Mahiga uu sheegay inuu si gaar ah ula socdo arrimaha ka dhacaya Soomaaliya iyo kuwa ka dhacaya gobolka Geeska, tan iyo markii la sameeyay kooxda xiriirka caalamiga ee Soomaaliya ee {Contact Group} sanadkii 2006-dii iyo dadaalada ururka goboleedka IGAD iyo kan Midowga Afrika ee ku aaddan xaaladda dalka Soomaaliya.
“Waxaan si gaar ah ula socday xaaladda isbebedelka badan ee Soomaaliya kahor intii aan la ii magacaabin xilkan, waayo waxaan ahaa shaqsi si aad ah u daneynayayay arrimaha Soomaaliya, nasiib wanaag haddana waxaa la ii magacaabay inaan Soomaaliya ka shaqeeyo” ayuu yiri Augustine Mahiga oo hadalkan ku sheegay warqad qoraal ah oo uu u qoray Jaaliyadaha Soomaaliyeed ee qurbaha ku nool, wuxuuna sheegay inuu ku hanweyn yahay sida uu yiri inuu xiriir iskaashi la sameeyo jaaliyadaha Soomaaliyeed ee dibadda ku nool, wuxuuna xusay Augustine Mahiga in la xiriiridda Jaaliyadaha Soomaaliyeed ee dibadda ku nool uu kula taliyey ergeygii isaga ka horreeyay ee Axmed Walad Cabdalla.
Augustine Mahiga waxa uu sidoo kale ka hadlay qoritaanka Dastuurka cusub ee ay waddo dowladda KMG, wuxuuna sheegay inay tahay tallaabo muhiim ah oo dowladda KMG ay qaadday, isagoo xusay in la soo bandhigi doono qoraalka Dastuurkaas qabyada ah, wuxuuna ku dhiirigeliyay dadweynaha Soomaaliyeed ha joogeen dalka gudihiisa iyo dibaddiisaba inay aragtidooda ka soo dhiibtaan qoraalka dastuurka qabyada ah.
Wuxuu sidoo kale ergayga ka hadlay kulan ay Guddoominayeen isaga iyo Ra’isal wasaaraha Soomaaliyaha Cumar Cabdirashid Cali oo ay la qaateen Guddiga wadajirka ee Amniga si isbedel loogu sameeyo laamaha nabadgelyada.
Waxa sidoo kale shirkaas ka qeybgalay wasiirro ka socday dowladda KMG Soomaaliya iyo wakiilo ka socday bulshada caalamka, iyadoo tallooyiinkii ka soo baxay kulankaas ay ka mid aheyd sidii loo qaadi lahaa tallaabooyin la taaban karo oo lagu taageerayo ciidamada amniga Soomaaliyed, Booliska iyo wasaaradaha qaabilsan arrimaha amniga.
Mr. Augustine Mahiga wuxuu hoosta ka xariiqay in mudnaan sare la siiyo habka dib u dhisidda hay’adaha guud iyo abuuridda jawi dadka Soomaaliyeed waxyaabaha asaasiga ah lagu gaarsiiyo, sida waxbarashada, caafimaadka, biyaha iyo nadaafadda.
Gabagabadii waxa uu ergyagu sheegay in dadka Soomaaliyeed leeyihiin awood ay ku xalin karan khilaafaadkooda, wuxuuna ka xusay oo si gaar ah u soo qaatay heshiiskii Jabuuti ee lagu soo dhisay dowladda uu Madaxweynaha ka yahay Sheekh Shariif, wuxuuna balan qaaday inuu u howlgalayo sidii Soomaaliya loogu heli lahaa nabad iyo xasillooni.
Sheekh Maxamed Siciid {Attam} oo faahfaahin ka bixiyey sababta uu u diiday inuu wadahal ah la galo maamulka Puntland
Sabti.14-Agosto.2010{SOMAALJECEL}-Galgala, Wadaad diimeedka lagu magacaabo Sheekh Maxamed Siciid {Attam} ayaa iska fogeeyay warar sheegayay inuu heshiis kula jiro maamulka Puntland ee uu dagaalka kula jiro, wuxuuna sheegay inuusan weligiis wax wadahal ah la yeelan doonin.
Sheekh Attam waxa uu sheegay in maamulka Puntland uu yahay mid diintiisa Islaamka bedelay sidaas darteedna ay khasab tahay in dagaal lala galo, wuxuuna sheegay inay la hadli karaan dad muslim ah, balse aysan la hadli karin sida uu yiri aan ku dhaqmeyn shareecada Islaamka dad gaalo ahna ay ku shaqeysanayaan.
“Wax wadahadal ah lama galayno maamulka Puntland waayo waa maamul bedelay diintiisa, ayna ku shaqeystaan dowlado shisheeye oo kiristaan ah, suuragalna ma aha inaan maamul sidaasi ah wadahal la galno” ayuu yiri Sheekh Attaam.
“Qorshaha waxaa inoogu jira oo aan ku dedaali doonaa inaan mar dhow la wareegno deegaannada uu ka arrimiyo maamulka Puntland gaar ahaan magaalooyinka waaweyn ee Puntland, waxaana leeyahay dadka reer Puntland la dagaalama kuwa diintiina bedelay ee idiin sameystay ciidan la dagaalama Ashahaadada, doonayana inay idiin iibsadaan” ayuu yiri mar kale Sheekh Attam oo ku hanjabay inuu sii labalaabi doono dagaalka ku dhufo ee ka dhaqaaqa ah ee uu ku hayo maamulka Puntland.
Ugu dambeyntii waxa uu sheegay Sheekh Attam in dagaalka ay kala soo horjeedaan maamulka Puntland aysan marnaba joojin doonin ilaa iyo inta ay gacanta ku dhigayaan magaalooyinka Boosaaso iyo Garowe, isla markaasna ay ka hirgelinayaan ku dhaqanka shareecada Islaamka oo hadda aysan ka jirin uu yiri Sheekhu.
Maamulka Gobolka Banaadir oo ugu baaqay hay’adaha samafalka inay xafiisyo ka furtaan Gaalkacyo
Sabti.14-Agosto.2010{SOMAALJECEL}-Gaalkacyo, Maamulka Gobolka Banaadir ayaa markii ugu horreysay waxa uu ugu baaqay hay’adaha samafalka ee ka howgla gudaha dalka Soomaaliya inay xafiisyo ka furtaan magaalada Gaalkacyo ee xarunta gobolka Mudug.
Guddoomiye ku xigeenka Gobolka Banaadir C/salaan Daahir Cabdulle oo hadda ku sugan magaalada Gaalkacyo isla markaana halkaasi kulan kula qaatay saraakiil ka kala socotay Hay’adaha gargaarka ayaa ugu baaqay inay xafiisyo ka furtaan magaalada Gaalkacyo si buu yiri loo garab qabto dadka ka soo barakacay dagaalada ka socda magaalada Muqdisho.
“Waxaan ugu baaqaynaa Hay’adaha samafalka inay sida ugu dhaqsiyaha badan xafiisyo ka furtaan magaalada Gaalkacyo, waayo magaalada waxaa buux-dhaafiyey dadkii ka soo barakacay dagaalada ka socda magaalada Muqdisho, kuwaas oo u baahan in la garab qabto oo taageero dhinaca binni’aadannimada loo fidiyo” ayuu yiri Mr/C/salaan.
Dhinaca Guddoomiye ku xigeenka Gobolka Banaadir C/salaan Daahir Cabdulle waxa uu ka hadlay dagaalada ka socda deegaanka Galgala oo uu ku sheegay inuu yahay mid fidno ah, isla markaasna ay ka xun yihiin, wuxuuna ugu baaqay dhinacyada uu dagaalku u dhexeeyo inay si shuruud la’aan ah ku joojiyaan dagaalka.
Dowladda Butuswana oo diiday inay ciidamo u dirto Soomaaliya kadib markii ay heshay warbixin……..
Sabti.14-Agosto.2010{SOMAALJECEL}-Gaborone, Mid ka mid ah dowladihii horay balanqaaday inay ciidamo u dirayaan dalka Soomaaliya ayaa sheegay inaysan ciidamo u direyn dalka Soomaaliya, kadib markii ay sheegtay inay kormeer ku sameysay xaaladda dagaal ee ka jirta magaalada Muqdisho, taas oo keentay ayay tiri dowladdan inay ka laabato hadalkii ay horay u sheegtay.
Dowladda Botuswana ayaa sheegtay inaysan dalka Soomaaliya u direynin ciidamo ka mid noqda kuwa AMISOM ee ka socda Ururka Midowga Afrika ee jooga gudaha magaalada Muqdisho.
Wasiirka arrimaha dibadda ee dalka Botswana Phandu Skelemani ayaa sheegay inaysan qorshaha ugu jirin in xilligan ay ciidamo kuwooda ah geeyaan gudaha dalka Soomaaliya gaar ahaan magaalada Muqdisho.
Wasiirku waxa uu sheegay in ciidamada Botswana aysan marnaba cagta dhigi doonin gudaha dalka Soomaaliya, wuxuuna arrinkaasi ku sababeeyay in ay heleen warbixin ah in Soomaaliya aysan ka jirin nabad la ilaaliyo, xaaladda amni ee ay ku sugan tahayna ay tahay mid halis ah oo ciidamadoodu qatar gelin karta.
Wasiirka ayaa dhanka kale sheegay inay diyaar u yihiin oo kaliya in ciidamada Midowga Afrika ee AMISOM ee la geynayo gudaha dalka Soomaaliya ay ka caawiyaan oo kaliya arrimaha duulimaadka iyo dhinaca tasiilaadka, balse aysan diyaar u ahayn ciidamo geynta Soomaaliya.
Dowladda Botswana ayaa hore u sheegtay inay diyaar u tahay inay ciidamo geynayso Soomaaliya si ay uga mid noqdaan kuwa AMSIOM ee ku sugan magaalada Muqdisho, balse hadda ayaa waxay sheegtay inay ka laatabay go’aankaas.
Xarakada Al-shabaab oo sheegtay inay isku soo dhiibeen askar ka tirsan ciidamada dowladda KMG Soomaaliya
Sabti.14-Agosto.2010{SOMAALJECEL}-Baardheere, Askar ka tirsan ciidamada dowladda KMG Soomaaliya oo lagu soo tababaray gudaha dalka Itoobiya ayaa la sheegay inay ku biireen xarakada Al-shabaab ee ka arrimaha gobolka Gedo.
Guddoomiyaha Xarakada Al-shabaab ee Gobolka Gedo ayaa sheegay in ciidamo ka tirsan kuwa dowladda KMG Soomaaliya ee lagu soo tababaray dalka Itoobiya ay isku soo dhiibeen iyaga, ayna si fiican u soo dhaweeyeen sida uu yiri.
Guddoomiyuhu waxa kale oo uu sheegay inay ugu baaqayaan ciidamada weli ka tirsan dowladda KMG inay baadilka isaga soo baxaan, ayna ku soo biiraan sida uu yiri walaalahooda Al-shabaab wax dhib ahna aan loo geysan doonin.
Dhinaca kale mid ka mid ah askarta la sheegay inay ka soo goosatay ciidamada dowladda KMG oo saxaafadda la hadlay ayaa sheegay inuu si aad ah ugu faraxsan yahay inay ka towbad keenaan falkii ay horay ugu jireen, haddana ay ka mid noqdeen walaalahooda Al-shabaab, wuxuuna xusay inuu ka mid ahaa ciidamada dowladda ee tababarka ku soo dhameystay gudaha dalka Itoobiya.
Dowladda Yugandha oo soo bandhigtay 4-nin oo ay sheegtay inay ka dambeeyeen qaraxyadii Kampala
Sabti.14-Agosto.2010{SOMAALJECEL}-Kampala, Dowladda Yugaandha ayaa markii ugu horreysay waxay soo bandhigtay 4-nin oo sheegtay inay ka dambeeyeen qaraxyadii ka dhacay magaalada Kampala ee dalka Yugandha.
Booliska dalka Yugandha ayaa sheegay in baaritaan dheer oo ay sameeyeen kadib ay gacanta ku soo dhigeen dad u dhashay dalka Yugandha oo sheegay inay ka dambeeyeen qaraxyadii ka dhacay magaalada Kampala, kuwaasoo haatan ku xiran xabsi ku yaala dalkaasi.
Mid ka mid ah dadkii la qabtay ayaa sheegay inay iyagu ka dambeeyeen qaraxyadii Kampala, wuxuuna Booliska ku yiri “Ma ogeyn inuu saameyn intaan la'eg igu yeelan doono qaraxyadii aan abaabulnay ee ka dhacay Kamapala”.
Idris Nsabuga oo ka mid ahaa afartii qof ee ay dowladda Yugaandha soo bandhigtay oo saxaafadda la hadlay ayaa sheegay inuu falkaasi aad uga xumaaday isla markaasna lagu qalday sida uu yiri.
“Waxaan doonayay inaan laayo Mareykan badan, waxaana arrintan igu kalifay sida uu Mareykanku ula dhaqmo dadka muslimiinta ah ee dunida, laakiin hadda waxaan ogaaday in dad reer Yugandha ah ay ku dhinteen qaraxyadaasi, markii aan sameeyay kadib ayayna ila xumaatay dhacdada” ayuu ku calaacalay mid ka mid ah ragga la sheegay inuu qirtay inuu mas’uul ka ahaa qaraxyadii ka dhacay dalka Yugandha.
“Waxaan cafis weydiisanayaan qoysaskii, eheladii iyo saaxiibadii dadkii ku dhintay qaraxyadaas oo aan gacan ka geystay fulintooda” ayuu yiri Idris oo mararka qaar wajiga qabsanayay intii uu ka hadlayay shir jaraa'id oo ay dowladda Yugaandha soo qabanqaabisay.
Mid kale oo ka mid ah 4-ta ruux ee la qabtay ayaa sheegay in qorshahan uu ku dhaqaaqay kadib markii sida uu yiri ay mushkilad xagga noloshiisa ku saabsan ay la soo gudboonaatay, isla markaasna uu xaaskiisa muran xoog leh uu dhex maray, markaasi wixii ka dambeeyeyna uu go’aansaday inuu falkan sameeyo sida uu hadalka u dhigay.
Afarta qof ee la soo bandhigay waxaa ku jira nin sheegay inuu ka tirsan yahay Xarakada Al-shabaab, kaasoo magaciisa ku sheegay Ciise Axmed oo 32-jir ah, wuxuuna saxaafadda u sheegay inuu gacan ka geystay qaraxyadii ay dadka badan ku dhinteen ee ka dhacay Kampala.
Mr. Ciise wuxuu sheegay in sababta uu u geystay qaraxyadaas ay ahaayeen isagoo doonayay inuu dilo dad Mareykan ah oo ku jiray goobta lagu daawanayay ciyaarta, wuxuuna carrabka ku dhuftay inay cadaawad kala dhexeyso Mareykanka ayna u qorsheysnayd inuu ku beegsado meel walba oo uu ku arko, wuxuuna intaasi ku daray Ciise inuu ka dagaalamay dalka Soomaaliya muddo badan.
Askar ka tirsan ciidamada dowladda KMG oo dil u geystay Afar Haween ah
Sabti.14-Agosto.2010{SOMAALJECEL}-Muqdisho, Askar ka tirsan ciidamada dowladda KMG Soomaaliya ayaa meelo kala duwan dilal ugu geystay dad rayid ah oo isugu jiray kuwo ganacsanayay iyo kuwo Gaadiid saarnaa.
Asjari la shaqeeya maamulka degmada Wadajir ee magaalada Muqdisho ayaa xalay labo haween ah oo kuwa qaadka iibiya ku dilay degmada Wadajir, gaar ahaan halka lagu magacaabo Suuqa weyn.
Wararka ayaa sheegaya in askariga iyo haweenayda qaadka iibineysay uu soo kala dhex galay muran, kadib markii haweeneyda ay u qabsatay askariga lacag deyn oo ay ku lahayd, waxaana muran dheer kadib uu rasaas ku furay haweeynaydii, kadibna waxay xabaddii ku dhacday haweeneyda iyo mid kale oo iyana qaad ku iibinaysay meel agteeda ah.
Askariga dilka geystay ayaa la sheegay in gacanta lagu dhigay kadibna xabsiga loo taxaabay, iyadoo la filayo in Maxkamad la horkeeno askarigaasi.
Sidoo kale 3-askari oo ka tirsan ciidamada dowladda KMG ayaa rasaas ay ku fureen gaari BL ah oo marayay inta u dhaxeysa Ex. Afgooye iyo deegaanka Ceelasha biyaha waxa ay geysteen dhimashada labo haween ah iyo dhaawac labo rag ah oo gaariga la socday.
Baabuurka rasaasta lagu furay ayaa ka tagay magaalada Muqdisho, wuxuuna ku sii jeeday degmada Afgooye, iyadoo gaariga uu maydadkii iyo dhaawacyadii geeyay deegaanka Ceelasha biyaha ee duleedka Muqdisho.
Ciidamada gaariga rasaaseeyay ayaa la sheegay inay ahaayeen kuwo baarasho u geysanayay rakaabka la socday gaariga, waxayna halkaas ku baarteen gaari kale oo ka yimid dhinaca deegaanka Ceelasha Biyaha.
Ma aha markii u horeysay ee ciidamada dowladda ay si bareer u dilaan dadka rayidka, waxaana falalkan ay noqdeen kuwo soo noqnoqday oo ay geysanayaan askarta dowladda iyadoo dowladduna ay sheegato inay Diinta Islaamka ku dhaqanto, isla markaana aysan jirin cid ay ku fulisay shareecada Islaamka, gaar ahan askarteed oo rayidka dila.
Faahfaahin ku saabsan dagaal mar kale ka dhacay deegaanka Galgala iyo guulo laga kala sheegtay
Sabti.14-Agosto.2010{SOMAALJECEL}-Galgala, Wararka naga soo gaaraya deegaanka Buurta Galgala ayaa waxay sheegayaan in shalay uu mar kale dagaal ka dhacay deegaanka lagu magacaabo Madarshoon oo ay weerar ku qaadeen ciidamo daacad u ah Sheekh Attam.
Dagaalka ka dhacay deegaanka Madarshoon oo khiyaastii 25-km u jira deegaanka Galgala ayaa waxaa ku dhintay inta la ogyahay 7-ruux halka ay ku dhaawacmeen dad kor u dhaafaya 15-ruux oo kale, kuwaas oo badankoodu ahaa dhinacyadii uu dagaalka dhex maray.
Labada dhinac ee dagaalamay ayaa siyaabo kale duwan dagaalka uga hadlay waxaana Wasiirka Amniga ee Puntland Yuusuf Axmed Kheyr oo la hadlay warbaahinta uu sheegay inay guulo dagaalka ka gaareen, wuxuuna intaasi ku daray in ugu yaraan 5-ka tirsan askartooda ay dhinteen, halka dhinaca kalena ay ka dileen sida uu yiri ilaa 8-ruux.
Dhinaca kale Sheekh Maxamed Siciid {Attam} oo isna dagaalka ka hadlay ayaa sheegay in ciidamadiisu ay dagaalka qaadeen, qasaare ba'anna ay gaarsiiyeen ciidamada maamulka Puntland, kuwaas oo sida uu yiri ay ka dileen askar badan ayna ka dhaawaceen kuwo kale.
Sidoo kale Sheekh Attam waxa kale oo uu sheegay in ciidamada Puntland ka gubeen ilaa 4-gaari oo tikniko ah ciidamo badanna ay ka laayeen, wuxuuna dhiniciisa uu sheegay inaysan waxba soo gaarin sida uu yiri.
Ma jirto cid xaqiijinaysa sheegashooyinka iska soo horjeeda ee ka soo kala yeeraya dhinacyada Puntland iyo Sheekh Attam, waxaana degaankii uu dagaalku ka dhacay laga soo sheegayaa inuu haatan degan yahay oo aysan ka jirin wax dagaalo ah.
|
Boosaaso: Agaasimaha Idaacadda Horseed ee magaalada Boosaaso oo lagu xukumay sanad barkiis oo xarig ah iyo ganaax 500 doolar ah
Galgala: Ciidamada Puntland oo lagu eedeeyay inay haweenka degaanka Galgala jalaabiibka ka dhigaan, beerahana gubaan
Muqdisho: Madaxweyne Sheekh Shariif oo sheegay in dhibaato weyn ay ka jirto goobaha ay ka taliyaan Al-shabaab iyo Xisbul Islaam
Muqdisho: Maxaabiis u xirxirnaa Xarakada Al-shabaab oo la sii daayay
Nayroobi: Ergayga Q/midoobay u qaabilsan Soomaaliya oo sheegay inuu ku shaqeynayo talo uu siiyay Ergeygii ka horreeyay, taasoo ah…..
Galgala: Sheekh Maxamed Siciid {Attam} oo faahfaahin ka bixiyay sababta uu u diiday inuu wadahadal ah la galo maamulka Puntland
Gaalkacyo: Maamulka Gobolka Banaadir oo ugu baaqay hay’adaha samafalka inay xafiisyo ka furtaan Gaalkacyo
Gaborone: Dowladda Butuswana oo diiday inay ciidamo u dirto Soomaaliya kadib markii ay heshay warbixin……..
Baardheere: Xarakada Al-shabaab oo sheegtay inay isku soo dhiibeen askar ka tirsan ciidamada dowladda KMG Soomaaliya
Kampala: Dowladda Yugandha oo soo bandhigtay 4-nin oo ay sheegtay inay ka dambeeyeen qaraxyadii Kampala
Muqdisho: Askar ka tirsan ciidamada dowladda KMG oo dil u geystay Afar Haween ah
Galgala: Faahfaahin ku saabsan dagaal mar kale ka dhacay deegaanka Galgala iyo guulo laga kala sheegtay
1298|1281591000|dynamic|Wararka maanta|
Itoobiya oo sheegtay in ciidamo caawiya AMISOM ay u dirayso Soomaaliya
Khamiis.12-Agost.2010{SOMAALJECEL}-Addis Ababa, Ra’isal wasaaraha Itoobiya Melles Zenawi ayaa sheegay inuu diyaar u yahay inuu ciidamadiisa mar kale dib ugu celiyo dalka Soomaaliya haddii ciidamada AMISOM ay soo wajahdo halis culus sida uu yiri.
Mar uu warfidiyeenada kula hadlayay magaalada Addis-Ababa ee xarunta dalkiisa ayuu sheegay in haddii nolosha ciidamada nabad ilaalinta ee AMISOM halis xoogan soo wajahdo oo ay taageero weydiistaan Itoobiya aysan kala daahi doonin ciidamadooda inay u diraan dalka Soomaaliya si buu yiri loo badbaadiyo ciidamada AMISOM.
Mar wax laga weydiiyay warar ku saabsan inay jiraan dalal ku lug leh in wada xaajood lala galo Al-Shabab ayaa Zenawi waxa uu yiri “La xaajoodka Al-Shabab hab kastaba ha ahaate waa qatar gobolka soo wajaheysa, mana u maleynayo in hadalkaasi uu dhab yahay” ayuu yiri, isagoo intaasi ku daray in Itoobiya ay mar kasta ka feejigan tahay weerar kaga yimaada dhinaca Xarakada Al-shabaab ee ka dagaalanta dalka Soomaaliya.
Ciidanka Itoobiya ayaa waxaa ay dalka Soomaaliya soo galeen sanadkii 2006-dii xilligaas ay taageero siinayeen ddwladdi C/llaahi Yuusuf oo dagaal la gashay ciidamadii Maxkamadhii Islaamka oo khasaare badan gaarsiiyey, waxayna Itoobiya ciidamadeeda kala baxday Soomaaliya sanadkii 2009-kii.
Dagaal mar kale Buuraha Galgala ee Gobolka W/Bari ka qarxay
Khamiis.12-Agost.2010{SOMAALJECEL}-Galgala, Mar kale ayaa habeenkii xalay waxa uu dagaal culus ku dhex maray deeganno ku yaala buuraha Galgala ee gobolka Bari ciidamada uu hoggaamiyo Maxamed Saciid Atam iyo kuwa Maamul goboleedka Puntland.
Dagaaladaas oo dhacay xalay saqdii dhexe ayaa waxaa la sheegay ay bilaabeen ciidamada Attam oo weerar ku qaaday fariisin ay ku sugnaayeen ciidamada maamulka Puntland, iyadoo labada dhinac ay isu adeegsadeen hubka culus iyo midka fudud.
Wararku waxa ay sheegayaan in dagaalkaasi uu sababay qasaaro nafeed oo isugu jira dhimasho iyo dhaawac, mana la oga ilaa iyo hadda inta uu gaarsiisan yahay qasaaraha ka dhashay dagaalkaas.
Wararka qaar ayaa sheegaya in Isbitaalka magaalada Boosaaso la keenay dhaawacyada askar ka tirsan ciidamada Maamulka Puntland kuwaasoo ku soo dhaawacmay dagaaladii xalay, iyadoo xiisadda magaalada Boosaaso maanta aad u kacsan tahay, sidoo kalena maanta laga cabsi qabo in dagaal kale uu qarxo iyadoo laga maqlayo degaankii xalay lagu dagaalamay rasaas goos goos ah oo ay dhinacyadiid agaalamay isweydaarsanayaan.
Dab sababay dhimasho oo ka kacay xaafadda X/jajab ee magaalada Muqdisho.
Khamiis.12-Agost.2010{SOMAALJECEL}-Muqdisho, Dab geystay qasaare nafeed ayaa shalay galab waxa uu ka kacay aqalo ay deganaayeen qoysas barakacayaal ah oo ku yaala degmada X/jajab ee magaalada Muqdisho.
Dabkan oo sida la sheegay ka bilowday Jiko shidan oo dhex taalay mid ka mid ah aqalo ka sameysan cooshado oo ku yaala degmada X/jabab ee magaalada Muqdisho ayaa waxaa ku geeriyooday labo carruur ah oo xilligaasi hooyadii dhashay ay suuqa ku maqnayd.
Carruurta geeriyootay ayaa la sheegay in dabka ay ku bas beeleen kadib markii loogu geli waayay halka ay ku gubanayeen, iyadoo dabku uu baabi’iyey dhammaan aqaladii cooshadaha ka samaysnaa oo ay deganaayeen ku dhawaad 100 qoys.
Dadkii deganaa aqladaas gubtay ayaa xalay bannaanka ku hoyday iyadoo agabkii ay isticmaalayeen oo dhanna kaas beeleen.
Taliyihii qeybta booliska Maamulka Puntland ee gobolka Mudug oo is Casilay
Khamiis.12-Agost.2010{SOMAALJECEL}-Gaalkacyo, Taliyihii qeybta Booliska ee gobolka Mudug G/Sare Muuse Axmed C/raxmaan {Muuse Xasaasi} ayaa xalay ku dhawaaqay inuu si rasmi ah isaga casilay shaqadii uu ka haya maamul Goboleedka Puntland, waxaana uu taliyuhu sheegay inuu shacabka gobolka Mudug ku soo celiyay xilkaas oo uu muddo sanad ah hayay, haddana uu go’aansaday inuu ka tago sababo jira awgood.
G/lle Sare Muuse Axmed {Muuse Xasaasi} wuxuu sheegay inuu xilkii Taliyenimo ee gobolka Mudug iska casilay kadib markii uu khilaaf soo kala dhex galay isaga iyo Taliska guud ee Booliska Puntland kaasoo uu sheegey inuu khilaafkani yahay mid dhinaca sharciga ah oo ku saabsan maamulidda amaanka gobolka Mudug.
“Waxaan shaqadii aan u hayay shacabkeyga ka tagay gabal dhicii xalay, waxaana uga tagay kadib markii Taliska guud ee Booliska gobolka Mudug uu igu amray inaan meelo ka mid ah baraha Kaantaroolada ee gobolka ku wareejiyo maamulka degmada, taasoo sharci ahaaan khaldan” ayuu yiri Muuse Xasaasi.
Mr. Muuse Xasaasi wuxuu sheegay in khilaafkani uu yahay mid sharciga ah taas oo uu ku tilmaamay in Taliska guud ee Booliska Puntland uu ku amray in meelo ka mid ah xarumaha Booliska lagu wareejiyo Ciidanka Ilaalada deegaanka ee degmada Gaalkacyo, waxaana uu amarkaas ku tilmaamay mid aan sharci ahayn isla markaasna taliska Boolisku uu qaadan waayay talooyinkiisii sida uu yiri.
Dhinaca kale Guddoomiyaha maamulka Puntland ee gobolka Mudug ayaa ka gaabsaday inuu faahfaahin ka bixiyo is casilaadda uu sameeyay Taliyihii qeybta booliska ee gobolka Mudug ee dhanka Maamulka Puntland.
Golaha ammaanka ee Midowga Afrika oo sheegay inay dagaal la gelayaan…
Khamiis.12-Agost.2010{SOMAALJECEL}-Al-Jeris, Madaxa Golaha amniga iyo nabadgelyada ee Midowga Afrika Ramadaan Al-camaamira ayaa sheegay in Midowga Afrika uu dagaal la geliyo waxa uu ugu yeeray kooxaha Al-qaacida ku xiran ee ka jira qaaradda Afrika, wuxuuna intaasi ku daray in la sameynayo koox gaar ah oo qaabilsan la dagaalanka Al-qaacidda.
Al-camaamira waxa kale oo uu sheegay in dalalka waqooyiga Afrika iyo Geeska Afrika ay yihiin labada goobood ee ugu daran ay ka jiraan kooxahaasi, waxaana uu si gaar ah u soo qaatay dalka Soomaaliya oo uu sheegay in Al-qaacidda ugu badan afrika ay ku sugan yihiin, kuwaas oo ka kala yimid ayuu yiri dalalka Afganistaan, Pakistaan, dalalka Carabta iyo xitaa qaar ka yimid dalalka Yurub.
Mar wax laga weydiiyay in arrinta ku saabsan la dagaalanka waxa loogu yeero argagixisadu uu duudsiiyay jabhadda xaq u dirirka ee doonaya inay xornimo helaan ayaa waxa uu yiri “Isku qaldimeyno xornimodoon iyo kuwa ku xiran ururka Al-qaacidda, waxaana aamisannahay in jabhadda Bulasaariya ee ka dagaalanta dhulka saxaraha Galbeed ay tahay xaq u dirir, balse kuwa Soomaaliya ka dagaalama aysan ahayn xornimo u dirir” ayuu yiri Al-camaamira.
Sidoo kale waxa uu sheegay in Al-qaacida ku sugan Afrika ay hadda tahay sun dhibaato ku ah amniga qaaradda Afrika, wuxuuna ka codsaday dalalka galbeedka Afrika inay gacan ka geystaan sidii loo tirtiri lahaa waxa uu ugu yeeray argagixisada Geeska Afrika joogta.
Daahir Rayaale oo sheegay in dagaalada Xamar ka socda laga yaabo inay soo gaaraan Somaliland
Khamiis.12-Agost.2010{SOMAALJECEL}-Hargeysa, Madaxweynihii hore ee maamulka la baxay Somaliland Daahir Rayaale Kaahin ayaa sheegay in dagaallada ka socda koonfurta Soomaaliya uu ka baqayo inay si duulduul ah ku gaaraan Somaliland, haddii buu yiri aan lala imaan iskaashi iyo midnimo buuxda oo dhex marta dadka reer Somaliland.
Ma faahfaahin qaabka ay ku soo gaari karaan, hase ahaatee waxaa loo maleynayaa inuu ula jeeday inuu ka waday dagaalada ka socda deegaannada Puntland oo ay Somaliland si aad ah isugu dhow yihiin.
Mr. Rayaale mar la weydiiyay wxa ku dhaliyay go’aankii uu xilka ku wareejiyay ayaa waxa uu yiri “Xukunku waa meerto oo hadba nin baa qabanaya, waxaana ku baaqayaa inaan Ninna kursiga ku dhegin maalinta la yiraahdo waa lagaa helay isagoo ku faraxsan in laga helo.
Dowladda Yugandha oo sheegtay inay qabatay Wiilal isla dhashay oo ay sheegtay inay ka dambeeyeen qarixii Kampala
Khamiis.12-Agost.2010{SOMAALJECEL}-Kampala, Saxaafadda dalka Yugandha ayaa shaaciyey in Saddex wiil oo walaalo ah lagu tuhunsan yahay in ay ku lug leeyihiin qaraxyadii dhimashada badan ka dhashay ee magaalada Kampala ay qabteen ciidamada Booliska Yugandha.
Saddexda wiil ee walaalaha ah ayay ciidamada Booliska Yugandha sheegeen inay qirteen inay ku lug lahaayeen qaraxyadaasi kadib markii Booliska su'aalo weydiiyay.
Mid ka mid ah wiilashaas oo lagu magacaabo Idiris Ciise oo 33 jir ah ayaa la sheegay inuu maxkamadda ka hor sheegay inuu door weyn ku lahaa qaraxyadii Kampala ka dhacay ee sababay dhimashada 76-qofood iyo dhaawaca dad intaas ka sii badan.
Qaraxyada ka dhacay magaalada Kampala ee dalka Yugandha dhawaan ayaa waxaa mas'uuliyadooda sheegtay dhaqdhaqaaqa Al-Shabaab ee ka dagaalama gudaha Soomaaliya, iyadoo horey dowladda Yugandha ay u soo bandhigtay sawirada labo ruux oo midi yahay Yugandheys midka kalena Soomaali oo ay sheegeen inay qaraxyadii kampala iyagu ka dambeeyeen.
Hay'adda DBG oo beenisay in Al-shabaab ay bililiqeystay xarunta hay'adda DBG
Khamiis.12-Agost.2010{SOMAALJECEL}-Muqdisho, Shir jaraa'id oo uu ku qabtay magaalada Muqdisho Agaasimaha hay'adda DBG {Daryeel Bulsho Guud} Cumar Colaad Axmed ayaa waxa uu ku beeniyay in Xarakada Al-shabaab ay bililiqeysatay xarunta Hay'adda DBG.
Waxa uu sidoo kale sheegay inaysan jirin wax xiriir ah oo ay la leeyihiin Hay'adda Diakonia oo ka mid ah saddex hay'adood oo ay Xarrakada Al-shabaab ka mamnuucday inay ka shaqeyso deegaannada ay ka taliyaan.
“Ma jirto wax xiriir ah oo nagala dhexeeya hay'adda DIAKONIA oo Xarrakada Al-shabaab ay ka mamnuucday inay ka shaqeyso deegaanada ay ka taliso” ayuu yiri Cumar Colaad oo sheegay in DBG ay kaalmo ka hesho hay'ado samofal oo ka howlgala dalka Jarmalka.
Agaasimuhu wuxuu sheegay in warka ku saabsan inay xiriir la lahaayeen hay’adda Diakonia uu yahay mid lagu shirqoolayo shaqaalahooda, isla markaasna lagu baabi'inayo sumacaddii ay ku dhex lahaayeen bulshada Soomaaliyeed sida uu yiri.
Sidoo kale wuxuu beeniyay in xaruntooda ay la wareegtay Xarkada Al-shabaab, isagoo sheegay in xaruntooda ay ku taalo agagaarka Zope, wax dhibaato ahna aysan qabin, isagoo sheegay inay saddex bilood kahor kasoo guureen xaruntii hore ay u daganaan jireen oo ku taalla KM-13, haatanna ay tahay xarun uu leeyahay Xaaji Abuukar Ow-Cali oo horay agaasime uga ahaa DBG.
Magaalada Xeraale oo Ahlusunna ay u sameeyeen Maamul
Khamiis.12-Agost.2010{SOMAALJECEL}-Xeraale, Magaalada Xeraale ee gobolka Galgaduud ayay Culumaa’udiinka Ahlusunna Waljamaaca ee ka taliya degaanno ka mid ah gobollada dhexe waxa ay u sameeyeen maamul hoostaga ururkooda.
Mas’uuliyiin ka tirsan ururka Ahlusunna Waljamaaca ayaa shaaca ka qaaday in ay maamul u sameeyeen magaalda Xeraale ee gobalka Galgaduud kadib latashiyo ay la sameeyeen Odayaasha iyo Culaamaa’udiinka magaaladaas.
U qeybsamaha arrimaha gudaha maamulka Ahlusunna Waljamaaca ee gobolka Galgaduud Sheekh Mursal C/raxmaan Axmed ayaa sheegay in magaalada Xeraale ay u sameeyeen maamul hoos taga ururkooda oo ah buu yiri mid loo dhan yahay, isla markaana ay raali ka yihiin dadka degan magaaladaas.
Sheekh Mursal waxa uu ugu baaqay dadka ku dhaqan magaalada Xeraale in ay la shaqeeyaan maamulka loo sameeyay, isagoo dhinaca kale sheegay in ay si wadi doonaan maamul sameynta degaannada ay maamulaan, inta ay ka dhamaystirayaan sida uu yiri mamullada degmooyinka ay xukumaan.
|
Addis Ababa: Itoobiya oo sheegtay in ciidamo caawiya AMISOM ay u dirayso Soomaaliya
Galgala: Dagaal mar kale Buuraha Galgala ee Gobolka W/Bari ka qarxay
Muqdisho: Dab sababay dhimasho oo ka kacay xaafadda X/jajab ee magaalada Muqdisho.
Gaalkacyo: Taliyihii qeybta booliska Maamulka Puntland ee gobolka Mudug oo is Casilay
Aljeris: Golaha ammaanka ee Midowga Afrika oo sheegay inay dagaal la gelayaan…
Hargeysa: Daahir Rayaale oo sheegay in dagaalada Xamar ka socda laga yaabo inay soo gaaraan Somaliland
Kampala: Dowladda Yugandha oo sheegtay inay qabatay Wiilal isla dhashay oo ay sheegtay inay ka dambeeyeen qarixii Kampala
Muqdisho: Hay'adda DBG oo beenisay in xarunteeda Al-shabaab ay la wareegtay
Xeraale: Magaalada Xeraale oo Ahlusunna ay u sameeyeen Maamul
1297|1281504600|dynamic|Wararki u dambeeyay|
Dagaal mar kale maanta ka dhacay Buuraha Galgala ee Puntland
Arbaco.11-Agosto.2010{SOMAALJECEL}-Galgala, Dagaal culus oo la isu adeegsaday hubka culus iyo midka fudud ayaa mar kale maanta ka qarxay degaanno ka tirsan Gobolka Bari gaar ahaan Buuraleyda Galgala ee gobolka Bari.
Dagaalka oo dhex maray ciidamada maamulka Puntland iyo kuwa uu hoggaamiyo Sheekh Maxamed Saciid (Attam) ayaa la sheegayaa in dhimasho iyo dhaawac uu sababay, mana la oga inta uu gaarsiisan yahay khasaaraha ka dhashay dagaalka, iyadoo maamulka Puntland uu sheegay in Labo askari ay ka dhimatay, 5 askari kalena ay dhaawacantay.
Degaanka lagu magacaabo Madashob oo la sheegay inuu dagaalka ka dhacay ayay maamulka Puntaland sheegeen inay kala wareegeen ciidamadii Sheekh Attam, iyagoo xusay in degaankaasi uu ahaa saldhig lagu tababaro ciidamada isla markaasna ahayd fariisinkii ugu weynaa ee Sheekh Attam.
Sheekh Maxamed Saciid {Attam} oo ah hoggaamiyaha ciidamada dagaalka kala soo horjeeda maamulka Puntland ayaa sheegay inaan ciidamadiisa laga adkaanin ee ay xeelad dagaal halkaasi uga baxeen sida uu yiri.
Sheekh Atam waxa uu sheegay in wixii haatan ka dambeeya xeeladda dagaal ee ay adeegsanayaan ay noqon doonto mid ku dhufo oo ka dhaqaaq ah, isagoo shaaciyay in ciidamadiisu ay khasaare gaarsiiyeen ciidamada Puntland.
Waxa uu ku eedeeyay ciidanka Puntland inay geysteen falal kala duwan oo ay ku jirto bililiqo iyo weliba gubista beero ku yaala tuullada Galgala, isagoo sheegay in ciidamadiisu ay yihiin ciidan degaan oo Islaamka isku maamula laguna soo duulay, wuxuuna xusay in dugsi Qur’aan iyo goobo kale oo ku yaala deegaanka Galgala loo sawiray ciidamada Mareykanka si dhaqaale loogu raadsado.
Dhinaca kale Sheekh Attam ayaa mar kale sheegay inuusan wax xiriir la laheyn kooxda Al-shabaab ee koonfurta Soomaaliya ka dagaalanta, laakiin waxa uu qiray in kooxdiisu ay doonayso in meelaha ay ka taliyaan ay shareecada Islaamka ku dhaqaan.
Ciidamada Xisbul islaam oo dad ku qabqabtay magaalada Muqdisho
Arbaco.11-Agosto.2010{SOMAALJECEL}-Muqdisho, Ku dhawaad Boqol ruux oo u badan dhalinyaro ayay ciidamada ururka Xisbul Islaam ka qabqabteen xaafado ka mid ah magaalada Muqdisho.
Ciidamada ayaa qabqabanayay ragga shaaribka sii daaya, timaha garkana xiira, kuwaasoo la sheegay inaysan fulinin amarkii ay horey u soo saareen Maamulka Gobolka Banaadir ee Ururka Xisbul Islaam oo ahaa in ragga ay deystaan timaha garka, Shaaribkana ay xiiraan.
Dhalinyaradaa la qabqabtay ayaa badankood lagala degay Gaadiidka BL-ka iyo kuwa gaarka ah kuwaasoo, iyadoo dadkaas la sheegay in badankood la sii daayay kadib markii digniin kale loo jeediyey.
Shalay ayaa waxaa ay ku beegneyd muddadii ugu dambeysay ee ay u qabteen Ururka Xisbul Islaam ragga xiira garka islamarkaana sii deysta Shaaribka, inkastoo maanta wax war ah oo ku saabsan dhalinyarada la qabqabtay aysan ka soo bixin saraakiisha gobolka Banaadir ee Ururka Xisbul Islaam.
Wasiir ka tirsan dowladda KMG oo baaq jeediyey
Arbaco.11-Agosto.2010{SOMAALJECEL}-Muqdisho, Wasiirka arrimaha gudaha dowladda KMG Soomaaliya Sheekh C/qaadir Cali Cumar oo maanta shir jaraa’id ku qabtay magaalada Muqdisho ayaa ku baaqay in bisha Ramadaan la joojiyo dagaalada iyo duqeymaha ay ku waxyeeloobayaan dadka shacabka ah.
Waxa uu wasiirku ku baaqay in gurmad loo fidiyo barakacayaasha ku sugan duleedyada Muqdisho, isagoo sheegay in shacabka Soomaaliyeed xilligaani aanay u baahnayn barakicin iyo dhibaato hor leh hase ahaatee ay u baahan yihiin in gacan bini’aadanimo lala soo gaaro.
Dhanka kale xoogga hubeysan ayaa iyaguna waxay sheegeen in bishan Ramadaan ay sii labalaabayaan dagaalka ay kula jiraan dowladda KMG Soomaaliya.
Madaxweynaha Soomaaliya oo jeediyay hambalyo ku aaddan bisha Ramadaan iyo Ahlusunna oo ka soo horjeesatay inay Ramadaan tahay maanta
Arbaco.11-Agosto.2010{SOMAALJECEL}-Muqdisho, Madaxweynaha dowladda KMG Soomaaliya Sheekh Shariif Sheekh Axmed ayaa ugu hambalyeeyay ummadda Soomaaliyeed bilashada bisha barakeysan ee Ramadaan, wuxuuna u rajeeyay nabad iyo amni.
Waxa uu madaxweyne Shariif ku booriyay shacabka Soomaaliyeed inay Alle u towbad keenaan, iyadoo laga faa'ideysanayo bisha barakeysan ee Ramadaan.
Dhanka kale culumaa’udiinka Ahlusunna Waljamaaca ayaa sheegay in maanta oo Arbaco ah aysan ahayn Ramadaan, iyagoo degaannada ay maamulaan dadka u diidey inay Soomaan maanta.
Gobalka Galgaduud ee ay maamulaan Culimada Ahlusunna ayaa maanta oo Arbaco ah laga soomeynin, sidaasi waxaa sheegay maamulka Ahlusunna Waljamaaca.
"Wax soon ah kama jiro Galgaduud, waayo lamaba gaarin" ayuu yiri madaxa Garsoorka maamulka Ahlusunna Sheekh Saciid moo intaa ku daray in maanta oo Arbaco ah ay tahay 29-ka bisha Shacbaan, Soonkana uu ku beegan yahay berri oo Khamiis ah.
Inta badan gobollada dalka Soomaaliya oo ay ku jirto Gobolka Banaadir ayaa laga sooman yahay maanta kadib markii la shaaciyey dhalashada bisha Ramadaan oo dad badan ay arkeen.
Suuqa Bakaaraha oo madaafiic culus lagu garaacay
Arbaco.11-Agosto.2010{SOMAALJECEL}-Muqdisho, Dagaal la isu adeegsaday hubka noocyo kala duwan ah oo ay barbar socotay madaafiic culus ayaa gabaldhicii shalay ka dhacay inta u dhaxeysa Isgoysyada Dabka iyo suuqa Bakaaraha ee magaalada Muqdisho.
Dagaalka iyo duqeymahaa ayaa waxa ay geysteen khasaare isugu jira dhimasho iyo dhaawac soo gaaray dad rayid ah oo ku sugnaa gudaha suuqa Bakaaraha xilli ay u diyaargaroobayeen bisha Ramadaan oo ay ku howlanaayeen adeeg kala duwan.
Inta la ogyahay duqeynta loo geystay Suuqa Bakaaraha waxaa ku dhintay Shan ruux, waxaana ku dhaawacmay 15-ruux kale, iyadoo mashaqada ugu daran ay ka dhacday meel boosteejo ah oo laga raro gaadiidka u baxa gobollada gaar ahaan gaadiidka aada gobolada Bay iyo Bakool.
Sida ay sheegeen dad goobjoogayaal ah saddex madfac oo isku xigtay ayaa ku soo dhacay goob laga raro gaadiidka iyo maqaayad ku dhawayd goobtaas, waxaana madaafiicdaasi ay waxyeelo u geysatay dadkii ku sugnaa boosteejada gaadiidka laga rarayay iyo dad ku sugnaa maqaayadda.
Sidoo kale waxa la sheegay in la duqeeyay goobo kale oo ku dhowdhow suuqa Bakaaraha, waxayna arrintan ku soo aadaysaa iyadoo habeen hore madaafiic ku dhacday deegaanka KM.13 kuwaasoo geysatay khasaarooyin isugu jiray dhimasho iyo dhaawac iyo weliba barac ku yimid dad horay uga barkacay magaalada Muqdisho.
Sheekh Attam:- “Xeelad dagaal ayaan uga baxnay Galgala dagaalkuna wuu soconayaa”
Arbaco.11-Agosto.2010{SOMAALJECEL}-Galgala, Sheekh Maxamed Saciid {Attam} oo ah hoggaamiyaha ciidamada dagaalka kala soo horjeeda maamulka Puntland ee dhawaan ciidamadiisu dagaalka la galeen kuwa maamulka Puntland ayaa qiray in laga qabsaday degaanka Galgala, isagoo xusay inaan ciidamadiisa laga adkaanin ee ay xeelad dagaal halkaasi uga baxeen sida uu yiri.
Sheekh Atam waxa uu sheegay in wixii haatan ka dambeeya xeeladda dagaal ee ay adgeesanayaan ay noqon doonto mid ku dhufo oo ka dhaqaaq ah, isagoo shaaciyey in ciidamadiisu ay khasaare gaarsiiyeen ciidamada Puntland.
Waxa uu ku eedeeyay ciidanka Puntland inay geysteen falal kala duwan oo ay ku jirto bililiqo iyo weliba gubista beero ku yaala tuullada Galgala, isagoo sheegay in ciidamadiisu ay yihiin ciidan degaan oo Islaamka isku maamula laguna soo duulay, wuxuuna xusay in dugsi Qur’aan iyo goobo kale oo ku yaala deegaanka Galgala loo sawiray ciidamada Mareykanka si dhaqaale loogu raadsado.
Dhinaca kale Sheekh Attam ayaa mar kale sheegay inuusan wax xiriir la laheyn kooxda Al-shabaab ee koonfurta Soomaaliya ka dagaalanta, laakiin waxa uu qiray in kooxdiisu ay doonayso in meelaha ay ka taliyaan ay shareecada Islaamka ku dhaqaan, taas oo waliba, sida uu sheegay ay la qabaan Cuqaasha iyo Waxgaradka degan deegaanka uu ku sugan yahay.
Askartii Puntand ee ku dhaawacantay Galgala oo laga dhoofiyay magaalada Boosaaso
Arbaco.11-Agosto.2010{SOMAALJECEL}-Boosaaso, Lix ka mid ah askarta maamulka Puntland oo ku soo dhaawacmay dagaalkii Galgala ayaa shalay laga dhoofiyay garoonka diyaaradaha ee magaalada Boosaaso si loogu soo daweeyo dalka dabiibaddiisa.
Askartan oo ah kuwa uu dhaawacoodu aad u culus yahay waxna looga qaban waayay gudaha magaalada Boosaaso ayaa waxaa loo duuliyey dalka Jabuuti si loogu soo daweeyo.
Taliye ku xigeenka ciidamada Booliska Puntland Maxamed Siciid Jaqanaf ayaa saxaafadda u sheegay in askartan ay ka mid ah ahaayeen kuwii ku soo dhaawacmay dagaalkii ka dhacay Galgala, isla markaasna lagu soo daweynayo dalka Jabuuti sida uu yiri, wuxuuna intaas ku daray in khasaaraha soo gaaray ciidamada Puntland ka soo reynayo.
Ciidamo ka tirsan maamulka Puntland oo weerar lagu qaaday
Arbaco.11-Agosto.2010{SOMAALJECEL}-Boosaaso, Weerar loo adeegsaday Bambaano ayaa xalay lagu qaaday Saldhigga boliiska Biyo-Kulule ee magaalada Boosaaso.
Weerarkaas ayaa waxaa ku dhaawacmay 3 askari oo ka tirsan ciidamadii Booliska ee saldhigaasi ku sugnaa iyo dad rayid ah oo la sheegay inay ku sugnaayeen agagaarka saldhiga weerarka lagu qaaday kuwaasoo la sheegay inay gaarayeen saddex ruux.
Taliyaha qeybta Boliiska ee gobolka Bari Cismaan Xasan Cawke ayaa warbaahinta u sheegay in dhaawacyo fudud ay soo gaareen 3 ka mid ah ciidamada Booliska iyo 3-qof kale oo rayid ah, kuwaasoo uu sheegay in xaaladdooda caafimaad ay hagaagsan tahay.
Waxa uu Taliyuhu sheegay in 4 qof loo qabtay weerarkaasi, kuwaas oo lagu tuhunsan yahay sida uu yiri inay ka dambeeyeen weerarkaasi, haatana lagu hayo saldhigga Boliiska ee magaalada Boosaaso.
Dowladda Kanada oo Nin isagoo 8 sano jir ah la geeyay Kanada dib ugu celinaysa Soomaaliya
Arbaco.11-Agosto.2010{SOMAALJECEL}-Ottawa, Maxkamad ku taala magaalada Ottawa ee dalka Kanada ayaa la sheegay inay amartay in dib Soomaaliya loogu celiyo muwaadin asal ahaan Soomaaliya ka soo jeeda balse muddo aad u dheer ku noolaa dalka Kanada.
Muwaadinkan oo lagu magacaabo Abaadir Cali ayaa maxkamaddu sheegtay in uu qatar ku yahay amniga shacabka Kanada, waxayna sheegtay in si degdeg ah Soomaaliya loogu celiyo, iyadoo maxkamadda aan sheegin noocas dambiga uu galay.
Abaadir Cali oo isagoo 8-sano jir ah la geeyay dalka Kanada ayaa muddo labo sano ah ku jiray xabsi ku yaala magaalada Ottawa ee dalka Kanada, iyadoo baaritaankiisa uu socday muddo 2-sano ah, balse natiijadii soo baxday ay noqotay in dib loogu celiyo Soomaaliya.
Qareenka u doodaya Abaadir oo lagu magacaabo Lakin Felix ayaa sheegay in Abaadir dib loogu celinayo Soomaaliya, iyadoo ay muuqato in wiilka uusan ku hadli karin luuqadda Soomaaliga, qaraabana uusan ku lahayn Soomaaliya.
Qaar ka mid ah Soomaalida ku nool Kanada ayaa qoraal ay kaga soo horjeedeen in Abaadir Cali dib loogu celiyo Soomaaliya u diray xafiiska socdaalka ee dalka Kanada, mana helin weli wax jawaab ah.
Dadka Soomaalida ah ayaa ka cabanaya in nolosha wiilka ay qatar galeyso haddii dib loogu celiyo dalka Soomaaliya oo xaalad aad u culus ay ka jirto, waxayna ka codsadeen dowladda Kanada in la joojiyo dib u celinta wiilkaasi.
Dowladda Itoobiya oo hakisay duulimaadyadii hawada ee dalka Jabuuti
Arbaco.11-Agosto.2010{SOMAALJECEL}-Addis Ababa, Dowladda Itoobiya ayaa joojisay duulimaadkii dayaaradaheeda ee dalka Jabuuti kadib markii muran xooggan uu soo kala dhex galay shirkadda diyaaradaha dalka Itoobiya iyo maamulka waaxda socdaalka hawada ee dalka Jabuuti.
Dowladda Jabuuti ayaa la sheegay inay culeys ku saartay dowladda Itoobiya inay badasho dayaaradaha ka duula dalkeeda ee taga dalka Jabuuti, iyadoo shirkadda dayaaradaha ee dalka Itoobiya ee taga dalka Jabuuti ay u isticmaasho diyaaradda nooca Turbo-propelled, taas oo ah nooca diyaaradaha ee matoorkoodu banaanka yaalo.
Shirkadda Ethiopian Airweys ayaa ku gacan sayrtay dalabka dowladda Jabuuti, waxayna shirkadda diyaaradaha ee Itoobiya go'aansatay inay gebi ahaanba joojiso duulimaadyadii ay diyaaradaheedu ku tagi jireen dalka Jabuuti, halka dowladda Jabuuti ay iyana ku adkeysatay in diyaaradaha ay isticmaaleyso shirkadda diyaaradaha ee Itoobiya noqoto nooca Jet-propelled oo an nooc si weyn uga duwan nooca ay Itoobiya hadda isticmaasho, kuwaas oo qatar badan laga muujiyay.
Madaxa shirkadda diyaaradaha ee dalka Itoobiya Girma Wake ayaa warbaahinta u sheegay inuu socdo wadahadal u dhexeeya Itoobiya iyo Jabuuti, kaas oo lagu xalinayo khilaafka duulimaadka ee labada dhinac.
Madaxweynaha Somaliland oo codsaday 5-milyan doollar oo deyn ah
Arbaco.11-Agosto.2010{SOMAALJECEL}-Hargeysa, Madaxweynaha cusub ee maamulka Somaliland Axmed Maxamed Maxamud {Siilaanyo} ayaa ganacstada reer Somaliland ka codsaday inay amaahiyaan Lacag dhan Shan milyan oo doollar, si uu ugu dhaqaajiyo howlaha horyaala maamulkiisa.
Shir madaxweynaha Somaliland habeen hore uu la yeeshay ganacsatada Somaliland, uuna goobjoog ka ahaa Wasiirkiisa Maaliyadda Maxamed Xaashi Cilmi ayaa wuxuu madaxweyne Siilaanyo ganacsatada uga warbixuyey xaaladda dhaqaale ee Somaliland ka jirta iyo maamulkiisa oo dhaxlay sida uu yiri khasnado maran, kuwaas oo uu kala wareegay xukumaddii hore ee Daahir Rayaale Kaahin, waxa uunu ka codsaday ganacstadaas inay amaahiyaan lacag dhan 5 Milyan oo doollar, taas oo uu sheegay inay xukuumaddiisu isaga bixin doonto sida ugu dhaqsaha badan.
Sida uu warku sheegayo Axmed Siilaanyo waxa kale oo uu kulankaasi ku soo hadal qaaday hantida dowladda ee ay xukuumaddii hore ka iibisay qaar ka mid ah ganacsatada, kuwaas oo uu dhawaan xayiraad ku soo rogay Wasiirka howlaha guud, isagoo wasiirku sheegay inay kala shaandheynayaan ganacsatada waraaqaha heysata iyo kuwa aan heysan.
Axmed Siilaanyo waxa uu kulankaas ka sheegay inaanay xukuumaddu dhismaha ka joojinayn cidda xukuumaddii hore ka heysata waraaqo, balse ay talaabadan u qaadeen si ay u kala ogaadaan kuwa aan sharciga haysan iyo kuwa haysta.
Wasiirka Maaliyadda Maamulka Somaliland Maxamed Xaashi Cilmi oo isna kulankaasi ka hadlay ayaa sheegay in khasnadda dowladdu la mid tahay halkii uu Alle ha u naxariste Marxuum Maxamed Ibrahim Cigaal ka bilaabay sanadkii 1993-dii, markaas oo uu lacag amaah ah ka doontay dalka Jabuuti.
Qaar ka mid ah ganacstada ayaa sida uu warku sheegayo kulankaas ka sheegay inay diyaar u yihiin inay xukuumadda amaahiyaan qadarka lacageed ee ay codsatay, waxaanay mas’uuliyiintii xukuumaddu sheegeen inay ganacstada xafiisyadooda ugu geyn doonaan waraaqo codsi ah iyo qadarka lacageed ee ay shirkad kasta ka doonayaan.
Dunida Muslimka oo laga soomay maanta iyo Soomaaliya oo……
Arbaco.11-Agosto.2010{SOMAALJECEL}-Muqdisho, Inta badan dunida Muslimka ayaa maanta oo Arbaco ah guda gashay gudashada waajibaaka soonka oo ah rukni ka mid ah arkaanta Islaamka, kadib markii lagu dhawaaqay in bisha Ramadaan ay bilatay.
Dhinaca kale dalka Soomaaliya ayaa inta badan maanta laga soomay, marka laga reebo gobollo tiro yar gaar ahaan kuwa ay maamulaan culumaa’udiinka Ahlusunna Waljamaaca.
Dowladda KMG Soomaaliya, Xarakada Al-shabaab, Ururka Xisbul Islaam, Maamullada Puntland iyo Somaliland ayaa si goonigooni ah ugu dhawaaqay in maanta ay soon tahay, isla markaana bishii laga arkay deegaano badan oo ka mid dalka Soomaaliya.
Dowladda KMG Soomaaliya ayaa dhaarisay nin sheegay inuu ka arkay bisha Ramadaan degmada Waabari, waxayna ku baaqday in la soomo, sidoo kale Ururka Xisbul Islaam ayaa isna ku dhawaaqay in maanta oo Arbaco ah uu soonka bilowyahay, isla markaasna laga arkay deegaano ay ka mid tahay degmada Afgooye.
Xarkada Al-shabaab ayaa sheegay in bisha Ramadaan laga arkay meelo fabadan oo ay ka mid tahay degmada Ceel-cali, Suuqa xoolaha ee magaalada Muqdisho iyo dekedda Ceelmacaan iyo deegaano ka tirsan gobolka Sh/hoose.
Dhinaca kale maamulada Somaliland iyo Puntland ayaa xalay ku dhawaaqay in maanta oo Arbaco ah ay bilaabanayso bisha Ramadaan, isla markaasna sida ay yiraahdeen laga arkay deegaano hoostaga maamuladooda.
Dhanka kale maamulka Ahlusunna ee ka taliya qeybo ka mid ah gobolka Galgaduud ee bartamaha Soomaaliya ayaa sheegay in maanta oo Arbaco ah ay bishu u tahay 29ka Shacbaan, isla markaana aysan soon ahayn sida ay yiraahdeen.
|
Galgala: Dagaal mar kale maanta ka dhacay Buuraha Galgala ee Puntland
Muqdisho: Ciidamada Xisbul islaam oo dad ku qabqabtay magaalada Muqdisho
Muqdisho: Wasiir ka tirsan dowladda KMG oo baaq jeediyey
Muqdisho: Madaxweynaha Soomaaliya oo jeediyay hambalyo ku aaddan bisha Ramadaan iyo Ahlusunna oo ka soo horjeesatay
Galgala: Sheekh Attam:- “Xeelad dagaal ayaan uga baxnay Galgala dagaalkuna wuu soconayaa”
Addis Ababa: Dowladda Itoobiya oo hakisay duulimaadyadii hawada ee dalka Jabuuti
Hargeysa: Madaxweynaha Somaliland oo codsaday 5-milyan doollar oo deyn ah
Ottawa: Dowladda Kanada oo Nin isagoo 8 sano jir ah la geeyay Kanada dib ugu celinaysa Soomaaliya
Boosaaso: Askartii Puntand ee ku dhaawacantay Galgala oo laga dhoofiyay magaalada Boosaaso
Muqdisho: Suuqa Bakaaraha oo madaafiic culus lagu garaacay
Boosaaso: Ciidamo ka tirsan maamulka Puntland oo weerar lagu qaaday
Muqdisho: Dunida Muslimka oo laga soomay maanta iyo Soomaaliya oo……
1296|1281418200|dynamic|Wararka maanta|
Faysal Cali Waraabe:- “Soomaaliya hadda waxay ku milantay Itoobiya, Sheekh Shariif kama saari karo xaaladda ay ku sugan tahay”
Talaado.10-Agosto.2010{SOMAALJECEL}-Hargeysa, Guddoomiyaha Xisbiga Muraacadka UCID ee maamulka Somaliland Injineer Faysal Cali Waraabe ayaa markii ugu horreysay si adag uga hadlay arrimaha dalka Soomaaliya, isagoo sheegay in Qaramada Midoobay ay ku fashilantay arrimaha Soomaaliya isla markaasna ay xaaladdu ka sii dartay intii uu wakiilka uga ahaa Qaramada Midoobay Axmed Walad Cabdalla.
Injineer Cali Waraabe waxa uu si kulul u weeraray siyaasiyiinta Soomaalida oo sida uu yiri intii ay xal u raadin lahaayeen Ummaddooda isla markaasna hoos ka soo dhisi lahaayeen maamulo waxtar ah ay door bidayaan inay tagaan dhulalka Gaalada oo ay soo qaataan ayuu yiri kursi iyaga lagu waardiyeeyo.
Madaxweyne Sheekh Shariif oo uu si ba’an u weeraray ayuu sheegay inuusan Soomaaliya ka bixin karin xaaladda ay Soomaaliya hadda ku sugan tahay.
“Sheekh Shariif xaaladda Soomaaliya waxba kama bedeli karo, tuulkeediina ma heysto mana laha xirfad, xitaa waxba kama qaban karo deegaanada uu isagu ka soo jeedo iskaba daaye inuu yiraahdo waxaan ahay Madaxweyne Soomaaliya oo dhan, waxaana leenahay siyaasiyiinta Soomaalida iska daaya qiyaaliga aad ku jirtaan ee dadkiina wax dhab ah u qabta” ayuu yiri Faysal Cali Waraabe.
Waxa uu sidoo kale Feysal Cali Waraabe si kulul u weeraray maamulka Puntland oo uu sheegay inaysan maamul gooni ah u aqoonsanayn, isagoo ku dooday inaan xitaa maamul lagu tilmaami karin sida uu yiri maamulka Puntland oo uu ku eedeeyay in musuqmaasuq iyo wax isdabamarin uu ku can baxay maamulkaas, isla markaasna laga dhoofiyo dadka Soomaaliyeed, Ugaarta, Ariga dhedigga ah iyo dhuxusha, wuxuuna isweydiiyay Feysal cali Waraabe in haddii ay maamul dhab ah yihiin ay wax ka qaban lahaayeen arrimahaasi oo dhan.
Falsal Cali Waraabe waxa kale oo uu sheegay in Soomaaliya ay hadda ka mid noqotay dowladda Itoobiya, arrintaasina ay sababta ugu weyn leedahay sida uu yiri Puntland.
“Puntland waa meesha looga daray Soomaaliya Itoobiya, waayo buu yiri mar walba waxa ay u dhiibaan oo ay u gacan geliyaan Itoobiya dadka Soomaaliyeed, wax kasta oo ay qabanayaanna Itoobiya ayay kala tashadaan, waxaana iska cad in Soomaaliya ay ku milantay Itoobiya, taas eeddeeda koowaadna waxaa leh Puntland” ayuu yiri Faysal Cali Waraabe oo intaasi ku daray in siyaasiyiinta Soomaalidu ay caado ka dhigteen in mar kasta uu khilaaf soo kala dhex galo ay Itoobiya ula ordaan si ay u xaliso.
Dhinaca kale Feysal Cali Waraabe waxa uu sheegay inaysan mar dambe soo noqoneyn sida uu yiri midnimadii Soomaaliya oo Somaliland ay tahay sida uu yiri qaran iskiis u madax bannaan, isla markaasna sida uu yiri dadka Somaliland ay qaateen go’aan iyaga u gaar ah oo ah inay yihiin dowlad gooni isu taagtay, wuxuuna ku dooday in Soomaaliya iyo Yugandha ay u siman yihiin hadda, isla markaasna ay yihiin labo dal oo Afrikaan ah.
Maamulka Puntland oo la wareegay deegaanada Buurta Galgala
Talaado.10-Agosto.2010{SOMAALJECEL}-Galgala, Ciidamada Puntland ayaa la wareegay degmada Galgala ee Gobolka Bari oo ay kuwada dagaalameen Ciidamo uu hogaaminayay Sheekh Maxamed Saciid Atam iyo ciidamada maamulka Puntland.
Sida wararku sheegayaan ciidamada Maxamed Saciid Atam ayaa isaga guuray degaankaas iyagoo ku milmay dadka degaanka, waxaana fariisimadii ay ka bexeen la wareegay ciidamada Puntland oo uu horkacayay Madaxwayne ku xigeenka Puntland C/samad Cali Shire.
Madaxwayne ku-xigeenka oo la hadlay warbaahinta ayaa sheegay in ciidamadii Sheekh Attam goobta laga saaray, isla markaasna dadka halkaasi ay gaarsiiyeen raashiin iyo biyo ay aad ugu baahnaayeen sida uu yiri.
“Waxaan Galgala kala wareegnay ciidamadii naga soo horjeeday ee uu watay Attam, waxaana hadda kadib buuraha Galgala gacanta ku heynaya ciidamada Puntland oo dib u soo celinaya ammaankii deegaanka” ayuu yiri Madaxwayne ku xigeenka Puntland.
Dhinaca kale Madaxweynaha Puntland C/raxmaan Faroole oo isna dagaalka ka hadlay ayaa sheegay in ciidamadiisu ay hadda ku sugan yihiin deegaanka Galgala, isla markaasna kooxihii ka soo horjeeday ay ku kala firdhadeen sida uu yiri dhulka Buuraleyda ah ee ka shisheeya deegaanka Galgala, wuxuuna ku dooday inay jiraan dad doonayay inay taageeraan oo ka soo kala baxay gobollada Sanaag, Mudug iyo Togdheer.
Faroole waxa uu sheegay inaysan jirin cid ay qabteen, iyadoo dhinaca kale warar ku dhow dhow ciidamadii Sheekh Attam ay sheegayaan inay si iskood ah isaga baxeen magaalada Galgala, ayna koreen buuraha ka dambeeya deegaanka Galgala.
Gole ay ku mideysan yihiin Hogaamiyaasha dhaqanka Soomaaliyeed oo Muqdisho laga abaabulayo
Talaado.10-Agosto.2010{SOMAALJECEL}-Muqdisho, Gole ay ku mideysan yihiin dhaqanka Odayaasha Soomaaliyeed ayaa dhismihiisa laga abaabulayaa magaalada Muqdisho, waxaana shalay magaalada Muqdisho looga dhawaaqay Guddi farsamo oo u howlgala diyaarinta Golahaas.
Guddiga farsamo ee la magacaabay oo ka kooban 13-xubnood ayaa waxaa Guddoomiye u ah Sheekh C/raxmaan Suleymaan Muuse, waxayna howsha Guddigani ay noqonaysaa:-
1. Inuu diyaariyo dhismaha Gole dhaqan oo ay ku mideysan yihiin dhammaan beelaha Soomaaliyeed.
2. Jaangoynta dhaqaalaha shirka lagu qabanayo, halka shirka lagu qabanayo, waqtiga la qabanayo iyo goobta lagu qabanayo.
3. Soo aruurinta macluumaad ka caawiya arrimaha loo xilsaaray, sida la kulanka Odayaasha beelaha Soomaalida oo dhan.
Guddigani waxaa la siiyay fursad Labo bilood ah (60-maalmood) oo ay ku soo diyaarinayaan ajandayaasha kor ku xusan.
Shirweyne dhawaan lagu qabtay magaalada Muqdisho oo ay yeesheen Odayaasha dhaqanka iyo Culimaa’udiinka Soomaaliyeed ayaa Guddiga loo xil saaray diyaarinta Golaha ay ku mideysan yihiin Odayaasha dhaqanka Soomaaliya laga soo dhex xulay, kuwaasoo shalay Guddi farsamo u magacaabay dardargelinta howshaas.
Ugaas Maxamed Weli Sheekh Axmed Nuur oo ka mid ah odayaasha dhaqanka Soomaaliyeed isla markaana ka mid ahaa abaabulayaashii shirka Odayaasha iyo Culimada Soomaaliyeed ee dhawaan ka dhacay magaalada Muqdisho ayaa soo dhaweeyay Guddiga farsamo ee howsha loo xil saaray, wuxuuna ugu baaqay dhammaan Ummadda Soomaaliyeed inay taageeraan qorshaha lagu mideynayo Odayaasha dhaqanka Soomaaliyeed, isagoo si gooni ah codsi ugu jeediyay Xarakada Al-shabaab iyo Xisbul Islaam oo uu ka dalbaday inay taageeraan qorshaha lagu mideynayo odayaasha dhaqanka beelaha Soomaaliyeed.
Haweenkii Soomaaliyeed ee Mareykanka lagu xirxiray oo la dii daayay.
Talaado.10-Agosto.2010{SOMAALJECEL}-Minnesota, Haween Soomaali ah oo dowladda Maraykanka ay xabsi dhigtay kadib markii ay ku eedeysay inay xiriir la leeyihiin Xarakada Al-shabaab ayaa la sheegay in lagu sii daayay damiin.
Haweenkaas oo dhawaan ciidamada FBI-da Maraykanka ay gacanta ku dhigeen iyagoo ku eedeeyay in ay dhaqaalo siin jireen Xarakada Al-shabaab ayaa waxaa lagu sii daayay si damiin ah, iyagoo lagu wargeliyay haweenkaasi in aysan ka bixi karin gobalka ay waddankaasi kaga nool yihiin ee Minnesota dalka Mareykanka, isla markaana bishiiba ay hal mar hor tagayaan Maxkamadda.
Dhinaca kale Maxkamad ku taala dalka Maraykanka ayaa waxaa loo gudbiyay dacwada 19-qofood oo 14 ka mid ah ay u dhasheen Soomaaliya halka 5-kalana ay u dhasheen Maraykanka, kuwaas oo ay ka mid yihiin hoggaamiyeyaal sarsare oo ka tirsan Xarakada Al-shabaab ee ka dagaalanta gudaha dalka Soomaaliya.
Dadkaas oo 9 ka mid ah lagu hayo dalka Maraykanka oo dacwadooda loo gudbiyay Maxkamadda ayaa waxay sheegeen in ay qabsanayaan qareenno u dooda.
Xeer ilaaliyaha FBI-da Maraykanka ayaa ugu baaqay 10 ka mid ah ragaasi oo ku sugan Soomaaliya oo uu ka mid yahay Abuu Mansuur Al-amriiki oo u dhashay dalka Maraykanka kana tirsan saraakiisha xarakada Mujaahidiinta Al-shabaab inay si dagdag ah ku yimaadan Maraykanka, haddii kalana meelaha ay ku sugan yihiin ay ku dili doonaan.
Dowladda Iiraan oo sheegtay inay ka shaqeynayso xalinta mushkiladda Soomaaliya
Talaado.10-Agosto.2010{SOMAALJECEL}-Tehraan, Wasiirka arrimaha dibadda ee Iiraan Mahanshuur Mutaki oo kula kulmay magaalada Tehraan ee xarunta dalka Iiraan xoghayaha guud ee Urur Gobolleedka IGAD Maxbuub Macalin ayaa sheegay in dowladda Iiraan ay diyaar u tahay xalinta mushkiladda Soomaaliya, isagoo ku nuuxnuuxsaday baahida loo qabo in shacabka Soomaaliyeed loo madax bannaaneeyo in aayahooda ay ka tashadaan.
Labada mas’uul ayaa kulankooda ku soo qaaday qaabka la isaga kaashan karo xalinta mushkiladda Soomaaliya iyo dib u soo celinta degnaanshihii iyo xasiloonidii Soomaaliya, iyadoo loo marayo sida ay yiraahdeen ururka IGAD iyo waddamada deriska la ah Soomaaliya.
Mr. Mutaki waxa uu tilmaamay in Jumhuuriyadda Islaamiga Iiraan ay diyaar u tahay ka qeyb qaadashada nabad ku soo dabaalidda dalka Soomaaliya oo ay muddo dheer dagaalo ka socdeen.
Sidoo kale Maxbuub Macalin oo isna kulanka ka hadlay ayaa sheegay sida ay ugu riyaaqsan yihiin kulankii afar geesoodka ahaa ee bishii Maarso ay yeesheen dalalka Iiraan, Soomaaliya, Kenya iyo Ururka IGAD oo ka dhacay magaalada Nayroobi ee dalka Kenya, kaasoo uusan faahfaahin waxyaabihii looga wadahadlay, wuxuuna intaasi ku daray in hadda lagu heshiiyay in kulanka labaad ee 4-tan dhinac lagu qabto magaaalada Tehran ee xarunta daka Iiraan.
Arrinta ku saabsan kulanka uu sheegay Maxbuub Macalin ee dhex maray Iiraan, Soomaaliya, Kenya iyo Urur Gobolleedka IGAD ayaan la ogeyn waxyaabaha looga wadahadlay, waxaana soo badanaya dalalka sida gaarka ah u daneynaya arrimaha Soomaaliya, kuwaas oo aan la ogeyn waxyaabaha ay ka damacsan yihiin.
Ciidamada AMISOM oo fariisin cusub ka samaystay Muqdisho, duqeynna ku bilaabay degaannada loo barakacay
Talaado.10-Agosto.2010{SOMAALJECEL}-Muqdisho, Ciidamada AMISOM ee ku sugan magaalada Muqdisho ayaa fariisin cusub oo ay shalay ka sameysteen xaafadda lagu magacaabo Kaxda Shiikhaal oo ka mid ah degmada Dharkeenlay ee magaalada Muqdisho ayaa waxay ciidamadaasi xalay duqeyn u geysteen degaanka Tre Disho ee duleedka magaalada Muqdisho oo ay degan yihiin dad barakacayaal ah.
Madaafiic culus oo geysatay khasaare xoogan ayay xalay ciidamadaasi ku duqeeyeen aqalo cooshado iyo Jiingado ka sameysan oo ay deganaayeen qaar ka mid ah dadka barakacayaasha ah ee ku sugan duleedka magaalada Muqdisho, gaar ahaan deegaanka KM.13.
Duqeyntaas ayaa waxaa la xaqiijiyay in dad badan ay waxyeelo ka soo gaartay, iyadoo kuwo kale oo badan ay ka sii barakaceen deegaanadii horay loogu barakacay.
Ugu yaraan dhowr iyo toban ruux ayaa la xaqiijiyay inay waxyeello isugu jirta dhimasho iyo dhaawac ka soo gaartay duqeyntaas, waxaana dadkii dhaawacmay isla xalay loola cararay isbitaalada ku yaala deegaannada Ceelasha Biyaha, Lafoole, Xaawo Cabdi iyo degmada Afgooye, maadaama aan xilliga habeennimada ah loo soo gudbin karin dhinaca magaalada Muqdisho.
Khilaafkii u dhexeeyay xildhibaannada Baarlamaanka oo heshiis laga gaaray
Talaado.10-Agosto.2010{SOMAALJECEL}-Muqdisho, Qaar ka mid ah xildhibaannada Baarlamaanka dowladda KMG Soomaaliya ayaa ka noqday go’aan ay horey u shaaciyeen oo ahaa in aysan ka qeyb geli doonin fadhiyada baarlamaanka ilaa xukuumadda ay hortimaado Baarlamaanka.
Xildhibaannada go’aankaa ka laabtay oo ku mideysan Gole ay ugu magic dareen toosinta iyo badbaadinta Qaranka ayaa waxay sheegeen inay dib uga laabteen go’aankoodii hore, waxayna isla shalay ka qeyb galeen fadhigii Baarlamaanka.
Xildhibaanadan ayaa waxaa ay sheegeen in la xaliyay waxyaabo ay tabanayeen kadib markii arrintaasi ay kulan kala yeesheen Guddoomiyaha baarlamaanka, iyagoo sheegay in ay ku heshiiyeen in Baarlamaanka dhexdiisa lagu saxo wixii khilaaf ah ee jira.
Wafdi ka socda Midowga Yurub oo Hargeysa ku sugan
Talaado.10-Agosto.2010{SOMAALJECEL}-Hargeysa, Wafdi ka socda ururka Midowga Yurub oo maalintii shalay gaaray magaalada Hargeysa ee xarunta maamulka Somaliland ayaa waxay kulan la qaateen madaxweynaha Somaliland Axmed Maxamed Maxamuud (Siilaanyo).
Wafdigaa oo uu hoggaaminayay wakiilka Midowga Yurub ee Soomaaliya Geroges-Marc Andre ayaa waxa ay madaxweynaha Somaliland kala hadleen arrimaha dimuqraadiyadda, dawladnimada iyo doorashooyinkii ka dhacay Somaliland.
Wafdigaas oo ka koobnaa 13 Xubnood oo ka kala socda waddamada Sweden, Finland, Denmark, France, Netherland, Hungary, Spain, Germany, Austria iyo UK ayaa waxa uu madaxwaynaha Somaliland uga warbixiyay xaaladda guud ee Somaliland ee dhinacyada nabadgelyada, maamulka iyo dhaqaalaha iyo sidoo kale dhismaha Xukuumadda oo uu sheegay in ay tahay xukuumad aad u tiro yar, isla markaana tayo leh oo ay aqoonta iyo khibraddu saldhig u yihiin, sida uu yiri.
Madaxa Weftiga Ceroges-Maec Andre ayaa u hambalyeeyay madaxweynaha Somaliland doorashadii uu ku guulaystay taasoo uu sheegay inay ku dhacday si nabadgelyo ah, wuxuuna mamaulka Somaliland ku dhiiri geliyay inay sii darsdar geliso dadaalka ay ugu jirto inay horumar ka gaarto dhismaha dowladnimada iyo hannaanka Dimuquraadiyadda, isagoo sheegay in ururka Midowga Yurub uu diyaar u yahay in ay mar waliba caawiso Somaliland.
Mid ka mid ah Hay’adihii xarkada Al-shabaab ay ka mamnuuceen Soomaaliya oo jawaab bixisay
Talaado.10-Agosto.2010{SOMAALJECEL}-Muqdisho, Hay’adda World Vison ayaa markii ugu horreysay waxay jawaab ka bixisay go’aankii ay shalay Xarakada Al-shabaab ku mamnuuceen hay’addaas iyo labo hay’adood kale inaysan ka shaqeyn karin deegaannada ay ka taliyaan.
Afhayeen u hadashay Hay’adda World Vison oo ka mid ah hay’daha saddexda ah ee xarakada Al-shabaab shaqo joojinta ku soo rogtay ayaa waxa ay sheegtay in hay’addoodu ay iska leeyihiin dad kirishtaan ah, hase ahaatee howlaha Soomaaliya ay ka waday aysan ahayn kuwo ay ku faafinaysay diinta Kirishtaanka.
Waxa ay afhayeenaddaaso ay intaasi ku dartay in shaqaalaha u shaqeeya hay’adda ee jooga Soomaaliya ay yihiin dhammaantood dad muslimiin ah, isla markaasna shaqaale kale oo ajaanib ah aysan ka joogin Soomaaliya.
“Waxaan cambaareynaynaa oo dhaliil u jeedinaynaa go’aankii ay Al-shabaab ku mamnuuceen Hay’addeena World Vison iyo labada hay’adood ee kala ah Diakonia iyo Adra, waxaana leenahay ka laabta go’aankiina waayo Hay’addeena wax shaqo ah kuma laha waxyaabaha aad ku eedeynaysaan” ayay tiri afhayeenadda.
Waxa ay sidoo kale sheegtay inay howshooda ay ka sii wadi doonaan gudaha dalka Soomaaliya, isla markaasna dadka uga shaqeynaya Soomaaliya oo ay sheegtay inay Soomaali yihiin ay ugu baaqday inaysan ka soo dhoofin dalkooda oo ay iska joogaan, ayna la socon doonaan xaaladdooda sida ay tiri.
|
Hargeysa: Faysal Cali Waraabe:- “Soomaaliya hadda waxay ku milantay Itoobiya, Sheekh Shariif kama saari karo xaaladda ay ku sugan tahay”
Galgala: Maamulka Puntland oo la wareegay deegaanada Buurta Galgala
Muqdisho: Gole ay ku mideysan yihiin Hogaamiyaasha dhaqanka Soomaaliyeed oo Muqdisho laga abaabulayo
Minnesota: Haweenkii Soomaaliyeed ee Mareykanka lagu xirxiray oo la dii daayay
Tehran: Dowladda Iiraan oo sheegtay inay ka shaqeynayso xalinta mushkiladda Soomaaliya
Muqdisho: Ciidamada AMISOM oo fariisin cusub ka samaystay Muqdisho, duqeynna ku bilaabay degaannada loo barakacay
Muqdisho: Khilaafkii u dhexeeyay xildhibaannada Baarlamaanka oo heshiis laga gaaray
Hargeysa: Wafdi ka socda Midowga Yurub oo Hargeysa ku sugan
Muqdisho: Mid ka mid ah Hay’adihii xarkada Al-shabaab ay ka mamnuuceen Soomaaliya oo jawaab bixisay
1295|1281331800|dynamic|Wararki u dambeeyay|
Saddex hay’adood oo ka howlgala Soomaaliya oo lagu eedeeyay inay dadka Kirishtaamneeyaan
Isniin.9-Agosto.2010{SOMAALJECEL}-Muqdisho, Xarakada Al-shabaab ayaa shaaca ka qaadday in saddex hay’adood oo ka mid ah hay’adaha ka howlgala dalka Soomaaliya ay ka shaqeeyaan Kirishtaameyn, sidaa awgeed hay’adahaasi ay ka mamnuuceen inay ka shaqeeyaan dalka Soomaaliya.
Bayaan laga soo saaray Xafiiska la socodka arrimaha Hay’adaha ajaanibta ee Xarakada Mujaahidiinta Al-shabaab ayaa waxaa lagu sheegay in gudaha dalka Soomaaliya laga mamnuucay saddexda hay’adood ee kala ah ADRA, WORLD VISION, iyo DIAKONIA kuwaasoo xarakada Al-shabaab ay ku eedeeyeen inay dalka Soomaaliya ku faafinayeen diinta Masiixiga ayna ka shaqeeyaan Kirishtaameynta dadka.
Hay’adda ADRA ayay xarakada Al-shabaab sheegeen inay aasaaskeeda lahayd Kaniisad lagu magacaabo Seventh-Day Adventist Church oo ay sheegeen inay hormuud u tahay hab raaca waxa ay ugu yeereen Masiixiyadda.
Hay’adda DIAKONIA ayaa iyana bayaanka uu soo saaray Xafiiska la socodka hay’adaha Ajaanibta Al-shabaab uu ku sheegay inay aas aaseen Shan kaniisadood oo ku yaala dalka Sweden, waxaana ay ku eedeeyeen Al-shabaab inay ujeeddadeedu tahay sidii loo dardargelin lahaa faafinta diinta Kirishtaanka.
Hay’adda WORLD VISION ayay Al-shabaab ku eedeeyeen in ay tahay hay’ad Kirishtan oo fariinta masiixiga ku faafisa carruurta, Qoysaska iyo guud ahaan bulshada Soomaaliyeed.
Xafiiska la socodka Hay’adaha Ajaanibta ee Xarakada Al -shabaab oo marka magaciisa la soo gaabiyo loogu dhawaaqo OSAFA ayaa waxay digniin u direen NGO-yada iyo hay’adaha kale ee ka howlgala Soomaaliyaoo ay uga digeen inay si hoose u qabtaan waxyaabaha ay sheegeen in ay qabanayeen hay’adahaasi laha mamnuucay gudaha dalka Soomaaliya.
Wasiirrada xukuumadda Somaliland oo codka kalsoonida maanta loo qaaday
Isniin.9-Agosto.2010{SOMAALJECEL}-Hargeysa, Golaha Wakiilada maamulka Somaliland ayaa maanta cod u qaaday wasiirrada cusub ee maamulka cusub ee Somaliland uu dhawaan magagacaabay.
Kulan ay maanta isugu yimaadeen xildhibaannada Somaliland oo uu shir guddoominayay Guddoomiyaha Golaha wakiillada Somaliland C/raxmaan Maxamed C/llaahi (Cirro) ayna goobjoog ka ahaayeen 65 mudane oo ka mid ah 82 Xildhibaan ee Golahaasi ka kooban yahay ayaa waxaa laga akhriyay CV-yada 14 Wasiir ee xukuumadda Somaliland.
Wasiirrada oo mid mid cod gacan taag ah loo qaaday ayaa mid waliba waxaa u codeeyay tiro xildhibaanno ah halka ay qaar kalena diideen, iyadoo ay jireen kuwo ka aamusay.
14-ka wasiir ee maanta codka loo qaaday ayaa waxa uu mid waliba Golaha Wakiilada uga xog waramay waxyaabaha uu culayska saari doono ee la xiriira waajibaadkiisa shaqo.
Baarlamaanka KMG Soomaaliya oo ka dooday dhammeystirka xeer hoosaadka
Isniin.9-Agosto.2010{SOMAALJECEL}-Muqdisho, Xildhibaannada Baarlamaanka dowladda KMG Soomaaliya oo maanta ku shiray xarunta Golaha shacabka ee magaalada Muqdisho ayaa ka dooday xeer hoosaadka baarlamaanka.
Xildhibaannada ayaa la sheegay in inkastoo buuq xoogan uu hareeyay fadhigooda haddana ay go’aanno gaareen, wallow la sheegay in mar kale ay isku soo laabanayaan.
Kulanka maanta ayaa waxaa laga sheegay in dib loo dhigay in xukuumadda KMG ay hor timaado Baarlamaanka, iyadoo guddoonka Baarlamaanka uu keeni doono mooshin ku saabsan in xukuumadda ay hortimaado baarlamaanka.
Maamulka Puntland oo hadallo iska soo horjeeda shaaciyay iyo dagaalladii Galgala oo dib u bilowday
Isniin.9-Agosto.2010{SOMAALJECEL}-Galgala, Wararka naga soo gaaraya degaanka Galgala ee duleedka magaalada Boosaaso ayaa sheegaya in mar kale maanta uu dagaal ka dhex bilowday ciidamada maamulka Puntland iyo kuwa uu hoggaamiyo Maxamed saciid (Attam) ee ku sugan dhulka buuraleyda ah ee Galgala.
Dagaalka oo aan laga heynin xog dheeraad ah ayaa la soo sheegayaa in degaanka uu dagaalku ka socdo laga maqlayo rasaasta culus iyo midda fudud, lamana oga qasaaraha dagaalka.
Ciidamo fara badan oo maamulka Puntland geeyay goobaha ay labada ciidan isku horfadhiyaan ayaa la sheegay in dagaalka ay dib u bilaabeen maanta, wuxuuna dagaalka ku bilowday si goos goos ah, kadibna dib ka xoogeystay sida wararku tibaaxayaan.
Dhanka maamulka Puntkand oo ka hadlay dagaallada ka socda degaanka Galgala ayaa hadallo is burinaya ku kala hadlay iyadoo madaxweyne ku-xigeenka Maamulka Puntland C/Samad Cali Shire oo maanta saxaafadda shir jaraa’id ugu qabtay magaalada Boosaaso uu sheegay in ciidamada Puntland ay soo ajfjareen dagaaladii ay kula jireen kooxda uu hoggaamiyo Maxamed Saciid Atam, isla markaana ciidamada Puntland ay la wareegeen Buurta Galgala oo muddooyinkii u dambeeyay fariisin ay ku lahaayeen Ciidamada uu hogaamiyo Sheekh Maxamed Saciid Atam.
Dhanka kale wasiirka Amniga maamulka Puntland Yuusuf Axmed Kheyr ayaa isna sheegay in weli dagaalyahanada Maxamed Saciid Attam ay ku sugan yihiin Buurta Galgala, isagoo sheegay in dagaalku sii soconayo inta ay ka soo afjarayaan.
Madaxweyne ku-xigeenka Puntland waxa uu shirkiisa jaraa’id ee uu ku qabtay magaalada Boosaaso ku sheegay inay raacdeeyeen kooxdii uu watay Maxamed Saciid Attam ayna la wareegeen Buurta Galgala sida uu yiri inkastoo uusan saxaafadda soo tusinin, wuxuuna ugu baaqay dadkii ka barakacay guryahooda inay dib ugu soo laabtaan.
Dagaalka u dhexeeya labada dhinac ee ka socda degaanka Galgala ayaa waxaa ku geeriyooday 30-meeyo ruux oo labada dhinac ka tirsan kuwo kalena way ku dhaawacmeen iyadoo labada dhinac ee dagaalamay ay guullo ka sheegteen dagaalka.
Dad la sheegay in xarakada Al-shabaab ay xiriir la leeyihiin oo Gaalkacayo lagu qabqabtay
Isniin.9-Agosto.2010{SOMAALJECEL}-Gaalkacyo, Taliyaha qaybta Booliska Gobalka Mudug ee maamul goballeedka Puntland ayaa saxaafadda u sheegay in ciidamada Puntland ay xaafadaha magaalada Gaalkacyo ka soo qabqabteen dad ay sheegeen inay xiriir la leeyihiin xarakada Al-shabaab.
Taliyaha ayaa sheegay in dadka la qabqabtay ay u shaqeynayaan sida uu yiri wadaadka Maxamed Saciid Attam, kuwaasoo uu xisay inay falal ammaandarro ka wadeen magaalada Gaalkacyo.
Howlgal ay sameeyeen ciidamada Puntland waqooyiga magaalada Gaalkacayo ee maamulka Puntland ayay xaafado ka mid ah magaaladaasi ka soo qabqabteen tiro dad ah oo ay ku sheegeen inay xiriir la leeyihiin xarakada Al-shabaab gaar ahaan garabka Maxamed Saciid Attam sida uu sheegay Taliyaha qaybta Booliska ee Gobalka Mudug.
Taliyaha ayaa waxa uu sheegay in dadka la soo qabqabtay ay ku jiraan kuwo falal lagu qalqal gelinayo amaanka magaalada Gaalkacyo waday, isagoo xusay in dadkaasi ay ka yimaadaan degaanno ay ka mid yihiin gobollada Bay iyo Bakool, isla markaana maxkamad la soo taagayo, sida uu yiri.
Qasaarihii ka dhashay dagaalkii ka dhacay Galgala oo sii kordhaya iyo saansaan dagaal oo la dareemayo
Isniin.9-Agosto.2010{SOMAALJECEL}-Galgala, Ugu yaraan 30-ruux ayaa ku dhimatay tiro intaasi ka badanna way ku dhaawacmeen dagaaladii qaraaraa ee shalay ka dhacay buuraleyda Galgala ee Gobolka Bari oo ay ku dagaalameen ciidamada Maamulka Puntland iyo ciidamo daacad u ah Sheekh Maxamed Saciid {Attam}.
Dagaalka oo bilowday shalay subax, socdayna ilaa shalay galab ayaa waxaa bilaabay ciidamada Maamulka Puntland oo labo jiho ka weeraray fariisimo ay ku leeyihiin ciidamada Maxamed Saciid Attam agagaarka buuraleyda Galgala, waxaana dagaalkaasi oo socday 10-saac oo xiriir ah uu geystay khasaarooyin isugu jira dhimasho iyo dhaawac soo gaaray dhinacyadii dagaalamay, iyadoo dhinac waliba uu goonidiisa u sheegtay inuu dagaalka guul ka gaaray.
Madaxwayne ku-xigeenka Puntland C/samad Cali Shire oo shir jaraa’id ku qabtay magaalada Boosaaso ayaa sheegay in 18-ruux ay ka dileen ciidamada Sheekh Attam, isla markaasna ay kaga guuleysteen dagaalkii ay la galeen sida uu yiri.
“Waxaan dilnay 18 ka tirsan ciidmada Sheekh Attam, dhawaanna waa la soo gabagabaynayaa dagaaladaasi” ayuu yiri madaxwayne ku xigeenka oo intaasi ku daray in goobihii ay ku sugnaayeen ciidamadii ka soo horjeeday ay iyagu hadda ku sugan yihiin, isla markaasna dhinacooda laga dilay 3-askari oo kaliya, 13-kalena laga dhaawacay sida uu yiri.
Dhinaca kale afhayeen u hadlay xoogagga dagaalka la galay ciidamada Puntland ayaa sheegay in dagaalka ay guul weyn ka gaareen, qasaare xoog lehna ay u geysteen kuwii soo weeraray sida uu yiri.
Afhayeenkan oo lagu magacaabo C/llaahi Axmed Afrax waxa uu sheegay in tiro ka badan 40-askari oo ka mid ah kuwa Puntland ay dagaalka ku dileen kuwo intaasi ka badanna ay dhaawaceen, wuxuuna intaasi ku daray in gaadiid dagaal ay ka qabsadeen qaarna ay gubeen sida uu yiri.
Dhanka kale wasiirka amniga Puntland Yuusuf Axmed Kheyre oo isna dagaalka ka hadlay ayaa sheegay in cafis loo fidinayo ciidamada Sheekh Attam haddii ay dagaalka ay ka soo baxaan, waxaana uu intaasi ku daray in maamulkiisu uu dagaalka ku awood roonaaday, isagoo sheegay inay gacanta ku dhigeen ciidamo gurmad u ahaa Sheekh Attam oo uu sheegay in lagu qabtay gudaha magaalada Gaalkacyo.
Ma jirto cid ka madax bannaan labada dhinac oo xaqiijinaysa sheegashooyinka labada dhinac ee ku saabsan inay dagaalka guulo ka kala gaareen, balse waxaa la xaqiijiyay oo kaliya in labada dhinac uu dagaalka ka soo gaaray qasaare kala duwan.
Dhanka kale waxaa saakay dhaqdhaqaaq ciidan laga dareemayaa goobihii shalay lagu dagaalamay, waxaana laga cabsi qabaa dagaal dhaca xilli kasta iyadoo la maqlayo rasaas goos goos ah oo ka dhacaysa halka ay ciidamada labada dhinac isku hor fadhiyaan
Ra’isal wasaare Cumar C/rashiid iyo wakiilka Q/midoobay u qaabilsan arrimaha Soomaaliya oo shir jaraa’id wada qabtay
Isniin.9-Agosto.2010{SOMAALJECEL}-Nayroobi, Ra’isal wasaaraha dowladda KMG Soomaaliya Cumar C/rashiid iyo wakiilka Qaramada Midoobay u qaabilsan arrimaha Soomaaliya Augustine Mahiga ayaa shalay galab shir jaraa`id si wadajir ah ugu qabtay magaalada Nayroobi ee xarunta dalka Kenya, kadib wadahalo ay halkaasi ku yeesheen.
Mr. Mahiga oo ay inta badan warfidiyeenadu su’aalaha weydiinayeen ayaa shaaca ka qaaday in bilaha soo socda ay hay’adaha Qaramada Midoobay u guuri doonaan Soomaaliya, kana howlgeli doonaan magaalada Muqdisho.
Wakiilku waxaa kale oo uu sheegay in tallaabadan loogu rarayo hay’adaha UN-ka gudaha magaalada Muqdisho uu qorshaheedu socday muddo dheer isla markaana iminka la go’aansaday in laga raro Nayroobi, loona raro Muqdisho sida uu yiri.
Arrintan loogu rarayo magaalada Muqdisho hay’adaha UN-ka ayuu sheegay in ay imaanayso sanado badan kadib markii ay fariisin u ahayd hay’adahaasi magaalada Nayroobi ee dalka Kenya, halkaas oo siyaasiyiinta Soomaalida ee dhaliila doorka Qaramada Midoobay ee Soomaaliya ay ku tilmaameen meel lagu burbursado dhaqaalaha lagu taageero Hay’adaha gargaarka ee qaabilsan Soomaaliya.
Sidoo kale Ra’isal wasaare Cumar C/rashiid oo shirka ka hadlay ayaa sheegay in beesha caalamka iyo Qaramada Midoobay uu kala hadlay sidii ay u soo dedejin lahaayeen ciidamadii ka socday Midowga Afrika ee loogu yaboohay in la geynayo Soomaaliya iyo sidii ay gacan uga geysan lahaayeen dib u dhiska ciidamada Soomaaliya.
Magaalada Moscow oo qarka u saaran in looga qaxo dab ka holcaya
Isniin.9-Agosto.2010{SOMAALJECEL}-Moscow, Dalka Ruushka ayaa 5-tii maalmood ee ugu dambeyay la tacaalayay dab xoogan oo ka holcaya gobolo badan oo ka mid ah dalkaasi oo ay ku jiraan kuwa caasimadda Ruushka ku dhow, kaas oo ay ilaa hadda ku howlan yihiin howlwadeeno ka badan 160-kun oo qofood, kuwaas oo ku dedaalaya sidii ay dabkaasi u baqtiin laahaayeen, waxaana intii uu dabkaasi socday ku dhintay dad badan kuwo kale way ku dhaawacmeen.
Qiiq madow ayaa guud ahaan isku dahaaray magaalada Moscow oo ay ku nool yihiin 10-milyan oo qofood, kaas oo ku qasbay in duulimaadyo badan oo halkaas ku jiheysnaa loo leexiyo meelo kale, iyadoo dadka lagula taliyay inay masaro afka iyo sanka iskaga daboolaan, waxaana la sheegay heerka hawada ay Shan lab noqotay tan iyo markii ay bil kahor dalkaasi ay soo foodsaaray jawi aad u kulul oo noocaasi hore loo arag muddo qarni ku dhow, waxaana la arkayaa tobanaan kun oo qof oo ku sugan goobaha tareemada laga raaco iyo waddooyinka waaweyn kuwaas oo doonaya in magaaladaasi isaga baxaan.
Xarumaha saadaasha hawada ayaa shaaciyay in qiiqaa madow uu dul joogi doono magaalada Moscow ilaa iyo maalinta Isniinta oo maanta ah, waxaanay saraakiisha dalkaasi ugu baaqeen cid kasta oo mawaadiniinteeda ka mid ah oo gacan ka geysan karta daminta dabkan inay ka qayb qaataan, iyadoo sidoo kale dadka ugu baaqday inay guryahooda ku jiraan, waxaana jirta qaylo-dhaan caalami ah oo ka soo yeeraysa bulshada caalamka oo laga cabsi qabo in dabkaasi uu gaaro goobaha lagu keydiyo hubka sida ba’an wax u gumaada ee nukliyeerka, balse dowladda Ruushka ayaa sheegtay inay iska xilsaartay samatabixinta hubkeeda nukliyeerka ah, isla markaasna ay geysay goobo aamin ah sida ay sheegtay.
Dhinaca kale waxa laga cabsi qabaa in dabkaasi uu hawada ku faafiyo wiriqyo kaah-fal leh (radioactive particles) oo ku jira dhirta gubanaysa, kaas oo ka dhashay masiibadii qaraxii nukliyeerka ahaa ee ka dhacay magaalada Chernobyl sanadkii 1986-dii.
Madaxweynaha dalka Ruushka Dmitry Medvedev ayaa booqday maalintii Jimcahii goobaha lagu daaweynayo dadka dhaawacyadu ka soo gaareen dabka, isagoo wakaaladda wararka ee AP u waramayana waxa uu yiri “Saakay markii aan toosay hareeraha ayaan eegay, waxaana arkay jawi aad looga naxo, dhamaanteen waxaanu rajaynaynaa in kuleylku naga damo oo dabku bakhtiyo, balse taasi ma aha wali mid gacanteena ku jirta ee waa qadar xaga sare inagaga timid”.
Ra’iisal wasaaraha Ruushka ayaa isaguna booqday goobaha dabku sida ba’an u waxyeeleeyay, isagoo ugu balanqaaday in xukuumaddiisu ay magdhow siin doonto qof kasta oo khasaare ka soo gaartay dabkan sida uu yiri.
Dalka Jarmalka ayaa albaabada u laabay safaaraddii uu ku lahaa magaalada Moscow ilaa iyo muddo aan la cayimin, iyagoo sidoo kale mawadiniintooda ka codsaday inaanay u safrin dalkaas gaar ahaan caruurta iyo dadka waaweyn ee leh xanuuno dhinaca neefmareenka la xiriira.
Dhinaca kale, dalka Ruushka ayaa sheegay in bishan August 15-keeda wixii ka dambeeya ay joojin doonaan qamadigii ay dalka dibaddiisa u dhoofin jireen, taas oo ay ku sababeeyeen abaar ba’an oo soo food saartay sanadkii dhaweyd dalagyada beeraha gaar ahaan qamadida oo Ruushku ku jira dalalka ugu badan ee sayladda caalamka u iib keena, taas oo laga cabsi qabo in qiimaha daqiiqadu uu cirka isku shareero muddooyinka soo socda haddii aanay Ruushanku talaabadoodaasi waxba ka badalin.
Shil dhimasho iyo dhaawac dhaliyey oo shalay iyo maanta ka dhacay waddada isku xirta Muqdisho iyo Afgooye
Isniin.9-Agosto.2010{SOMAALJECEL}-Muqdisho, Saddex qofood ayaa geeriyooday, Todobo qof kalena dhaawac ayaa soo gaaray kadib markii maanta iyo shalay shilal gaari ay ka dheceen waddada isku xirta Muqdisho iyo Afgooye.
Labo gaari oo nooca Homy-ga ee ka shaqeeya inta u dhexeysa Muqdisho iyo Afgooye Gaari ayaa saakat isku dhacay waxaana shilkaasi ku geeriyooday Hal ruux, Labo ruuxna dhaawac ayaa soo gaaray, iyadoo ciidamada Xisbul Islaam ay xabsi u taxaabeen labadii darawal ee gaadiidkaasi waday, halka labadii dhaawaca uu soo gaarayna loo qaaday isbitaal.
Dhanka kale labo gaari oo iyagana nooca Homy-ga loo yaqaano ah ayaa shalay shil ku galay waddada warshadaha gaar ahaan agagaarla kuliyadda Jaalle Siyaad, waxa uuna shilkaasi sababay dhimashada labo qof iyo dhaawaca afar kale.
Labada gaari ee isku dhacay ayaa mid waxaa uu ka yimid garoonka Lambar konton ee Gobolka Sh/hoose oo uu Qaad ka keenay, halka midka kalena uu ahaa gaari rakaab ah oo ku sii jeeday degaanka Ceelasha biyaha.
Burburka soo gaaray waddooyinka ayaa sababaya shilalka joogtada noqday ee sababaya dhimashada, dhaawaca iyo burburka gaadiidka, iyadoo sidoo kale wadayaashuna ay yihiin kuwo aan khibrad badan u lahayn wadista gaadiidka, mana jirto cid haatan u taagan inay wax ka qabato dhibaatooyinkaasi.
|
Muqdisho: Saddex hay’adood oo ka howlgala Soomaaliya oo lagu eedeeyay inay dadka Kirishtaamneeyaan
Hargeysa: Wasiirrada xukuumadda Somaliland oo codka kalsoonida maanta loo qaaday
Muqdisho: Baarlamaanka KMG Soomaaliya oo ka dooday dhammeystirka xeer hoosaadka
Boosaaso: Maamulka Puntland oo hadallo iska soo horjeeda shaaciyay iyo dagaalladii Galgala oo dib u bilowday
Gaalkacayo: Dad la sheegay in xarakada Al-shabaab ay xiriir la leeyihiin oo Gaalkacayo lagu qabqabtay
Boosaaso: Qasaarihii ka dhashay dagaalkii ka dhacay Galgala oo sii kordhaya iyo saansaan dagaal oo la dareemayo
Nayroobi: Ra’isal wasaare Cumar C/rashiid iyo wakiilka Q/midoobay u qaabilsan arrimaha Soomaaliya oo shir jaraa’id wada qabtay
Moscow: Magaalada Moscow oo qarka u saaran in looga qaxo dab ka holcaya
Muqdisho: Shil dhimasho iyo dhaawac dhaliyay oo shalay iyo maanta ka dhacay waddada isku xirta Muqdisho iyo Afgooye
1294|1281245400|dynamic|Wararki u dambeeyay|
Faahfaahin ku saabsan dagaal ka qarxay degaanka Galgala ee Puntland
Axad.8-Agosto.2010{SOMAALJECEL}-Boosaaso, Ciidamada Maamul gobolleedka Puntland iyo ciidamo uu hogaaminayo ninka lagu magacaabo Maxamed Saciid Atam ayaa dagaal culus waxa uu ku dhex marayaa Tuulada Galgala ee gobolka Bari.
Dagaalkaa oo ah mid aad u culus ayay wararku sheegaya in ay bilaabeen ciidamada maamulka Puntland oo weerar ku qaaday fariisimo halkaasi ay ku lahaayeen ciidamada uu hoggaamiyo waddaadka Maxamed Saciid Atam.
Dagaalka ayaa waxaa la isku adeegsanayaa hubka noocyadiisa kala duwan. waxaana dhawaqa rasaasta culculus ee la is weydaarsanayo laga maqlayaa qeybo ka mid ah goobaha ku dhow dhow Tuulada Galgala.
Dagaalka oo aan la ogeyn qasaaraha uu geystay ayaa ka soo cusboonaaday Tuuladaasi saakay aroor hore, waxaana uu yimid maalin kadib markii uu burburay waanwaan laga dhex waday labada dhinac.
Wararka ayaa sheegaya in dowladda KMG Soomaaliya ay maamulka Puntland u dirtay Saanad Militari oo lagu sheegay in lagu xoojinayo dagaalka maamulkaasi uu kula jiro ciidamada uu hoggaamiyo Atam ee ku sugan qaar ka mid ah buuraha gobolka Bari.
Dhaawac tiro badan ayaa la sheegayaa in Boosaaso la gaarsiiyay, kuwaas oo laga keenay degaanka uu dagaalku ka socdo ee Galgala, mana la ogaan karo qasaaraha uu sababay dagaalka oo weli la sheegayo inuu soconayo.
Dhaqdhaqaaqa Ganacsiga iyo waxbarashada magaalada Boosaaso ayaa maanta hakad ku yimid kadib markii saansaanta dagaal si weyn looga dareemay.
Madaxweynaha Maamulka Puntland ayaa jimcihii dorraad ku hanjabay in uu dagaal ku qaadayo kooxda uu hoggaamiyo Maxamed Saciid Ata moo uu sheegay inay Al-shabaab ka tirsan yihiin, isagoo xusay in ay ku kala baxayaan Puntland oo aysan kuwada sugnaaneynin sida uu yiri.
Madaxweyne Shariif: “Kooxaha mucaaradku way ka awood badan yihiin ciidamadeena iyo kuwa AMISOM”
Axad.8-Agosto.2010{SOMAALJECEL}-Muqdisho, Madaxweynaha dowladda KMG Soomaaliya Sheekh Shariif Sheekh Axmad ayaa sheegay in xalka Soomaaliya uu ku jiro ciidamo ajnabi ah oo la keeno dalka Soomaaliya, isagoo sheegay in xukuumaddiisu aysan awood u lahayn inay wax ka qabato xaaladda dalka uu marayo.
“Soomaaliya waxay u baahan tahay ciidamo shisheeye in la keeno, si loo soo celiyo kala dambeyntii” ayuu Madaxweyne Sheekh Shariif u waramayay Wargeyska Ugpulse oo ka soo baxa dalka Yugandha, isagoo xusay in kooxaha ka soo horjeeda dowladdiisa ay yihiin kuwo ka awood badan ciidamada dowladdiisa iyo kuwa AMISOM, isla markaasna gacan ka hela dalal shisheeye ah oo diidan buu yiri nabad ka dhalata Soomaaliya.
“Caalamka waxaan ugu baaqaynaa inay gacan naga siiyaan sidii ammaanka Soomaaliya lagu soo celin lahaa, waxaan u baahannahay ciidamo awood u leh inay tirtiraan kooxaha ka soo horjeeda dowladda KMG Soomaaliya” ayuu yiri Madaxweyne Sheekh Shariif.
Waa markii ugu horreysay oo madaxweyne Sheekh Shariif uu sheego in xalka Soomaaliya uu ku jiro awood ciidan shisheeye, isla markaana aysan wax tabar ah u heynin kooxaha dagaallada kala soo horjeeda dowladdiisa oo uu sheegay in ciidamadiisa iyo kuwa AMISOM ka adkaan karin.
Go’aamo ka soo baxay shir ay yeesheen Salaadiinta Togdheer iyo Buuhoodle iyo maamulka Somaliland
Axad.8-Agosto.2010{SOMAALJECEL}-Hargeysa, Salaadiin ka kala socotay gobolka Togdheer iyo Buuhoodle oo shir dhowr maalmood socday ugu dhammaaday degaanka lagu magacaabo xadh-xadhka ee u dhexeeya Coodinle iyo Buuhoodle ayaa go'aano ka soo saaray shirkoodaasi.
Shirkan oo gundhigiisu ahaa adkeynta nabadgelyada ayaa laga soo saaray qodobo dhowr ah oo ay ka mid ahaayeen in la dejiyo xiisadda colaadeed ee u dhexeeya Somaliland iyo kuwa la baxay jabhadda SSC.
In ciidamada maamulka Somaliland ay ka baxaan deegaanka Widh-widh iyo deegaannada kale ee hoostaga deegaanka Buuhoodle, kadibna wadahal la isugu yimaado iyo qodobo kale.
Dhinaca kale wasiirka gaashaandhiga maamulka Somaliland Axmed Xaaji Cali Cadami ayaa sheegay inay ka biyo diidsan yihiin qaar ka mid ah qodobada ay Odyaashu ku heshiiyeen, gaar ahaan buu yiri qodobka ku aaddan in ciidamada maamulka Somaliland laga qaado deegaanada hoos yimaada Buuhoodle, wuxuuna intaasi ku daray inaanu hadda jirin wax go'aan ah oo dowli ah oo ku saabsan in wax lagaga bedelo qorshaha istaraatijiyadeed ee ciidamada Somaliland ee jooga degaannada Buuhoodle.
Hadalkani wasiirku waxa uu ka danbeeyay waraysiyo ay bixiyeen madax dhaqameedyo ka kooban salaadiin ka kala socotay gobolka Togdheer iyo Buuhoodle oo shir dhowr maalmood socday ugu dhammaaday degaanka Xadh-Xadhka ee u dhexeeya Coodinle iyo Buuhoodle, kaas oo go'aanadii laga soo saaray ay ka mid ahaayeen in ciidamada Somaliland laga saaro deegaanka Buuhoodle.
Sheekh Maxamed Siciid {Attam} oo sheegay inay iska difaaci doonaan weerar kasta oo lagu soo qaado
Axad.8-Agosto.2010{SOMAALJECEL}-Boosaaso, Sheekh Maxamed Siciid Attam oo ah hoggaamiyaha ciidamada ku sugan deegaanka Galgala ee Gobolka Bari ayaa sheegay inuu is difaacayo haddii dagaal guryahooda iyo deegaankooda lagu soo qaado.
“Anaga cidna duulaan kuma nihin laakiin waxaanu caddeynaynaa haddii ay daandaasi dagaal nala soo galaan ciidamada huwanta ah ee jooga galbeedka bari dharbaaxo xun ayay la kulmi doonaan” ayuu yiri Sheekh Attam oo sheegay inay isku filan yihiin, isla markaasna aysan cid u qeylo dirsaneynin sida Faroole oo kale oo u qeylo dhaansaday Beesha caalamka iyo Haweena oo uu yiri hubka ha qaateen.
“Anaga waan isku filanahay Ilaahay baanu gaashaan inoo ah ileyn duulaan qaawan ayaa nalagu yahaye, Qur’aanka ayuu Alle ku sheegay in qofka muslimka ah haddii lagu soo duulo uu is difaaco, waxaa u bannaan inuu dhiigiisa u daadiyo haddii dhulkiisa iyo maalkiisa lagu soo duulo ama lagu soo weeraro” ayuu yiri Sheekh Attam oo sidoo kale sheegay inaanu marnaba ka dul boodin hadalka Odyaasha Beeshiisa oo ay arkaan in Odayaashii la qiimeyn waayay oo iyaga oo waanwaan wada dhanka kale ay maamulayaasha Puntland dagaal ku soo qaadeen.
Sheekh Maxamed Siciid ayaa sidoo kale waxa uu sheegay inuu fariin u dirayo dadka deegaanka Galgala, wuxuuna uga digay inay qaxaan ama ay qaataan hadalkii Faroole uu Masaajidka ka sheegay maalintii Jimca ahayd, kaasoo uu ugu baaqay dadka degan Galgala inay ka guuraan halka ay degan yihiin oo ay ka fogaadaan weerarada lagu qaadayo Sheekh Attam iyo ciidamadiisa.
“Faroole wuxuu meel kasta mariyey in dilalka ka dhaca magaalada Bosaaso ay ka dambeeyaan dadka Gal-Gala, waxaan dadka reer Puntland u sheegaynaa in warkaasi yahay mid dad dibadaha jooga lacag looga doonayo si dadka loo jahwareeriyo” ayuu yiri Sheekh Attam.
Ganacsatada Xoolaha dhoofisa ee maamulka Somaliland oo ku baaqday in la xiro markabkii soo celiyay xoolaha
Axad.8-Agosto.2010{SOMAALJECEL}-Berbera, Qaar ka mid ah ganacsatadii xooluhu u saarnaayeen Markab dib u soo celiyay ku dhawaad lixdan kun oo neef oo ay soo celisay dowladda Sucuudi Carabiya ayaa maamulka Somaliland ka codsaday in wax lagala qabto markabkaas oo ay ku eedeeyeen inuu isagu sabab u ahaa soo celinta xoolaha.@
Ganacsatadan oo shir jaraa’id ku qabtay magaalada Berbera ayaa waxay ku sheegeen inay doonayaan in gurmad loo sameeyo Xoolahoodii oo ay sheegeen in markabkaasi laayay, waxaanay Somaliland ka codsadeen inay wax kala qabato, iyagoo tilmaamay in masiibo qaran ku habsatay xoolahoodii.
Ganacsatadani waxay kaloo shirkooda jaraa’id ku sheegeen inay ka war helleen iyagoo xoolahoodu ay noqdeen kuwo isugu jira qaar gubtay iyo qaar dhintay, waxayna xuseen inay doonayaan inay helaan xoolahoodii, waxayna tilmaameen inay ka rabaan Markabka mardhow u dhigmada sida ay yiraahdeen lacagtii kaga baxday xoolahaasi.
Mid ka mid ah Ganacsatada xoolaha laheyd ayaa sheegay inay keentay dhimashadan xoolahani hawadii markab oo istaagay, isla markaasna aan la siinin cowskii laga iibiyey, waxaanay tilmaameen inay markabkaasi ka yimid geedihii uu ka soo qaadi lahaa Sucuudiga, waxaanay ka codsadeen maamulka Somaliland in markabkaasi lala xisaabtamo si looga qaado hantidooda.
Duqa magaalada Gaalkacyo iyo Golaha deegaanka oo is khilaafay
Axad.8-Agosto.2010{SOMAALJECEL}-Gaalkacyo, Khilaaf ayaa la sheegay inuu soo kala dhex galay duqa magaalada Gaalkacyo ee maamulka Puntland C/raxmaan Maxamuud X. Xasan iyo golaha deegaanka ee magaalada Gaalkacyo.
Khilaafkan ayaa la sheegay in uu ka dhashay markii duqa magaalada Gaalkacyo uu qaatay go’aan uu xilka kaga xayuubinayo xoghayaha dowladda hoose ee magaalada Gaalkacyo oo uu ku eedeeyay wax qabad la’aan.
Ciidamada dowladda hoose ee magaalada Gaalkacyo ayaa la sheegay inay ku dhaqaaqeen gadood wata qalalaase, iyagoo dalbaday in si degdeg ah uu duqa magaalada Gaalkacyo uga laabto go’aanka uu xilka kaga qaaday xoghayaha golaha deegaanka ee magaalada Gaalkacyo.
Ciidamada dowladda hoose ee gadoodka sameeyay ayaa la sheegay inay shalay rabshado ka sameeyeen suuqa weyn ee magaalada Gaalkacyo, waxaana qaar ka mid ah ganacsatada suuqu ay sheegeen in gadoodka ay sameeyeen ciidamada dowladda Hoose ay wax badan u dhintay howlahoodii caadiga ahaa sida ay yiraahdeen.
Lama oga in codsiga ay ujeediyeen xubnahaasi uu qaadan doono iyo in kale, waxaase la sheegay in arrinka ay soo farageliyeen saraakiil sarsare oo ka soctay maamulka Puntland, inkastoo aan la ogeyn waxa ay ku dhameeyeen.
Mas'uuliyiin ka tirsan Ahlusunna Waljamaaca oo si kulul u cambaareeyay madaxda dowladda Soomaaliya
Axad.8-Agosto.2010{SOMAALJECEL}-Muqdisho, Xubno ka tirsan Culummaa'udiinka Ahlusunna Waljamaaca oo shalay dib ugu soo laabtay magaalada Muqdisho oo ay safar uga maqnaayeen in muddo ah ayaa si kulul u cambaareeyay madaxda dowladda KMG Soomaaliya.
Wafdiga ka socday Ahlusunna oo sheegay inay booqasho ku soo kala bixiyeen dalal dhowr ah, isla markaasna ay ka qeyb galeen shirar caalami ah ayaa waxay madaxda dowladda KMG ku eedeeyeen inay ka gaabiyeen doorkii looga baahnaa wax ka qabashada ammaanka dalka.
Suldaan Aadan Macallin oo hoggaaminayay wafdiga Ahlusunna ee shalay ku soo laabtay magaalada Muqdisho ayaa madaxda xukuumadda KMG ku eedeeyay inay jebiyeen heshiiskii ay la galeen Ahlusunna, kaas oo ay ahayd sida uu yiri in awoodda ay ku qeybsadaan labada dhinac, ayna si wadajir ah dagaal ula galaan kooxaha dagaalka kula jira.
“Waxaan diyaar u nahay inaan dowladda KMG ah gacan ka siino sidii lagu soocelin lahaa ammaanka dalka, meeshana looga saari lahaa kooxaha diidan dowladnimada” ayuu mar kale yiri Suldaan Aadan.
Madaxda dowladda KMG ah ayaa waxay horay u sheegeen inay meelmariyeen qeyb ka mid ah heshiiskii ay bishii Maarso ee sannadkaan dalka Itoobiya kula saxiixdeen Ahlu Sunna Waljamaaca, mana jirto wax hadal ah oo ay ka bixiyeen eedeynta markasta uga timaada dhinaca Culimaa’udiinka Ahlusunna Waljamaaca.
Dowladda Itoobiya oo shuruud adag ku xirtay Somaliland
Axad.8-Agosto.2010{SOMAALJECEL}-Addis Ababa, Dowladda Itoobiya ayaa markii u horraysay ka hadashay xukuumadda cusub ee uu soo dhisay Madaxweyne Axmed Maxamed Maxamuud iyo caqabado ay sheegtay inay hor yaalaan.
Wasaaradda Arrimaha dibadda ee dalka Itoobiya ayaa warbixin ay todobaad kasta mar soo saarto waxay habeen hore ku soo qaadatay xil wareejintii Somaliland ka dhacday ee uu talada maamulkaasi kula wareegay Axmed Maxamed Maxamud {Siilaanyo} oo ku guuleystay doorashadii dhacday bishii June 26-keeda.
Dowladda Itoobiya waxay ka hadashay tallaabooyinka ay tahay in maamulka cusub ee Somaliland uu ka qaado la dagaalanka waxa ay ugu yeertay argagixisada si ay ugu guuleysato kalsoonida dowladaha deriska la ah.
Wasaaradda arrimaha dibadda Itoobiya waxay hoosta ka xariiqday siday muhiim u tahay in xukuumadda cusub ee Madaxweyne Axmed Maxamed Siilaanyo ay mawqif cad iska taagto la dagaalanka waxa loogu yeero argagixisada iyo xag jirka.
Sidoo kale wasaaraddu waxay shaaca ka qaadday caqabadaha soo waajahaya dowladda cusub ee Somaliland iyo guud ahaan gobalkuba aad ayay u badan yihiin si loo gaaro rajooyinka, dowladda cusubi waxay u baahantahay inay kasbato ixtiraamka iyo kalsoonida dalalka la deriska ah, iyadoo taas u maraysa inay u muujiso sida ay diyaar ugu tahay ugana go’an tahay ka hortagga caqabadahaasi.
Dowladda cusubi waa inay muujisaa awooda ay u leedahay hab dhaqankeeda siyaasadeed ee gudaha iyo dibaddaba, si ay u gaarto rajooyinka ay qabaan dhammaan dhinacyadii dedaalkeeda ku weheliyay, waxaa iyaduna muhiim ah inay dowladdu ku dhegenaato mabdi’ii jaar wanaaga ahaa, iyo inay laasimto, nabadda iyo dhexdhexaadnimada, sidaasi si la mid ah jaararka Somaliland si kalsooni leh waxay uga rajaynayaan dowladda cusub inay sii wado mawqifkii aan gorgortanka laheyn ee ka dhanka ahaa waxa loogu yeero argagixisada iyo xag jirka sidii maamulkii ka horeeyey ee Daahir Rayaale ayey tiri wasaaradda arrimaha dibadda Itoobiya oo intaasi ku dartay gaabis kasta oo arrimahan laga gaabiyaa waxay raad xun ku yeelanaysaa aaminista maamulka cusub ee Axmed Siilaanyo.
|
Boosaaso: Faahfaahin ku saabsan dagaal ka qarxay degaanka Galgala ee Puntland
Muqdisho: Madaxweyne Shariif: “Kooxaha mucaaradku way ka awood badan yihiin ciidamadeena iyo kuwa AMISOM”
Hargeysa: Go’aamo ka soo baxay shir ay yeesheen Salaadiinta Togdheer iyo Buuhoodle iyo maamulka Somaliland
Boosaaso: Sheekh Maxamed Siciid {Attam} oo sheegay inay iska difaaci doonaan weerar kasta oo lagu soo qaado
Berbera: Ganacsatada Xoolaha dhoofisa ee maamulka Somaliland oo ku baaqday in la xiro markabkii soo celiyay xoolaha
Gaalkacyo: Duqa magaalada Gaalkacyo iyo Golaha deegaanka oo is khilaafay
Muqdisho: Ahlusunna Waljamaaca oo si kulul u cambaareeyay madaxda dowladda Soomaaliya
Addis Ababa: Dowladda Itoobiya oo shuruud adag ku xirtay Somaliland
1293|1281159000|dynamic|Wararka maanta|
Madaxweynaha Puntland: “Aniga waxaa la igu wadaa xaasidnim”
Sabti.7-Agosto.2010{SOMAALJECEL}-Garowe, Madaxweynaha maamulka Puntland C/raxmaan Sheekh Maxamed Faroole ayaa sheegay in amni xumada ka jirta Puntland ay ka dambeeyaan dad wata dano gaar ah iyo damac fog.
“Markii la i doortay 8-Janaayo waad ogaydeen sida xaalku ahaa ama ammaanku ahaa, aad ayaan wax uga qabanay gaar ahaan ammaanka iyo dhaqaalaha, marka xaasidnimo ayaa timid waxaa la ii quuriwaayay heerka aan Puntland gaarsiiyey oo waxaa lagu bilaabay weerar iyo in ammaanka la qalqal geliyo, iyadoo lagu soo gabanayo Diin” ayuu yiri C/raxmaan Faroole
Madaxweynaha Puntland waxa uu si kulul u weeraray dhaqano uu sheegay inay ka jiraan koonfurta Soomaaliya, horeyna uga dhacay dalalka Afqaanistaan iyo meelaha ay ka taliyaan kooxaha Al-qaacida taas oo ah buu yiri in la baneysto dadka kale xoolahooda, sharaftooda iyo dhiigooda, waxaa la iska kaxeysanayaa xaasaska iyo xoolaha waana qaniimo ayaa la leeyahay ayuu yiri Faroole oo ka digay in dadka ceynkaas ah ay Puntland salka dhigtaan.
“Aniga ayaa la ii doortay inaan difaaco nabadgelyada Puntland isla markaana aan ilaaliyo midnimadeeda aniga ayaa Imaam ka ah oo la ii dhaarshay, waana ilaalinayaa” ayuu yiri mar kale Faroole.
Mar uu ka hadlayay xaaladda deegaanka Galgala iyo wixii dhacay bishii la soo dhaafay ayaa waxa uu sheegay in isku daygii iyo damacii raga Galgala ku dhuumaalaysanayey sida uu yiri uu araxda ka jabiyay.
“Waxay Boosaaso soo geliyeen dhalinyaro tababaran oo aad u badan, kuwaas oo ay rabeen marka ay Boosaaso dagaalka ka bilaabaan inay meel walba qarax ka ridaan oo xaaladda dhan jah wareeriyaan, isla markaana la bililiqeysto xoolaha yaal Boosaaso dadkana la barakiciyo, waan ku ogaanay in badan, kuwaas waa iska qabanay waana laga raafay magaalada, inkastoo dadka la raafay ay ku jiri karaan kuwo aan arrimahaasi shuqul ku lahayn laakiin tahriib u socday, haddana awalba Tahriibta waan la dagaalamaynay, arrintaas waxay ku noqotay mid ay araxda uga jabaan, iyagiina waa lagu hareeraysan yahay” ayuu yiri Dr. Faroole oo shalay ka hadlayay Masjid uu salaadda Jimcaha ku tukaday.
C/raxmaan Faroole wuxuu ugu baaqay dadka degan deegaanka Galgala inay ka baxaan degaankaas oo uu sheegay inay dagaal ku qaadayaan.
“Dadka halkaas degan dhulku waa weyn yahaye meelo kale u baxaan, waana jiraan dad isaga baxay oo baaqayagii raacay, si dagaalku aanu u saameyn” ayuu yiri, isagoo intaas raaciyay in nimankaas buurta ku jira aysan eeganaynin, waan kala quusanaynaa gacanta ayaan isula tegaynaa, waana ka adkaaneynaa, waayo xaqdarro ayay ku taagan yihiin, anaguna xaq ayaan ku taaganahay” ayuu yiri.
Taalo la yaab leh oo laga jebiyay xafiiska Madaxweynaha maamulka...
Sabti.7-Agosto.2010{SOMAALJECEL}-Jigjiga, Madaxweynaha ismaamulka gobolka Soomaalida ee dalka Itoobiya Cabdi Max-amud Cumer {Illey} ayaa shalay amar ku bixiyey in la burburiyo Taalo ku dhext-aalay Xayndaabka xafiiskiisa.
Taaladan oo ay ku xardhanaayeen ciidamo milatari ah oo hubeysan oo isugu ji-ra rag iyo naago ayaa dusha sare kaga yaalay sanam Nin milatari ah oo qori sita, kaas oo u soo jeeday dhanka dalka Soomaaliya.
Taaladan oo aheyd mid fac dheer laheyd ayaa la sheegay inay sameysay dowladdii dhargiga ama Keligiis taliyihii Mingista Xeyle maryam.
Weli ma cadda sababta uu Madaxwaynuhu amarkan ugu bixiyay in la burburiyo taaladan, balse waxaa la sheegay in ujeedadu tahay in la yareeyo sida la sheegay cadaawaddii u dhaxeyn jirtay dalalka Soomaaliya iyo Itoobiya, kuwaas oo dagaal culus ku dhexmaray gobolkaasi sanadkii 1977-dii.
Warar kale ayaa sheegaya in in Madaxweynahan lagula taliyey in sanamka suran taalada korkeeda uu iska dejiyo, mid kastoy tahayse waxaa loo maleynayaa inuu ogolaansho uga halay dowladda Itoobiya.
Ciidamada maamulka Galmudug oo sheegay inay qabteen nin ka mid ahaa raggii dhacay xawaaladda…
Sabti.7-Agosto.2010{SOMAALJECEL}-Gaalkacyo, Mid ka mid ah kooxihii dhaca u geystay xawaaladda Qaran ee magaalada Gaalkacayo ayay ciidamada maamulka Galmudug sheegeen inay qabteen.
Xilliga dhaca loo geystay xawaaladdaas oo ahayd labo todobaad ka hor, isla markaasna kooxihii dhacay ay dileen agaasimihii xawaaladdaas ayay ciidamada Galmudug oo howlgalo ay ka sameeyey qeybaha uu ka arrimiyo maamulkooda waxa ay ku soo qabteen mid ka mid ah ragii dhaca u geystay xawaaladda Qaran Ex. Press, kaas oo ay uga shakiyeen lacag tiro badan oo uu watay kadibna sidaasi ku qabtay.
Guddoomiyaha degmada Gaalkacyo ee maamulka Galmudug Xasan Faarax Barre ayaa saxaafadda u xaqiijiyey warkan, wuxuuna sheegay in ninka la qabtay ay ciidanku qabteen kadib markii ay ka shakiyeen sida uu yiri.
Guddoomiyaha ayaa waxaa sidoo kale uu sheegay in ninka la qabtay ay la socdeen ilaa 3 nin oo kale, kuwaas oo baxsaday balse ay ku raad joogaan ciidamada sidii ay gacanta ugu soo dhigi lahaayeen ayuu yiri.
Dhinaca kale Guddoomiyaha gobolka Mudug qeybta Maamulka Puntland ayaa uga mahadceliyay ciidamada ammaanka maamulka Galmudug soo qabashada ay soo qabteen ciidamadooda raggii iyagu geystay falka isugu jira dhaca iyo dilka.
Dalka Kenya oo yeeshay dastuur cusub oo bedelaya midkii hore
Sabti.7-Agosto.2010{SOMAALJECEL}-Nayroobi, Shacabka dalka Kenya ayaa u codeeyay dastuurka cusub ee dalkaasi uu yeelanayo, kaas oo lagu bedelayo dastuurkii la dejiey sanadkii 1963-dii markaas oo ay Kenya ka xorowday gumeystihii Ingiriiska, waxaana taageerayaasha dastuurkan ay sameynayeen banaanbaxyo ay ku taageerayaan dastuurka cusub.
“Dastuurkan waa mid mideynaya Kenya, wuxuuna dhabaha u xaarayaa isbdel dimuqraadiyadeed ee ka dhaca Afrika” ayuu yiri Kiraitu Murungi oo ka mid ah dadkii sida weyn ugu ololeynayey in dastuurkan loogu codeeyo erayga Haa.
Madaxweynaha dalka Kenya Mwai Kibaki oo hoggaaminayay kooxda Cagaaran ee u ololeynayey in dastuurkan uu meel maro iyo Ra'isul wasaarihiisa Raila Odinga ayaa waxay labaduba hadal u jeediyeen dadweyne u damaashaadayey meel marinta dastuurka cusub.
Mr. Kibaki waxa uu sheegay in dastuurkan uu noqonayo mid lagu maamulo Kenya, ayna ku faraxsanyihiin inuu guuleysto, wuxuuan xusay in kooxda diidan dastuurka ay lasii wadi doonaan wadahadalada ay kula jiraan si ay uga dhaadhiciyaan dastuurka waxa uu yahay iyo micnihiisa.
Wasiirka Waxbarashada sare ee Kenya Willian Rutu oo isaguna hoggaaminayey kooxda Cas ee ee ku codeynaysay erayga Maya ayaa sheegay inuu aqbalay natiijada codeynta, isagoo xusay in laga adkaaday.
Codadka dastuurkan oo ay dhiibteen in ka badan 12-milyan oo qof, iyadoo inteeda badan, waxaana dadka Soomaalida ee Kenya ku nool ay u codeeyeen dastuurka sidii uu ku guuleysan lahaa.
Dastuurkan oo dhaqangalaya marka uu saxiixo Madaxeweynaha Kenya Kibaki ayaa wuxuu xadidayaa awoodda Madaxweynaha, isagoo awood badan siinaya dowladaha hoose, sidoo kalena isbedello cusub ku sameynaya bixinta dhulalka.
Puntland oo tiro koobeysa masaajidyada iyo goobaha Qur’aanka lagu barto
Sabti.7-Agosto.2010{SOMAALJECEL}-Boosaaso, Wasiirka Cadaaladda iyo dhaqan celinta Puntland Cabdi Khaliif Xaaji oo la hadlay qaar ka mid ah warbaahinta ayaa sheegay in maamulka Puntland uu bilaabay olole lagu tiro koobayo masaajidyada iyo dugsiyada Qur’aanka lagu barto ee ku yaala magaalooyinka waa weyn ee deegaanada Puntland
“Waxaan doonaynaa in manaahijta la is waafajiyo, sababtoo ah dalka dagaalo diimeedyo ayaa ka socda, si aysan arimahaas u dhicin ayaan tirakoobkan u samaynaynaa” ayuu yiri wasiirka oo sheegay in tirakoobkan uu wax badan ka tari doono sida uu yiri habka ay u shaqayaan goobaha lagu barto diinta islaamka ee ku yaala gudaha Puntland, waxaana uu soo jeediyey in la raaco qodobo ay ka mid yihiin:- in la mideeyo manaahijta, in aqoonsi lagu garto loo sameeyo macalimiinta dugsiyada, in loo kuur galo nadaafada dugsiyada iyo in Puntland ay hesho xasilooni,uusana imaan is qabqabsi.
Odayaal dhaqameedyo lagu weeraray tuulo u dhow degaanka Buuhuudle
Sabti.7-Agosto.2010{SOMAALJECEL}-Buuhoodle, Salaadiin iyo Odayaal dhaqameeyo ka kala socday magaalooyinka Buuhoodle iyo Burco oo ay ku jiraan salaadiin caan ah ayaa shalay lagu weeraray inta u dhaxeysa deegaanada Buuhoodle iyo Burco, halkaas oo ay ku lahaayeen kulan aan horay loo sii sheegin.
Sida warku shaagayo maleeshiyooyin taageersan jabhadda la baxday SSC ayaa weerar ku qaaday kulanka ay Odayaasha lahaayeen, waxaana la sheegay in labo ka mid ah raggii ilaalinayey Odayaasha ay soo gaareen dhaawacyo, inkastoo aan la sheegin waxa soo gaaray dhinaca Odayaasha.
Ugu yaraan 3-ka mid ah gawaaridii ay wateen Odayaasha ayaa la sheegay in muraayadaha laga jejebiyey, waxaana hogaamiyaha jabhadda SSC uu sheegay in dadka weerarka geystay ay ahaayeen dad ka careysnaa sida uu yiri kulan siyaasadeed ay Odayaashu lahaayeen, isla markaasna aysan iyagu amrin sida uu yiri.
Lama faahfaahin waxyaabaha uu kulankaasi ku saleysnaa, waxaase loo maleynayaa inuu qeyb ka yahay qorshe ay ku doonayeen Odayaashan iyo Salaadiinta in xal loogu hello ciidamada iska soo horjeeda ee kala taabacsan maamulka Somaliland iyo jabhadda SSC, waxaana xubno ka mid ah Odayaashu ay sheegeen in kulankoodii uu u dhacay sidii loogu talogalay, natiijadiisana dib laga soo sheegi doono.
Dagaal iyo duqeyn culus oo shalay ka dhacay magaalada Muqdisho
Sabti.7-Agosto.2010{SOMAALJECEL}-Muqdisho, Dagaal xoogan oo u dhaxeeyay ciidamada dowladd KMG Soomaaliya oo gacan ka helayay kuwa Ahlusunna Waljamaaca iyo kuwa AMISOM iyo kuwa Ururka Xisbul ayaa shalay galab ka dhacay degmada Hodan ee magaalada Muqdisho.
Dagaalka oo ay barbar socotay duqeyn culus oo lagu garaacayey xaafadaha magaalada Muqdisho gaar ahaan degmooyinka Hodan iyo H/wadaag, kuwaas oo geystay khasaaro isugu jira dhimasho iyo dhaawac soo gaaray dad rayid ah.
Labada dhinac ee dagaalka ku lug lahaa ayaa dagaalka guulo ka kala sheegtay waxaana afhayeen u hadlay Ururka Xisbul Islaam oo lagu magacaabo Maxamed Cusmaan Caruus uu sheegay in dagaalka ay ku qabsadeen goobo badan oo ay horay u fadhiyeen ciidamada dowlada KMG oo ay ka mid tahay sida uu yiri Madaxtooyadii hore ee C/qaasim, halkaas oo uu sheegay in ciidamadoodu ay ku suganyihiin oo aysan dib dambe ugu soo laaban doonin, wuxuuan xusay in la bedelay siyaasaddii hore ee aheyd in laga soo laabto meel la qabsaday.
Dhinaca kale sarkaal ka tirsan dowladda KMG oo lagu magacaabo Afrax Cali Afrax oo isna dagaalka ka hadlay ayaa sheegay in dagaalka ku soo qaadeen sida uu yiri kooxaha ka soo horjeeda, isla markaasna ay iska caabiyeen aysanna jirin wax khasaare ah oo iyaga soo gaaray iyo meel laga qabsaday toona, wuxuuna xusay in kooxihii iyaga soo weeraray sida uu yiri ay khasaaro xoog leg y getsteen.
Odayaasha magaalada Boosaaso oo ka dalbaday maamulka Puntland inay dib ugu soo celiyaan hub laga qaaday
Sabti.7-Agosto.2010{SOMAALJECEL}-Boosaaso, Nabadoonada magaalada Boosaaso ayaa baaq qoraal ah oo ku wajahan hub laga aruuriyey ganacsatada Boosaaso u gudbiyey Maamulka Puntland, iyagoo ka dalbaday maamulka inuu dib gacmahooda ugu soo celiyo Ganacsatadii uu ka aruuriyay hubka ay ku heysteen Bakhaarada waaweyn ee ku yaala suuqa weyn ee magaalada Boosaaso.
Sidoo kale Nabadoonadu waxa ay ugu baaqeen maamulka in ciidamo gaar ah loo sameeyo degmada si loo xaqiijiyo amnigeeda, isla markaasna dib loogu soo celiyo hubkii laga qaaday.
Nabadoonadu waxa ay intaas ku dareen in looga fadhiyo maamulka sidii uu u sameyn lahaa xiriir wanaagsan iyo wada shaqeyn uu la yeesho Issimada, Nabadoonada, Ganacsatada, Culumaa’udiinka iyo qeybaha kale ee Hogaanka Bulshada ku nool Boosaaso.
Duqa degmada Boosaaso Maxamuud Beeldaaje Faarax ayaa sheegay inay soo dhoweynayaan talooyinka uga yimi Nabadoonada, wuxuuna ka codsaday Bulshada in ay is garab taagaan maamulka, si looga guul helo waxa uu ugu yeeray kuwo diidan nabdda Puntland.
|
Garowe: Madaxweynaha Puntland: “Aniga waxaa la igu wadaa xaasidnimo”
Jigjiga: Taalo la yaab leh oo laga jebiyay xafiiska Madaxweynaha maamulka...
Gaalkacyo: Ciidamada maamulka Galmudug oo sheegay inay qabteen nin ka mid ahaa raggii dhacay xawaaladda…
Nayroobi: Dalka Kenya oo yeeshay dastuur cusub oo bedelaya midkii hore
Boosaaso: Puntland oo tiro koobeysa masaajidyada iyo goobaha Qur’aanka lagu barto
Buuhoodle: Odayaal dhaqameedyo lagu weeraray tuulo u dhow degaanka Buuhuudle
Muqdisho: Dagaal iyo duqeyn culus oo shalay ka dhacay magaalada Muqdisho
Boosaaso: Odayaasha magaalada Boosaaso oo ka dalbaday maamulka Puntland inay dib ugu soo celiyaan hub laga qaaday
1292|1280986200|dynamic|Wararki u dambeeyay|
Fadhigii Baarlamaanka oo maanta buuq iyo natiijo la'aan ku dhammaaday xilli xukuumaddu hor fadhisay
Khamiis.5-Agosto.2010{SOMAALJECEL}-Muqdisho, Kulan ay maanta yeesheen Golaha Baarlamaanka Soomaaliya oo ay ka qeyb galeen Ra’isal wasaare Cumar C/rashiid Sharma'arke iyo qaar ka mid ah golahiisa wasiirrada ayaa waxaa ka dhashay buuq kadib markii xildhibaannada Baarlamaanka ay ku kala argti duwanaadeen mooshin laga gudbiyey Golaha xukuumadda.
Buuq ka dhashay arrinkaas ayaa ka dhex dhacay gudaha Hoolka shirka Baarlamaanka, waxaana markii lagu guuldareystay in buuqa la joojiyo lagu dhawaaqay inuu shirku xiran yahay, waqti kalena dib la isugu soo laaban doono.
Xildhibaannada Baarlamaanka ee ka qeyb galay fadhiga maanta ayaa qaarkood ku sigtay in gacan ka hadal uu dhex maro, waxaana dhex maray muran xoogan oo ay u kala qeybsameen, iyadoo xildhibaannadu u kala bexeen qaar taageersan mooshinka laga gudbiyey xukuumadda iyo qaar ka soo horjeestay.
Kulanka buuqa dhaliyay ee maanta ayaa waxaa ka maqnaa qaar ka mid ah xildhibaannada oo iyagu dhawaan sheegay inaysan ka qeyb galaynin kulamada Baarlamaanka ilaa wax laga qabanayo tacadiyo ay baarlamaanka ka geysteen Golaha sare ee Baarlamaanka.
Ciidamada Mareykanka oo gacanta ku dhigay nin la sheegay inuu qorsheynayay inuu ka dagaalamo
Khamiis.5-Agosto.2010{SOMAALJECEL}-Chicago, Nin la sheegay inuu gacan siinayay urur weynaha Al-qaacidda iyo xarakada Al-shabaab ee ka dagaalama dalka Soomaaliya ayay Ciidamada sirdoonka Maraykanka ee FBI gacanta ku dhigeen.
Ninkaas oo magaciisa lagu sheegay Shaker Masri oo heysta dhalashada dalka Maraykanka kuna noolaa magaalada Chicago ee dalkaasi Mareykanka ayaa la qabtay xilli la sheegay in uu doonayay in uu u soo safro dalka Soomaaliya si uu ugu qeyb galo baa la yiri dagaalada ka soconaya gudaha Soomaaliya.
Shaker Masri oo da’diisa lagu sheegay 26 jir ku dhashay dalka Maraykanka ayay FBI-da Maraykanku sheegeen inuu doonayay inuu tago dalka Soomaaliya si uu ugu mid noqdo bay yiraahdeen dadka isku qarxinaya Somalia.
Mr. Shaker Masri ayaa haddii uu ku cadaado dambigan mutaysan doona ugu yaraan 15 sanno oo xabsi ah, kadib markii uu uu ka been sheegay safarkiisa isagoo sheegay in uu u socdo Bariga dhexe oo uu shaqo ka raadsanayo, laakiin ciidamada FBI-da Mareykanka ay ogaadeen inuu u socdaalayo dalka Soomaaliya oo uu ku biirayo xarakada Al-shabaab ee ka dagaalanta Somalia, iyagoo sheegay in uu qorsheynayay in tababaro uu ku soo qaato dalka Soomaaliya isla markaana uu ka qeyb qaato dagaalada ka soconaya dalka Soomaaliya.
Saraakiisha FBI-du waxay sheegeen in Shaker Masri uu doonayay inuu duulimaad ku tago magaalada Los Angels kadibna uu gaari kaga gudbo xadka Maraykanka uu la wadaago Mexico kadibna uu halkaasi diyaarad ka raaco isagoo sii maraya dalalka Venezuela ama Panama oo uu ugu sii gudbo bariga Afrika.
Sirdoonka Maraykanka ee FBI-da waxa kale oo uu sheegeen inay dhagaysteen cod wada sheekeysi Taleefan ah oo ay u soo direen hooyadisa iyo gabar uu qabay oo deganaa magaalada London kuwaas oo doonayay inay ka hor istaagaan duulimaadka uu ku tagayo dalka Soomaaliya si uu ugu qeyb qaato dagaalada ka soconaya Soomaaliya, iyadoo tan iyo markii laga duubay codkaan oo ahayd 31kii July ee sanadkan ay ilaalo ka hayeen ilaa afar ka tirsan sirdoonka Maraykanka oo la soconayay dhaqdhaqaaqyadiisa, kadibna soo qabtay kadib markii ay ogaadeen inuu safar Soomaaliya ku wajahan diyaar u yahay.
Bannaanbax ka dhacay degmada X/weyne ee magaalada Muqdisho
Khamiis.5-Agosto.2010{SOMAALJECEL}-Muqdisho, Bannaanbax looga soo horjeedo qaraxii shalay degmada Boondheere ee magaalada Muqdisho lagula eegtay haweenkii nadaafadda u qaabilsanaa maamulka Gobolka Banaadir ayaa ka dhacay degmada X/weyne ee magaalada Muqdisho.
Banaanbaxaas oo ay ka qeyb galeen Boqolaal qof oo u badan haween ayaa waxaa soo qabanqaabiyay haweenka gobolka Banaadir, waxaana laguy muujiyay sida ay uga xun yihiin qaraxii shalay ay ku dhinteen kuna dhaawacmeen qaar ka mid ah haweenkii ka shaqeynayay nadaafadda gobolka Banaadir.
Dadka dhigaya Banaanbaxa oo ku dhawaaqayay ereyo ka dhan ah qaraxyadaas lagu dilay haweenka ayaa waxay isugu aruureen goobtii qaraxa uu ka dhacay halkaasoo ay kula hadleen mas’uuliyiin ka tirsan maamulka Gobolka Banaadir iyo xildhibaanno.
Guddoomiyaha Gobolka Banaadir ahna duqa magaalada Muqdisho Maxamuud Axmed Tarsan oo ka hadlay bannaanbaxaa ayaa u tacsiyeeyay qoysaskii ay ka geeriyoodeen dumarkii shalay la qarxiyey, wuxuuna sheegay in qaraxa shalay lala eegtay haweenkii ka shaqeynayay nadaafadda Gobolka Banaadir aysan shaqada nadaafadda u hakan doonin, isagoo xusay inaysan wax cabsi ah gelineynin qaraxyadaas ayna sii wadi doonaan howlaha nadaafadda ee ay ummadda u hayaan sida uu yiri.
Shir ay yeesheen madaxda sare dowladda KMG iyo saraakiisha AMISOM oo fashil ku dhammaaday
Khamiis.5-Agosto.2010{SOMAALJECEL}-Muqdisho, Shir socday muddo saacado ah oo ay xarunta madaxtooyada Villa Somalia ee magaalada Muqdisho ay ku yeesheen madaxda sare dowladda KMG Soomaaliya iyo saraakiisha ciidamada AMISOM ee ku sugan magaalada Muqdisho ayaa la sheegay in uu ku dhammaaday fashil kadib markii labada dhinac qodobadii ay kawada hadleen isku maandhaafeen.
Shirkaas oo ahaa mid albaabada uu u xirnaa, saxaafadduna aysan ka war helin ayaa ilo ku dhow dhow xarunta madaxtooyada oo dhaqdhaqaaqa shirkan la socotay ayaa waxa ay inoo sheegeen in shirkaasi looga hadlayay amniga iyo sida wax looga qaban karo dagaallada lagu hayo dowladda KMG ee sababay in lagu soo dhawaado xarumaha dowladda.
Sida warka aan ku helnay madaxda dowladda KMG waxa ay ka dalbadeen saraakiisha ciidamada AMISOM in la yareeyo duqeymaha ciidamada AMISOM ka geystaan Muqdisho ee dadka aan waxba galabsan ay ku dhimanayaan, taasoo madaxda dowladda ay sheegeen inay sii lumineyso taageerada dadka ay u hayaan dowladda, sida ay tihaadeen.
Saraakiisha AMISOM ayaa iyagu ku dooday inaysan rayidka duqeynin balse ay madaafiicda la bartilmaameedsadaan goobaha laga soo weeraro sida ay sheegeen, iyagoo ku hanjabay inaysan ka aamuseynin haddii la soo weeraro, meel kasta oo madfac ama qori Ak looga soo tuurana ay bartilmaameedasanayaan.
“Rayid ma degana goobaha aan anaga kula dagaalamayno kooxaha mucaaradku, rayid waa midka barakacay, anagana goobaha loo barakacay duqeyn kama geysanayo” ayay yiraahdeen saraakiisha AMISOM.
Kulankaas oo sida la sheegay ay goobjoog ka ahaayeen Taliyeyaasha ciidamada dowladda KMG iyo wasiirro ka tirsan dowladda ayaa mar la weydiiyey saraakiisha AMISOM waxa sababa duqeynta ay suuqa Bakaaraha ka geystaan ayay sheegeen saraakiisha AMISOM in meel kasta oo laga soo weeraro meeshay doontaba ha ahaatee aysan iyaguna weerarayaan, waxayna ku doodeen in suuqa Bakaaraha uu yahay meesha ugu badan ee duqeymaha uga yimaadaan, ayna ku talo jiraan sida ay yiraahdeen inay suuqaasi ay ka suuliyaan kooxaha hubeysan ee ka soo weeraraya.
Waxyaabihii looga hadlayay kulankan oo la isla fahmi waayay ayaa keenay in lagu kala dareero kulanka iyadoo aanay wax natiijo ahi ka soo bixin, laakiin waxaa la sheegay in madaxda dowladda oo fadhiga ku hartay la sheegay inay guddi u saareen arrintan.
Jen. Maxamed Cali Samatar oo cafis dalbaday
Khamiis.5-Agosto.2010{SOMAALJECEL}-Washington, Kadib markii ay dacwad ku soo oogeen Jen. Maxamed Cali Samatar rag ka tirsan Somaliland oo sheegay in xasuuqii ka dhacay gobollada Waqooyiga Somaaliya xilligii Maxamed Cali Samatar uu ahaa Taliyaha ciidamada dowladdii Milateriga Soomaaliya isla markaana Maxkamad lagu soo taagay dacwadaas ayay wararku haatan sheegayaan in Maxamed Cali Samatar iyo qareenadiisa ay cafis ka dalbadeen dadkii soo eedeeyay.
Mid ka mid ah raggii dacwada ku soo oogay Maxamed Cali Samatar oo lagu magacaabo C/casiis Maxamed Iid ayaa arrintaas darted Hargeysa uga degay si uu latashi ugala sameeyo madaxda iyo odayaasha Somaliland.
C/casiis oo shir jaraa’id shalay ku qabtay magaalada Hargeysa ayaa sheegay in Jen. Maxamed Cali Samatar iyo Qareennadiisu ay dalbanayaan in la saamaxo culeys xanuun iyo da´a isugu jira oo heysta Maxamed Cali Samatar, wuxuuna Mr. Casiis sheegay in saamaxaadda ay dalbanayaan Maxamed Cali Samatar iyo Qareennadiisa aysan ahayn mid ay go’aan ka gaari karaan raggii dacwadda ku soo oogay oo ay ku xiran tahay sida uu yiri dadka Somaliland oo dhan.
“Waan la soconaa in Maxamed Cali Samatar maanta da´yahay, weliba xanuunanna u dheer yihiin, oo xitaa bilaa kalyo uu yahay, isuguna uu ka warwareegayo inuu Maxkamadda horyimaaddo, iyada oo aanu saddex Maxkamadood ka soo gudubnay, tii afraadna aan u gudbayno, markaas waxa uu doonayaa inuu waqtiga lumiyo, annaguna waanu ka fariisan weynay” ayuu yiri C/casiis oo sheegay in Maxamed Cali Samatar iyo Qareennadiisu cafiska ay dalbanayaan au u bandhigayaan madaxweynaha cusub ee maamulka Somaliland si uu latashi ugala sameeyo dadka reer Somaliland kadibna go’aan uga qaato.
“Anigoo og inuu Maxamed Cali Samatar aad u jilicsan yahay ayaan ka diidnay cafiska, waayo annaga ma saamixi karno ee Ummadda Somaliland ayaa dhibbane u ah hadday saamaxayaan iyo haddaysan saamaxayninba” ayuu yiri C/casiis oo sheegay in sababta uu Hargeysa u yimid ay arrintaasi tahay, loona baahan yahay in reer Somaliland arrintan ka hadlaan oo Madaxweynaha Somaliland ee talada la wareegay uu ka hadlo.
Waxa uu Mr. C/casiis Maxamed Iid sheegay in aanu Maxamed Cali Samatar keli ku ahayn xasuuqii Somaliland ka dhacay ee ay jiraan dad badan oo madax ahaa oo kula jiray, wuxuuna sheegay in isaga iyo raga kale ee dacwada ku soo oogay Maxamed Cali Samatar ay Mareykanka joogaan, loona baahan yahay raga kale ee Somalilandeska ah ee dalalka ay ku dhuumanayaan dhagar qabayaasha Somaliland xasuuqa ka geystay ay dacwad ku soo oogaan,
Waxa uu sheegay in dadka qaar ay yiraahdaan sababta Maxamed Cali Samatar kaligiis loo raadsanayo waa arrin qabiil, waayo wuxuu ka soo jeedaa dadka laga tirada badan yahay, waxaana leeyahay dadka fikirkaas qaba oo aan halkan ka caddeynayaa inaan Kiiska Maxamed Cali Samatar aheyn mid qabiil ee uu yahay mid dad badan lagu xasuuqay, Xasuuqaas qabiil laguma xasuuqin ee dadka reer Somaliland oo dhan baa lagu xasuuqay, dabcan dadka laga tirada badan yahay xitaa ka mid bay ahaayeen kuwa la xasuuqay oo Diyaaradda Madfaca ridaysay gurigaas ayaa reer hebel degan yahay may lahayn, sidaasi daraadeed, waxaa qurux badan in la fahmo inaanay arrintu arrin qabiil ahayn ayuu yiri C/casiis.
Xoolo loo dhoofiyay Sacuudiga oo dib loo soo celiyay
Khamiis.5-Agosto.2010{SOMAALJECEL}-Berbera, Dowladda Sucuudiga ayaa dib uga soo celisay dalkeeda Markab siday Ari laga dhoofiyay dalka Soomaaliya, kaasoo ka baxay dekadda magaalada Berbera.
Arigaas oo dhowr iyo konton kun oo neef gaarayay ayaa sida uu sheegay wakiilka ganacsatadii iska lahayd oo lagu magacaabo Aadan Axmed Cabdi {Aadan Baradho} waxa uu sheegay in sababta arigaas loo soo celiyey ay tahay kadib markii lagu arkay Finan uu sheegay inay ka soo bexeen xilligii la raray oo uu roob ku da’ay ariga, isagoo xusay in markii la soo celiyey arigaasi ay qaar ka mid ah Markabka gudihiisa ku geeriyoodeen.
“Xoolahaasi waxaa dib looga soo dejiyey dekedda magaalada Bebera, waxaana sababta loo soo celiyey ay tahay intii aan la rarin ayuu roob Berbera kula da’ay, markaas neefaf ka mid ah ariga ayay finan yaryar ku arkeen Sacuudigu, sidaas ayayna ku soo celiyeen” ayuu yiri isagoo sheegay in qasaaraha ka dhashay uu gaarayo ilaa 760 neef oo dhintay muddadii ay jidka ku sii jireen iyo intii ay magaalada Berbera ku soo socdeenba.
Ganacsadahan mar wax laga weydiiyay inuu jiro wax qorshe ah oo ay wax kaga qabanayaan dhacdadan ayaa waxa uu yiri “Ganacsatada waxba kama qaban karaan, waayo maamulkeena lama aqoonsana oo labada dhinac ee Sacuudiga iyo Somaliland kama wada hadli karaan, waayo Somaliland dowlad looma aqoonsana” ayuu yiri Aadan Baradho oo dhibaatooyinka ka heysta ganacsigooda ay ka mid tahay aqoonsi la’aanta weli heysata Somaliland.
Guddoomiyaha Gobolka Banaadir oo sheegay in qarixii lala eegtay Haweenka aysan shaqada nadaafaddu ku joogsanaynin
Khamiis.5-Agosto.2010{SOMAALJECEL}-Muqdisho, Guddoomiyaha Gobolka Banaadir ahna duqa magaalada Muqdisho Maxamuud Axmed Tarsan ayaa sheegay in qarixii shalay lala eegtay haweenkii ka shaqeynayay nadaafadda Gobolka Banaadir aysan shaqada nadaafadda u hakan doonin, isagoo xusay inaysan wax cabsi ah gelineynin qaraxyadaas ayna sii wadi doonaan howlaha nadaafada ee ay ummadda u hayaan sida uu yiri.
Maxamuud Tarsan waxa uu sheegay inay nabasiibdarro tahay in la qarxiyo haween ka shaqeynayay bilicda magaalada Muqdisho, isla markaasna bartilmaameed gaar ah laga dhigto haweenka, wuxuuna xusay in haweenku yihiin beri ma gaydo.
“Kama caajiseyno inaan bilicda ku soo celinno magaalada Muqdisho, qarax kasta oo la sameeyana howlaha uma joojineyno” ayuu yiri Tarsan oo sheegay in marar badan haween nadaafad ka shaqeynayayn la qarxiyey howshiina nadaafadduna aysan u hakanin.
Waxa uu sheegay in ninkii qaraxa u geystay haweenkii shalay isna la dilay, wuxuuna xusay in cid walba oo wax qarxisa loo dili doono sidii shalay loo dilay ninkii qaraxa ka dambeeyay, sida uu yiri.
Waxa uu Guddoomiyuhu ugu baaqay dadka ku nool gobolka Banaadir inay dowladda kala shaqeeyaan sidii la isaga qaban lahaa dadka qaraxyada ka geysanaya magaalada Muqdisho, isla markaasna dib loogu soo celin lahaa magaalada Muqdisho bilicdii ay lahaan jirtay.
Faahfaahin ku saabsan dagaal dowladda KMG iyo Xarakada Al-shabaab ku dhex maray Gobolka Bakool
Khamiis.5-Agosto.2010{SOMAALJECEL}-Yeed, Deegaan ku dhow degmada Yeed ee gobolka Bakool ayay ku dagaalameen ciidamo ka tirsan dowladda KMG Soomaaliya iyo kuwa xarakada Al-shabaab, kaasoo geystay qasaaro.
Dagaalka oo labada dhinac ay isku adeegsanayeen hub noocyo kala duwan leh ayaa ahaa mid labada dhinac ay isku riiqmeen isagoo dagaalku socday waxaana la sheegay inuu qaatay dagaalkaas oo uu socday muddo ku dhow 6-saac oo xiriir ah sida ay dhinacyadii dagaalamay wada sheegeen.
“Ciidamada DKMG iyo kuwo Itoobiyaan ah ayaa shalay weerar kusoo qaaday deegaan lagu magaacabo Balliga PM-ka oo koonfur kaga beegan degmada Yeed ee gobolka Bakool oo ay Xarakada Shabaab fariisin ku lahayd, Dowladana waa looga guuleystay dagaalka” ayuu yiri afhayeenka dhinaca howlgalada ee Xarakada Al-shabaab Sheekh C/casiis Abuu-Muscab.
Sarkaalkan ayaa sheegay in dagaalkaas uu socday muddo saacado ah, isla markaasna ay jebiyeen sida uu yiri kooxihii ku soo duulay oo ay Itoobiyaan ka mid ahaayeen, wuxuuna intaasi ku daray in ciidamadoodu ay hadda joogaan goobtii lagu dagaalamay.
Dhinaca kale sarkaal ka tirsan ciidamada dowladda KMG Soomaaliya oo warbaahinta la hadlay ayaa sheegay in ciidamo tiro badan ay ka dileen dhinaca kooxihii ka soo horjeeday, isla markaasna sida uu yiri ay dagaalka guul ka gaareen, wuxuuna ku dooday in saraakiil uu garanayo ay ku dhinteen dagaalka, isla markaasna goobtii lagu dagaalamay ay iyagu ku suganyihiin, wuxuuna qiray in dhinacooda ay askar kaga dhimatay dagaalka.
Dagaalkan ayaa daba-socday dagaal toddobaadkii hore ku dhexmaray degmada Yeed ee gobolka Bakool ciidammada dowladda ee halkaas gacanta ku hayay iyo dagaalyahannada Xarakada Al-shabaab, kaasoo looga itaal roonaaday ciidanka Dowladda KMG Soomaaliya.
Askar ka tirsan ciidamada dowladda KMG oo lagu dilay degmada Xamar jajab
Khamiis.5-Agosto.2010{SOMAALJECEL}-Muqdisho, Ciidamo ka tirsan dowladda KMG ayaa shalay galab rag hubeysan ku dileen degmada Xamar Jajab, gaar ahaan meel u dhow Dekedda weyn ee magaalada Muqdisho.
Kooxo ku hubeysan qoriga Ak47 oo watay dhar shibil ah ayaa markii ay dilka u geysteen ka qaatay qoryo ay wateen askarta la dilay, iyadoo wax yar ka dibna ay goobtii lagu dilay soo gaareen ciidamo boolis ah.
Warar kale ayaa sheegaya in ka hor inta aan la dilin askartan ay Mobilo ka soo dhaceen Xaafado ka tirsan degmada Xamar jajab, iyadoo kooxo daba joogay dhacaasi ka dib ay isa soo hubeeyeen deetana ay goobta ku dileen askartaasi.
Puntland oo sheegtay inay iyada is dileyso
Khamiis.5-Agosto.2010{SOMAALJECEL}-Boosaaso, Wasiir ku xigeenka Wasaarada Amniga maamulka Puntland C/risaaq Xareed Ismaaciil oo horeyna u ahaa Duqii magaalada Boosaaso ayaa sheegay in Puntland ay iyadu is dileyso, isla markaasna aysan jirin cid kale oo ku dhex jirta oo dilaysa.
Waxa uu wasiir ku-xigeenku markii ugu horaysay uu qiray in dilalka ka dhacay maalmihii dambe magaalada Boosaaso aanay ahayn mid banaanka ka yimid, balse ay fuliyeen dad reer Puntland ah sida uu yiri.
C/risaaq Xareed waxa uu sheegay inay tahay wax iska cad in dilalka ka dhaca gudaha magaalada Boosaaso ay yihiin mid ay dadka reer Puntland ay iyagu isla beegsanayaan, waxa uuna dalbaday inay dadka reer Puntland dilka ay isu geysnaayaan ay joojiyaan.
“Dadku waxay doonayaan nolol, ganacsi iyo ammaan, hadaba sidee lagu heli karaa ayuu is weydiiyay” Wasiir ku xigeenka Amniga Puntland C/risaaq Xareed Ismaaciil, isagoo isu jabaabayana waxa uu yiri “Dhammaan arrimahaasi oo dhan waxay ku xiran yihiin in la joojiyo cabsi gelinta iyo dilalka qorshaysan ee ku soo badanaya magaalada Boosaaso” ayuu yiri.
Hadalka Wasiir ku xigeenka Wasaarada amniga Puntland ayaa imaanaya xilli maalintii shalay magaalada Boosaaso lagu dilay sarkaal ka tirsanaa dowladda hoose ee magaalada Boosaaso oo lagu magacaabi jiray Yaxye Jaamac.
Maamulka Puntland ayaa dilalka ka dhaca Puntland ku eedeeyay dadka ka soo jeeda gobollada Koofurta kuwaasoo badankood ay Puntland ka tarxiishay deegaanada Puntland, ayna qaarkood ku dhibaateysanyihiin magaalooyinka Gaalkacyo, Dhuusamareeb iyo B/weyne, tiiyoo weli qaraxyada iyo dilalku ka sii docdaan Puntland, taasina uu kashifay wasiir ku xigeenka wasaaradda amniga Puntland oo sheegay in puntland iyadu is dileyso ee cid kale oo dileysaa aysan jirin.
|
Muqdisho: Fadhigii Baarlamaanka oo maanta buuq iyo natiijo la'aan ku dhammaaday xilli xukuumaddu hor fadhisay
Chicago: Ciidamada Mareykanka oo gacanta ku dhigay nin la sheegay inuu qorsheynayay inuu ka dagaalamo
Muqdisho: Bannaanbax ka dhacay degmada X/weyne ee magaalada Muqdisho
Muqdisho: Shir ay yeesheen madaxda sare dowladda KMG iyo saraakiisha AMISOM oo fashil ku dhammaaday
Washington: Jen. Maxamed Cali Samatar oo cafis dalbaday
Berbera: Xoolo loo dhoofiyay Sacuudiga oo dib loo soo celiyay
Muqdisho: Guddoomiyaha Gobolka Banaadir oo sheegay in qarixii lala eegtay Haweenka aysan shaqada nadaafaddu ku joogsanaynin
Yeed: Faahfaahin ku saabsan dagaal dowladda KMG iyo Xarakada Al-shabaab ku dhex maray Gobolka Bakool
Muqdisho: Askar ka tirsan ciidamada dowladda KMG oo lagu dilay degmada Xamar jajab
Boosaaso: Puntland oo sheegtay inay iyada is dileyso
1291|1280899800|dynamic|Wararki u dambeeyay|
Dagaal mar kale laga cabsi qabo inuu dhex maro ciidamada Maamulka Puntland iyo kooxo Diimeedka ku jira deegaanka Galgala
Arbaco.4-Agosto.2010{SOMAALJECEL}-Galgala, Deegaanka Galgala ee gobolka Bari oo dhawaan dagaal culus uu ku dhex maray ciidamada Puntland iyo kooxo taabacsan wadaadka lagu magacaabo Sheekh Maxamed Siciid {Atam} oo muddo ka badan 5-sano fariisin ciidan ku lahaa deegaanka Buuraleyda Galgala ayaa wararka ka imaanaya haatan waxa ay sheegayaan in dhaqdhaqaaq ciidan uu ka jiro, isla markaana laga cabsi qabo inuu dagaal ka qarxo halkaas.
Sida warku sheegayo ciidamo ka kala tagay deegaanno ka tirsan Puntland ayaa u dhaqaaqay dhinaca jihada deegaanka Galgala, halkaasoo ay isku horfadhiyaan kuwa Puntland iyo kuwa Wadaadka Attam.
Warku wuxuu intaasi ku darayaa in ciidamada loo diray deegaanka Galgala lagu xoojiyay ciidamadii horay uga joogay maamulka Puntland goobo ku dhow Buurta Galgala, halkaas oo ay ku sugan yihiin ciidamada Sheekh Attam, waxaana tagitaanka ciidamadan ay ku soo aadeen wax ka yar 24-saac markii madaxweynaha Maamulka Puntland C/raxmaan Faroole uu ku dhawaaqay inay dagaal la gelayaan mar kale ciidamada Attam.
“Waxay dowladdu diyaar u tahay inay iska difaacdo weerar kasta oo kaga yimaada buuraha Galgala,waana laga hortagayaa cid kasta oo ka soo horjeedda amaanka Puntland” ayuu yiri madaxwaynaha Puntland C/raxmaan Faroole oo ugu baaqay dadka deegaanka Galgala inay maamulkiisa kala qeyb qaataan shaqada hor taala sida uu yiri.
Qarax qasaaro nafeed geystay oo ka dhacay magaalada Muqdisho
Arbaco.4-Agosto.2010{SOMAALJECEL}-Muqdisho, Afar ruux ayaa geeriyootay, 12-ruux kale oo haween u badanna dhaawaac ayaa soo gaaray kadib markii uu qarax miino ka dhacay barqanimadii maanta agagaarka xaruntii hore ee Baarlamaankii Soomaaliya ee magaalada Muqdisho.
Qaraxaas oo ahaa miinada nooca dhulka lagu aaso ayaa waxa uu ka qarxay goob ay ku sugnaayeen haween ka shaqeynayay nadaafadda, iyadoo haween badan oo ku dhaawacmay loola cararay cusbitaal, kuwaasoo qaarkood xaaladdooda laga deyrinayo.
Guddoomiyaha degmada Boondheere ee gobolka Banaadir C/llaahi Xisrsi Wardheere (Istakiin) ayaa sheegay in ay gacanta ku dhigeen ninkii qaraxa fuliyay, isla markaana ay dileen kadib markii ay ku arkeen ramuudkii uu qaraxa ku fuliyay, sida uu yiri.
Ma aha markii ugu horreysay oo haween nadaafadda waddooyinka ka shaqeynaya oo qarax noocan oo kale lala beegsado, labo mar oo hore ayaana haween ka shaqeynayay waddooyinka Makka Al-mukarama iyo tan 30-ka qarax miino lala eegtay, kuwaasoo ay ku dhinteen tiro haween oo ka badan 20-meeyo, kuwo kalena ay ku dhaawacmeen.
Faahfaahin ku saabsan madaafiic geystay qasaaro oo lagu duqeeyay suuqa Bakaaraha
Arbaco.4-Agosto.2010{SOMAALJECEL}-Muqdisho, Ugu yaraan 4-ruux ayaa ku dhimatay inta la ogyahay 26-kalena dhaawacyo kala duwan ayaa ka soo gaaray saddex madfac oo xalay ku soo dhacay gudaha iyo hareeraha suuqa weyn ee Bakaaraha, waxaana mashaqada ugu daran ay ka dhacday afaafka hore ee shirkadda xawaaladda Amal Express ee suuqa Bakaaraha, halkaas oo madfac ku soo dhacay uu sababay dhimashada 3-ruux iyo dhaawaca in ka badan 10-ruux.
Madfacan oo ku soo dhacay goob ay dadka ku badnaayeen oo habeenki laga adeegto, isla markaasna lagu iibiyo maciishado kala duwan ayaa geystay qasaaro xoog leh.
Maadaafiic kale oo iyana ku dhacday daafaha suuqa ayaa la sheegay inay geysatay qasaare isugu jira dhimasho iyo dhaawac, iyadoo intii aysan madaafiicdan dhicin kahor la maqlay rasaas yaryar oo aan muddo badan socon, taas oo u muuqatay inay isweydaarsanayeen dhinacyada iska soo horjeeda degmada Howlwadaag ee magaalada Muqdisho.
Dadka dhintay iyo kuwa ku dhaawcmay madaafiicdii xalay lagu gaaracay suuqa Bakaaraha ayaa dhammaantood ahaa dad rayid ah oo xilligaasi ku sugnaa goobo ganacsi oo ku yaala waddada laamiga ah ee hor marta shirkadda xawaaladda Amal, lamana oga sababta dhabta ee ka dambeysa madiicda lala eegtay Suuqa weyn ee Bakaaraha iyo qeybo ka mid degmooyinka Hodan iyo Hawl wadaag ee magaalada Muqdisho.
Dhinca kale degmooyinka waqooyi ee magaaalda Muqdisho ayaa xalay laga maqlay rasaasta waaweyn iyo tan yaryar oo ka dhacaysay goobaha ay isku hor fadhiyaan ciidamada dowladda KMG oo kaashanaya iyo xarakada Al-shabaab, lamana oga qasaaraha ka dhashay madaafiicda iyo rasaasta ay is weydaarsadeen labada dhinac.
Dowladda KMG oo qeylo dhaan ka keentay duqeymaha ay AMISOM ka geysto Muqdisho
Arbaco.4-Agosto.2010{SOMAALJECEL}-Muqdisho, Dowladda KMG Soomaaliya ayaa si aan horay loo arag uga qeylo dhaamisay duqemaha ay ciidamada AMISOM ka geystaan magaalada Muqdisho ee ay ku laynayaan dadka aan waxba galabsan.
Wasiirka arrimaha Bulshada iyo dhaqan celinta dowladda KMG Soomaaliya Prof. Maxamed Cumar Dalxa ayaa si kulul uga hadlay duqeymaha ay ciidamada AMISOM ku garaacaan xaafadaha magaalada Muqdisho, wuxuuna xusay in waxa ay ku kacayso AMISOM ay yihiin wax aan indhaha laga qarsan karin sida uu yiri.
“Ma aha in shacabka la xasuuqo ee waxaa haboon in bartilmaameed laga dhigto meelaha ay ku jiraan dadka cadowga ah, waxaana leeyahay saaraakiisha AMISOM ma aha in marka xabbad Aako lagu rido ay ku jawaabtaan BM iyo madaafiic culus, waa la yaqaanaa meelaha ay ku jiraan kuwa naga soo horjeeda ee haloogu tago ee yaan la xasuuqin shacabka reer Muqdisho” ayuu yiri Dalxa oo wax laga xumaado ku tilmaamay duqeyntii xalay lagu garaacay suuqa weyn ee Bakaaraha.
“Wixii xalay ka dhacay suuqa Bakaaraha waa ayaandarro, waxaa la gumaaday dad shacab ah, xilliga duqeynta loo geysanayay dadkaas shacabka ahna wax dagaal ah ma socon ee ma sidaas ayaa wax fiican ah” ayuu yiri Wasiirka arrimaha Bulshada Porf. Dalxa.
Guddoomiyaha Gobolka Banaadir oo sheegay in awood qeybsiga dowladda qaab qaldan lagu saleeyo
Arbaco.4-Agosto.2010{SOMAALJECEL}-Muqdisho, Guddoomiyaha gobolka Banaadir ahna duqa magaalada Muqdisho Maxamuud Axmed Nuur {Tarzan} ayaa si weyn u dhaliilay nidaamka awood qeybsiga 4.5-ka ee ay dowladda Soomaaliya ku dhisan tahay, isagoo ku sheegay inuu yahay nidaam lagu curyaaminayo Soomaaliya.
“Nidaamka 4.5, waxaa noo dejiyay cadowgeena, waana mid looga hor tagayo horumarka dalka, sababta loo sameeyayna waa in labadii walaalaha ah ay iska soo horjeestaan” ayuu yiri Maxamud Tarzan oo sidoo kale sheegay in nidaamkan uu yahay mid aysan dadku kuwada shaqeyn karin, uuna ku baaqayo in gebigiis la baabi'iyo, maadaama uu yahay nidaam la doonayo in lagu kala geeyo sida uu yiri dadka Soomaalida.
“Nidaamkan wuxuu la dagaalamayaa, kartida, aqoonta, daacadnimada, Islaamka, waddaniyadda iyo ammaanada” ayuu mar kale yiri duqa Muqdisho oo intaas raaciyay in looga baahan yahay dowladda KMG inay xil iska saarto baabi'inta nidaamkan.
Guddoomiyaha gobolka Banaadir wuxuu dhinaca kale sheegay in maamulkiisa uu qorsheynayo sidii uu shaqooyin ugu abuuri lahaa dadka ku nool degmooyinka G/Banaadir oo ay dowladdu gacanta ku hayso.
“Degmooyinka ay dowladdu gacanta ku heyso waxay ka bilaabi doontaa howlo shaqooyin loogu abuurayo dadka shacabka ah ee ku nool, si ay dadku u helaan dhaqaale” ayuu yiri guddoomiyaha gobolka Banaadir iyo duqa Muqdisho.
Saddex ka mid ah ilaalada wasiir ka tirsan maamulka Puntland iyo nabaddoonno ku geeriyooday..…
Arbaco.4-Agosto.2010{SOMAALJECEL}-Boosaaso, Saddex ka mid ah ilaalada Wasiirka dekedaha ee maamulka Puntland ayaa ku dhintay 2-kale oo ilaalada ka mid ahina way ku dhawacantay shil gaari oo ka dhacay degaanka Kalabayr duleedka magaalada Boosaaso ee xarunta gobolka Bari.
Shilkan ayaa yimid kadib markii gaari uu lahaa Wasiirka dekadaha iyo gaadiidka Badda ee Puntland Saciid Maxamed Raage uu ka baxay waddada laamiga, waxaana uu gaariga xilligaas ka yimid degaanka Carmo ee gobolka Bari.
Dadka dhintay ayaa waxaa ka mid ahaa Ugaas Bashiir oo ka mid ahaa Isimada Puntland, iyadoo labada qof kale ay ahaayeen ilaalada Wasiirka dekadaha, waxaana dadka ku dhaawacmay ka mid ah Nabaddoon C/salaan Maxamuud Jaamac.
Guddoomiyaha degmada Carmo Cawad Xuseen ayaa sheegay in shilkaasi uu ka dhacay dalcadda degaanka Kalabayr, isagoo xusay in dadkii ku dhaawacmay shilka lala soo cararay isbitaalka guud ee magaalada Bosaaso oo lagu dabiibayo.
Shilkaan gaari ayaa imaanaya xilli maalinimadii doraad shil gaari oo ka dhacay agagaarka degmada Waaciye ay ku dhinteen 5-qof dhowr qof oo kalena ay ku dhaawacmeen.
Muran xoogan oo mar kale ka dhex aloosamay xildhibaannada Barlamaanka Somalia
Arbaco.4-Agosto.2010{SOMAALJECEL}-Muqdisho, Muran xoogan iyo kala aragti duwaansho xoog leh ayaa soo dhex gashay Xildhibaanada Baarlamaanka Soomaaliya, kadib markii xildhibaanno ka tirsan Baarlamaanka IKMG ay jawaab ka bixiyeen hadal dhawaan ka soo baxay Xildhibaano kale oo Baarlamaanka ka tirsan.
Xildhibaanno ka soo horjeeda eedeyn ay mudanayaal ka tirsan Baarlamaanku u jeediyeen Guddoomiyaha Baarlamaanka Shariif Xasan, isla markaasna ay ku dhaliileen waxqabadka xukuumadda iyo inay Baarlamaanka horimaan la’dahay si codka kalsoonida loogu qaado ayaa waxaa ka hadlay xildhibaanno kale, kuwaas oo sheegay inay kasoo horjeedaan hadalkii ka soo yeeray qaar ka tirsan xildhibaanno la baxay kudlada, ayna uga digayaan mudanayaasha inay ka laabtaan go'aankii ay ku gaareen inaysan ka qeyb galayn kulamada Baarlamaanka.
“Baarlamaanku wuxuu leeyahay xeerar uu ku ciqaabo mudanihii si bareer ah aan uga soo qayb gelin kulamada Baarlamaanka, waxaana mudane walba oo kooxdaas ka tirsan qabanaya sharcigaas” ayuu yiri Mudane Cumar Islow oo saxaafadda la hadlay.
“Xukuumadda waxaa loo gudbiyay mooshin, waxayna horimaanaysaa baarlamaanka, haddii ay hesho codka kalsoonidana way shaqeynaysaa haddii kalena waxaa la soo magacaabayaa Ra'isal wasaare cusub” ayuu yiri Mudane Cumar Islow oo intaasi ku daray in mudanayaasha mooshinka gudbiyay ay ka war sugaan xukuumadda.
Maalmihii ugu dambeeyay ayaa waxaa baaqanayay kulamadii uu yeelan lahaa Baarlamaanka, kuwaasoo ay xukuumaddu ku horimaan lahayd Baarlamaanka, si ay codka kalsoonida u weydiisato, iyadoo uu muran ka taagan yahay xilliyada ay kulamada dhacayaan.
Madaxweynaha cusub ee Somaliland oo xil wareejin samaynaya
Arbaco.4-Agosto.2010{SOMAALJECEL}-Hargeysa, Madaxweynaha cusub ee maamulka Somaliland Axmed Maxamed Maxamuud {Siilaanyo, ayaa lagu wadaa inuu kol dhow xilka Guddoomiyaha xisbiga Kulmiye ku wareejiyo ku-xigeenkiisii Muuse Biixi Cabdi, arrintaasoo qeyb ka ah sida la sheegay go’aan Golaha dhexe ee Kulmiye ansixiyeen shirweynihii xisbiga ee sanado kahor ka dhacay magaalada Burco.
Ma jiro war rasmi ah oo ka soo baxay madaxtooyada iyo xarunta dhexe ee Kulmiye oo arrintan caddeynaya, hase yeeshee sida ay sheegeen ilo xogogaal oo arrintan u dhuundaloola Muuse Biixi Cabdi ayaa kol dhow si rasmi ah ula wareegaya Guddoomiyenimada xisbiga muxaafidka ah ee Kulmiye, isaga oo hadda haya xilka Guddoomiye-ku-xigeenka 1aad ee xisbiga.
Munaasibada Madaxweyne Siilaanyo xilka Guddoomiyenimada ugu wareejinayo Muuse Biixi Cabdi ayaa la filayaa inay ka soo qaybgeli doonaan masuuliyiin xukuumada ka tirsan iyo hoggaanka sare ee xisbiga muxaafidka ah ee Kulmiye.
Mas’uuliyin ka tirsan maamulka Puntland iyo ciidamada badda NATO oo ka wadahadlay…
Arbaco.4-Agosto.2010{SOMAALJECEL}-Boosaaso, Wafdi u horkacayo Wasiirka dekadaha iyo gaadiidka Badda Puntland Siciid Maxamed Raage iyo saraakiil ka tirsan Ciidanka Badda Puntland ayaa duleedka xeebta magaalada Boosaaso ee xarunta gobolka Bari kulan kula qaatay Saraakiil ka tirsan Ciidanka Badda NATO ee xeebaha Soomaaliya u jooga howlgalka waxa ay ugu yeeraan la dagaalanka Burcadbadeeda Soomaalida.
Kulanka oo ka dhacay mid ka mid ah Maraakiibta dagaal ee ay iska leeyihin Ciidanka Badda NATO oo yimid xeebta Bosaaso ayaa waxaa goobjoog ka ahaa Taliyaha guud ee Ciidanka NATO Commodore Michel Hijmans oo dhowaan xilkaas la wareegay, waxaana kulanka looga hadlay xaaladda guud ee Puntland, iyadoo si aad ah lagu dheeraaday arrimaha la dagaalanka Burcadbadeeda.
Wasiirka dekadaha iyo gaadiidka Badda ayaa Saraakiisha ciidanka Badda NATO u sheegay in maamulka Puntland ay ka go’an tahay inay la dagaalamaan Burcad badeeda, waxaana Taliyaha Ciidanka NATO uu sheegay inuu soo dhoweynayo go’aanka NATO.
Warar kale ayaa sheegaya in labada dhinac ay kawada hadleen weerarkii dhawaan ka dhacay deegaanka Galgala, waxaana la sheegay in kulanka loo diiday saxaafadda inay ka qeyb gasho.
|
Galgala: Dagaal mar kale laga cabsi qabo inuu dhex maro ciidamada Maamulka Puntland iyo kooxo Diimeedka ku jira deegaanka Galgala
Muqdisho: Qarax qasaaro nafeed geystay oo ka dhacay magaalada Muqdisho
Muqdisho: Faahfaahin ku saabsan madaafiic geystay qasaaro oo lagu duqeeyay suuqa Bakaaraha
Muqdisho: Dowladda KMG oo qeylo dhaan ka keentay duqeymaha ay AMISOM ka geysto Muqdisho
Muqdisho: Guddoomiyaha Gobolka Banaadir oo sheegay in awood qeybsiga dowladda qaab qaldan lagu saleeyo
Boosaaso: Saddex ka mid ah ilaalada wasiir ka tirsan maamulka Puntland iyo nabaddoonno ku geeriyooday..…
Muqdisho: Muran xoogan oo mar kale ka dhex aloosamay xildhibaannada Barlamaanka Somalia
Hargeysa: Madaxweynaha cusub ee Somaliland oo xil wareejin samaynaya
Boosaaso: Mas’uuliyin ka tirsan maamulka Puntland iyo ciidamada badda NATO oo ka wadahadlay…
1290|1280813400|dynamic|Wararki u dambeeyay|
Maxaabiista u xiran dowladda KMG oo xaaladdooda laga deyrinayo
Talaado.3-Agosto.2010{SOMAALJECEL}-Muqdisho, Waxaa si aad ah looga deyrinayaa xaaladda dadka maxaabiista ah ee u xiran dowladda KMG Soomaaliya, kuwaasoo la soo sheegayo inay heysato daruufo dhinacyo kala duwan.
Dowladda KMG Soomaaliya oo ay u xirxiran yihiin maxaabiistaas ayaa ganacsatada Soomaaliyeed iyo hay’adaha gargaarka bixiya ka codsatay in kaalmo degdeg ah lala soo gaaro dadka Maxaabiista ku jirta Xabsiga dhexe ee magaalada Muqdisho oo xaaladdooda si aad ah looga deyrinayo.
Maxaabiistaas oo ay maalintii shalay booqdeen xubno ka tirsan Wasaaradda Diinta iyo Owqaafta dowladda KMG Soomaaliya ayaa waxay ku soo arkeen xaalad liidata oo ay ku sugan yihiin.
Sarkaal ka tirsan wasaaraddaas oo lagu magacaabo Maxamed Kheyrow Aadan ayaa sheegay inay ku soo arkeen xabsiga xaalad aay u liidata oo ay sheegeen inay ku sugan yihiin maxaabiista ku xiran xabsigaas, wuxuuna saxaafadda u sheegay in xaaladda ay ku sugan yihiin maxaabiistaasi ay aad u daruufaysan tahay, una baahan yihiin kaalmo degdeg ah in lala gaaro.
Ganacsatada Soomaaliyeed iyo hay’adaha gargaarka bixiya ayuu ka dalbaday inay gargaar degdeg ah la gaaraan dadkaas oo uu sheegay inay aad u liitaan xaaladdoodana ay tahay mid aan indhaha laga qarsan karin.
Waxa uu sheegay in dadkaasi ay ka yimaadeen dhinaca mujtamaca, loona baahan yahay in mujtamaca ay wax u qabtaan maadaama sida uu sheegay ay yihiin dad laga dhex qabtay mujtamaca.
Waxa kale oo uu sheegay in maxaabiista ay ku jiraan dad lagu waayay dambiyo oo weli ku xiran xabsiga, kuwaas oo uu sheegay in ay wasaaraddu ka shaqeyn doonto sidii dadkaas lagu sii deyn lahaa.
Dowladda Burundi oo ka fiirsanaysa ciidamo dheeraad ah oo ay u dirto dalka Somalia
Talaado.3-Agosto.2010{SOMAALJECEL}-Bujunbura,, Dowladda Burundi ayaa sheegtay inay ka fiirsaneyso inay ciidamo dheeraad ah u dirto dalka Soomaaliya oo ay ku sugan yihiin ciidamo ka socda Midowga Afrika ee AMISOM oo ay ku jiraan kuwo Burundees ah.
Afhayeen u hadlay ciidamada dalka Burundi ayaa sheegay in dowladda Burundi ay ka fiirsanayso ciidamo dheeraad ah oo u diraan Soomaaliya si ay ugu biiraan kuwa Midowga Afrika ee Muqdisho ku sugan.
Waxa uu afhayeenku sheegay in go'aankaasi ay qaadan doonto dowladdiisa haddii laga codsado sida uu yiri isagoo xusaty haddii dalalka Afrikaanka ay ka baaqsadaan inay iyagu ciidamo u diraan Soomaaliya ay iyagu ku qasban yihiin inay ciidamadooda Muqdisho jooga kuwo xoojin ah ay u diraan, sida uu yiri.
Dowladda Burundi ayaa waxaa magaalada Muqdisho ee caasimadda dalka Somalia ka jooga ilaa saddex guuto ciidan oo ku howl galaya magaca AMISOM.
Qasaaro nafeed oo ka dhashay gaari ku qalibmay inta u dhexeysa Muqdisho iyo Afgooye
Talaado.3-Agosto.2010{SOMAALJECEL}-Afgooye,, 2 ruux ayaa geeriyootay, 5 ruux kalena dhaawac ayaa soo gaaray kadib markii gaari xamuul oo nooca Ena Treega loo yaqaano uu ku rogmaday agagaarka degmada Afgooye.
Gaarigaas oo ay ku rarnaayeen dhuxul uu ka keenay degaannada Gobolka Bay ayaa la sheegay in markii uu soo gaaray halka loo yaqaano Carbiska ee dhinaca Muqdisho ka soo xigta degmada Afgooye uu ku qalibmay.
Warku wuxuu sheegayaa in sababta uu u qalibmay gaarigaasi ay tahay kadib markii nin waday Gaari gacan uu si kedis ah uga soo hor baxay kadibna uu damcay wadaha Gaariga N3-ga inuu badbaadiyo ninka Gaari gacanlaha sidaasina uu waddadii uga dhacay.
2 ka mid ah Shanta ruux ee uu dhaawucu soo gaaray ayaa laga deyrinayaa xaaladdooda caafimaad, kuwaasoo loo soo qaaday isbtaallada Muqdisho.
Ma aha markii ugu horreysay oo shil qasaare nafeed sababay uu ka dhacay waddada isku xirta Muqdisho iyo Afgooye, iyadoo waddada Buundo Carbiska ay tahay waddo aad u burbursan.
Barakacayaal ka cabanaya barakacayaal kale
Talaado.3-Agosto.2010{SOMAALJECEL}-B/weyne, Barakayaasha ku sugan galbeedka magaalada B/weyne ee xarunta Gobolka Hiiraan ayaa ka cabanaya barkayaal hor leh oo ku biiray xerooyinkii ay deganaayeen
Cabashadan ayaa waxa ay ka dambeysay kadib markii xerooyin ay hore u deganaayeen dad barakacayaal ay ku biireen, isla markaana ay buux dhaafiyeen dadka laga soo barakiciyay deegaanada Puntland oo degaanno ka samaysanaya galbeedka magaalada B/weyne.
“Kororka dadka ayaa waxa ay kaga sii dartay xaaladda barakacayaashii hore oo markii horeba aad u liidatay” ayaa yiri mid ka mid ah odayaasha Kaam ay degan yihiin dad barakacayaal ah oo ku sugan galbeedka magaalada B/weyne.
Dadka barakacayaasha ee ku nool aqalada cooshadaha ka samaysan ee ku yaala Galbeedka B/weyne ayaa la sheegay in ay u baahan yihiin kaalmo lala gaaro iyadoo ay soo dhawaatay bishii Ramadaan.
Cabashada barakacayaashan ayaa ku soo beegmaysa xilli ay degaannada Gobolka Hiiraan ku soo qulqulayaan dadka laga soo musaafurinayo deegaannada Puntland.
Madaxweynaha Somaliland iyo ku-xigeenkiisa oo amar degdeg ah la siiyay
Talaado.3-Agosto.2010{SOMAALJECEL}-Hargeysa, Madaxweyanaha maamulka Somaliland Axmed Maxamed Siilaanyo iyo ku-xigeenkiisa C/raxmaan Saylici ayaa waxaa loo gudbiyey amar kaga yimid Maxkamadda sare ee maamulka Somaliland.
Madaxweynaha Somalilad iyo ku-xigeenkiisa waxaa lagu amray inay diiwaan geliyaan hantida ay gaarka u leeyihiin ee ay ku heystaa gudaha iyo dibadda.
Axmed Siilaanyo ayaa la sheegay in markiiba uu amarkaasi qaatay isla markaana uu Maxkamadda u gudbiyey hanti gaaraysa hal guri oo ku yaala dalka Ingiriiska, labo guri kale oo ku yaala magaalada Burco iyo labo guri kale oo iyagana ku yaala magaalada Hargaysa, hal gaari oo Landcruser ah iyo hal gaari oo surf ah.
Madaxweyne ku-xigeenka maamulka Somaliland axmed Saylici ayaan isagu weli amarka ay siisay Maxkamadda ka jawaabin, waxaana la filayaa in goor dhow uu isagana amarkaasi u hoggaansamo.
Maxkamadda sare ee maamulka Somaliland ayaa sheegtay in mas’uuliyiinta dowladda maamulka Somaliland ay ku wargelinayso in waxa hadda ay diiwaan gashadaan ay leeyihiin, wixii ka bannaanka ah inta ay xilka hayaan ee lagu arko ee hanti ay noqonayaan hanti qaran, isla markaasna laga jarayo inta aanu xilka wareejin.
Sidoo kale Madaxweyne xigeenka maamulka Somalilad C/raxmaan Saylici ayaa isna la sheegay in hantidiisu tahay hala guri oo ku yaala magaalada Boorame, hal gaari oo Surf ah iyo hal mehered ganacsi oo uu ku leeyahay magaalada Boorame, balse aan la sheegi nooceeda.
Labadan ninba lama sheegin hantida lacageed ee ay heystaan, waxaana loo arkay in Maxkamaddu ay arrintaasi ka gaabsatay inay faafiso, balse ay diiwaangelisay sida ay sheegtay Maxkamaddu, waxaana lagu amray wasiirada maamulka Somaliland in midkasta uu diiwaangeliyo hantida uu hadda leeyahay.
Arrintan ayaa loo maleynayaa inay ka dambeysay ka dib markii maamulkii kan ka horeeyey ee Daahir Ralaaye laga waayey qasnaddiisa wax lacag ah, isla markaasna wasaarado badan ay soo dalaceen deymo badan oo lagu leeyahay.
Xildhibaanno hanjabaado kulul jeediyay
Talaado.3-Agosto.2010{SOMAALJECEL}-Muqdisho, Xildhibaanno ka tirsan Golaha Baarlamaanka dowladda KMG Soomaaliya ayaa ku hanjabay inaysan ka qayb galeynin kulamada Baarlamaanka inta xal laga gaarayo afduub ay sheegeen in Guddoomiyaha Baarlamaanka iyo ku-xigeennadiisu ay ku haystaan Baarlamaanka.
Madaxweyne Sheekh Shariif ayay ka dalbadeen xildhibaannadani in uu faragelin ku sameeyo afduubka lagu haysto Baalamaanka, waxayna sheegeen in qodobkii 13-aad ee xeer-hoosaadka Baarlamaanka lagu ansixiyay kulan la afduubay, waxaana mas'uul ka ah bay yiraahdeen Guddoomiye ku xigeenka 1-aad ee Baarlamaanka oo shiraas guddoominayay.
Waxa kale oo ay xidhibaannadani sheegeen inay qabaan in ansixinta qodobkaasi uu yahay mid aan waafaqsaneyn sharciga dalka, isla markaasna uu ahaa mid dano gaar ah laga lahaa, waxayna sheegeen inaysan ka qeyb galaynin kulamada baarlamaanka ee soo socda ilaa wax laga bedelayo qaabka uu hadda Baarlamaanka u shaqeeyo.
“Madaxweynuhu waa inuu soo farageliyo muranka Baarlamaanka, sidoo kalena uu dedaal u galo sidii sharciga lagu waafajin lahaa mooshinka xukuumadda laga geeyay oo la doonayo in la xagal daaciyo” ayay yiraahdeen xildhibaannadan oo gaaraya 170-mudane, kuwaasoo ku mideysan dalladda mideynta iyo badbaadinta qaranka oo ay kol dhow dhisteen.
Xildhibaanadan waxa kale oo ay sheegeen in Guddoomiyaha Baarlamaanka uu diidan yahay in lala xisaabtamo Xukuumadda Cumar C/rashiid, isla markaasna codka kalsoonida loo qaado, waxayna sheegeen in Guddoomiyaha Baarlamaanka uu wado qorshe maldahan oo uu ku doonayo inuu ku afduubto Baarlamaanka.
Sheekh Xasan Daahir Aweys oo arrimo kala duwan ka hadlay
Talaado.3-Agosto.2010{SOMAALJECEL}-Muqdisho, Guddoomiyaha ururka Xisbul Islaam Sheekh Xasan Daahir Aweys ayaa sheegay in wadahadalka u dhexeeya iyaga iyo Al-Shabaab wixii ka soo baxa ay ku dhawaaqi doonaan marka ay isla gartaan.
Sheekh Xasan Daahir wuxuu ka hadlay ciidamada dheeraadka ah ee Midowga Afrika ay sheegtay inay keenayso Soomaaliya wuxuuna sheegay inuu cambaareynayo ciidamada AMISOM ee jooga Soomaaliya iyo ciidamada kale ee Midowga Afrika ee la doonayo la keeno Soomaaliya, kuwaasoo uu ku tilmaamay kuwo aan waxba soo kordhineyn, balse abuuraya dhibaato cusub iyo inay xasuuq cusub u geystaan dadka Soomaaliyeed.
Dhanka kale mar wax laga weydiiyey aqoonta uu u leeyahay wadaadka Puntland ka soo jeeda ee ciidamada ku heysta degmada Galgala, Sheekh Maxamed Siciid Attam ayuu sheegay inuusan faahfaahin ka heysan arrintaasi, haddana uusan dooneyn inuu ka hadlo.
Fariin la gaarsiiyay madaxweynaha maamulka Puntland
Talaado.3-Agosto.2010{SOMAALJECEL}-Boosaaso, Waxgaradka iyo nabadoonnada ka soo jeeda Gobolka Bari ayaa ugu baaqay madaxweynaha maamulka Puntland inuu joojiyo musaafurinta lagu hayo dadka ka soo jeeda koofurta Soomaaliya.
Kulan ay shalay gelinkii dambe nabaddoonadu ku yeesheen magaalada Boosaaso ee Xarunta gobolka Bari oo ay ka qeyb galeen nabaddoonnada iyo waxgaradka ka soo jeeda gobolka Bari ayna goobjoog ka ahaayeen maamulka Puntland ee Gobolka Bari ayaa waxaaa looga hadlay sidii wax looga qaban lahaa amaan darida ka jirta magaalada Boosaaso iyo sidii loo hakin lahaa musaafurinta lagu hayo dadka ka soo jeeda Gobollada Koofurta Soomaaliya ee ku sugan magaalada Boosaaso ee Gobolka Bari.
C/qaadir Ibraahim Xarago oo Guddoomiye u ah nabaddoonnada Gobolka Bar ayaa saxaafadda uga warbixiyay waxyaabihii ugu muhiimsanaa ee kulanka looga hadlay, waxa uuna sheegay in la isku afgartay sidii meel qura looga soo wada jeesan lahaa wax ka qabashada amaanka, isla markaana raafka looga joojin lahaa dadka ka soo jeeda koofurta Soomaaliya ee ku sugan deegaanada Puntland.
Waxa uu sidoo kale sheegay nabadoonku inay dhamaantood isku raaceen in wax laga qabto dhibaatooyinka xagga amaanka ee ka jira Boosaaso iyo sidoo kale in dadka ka soo jeeda koofurta Soomaaliya oo kaliya aan loo caburin inay ka dambeeyaan dhibaatooyinkaasi.
Fariintan ay direen nabaddoonnada Puntlad ayaa ku soo beegmaysa xilli ay sii kordhayaan masaafurinta lagu hayo dadka ka soo jeeda gobollada koofureed ee degaannada Puntland ka xoogsaday.
Markab lagu heysto dekedda Muqdisho oo milkiilihii lahaa eedeeyay maamulka dekadda Muqdisho
Talaado.3-Agosto.2010{SOMAALJECEL}-Muqdisho, Abuu Axmed Al-rashiid oo ah milkiilaha Markab xamuul keenay dekedda weyn ee magaalada Muqdisho, isla markaasna muddo dheer lagu heysto dekedda Muqdisho ayaa si kulul ugu weeraray maamulka dekadda Muqdisho oo uu sheegay inay heystaan Markabkiisa, iyadoo aysan jirin dembi uu ka galay.
Milkiilahan waxa uu sheegay in ganacsatadii markabka MV Jakur.1 u rarnaa ee Soomaalida ahaa iyo isaga muran uu soo dhex galay ay ka heshiiyeen, isla markaasna sida uu yiri markabkiisa ay hadda heystaan mas’uuliyiin ka tirsan dowladda KMG Soomaaliya, isagoo sheegay in uusanna garaneyn sababta ay u heystaan.
“Maamulka dekedda weyn ee Muqdisho waxay u dhaqmaysaa sidii burcad badeed oo kale, waayo waxay si xoog ah ku heysataa Markabkeyga oo xamuul geeyay magaalada Muqdisho, kaas oo muddo dheer ku xayiran halkaasi, waxaana uu intaasi ku daray milkiilaha Markabkaasi in shirkaddii uu u rarnaa markabka ay u sheegeen in iyaga ay mar hore fasaxeen Markabka, balse uu heysto maamulka dekedda weyn ee magaalada Muqdisho, sababo aan la gareynin” ayuu yiri Abuu Axmed.
Ugu dambeyntii milkiilaha markabkan waxa uu ka codsaday mas’uuliyiinta sarsare ee dowladda KMG inay soo farageliyaan arrintan, ayna ka bixiyaan jawaab cad sababta markabkaasi lagu heysto, kaas oo ka diiwaangashan dalka Banama, lagana leeyahay dalka Imaaraadka Carabta.
Meydadka tahriibayaal Soomaali u badan oo laga helay dalka Yamen
Talaado.3-Agosto.2010{SOMAALJECEL}-Cadan, Ku dhawaad 20-ruux oo meyd ah oo isugu jira Soomaali iyo Itoobiyaan ayaa laga helay xadka u dhaxeeya dalalka Yamen iyo Sacuudiga.
Dowladda Yamen ayaa sheegtay inay meydadkan ka soo kala aruurisay gobolo kala duwan oo ku yaala xeebta iyo xadka ay la wadaagto Sacuudiga.
Qaar ka mid ah meydadkaas waxaa laga helay god aan la garaneyn in si ula kac ah loogu daadiyay iyo inay gaajo ugu dhinteen godka dhexdiisa, waxayna dowladda Yamen xaqiijisay ilaa hadda maydadka 17-ruux oo isugu jira Soomaali iyo Itoobiyaan, kuwaas oo laga soo kala aruuriyay gobolo kala duwan, gaar ahaan gobollada Xudeyda iyo Xajja oo inta badan ay tahriibayaashu sii maraan.
Sidoo kale waxaa kaloo jira dad Soomaal ah iyaguna la soo qabtay oo la keenay magaalada Taciz, kuwaas oo lagu wareejiyay hay'adda Qaxootiga ee UNHCR, taas oo iyana ku celisay xerada qaxootiga ee Al-Kharaz.
Maamulka Somaliland oo sheegay inaysan Itoobiya ka ogolaanayn caqliga ay wadato
Talaado.3-Agosto.2010{SOMAALJECEL}-Hargeysa, Wasiirka cusub ee wasaarada Maaliyadda ee maamulka Somaliland Maxamed Xaashi Cilmi ayaa sheegay inaysan dowladda Itoobiya ka ogolaanaynin inay kaligeed iska gurato dhaqaalaha Somaliland iyana ay Somaliland dhaqaalo soo gelin weyso.
Waxa uu wasiirku sheegay in caleenta qaadka ee Somaliland looga soo waarido dhanka Itoobiya ay ku baxdo dhaqaale aad u fara badan, sidaa awgeed ay Itoobiya ka doonayaan inay taa bedelkeeda iyana ka qaadato Somaliland Cusbada iyo Kalluunka si Somaliland uga hesho Itoobiya.
Wasiirka Maaliyada Somaliland Maxamed Xaashi waxa kale oo uu sheegay inaysan suurtagal ahayn in hal dhinac oo kaliya uu ganacsiga ka socdo, dhaqaalahan galo, loona baahan yahay sida uu yiri in caleenta tirada badan ee qaadka oo ay Itoobiya u soo dhoofiso Somaliland bedelkeeda ay iyana ka qaataan Somaliland badeecadaha ay heystaan, haddii kale ganacsigu uu noqonayo mid aan shaqeyn.
Dhanka kale wasiirkan cusub ee Maaliyadda u qaabilsan Somaliland ayaa gaashaanka u daruuray bixinta lacago deymo ah oo lagu leeyahay wasiirkii hore waxayna labada nin ku dhex murmeen xaflad ay xilka ku kala wareegayeen iyadoo uu diiday wasiirka cusub deyn aad u faraban oo wasiirkii hore ee Maaliyadda lagu leeyahay uuna doonayay inuu ku wareejiyo wasiirka cusub, balse uu iska diiday inuu deyntaasi bixiyo, waxaana la sheegay in dood dheer kadib la isla garrtay in waxa ka jira deymahaasi Guddi loo saaro si ay u soo baaraan.
Qaxootiga Somaalida ee Kenya ku nool oo yabooh lacageed helay
Talaado.3-Agosto.2010{SOMAALJECEL}-Nayroobi, Qaxootiga Soomaalida ah ee ku sugan xerada Dhadhaab ee gudaha dalka Kenya ayaa loo yaboohay gargaar lacageed uga yimid dhanka Midowga Yurub, iyadoo loo sii marsiinayo lacagahaasi dowladda dalka Kenya oo ay marti u yihiin.
Madaxa gargaarka bani’aadanimada Midowga Yurub Kristalina Georgieva ayaa sheegay in ay gargaar lacageed ay gaarsiinayaan qaxootiga Soomaalida ee ku jira xerooyinka qaxootiga dalka Kenya, iyadoo lacagahaasi loogu talo galay dad gaaraya 278 kun oo qofood.
Ururka midowga Yurub ayaa ugu yaboohay dadkaas lacag dhan 15 milyan oo Euro oo u dhiganta 20 Milyan oo dollar si wax loogu qabto xaaladda nololeed ee dadka Soomaalida ah eek u dhibataysan gudaha dalka Kenya.
Ururka Midowga Yurub ayaa sheegaya in lacagahaan wax looga qabanayo cunada, caafimaadka iyo dhismaha guryo ay ku hoydaan dadkaas qaxootiga ah ee xeryada Kenya u samaysan ku nool.
|
Muqdisho: Maxaabiista u xiran dowladda KMG oo xaaladdooda laga deyrinayo
Bujumbura: Dowladda Burundi oo ka fiirsanaysa ciidamo dheeraad ah oo ay u dirto dalka Somalia
Afgooye: Qasaaro nafeed oo ka dhashay gaari ku qalibmay inta u dhexeysa Muqdisho iyo Afgooye
B/weyne: Barakacayaal ka cabanaya barakacayaal kale
Hargeysa: Madaxweynaha Somaliland iyo ku-xigeenkiisa oo amar degdeg ah la siiyay
Muqdisho: Xildhibaanno hanjabaado kulul jeediyay
Muqdisho: Sheekh Xasan Daahir Aweys oo arrimo kala duwan ka hadlay
Boosaaso: Fariin la gaarsiiyay madaxweynaha maamulka Puntland
Muqdisho: Markab lagu heysto dekedda Muqdisho oo milkiilihii lahaa eedeeyay maamulka dekadda Muqdisho
Cadan: Meydadka tahriibayaal Soomaali u badan oo laga helay dalka Yamen
Hargeysa: Maamulka Somaliland oo sheegay inaysan Itoobiya ka ogolaanayn caqliga ay wadato
Nayroobi: Qaxootiga Somaalida ee Kenya ku nool oo yabooh lacageed helay
1289|1280727000|dynamic|Wararki u dambeeyay|
Xarakada Al-shabaab iyo ururka Xisbul Islaam oo si wadajir ah beenin u sameeyay
Isniin.2-da.Agosto.2010{SOMAALJECEL}-Muqdisho, Saraakiil sarsare oo ka tirsan xarakada Al-shabaab iyo ururka Xisbul islaam ayaa si wadajir ah u beeniyay war shalay oo dhan la isla dhex marayay magaalada Muqdisho oo saameyn ku reebay dadka Muqdisho.
Warkaas oo ahaa mid shalay Idaacadda Shabelle ee magaalada Muqdisho ay baahisay ayay saraakiisha labada dhinac ku tilmaameen inuusan sal iyo raad toona lahayn.
Warkaas oo ahaa in uu fashilmay wadahadal u dhexeeyay xarakada Al-shabaab iyo ururka Xisbul Islaam ayaa saraakiisha u kala hadashay labada dhinac oo kala ah Dr. Xasan Mahdi oo ka mid ah saraakiisha sarsare ee ururka Xisbul Islaam iyo Sheekh Muqtaar Roobow Cali (Abuu Mansuur) oo isna ka mid ah saraakiisha ugu sarsareysa Xarakada Al-shabaab oo si wadajir ah magaalada Muqdisho ugu qabtay shir Jaraa’id ayaa waxay ku beeniyeen in uu fashilmay wadahadal u dhaxeeyay Ururka Xisbul Islaam iyo Xarakada Al-Shabaab.
Sheekh Xasan Mahdi oo ugu horreyn Shirka Jaraa’id ka hadlay ayaa been aan sal lahayn ku tilmaamay warka shalay ay shaacisay Idaacadda Idaacadda Shabelle ee magaalada Muqdisho ay baahisay kaasoo ahaa inuu fashilmay wahadal dhex maray Xarakada Al-shabaab iyo Xisbul Islaam oo Idaacaddu ay sheegtay in wejigiisii hore uu ka dhacay degaanka Toorotoorow ee Gobolka Sh/hoose, wejigiisii Labaadna magaalada Muqdisho.
Dr. Xasan Mahdi waxa uu gebi ahaanba beeniyey in uu shir ku dhex maray Xisbul Islaam iyo Xarakada Al-shabaab deegaanka Tooratoorow ee gobolka Sh/hoose, wuxuuna sidoo kale beeniyay in shirkaasi uu dhinaca Xisbul islaam hoggaaminayay Guddoomiyahooda Sheekh Xasan Daahir Aweys sida Idaacaddu sheegtay, isagoo caddeeyay in uu jiro wadahadal u dhexeeya labada dhinac oo uusan sheegin meel uu ka dhacay balse aysan jirin burbur ku yimid wadahadalladaas.
Waxa uu sidoo kale sheegay in wahadallada u socda labada dhinac ay u xil saaran yihiin guddi labada dhinac ay soo xuleen, wuxuuna sheegay in ummadda ay la socodsiin doonaan waxyaabaha ka soo baxa wadahadalladaas, isagoo intaas ku daray in maalmaha soo socda shacabka Soomaaliyeed ay maqli doonaan waxyaabo ay ku farxaan.
Sidoo kale waxaa uu Dr. Xasan Mahdi tilmaamay in Idaacadda Shabelle ay la shaqeyso sida uu hadalka u dhigay cadowga Islaamka, isagoo xusay in tan iyo markii ay ka guurtay suuqa Bakaaraha ay bilowday faafinta arrimo lid ku ah Islaamka, sida uu hadalka u dhigay.
Sheekh Muqtaar Roobow Cali (Abuu Mansuur) oo isna u hadlay xarakada Al-shabaab ayaa shirkaasi jaraa’id ka sheegay in aysan burburin wadahadlada lagu mideynayo Xisbul Islaam iyo Xarakada Al-Shabaab, wuxuuna beeniyay wararka ay Idaacadda Shabelle sheegtay oo ah inuu burburay wadahadalka Xarakada Al-shabaab iyo Xisbul Islaam, isagoo tilmaamay in Bisha Ramadaanka shacabka Soomaaliyeed ay arki doonaan waxyaabo ay ku farxaan.
“Insha Allaah wax lagu farxo uu ummadda qanciya inay yimaadaan ayaan rajeynaynaa, mideyntii la sheegay inay burburteyna ma aysan burburin, waxaana ugu bishaareynaynaa ummaddeena Ramadaanka inay aad u farxi doonaan” ayuu yiri Abuu Mansuur.
Beeninta ay sameeyeen saraakiisha Xarakada Al-shabaab iyo Xisbul Islaam ayaa imaanaya xilli shalay Idaacadda Shabelle ee magaalada Muqdisho ay sheegtay in uu burburay wadahadal u dhaxeeyay Xarakada Al-shabaab iyo Xisbul Islaam, warkaasoo saamayn ku yeeshay shacabka magaalada Muqdisho shalay ilaa xalayna la isla dhex marayay.
Ciidamada dowladda KMG oo xasuuq u geystay dad ka qeyb galayay xaflad aroos
Isniin.2-da.Agosto.2010{SOMAALJECEL}-Muqdisho, Ciidamada maamulka degmada Dharkenley ee dowladda KMG Soomaaliya ayaa madaafiic ku duqeeyay guri lagu dhigayay xaflad aroos oo ku yeela degaanka Kaxda ee degmada Dharkenley.
Sida warku sheegayo guri xaflad aroos uu ka jiray oo ku yaala degaanka lagu magacaabo Kax Shiikhaal ee duleedka xaafadda Xoosh degmada Dharkenley ayay ciidamada dowladda KMG oo ku sugan xaafadda Xoosh madaafiic ku duqeeyeen kadib markii sida la sheegay ay meel kor ah ka arkeen Gaadiid fara badan oo la doonayay in arooska lagu galbiyo gaadiidkaas oo ay u malaynayeen kuwa ay isticmaalaan xarakada Al-shabaab.
Ciidamada dowladda oo la sheegay in ay doorbin ku eegeen goobtaas kana shakiyeen dhaqdhaqaaqa gurigaasi ka socday oo sida la sheegay ay u maleeyeen in shirar ay ku leeyihiin saraakiisha Al-shabaab ayay madaafiic ku asqeeyeen waxaana la sheegay in dad badan ay ku dhinteen kuwo kalena ay ku dhaawacmeen.
Dadka ku waxyeelloobay madaafiicdaas ayaa isugu jiray dad ka qeyb qaadanayay arooska iyo dad deris la ahaa reerka arooska.
Xilliga duqeyntu dhacday ayaa ku beegnayd xilli dadkii u shaqo tagay magaalada qeybaheeda kala duwan ay dib guryahooda ugu soo laabteen waxaana la sheegay in tirada dhimashada iyo dhaawaca ay aad u badan yihiin, wallow aan rasmi ahaan loo ogeyn qasaaraha ka dhashay duqeyntaas ay ciidamada dowladda KMG la bartilmaameedsadeen gurigaasi xafladda aroos ay ka dhacaysay.
Kulan ay yeesheen sadaxda mas’uul ee ugu saraysa dowladda KMG oo fashil ku dhammaaday
Isniin.2-da.Agosto.2010{SOMAALJECEL}-Muqdisho, Kulan alabaabadu u xirnaa oo xalay xarunta madaxtooyada Villa Somalia ee magaalada Muqdisho ay ku yeesheen saddexda mas’uul ee ugu sareysa dowladda KMG Soomaaliya ayaa la sheegay in uu ku dhammaaday isfahmi waa iyo natiijo la’aan.
Kulankaas oo uu madaxweynuhu ugu yeeray Ra’isal wasaare Sharma’arke iyo Guddoomiyaha Baarlamaanka Soomaaliya Shariif Xasan oo isagu shalay Muqdisho ku soo laabtay ayaa waxa uu madaxweynuhu kala hadlay labada mas’uul buuqa ka dhex taagan Golayaasha Baarlamaanka iyo xukuumadda iyo sababta Ra’isal wasaaruhu xukuumaddiisa Baarlamaanka u horgeyn la’ yahay.
Ra’isal wasaaraha ayaa la sheegay inuu ku dooday in xukuumad cusub uusan dhisin oo kaliya isku shaandheyn uu sameeyay, sidaas awgeed aan loo baahnayn in baarlamaanka ay hortagaan, waxaana la sheegay in hadalkaasi uu Shariif xasanka Baarlamaanka ku raacay, madaxweynuhu uu ka soo horjeestay.
Sida warku sheegayo madaxweynaha oo ka dalbaday ra’isakl wasaaraha si buuqa dowladda dhex yaala u yaraado uu baarlamaanku hortago, balse wuxuu ku adkaystay baa la yiri Ra’isal wasaaraha inuusan marna xukuumadda hortagaynin.
Markii kulankaasi lagu kala tagay ayaa la sheegay in kulan gaar ah ay yeesheen Guddoomiyaha Baarlamaanka iyo Ra’isal wasaaraha, ayna uga wada hadleen sida arrinka laga yeelayo, waxayna wararku sheegayaan in Guddoomiyaha Baarlamaanka iyo Ra’isal wasaaraha si gaar ah kulankaasi isugu afgarteen, waxaana suuragal ah baa la leeyahay in Ra’isal wasaaruhu Baarlamaanka hortago, lana qanciyo xubnaha baarlamaanka ee mooshinnada ka diyaariyey xukuumadda.
Kulan lagu ballansanaa shalay in xukuumaddu ku hortagto baarlamaanka si ay kalsooni u weydiisato ayaa baaqday, balse buuq ka dhex oogan xubnaha dowladda aawadeed uu u baaqday kulankaas.
Madaxweyne Sheekh Shariif oo loogu baaqay inuu soo magacaabo Ra’isal wasaare cusub
Isniin.2-da.Agosto.2010{SOMAALJECEL}-Muqdisho, In ka badan 150-xildhibaan oo ka tirsan Baarlamaanka KMG Soomaaliya ayaa ugu baaqay madaxweynaha dowladda KMG Soomaaliya in muddo 3 maalmood gudahood uu ku soo magacaabo Ra’isal wasaare cusub, haddii Xukuumadda Cumar C/rashiid ay Baarlamaanka hor imaan weyso.
Mudanayaashani ka tirsan Baarlamaanka ayaa waxay Madaxweynaha ugu baaqeen in muddo 3-maalmood gudahood uu ku soo dhiso xukuumad tayo leh, maadaama sida ay sheegeen ay fashilantay xukuumadda Ra’isal wasaare Cumar C/rashiid Cali sharma’arke sida ay yiraahdeen.
Xildhibaan Abuukaate Sheegoow ayaa sheegay in marka hore Madaxweynaha ay ugu baaqayaan inuu amar ku siiyo Xukuumadda KMG in ay kalsooni weydiisato mudanayaasha Baarlamaanka haddii arrinkaasi ay ka dhego adeygtana uu qaado talaabo uu ku soo magacaabayo Ra’isal wasaare cusub.
Sidoo kale mudanayaashani ka tirsan Baarlamaanka KMG Soomaaliya ayaa warmurtiyeed ay soo saareen waxa ay ku sheegeen in xukuumadda KMG Soomaaliya ay diiday in codka kalsoonida ay soo weydiisato maadaama sida ay sheegeen uu dhammaaday waqtigeedii ayna xaq u laheyn in xukuumad ahaan ay dalka uga sii shaqeyso.
Xildhibaannada kulanka yeeshay ayaa sidoo ka dalbaday Guddoonka sare ee Baarlamaanka inuusan dhabarka u ridan Xukuumadda, taas oo ay sheegeen in uu waqtigu ka dhamaaday isla markaasna uu Guddoonku arrinkaasi ka fogaado, waxayna sidoo kale sheegeen inay jiraan dad ku jira dowladda oo aan doonayn in lagu shaqeeyo hannaanka maamul ee dowladnimo, isla markaasna doonaya in wax loo maamulo hadba sidii ay ula muuqato oo kaliya, waxayna sheegeen in Xildhibaanada looga baahan yahay in ka fikiraan sidii ay ula xisaabtami lahaayeen cid walba oo lunsanaysa hantida Qaranka sida ay yiraahdeen.
Dowladda Jarmalka oo ka hadashay ciidamo fara badan oo ka goostay dowladda Somalia
Isniin.2-da.Agosto.2010{SOMAALJECEL}-Baarliin, Dowladda Jarmalka ayaa sheegtay in boqolaal askari oo isugu jira saraakiil iyo Askar Booliis ah oo lagu soo tababaray dalka Itoobiya ay ka goosteen dowladda Soomaaliya, kuwaasoo ay sheegtay in loo malaynayo inay ku biireen kooxaha dowladda ka soo horjeeda.
Dowladda Jarmalka oo sheegtay inay ku bixisay tababarka ciidamadaas dhaqaale gaaraya Hal Milyan oo doolarka Maraykanka oo u dhiganta 760,000 oo Yuurow uu soo gabagaboobay bartamihii sanadkii 2009-ka, tababarkaasi ay ciidamadaasi ku soo qaateen dalka Itoobiya, iyadoo markii ciidamadu tababarka dhamaysteena lagu qalabeeyay qalab ciidan.
Wasaaradda arrimaha dibadda ee dalka Jarmalka ayaa sheegtay in bishii May ee 2010-ka uu u soo gabagaboobay ciidamadaasi tababarka, ayna ku jireen tiro saraakiil sarsare ah, kuwaasoo la siiyey bay tiri dareeska ciidamada iyo hub.
Waxa ay wasaaradda arrimaha dibadda dalka Jarmalka ay intaas ku dartay in ciidamadaasi markii tababarku u soo dhammaaday loo soo daad gureeyay gudaha dalka Soomaaliya, balse labo bilood kadib la waayay sida Xafiiska arimaha dibadda ee dowladda Jarmalka uu shaaciyey.
Waxa ay dowladda Jarmalku sheegtay in tirada askataas la waayay ay gaarayeen ku dhawaad Kun askari oo ka mid ahaa ciidamadii lagu soo tababaray dalka Itoobiya ee ay qarash gareysay dowladda Jarmalka, waxaana loo maleynayaa ayay dowladda Jarmalku tiri inay ku biireen kooxaha hubeysan ee dowladda KMG dagaallada kula jira.
Shirkii wasiirrada arrimaha dibadda Sanca oo looga hadlay arrimaha Soomaaliya
Isniin.2-da.Agosto.2010{SOMAALJECEL}-Sanca, Shirkii 12-aad ee wasiirro arrimo dibadeedyada isbahaysiga Sanca oo ay isugu yimaadeen ayaa maanta lagu soo gabagabeeyay magaalada Sanca ee dalka Yemen.
Shirkaas ayaa waxaa diraadda lagu saaray mushkiladaha ka jira dalalka ku bahoobay isbaheysigan oo ugu yaraan 3-ka mid ah ay xiisado siyaasadeed iyo kuwo colaadeed ka taagan yihiin.
Dalalka shirka uga fumar magaalada Sanca ee dalka Yeman oo ka kala socday ilaa shan dal oo kala ah Soomaaliya, Jabuuti, Suudaan, Yamen iyo Itoobiya ayaa waxaa shirka si weyn looga hadlay arrimaha nabadgelyada iyo iskaashiga ee dalalkaas, gaar ahaan arrimaha dalka Soomaaliya.
Wasiirka arrimaha dibadda Jabuuti Maxamuud Cali Yuusuf oo kulanka ka hadlay ayaa sheegay inay lagama maarmaan tahay in gacan la siiyo dowladda KMG Soomaaliya, isla markaasna la xoojiyo arrimaha dib u heshiisiinta dalka Soomaaliya, wuxuuna xusay in waxa Soomaaliya ka socda haddii lagu fiirsado sida ay yihiin aysan arrintu ku ekaaneyn Soomaaliya oo kaliya balse gobolka oo dhan ay saameyn doonto sida uu yiri.
Sidoo kale wasiirka arrimaha dibadda dalka Suudaan Kaamludiin Xasan ayaa sheegay in dalkiisu uu ugu baaqayo beesha caalamka inay gacan ka geystaan sidii xal waara loogu heli lahaa dalka Soomaaliya, isla markaasna ay dowladdiisu taageerayso qorshe kasta oo Soomaaliya nabad loogu raadinayo, wuxuuna si gaar ah ugu baaqay hay’adaha nabadda u ololeeya inay gacan ka geystaan xal u helidda arrimaha Soomaaliya.
Siodoo kale waxaa shirka ka hadlay wasiirka arrimaha dibadda dalka Yamen Abuu Bakar Al-qirbi oo sheegay in dowladaha xubnaha ka ah Isbaheysiga Sanca ay gacan wax ku ool ah ka geystaan xal u helidda arrimaha dalka Soomaaliya, isla markaasna laga dhabeeyo balanqaadyada la bixinayo gaar ahaan Isbaheysiga iyo Beesha caalamka ayuu yiri Mr. Al-qirbi.
Wasiirka ariimaha dibadda Soomaaliya oo shirka ka hadlay ayaa ugu baaqay dowladaha ku jiran isbaheysigan inay garab istaagaan shacabka Soomaaliyeed sidii ay uga bixi lahaayeen dhibaatada adag ee ay ku jiraan, wuxuuna intaasi ku daray in dowladdiisu ay ku jirto sida uu yiri dagaal lagu qasbay oo laga soo abaabulay dibadda, isla markaasna ay wadaan kooxo ka soo horjeeda midnimada Ummadda Soomaaliyeed, wuxuuna intaasi ku daray in kooxahaasi diidan yihiin wax wadahal ah oo ay la galaan dowladda KMG Soomaaliya.
Madaxweynaha maamulka Puntland oo mar kale ka hadlay kooxaha hubeysan ee ku jira buuraha Galgala
Isniin.2-da.Agosto.2010{SOMAALJECEL}-Garowe, Madaxweynaha maamulka Puntland C/raxmaan Sheekh Maxamed {Faroole} oo xalay ka hadlayay xaflad lagu xusayay sanadguuradii 12-aad ee ka soo wareegatay dhismihii maamulka Puntland ayaa si kulul u weeraray kooxo uu sheegay inay koonfurta Soomaaliya dagaal ka wadaan, haddana ay bilaabeen inay ka dagaalamaan sida uu yiri gobollada Puntland.
Dilalka qorsheysan ee lala beegsado xubnaha dawladda ayuu Madaxweynuhu ku tilmaamay in kuwa fuliya ay ula jeedaan inay argagax geliyaan dadka, isla markaana ay baahiyaan in halkaasi aysan nabad ahayn oo aan la isku haleyn karin, wuxuuna ku dooday in kuwa sidaasi sameynaya aakhirka laga adkaan doono sida uu yiri Mr. Faroole.
Madaxweyne Faroole waxa uu ugu baaqay shacabka reer Puntland in la iska qabto oo lala dagaalamo kooxaha hubeysan ee ku jira buuraha Galgala, waxaana uu sheegay inuu cafis u fidinayo kuwii aan dad dilin oo ka mid ah koxahaaasi, kahor inta aysan dhaqan gelin Maxkamadda la dagaalanka waxa uu ugu yeeray aragagixisada, haddii ay isaga baxaan waxa ay ku jiraan, wuxuuna xusay inaysan jirin cid daba galaysa.
Waxa uu Faroole baaq u diray maamulka Somaliland oo uu ka codsaday in ay isaga baxaan dhulka ay Puntland ka heystaan “Laascaanood waa Puntland sinaba gorgortan loogama geli karo, waxaan ugu baaqayaa maamulka cusub inaanu marin waddadii maamulkii hore ee uu ilaaliyo derisnimada iyo walaalnimada” ayuu yiri Dr. Faroole.
Ciidamada Itoobiyaan ah oo baaritaanno ka bilaabay deegaanka…
Isniin.2-da.Agosto.2010{SOMAALJECEL}-Feerfeer, Ciidamada Itoobiya ee ku sugan deegaannada ku yaala Xuduudka uu gobolka Hiiraan la wadaago gobolka Ismaamulka Soomaalida ee dalka Itoobiya ayaa bilaabay dhaqdhaqaaqyo iyo baaritaanno ay ku sameynayaan Gaadiidka safarka iyo dadka isaga kala goosha labada dal.
Qaar ka mid ah wadayaasha gaadiidka ka shaqeeya deegaannadaasi oo warbaahinta la hadlay ayaa sheegay in ciidamada Itoobiya ay bilaabeen baaritaanno xoogan oo ay ku baarayaan gaadiidka iyo dadka safarka ah ee u kala gudbaya labada dal.
Darawallada ayaa sheegay in ciidamadaasi ay dadka weydiinayaan inay heystaan aqoonsi muujinaya inay ka mid yihiin dadka u dhashay qabaa’ilada dega dhulka Ismaamulka Soomaalida Itoobiya.
Saraakiisha hoggaaminaysa ciidamada Itoobiya ayaa la sheegay inay ku wargeliyeen Gaadiidleyda in xilliga habeenkii ah aysan geli karin deegaannadaasi kana bixi karin, ciddii amarkaasi jebisana ay tallaabo adag ka qaadi doonaan.
Lama oga sababta rasmi ah ee ka dambeysa amaradan ka soo baxay dowladda Itoobiya, waxaase loo maleynayaa inay la xiriirto cabsi ay ka qabaan Jabhadda ONLF ee dagaalka kula jirta Itoobiya oo sheegay inay labalaabi doonaan dagaalka ay kula jiraan dowladda Itoobiya.
Booliska Turkiga oo xabsiga u taxaabay Tahriibayaal Soomaaliyeed
Isniin.2-da.Agosto.2010{SOMAALJECEL}-Istanbul, Ciidamada Booliska dalka Turkiga ayaa qabqabtay 62-muhaajiriin oo qaar badan oo ka mid ah ay Soomaali yihiin, kuwaas oo ka gudbayay xadka u dhexeeya Giriiga iyo dalka Turkiga.
Holwgal ay ciidamada Booliska Turkigu ku qaadeen gobolka waqooyi galbeed ee lagu magacaabo Edirne iyo gobolka koofur Bari dalka Turkiga ee isna lagu magacaabo Diyarbakir ayey ku soo qabqabteen ilaa 7-qof oo Soomali ah, 17 Falastiin ah, 6 Eritrean ah, 3 Iiran ah, 2-Afganistan ah iyo labo Pakistan ah, kuwaas oo dhammaantood ahaa tahriibayaal.
Dalka Turkiga ayaa noqday marinka ugu weyn ay isaga kala gudbaan dadka tahriibayaasha ee u socda dalalka Yurub oo u sii maraan dalalka Syria, Turkiga iyo Giriiga.
|
Muqdisho: Xarakada Al-shabaab iyo ururka Xisbul Islaam oo si wadajir ah beenin u sameeyay, sheegayna in bisha Ramadaan wax lagu farxo ay arkayaan ummadda Soomaaliyeed
Muqdisho: Ciidamada dowladda KMG oo xasuuq u geystay dad ka qeyb galayay xaflad aroos
Muqdisho: Kulan ay yeesheen sadaxda mas’uul ee ugu saraysa dowladda KMG oo fashil ku dhammaaday
Muqdisho: Madaxweyne Sheekh Shariif oo loogu baaqay inuu soo magacaabo Ra’isal wasaare cusub
Baarliin: Dowladda Jarmalka oo ka hadashay ciidamo fara badan oo ka goostay dowladda Somalia
Sanca: Shirkii wasiirrada arrimaha dibadda Sanca oo looga hadlay arrimaha Soomaaliya
Garowe: Madaxweynaha maamulka Puntland oo mar kale ka hadlay kooxaha hubeysan ee ku jira buuraha Galgala
Feerfeer: Ciidamada Itoobiyaan ah oo baaritaanno ka bilaabay deegaanka…
Istanbul: Booliska Turkiga oo xabsiga u taxaabay Tahriibayaal Soomaaliyeed
1288|1280554200|dynamic|Wararki u dambeeyay|
Xildhibannada Baarlamaanka oo go’aan ka gaaray tirada xildhibaannada ee xil ka qaadis samayn karta
Sabti.31-July.2010{SOMAALJECEL}-Muqdisho, Kulan ay maanta magaalada Muqdisho ku yeesheen xildhibaannada Baarlamaanka Soomaaliya ayaa waxa ay uga doodeen tirada xildhibaannada ee mooshin xil ka qaadis ah ka soo gudbin karta guddoomiyaha Baarlamaanka iyo ku-xigeennadiisa marka loo baahdo in xilka laga qaado.
Dood dheer kadib waxaa cod loo qaaday tirada xildhibaan ee awoodda u yeelan kara inay ridaan Guddoonka Baarlamaanka, iyadoo qaar xildhibaannada ka mid ah ay soo jeediyeen in 137 xildhibaan ay xilka qaadi karaan kuwo kalena ay soo jeediyeen in 50 xildhibaan ay xilka qaadi karaan, waxaana la isku raacay in xildhibaannada ridi kara guddoonka Baarlamaanka ay ahaadaan 137 xildhibaan, sidaasina lagu ansixiyay qodobkii 13 aad ee xeer hoosaadk Baarlamaanka sida uu ku dhawaaqay guddoomiye ku xigeenka koowaad ee Baarlamaanka oo shir guddoominayay kulanka Baarlamaanka ee maanta.
Dhanka kale waxa uu Gudoonka Barlamanka KMG uu sheegay in beri Baarlamaanka hortiisa ay hor imaaneyso Xukuumadda kMG si ay kalsooni u weydiisato.
Dastuurka cusub ee dowladda KMG oo qeybtiisii hore la soo gabagabeeyay
Sabti.31-July.2010{SOMAALJECEL}-Muqdisho, Waxaa la soo gabagabeeyay qaybtii hore ee dastuurka cusub dowladda KMG Soomaaliya, kaasoo haatan ay socoto daabacaaddiisa.
Guddoomiyaha guddiga sameynta dastuurka cusub ee dowladda KMG C/qaadir Sheekh Ismaaciil ayaa sheegay in dalka Kenya lagu daabacayo qeybta la soo gabagabeeyay ee dastuurka cusub ee ay yeelanayso dowladda Soomaaliya.
Dhawaan ayaa la filayaa in qeybtaasi la horgeeyo Golaha Baarlamaanka dowladda KMG Soomaaliya si uu u ansixiyo ayuu yiri C/qaadir Sheekh Ismaaciil oo rajo wanaagsan ka muujiyay inuu Baarlamaanku ogolaado dastuurka cusub.
Dowladda KMG ayaa dadaal xoogan ku bixinaysa sidii ay u sameyn lahayd dastuur cusub oo lagu bedello dastuurkii hore ee Soomaaliya ay yeelatay 1960-kii.
Madaxweynaha Soomaaliya oo Muqdisho tagay, kana warbixiyey arrimo fara badan
Sabti.31-July.2010{SOMAALJECEL}-Muqdisho, Madaxweynaha dowladda KMG Soomaaliya Sheekh Shariif Sheekh Axmed oo dib ugu laabtay caasimadda Soomaaliya ee Muqdisho kadib markii uu dalka Yugandha kaga qeyb galay shir madaxeedkii dalalka Afrika ayaa markii uu tagay xaruntiisa Muqdisho saxaafadda u qabtay shir jaraa’id.
Madaxaweynaha Soomaaliya ayaa waxaa garoonka diyaaradaha Muqdisho ku soo dhaweeyay mas’uuliyiin ka tirsan dowladda KMG Soomaaliya, iyadoo ammaanka gudaha garoonka iyo waddada isku xirta Madaxtooyada ilaa Garoonka diyaaradaha ay sugayeen ciidamada AMISOM iyo kuwa dowladda KMG Soomaaliya.
Markii uu madaxweynuhu tagay xarunta madaxtooyada ayaa waxa uu saxaafadda u qabtay shir jaraa’id oo uu kaga hadlay waxyaabihii ka soo baxay shirkii madaxda Afrika ee dalka Yugandha ku soo dhammaaday iyo kulamada uu la soo qaatay madaxda beesha caalamka.
Madaxweynaha waxa uu sidoo kale ka hadlay xaaladda uu marayo dalka Soomaaliya, isagoo sheegay in tan iyo markii ay burburtay dowladdii dhexe ee Soomaaliya shacabka Soomaaliyeed aysan helin dowlad ku soo celisa dalka nidaamkii iyo kala dambeyntii balse sida uu madaxweynuhu carabka u dhuftay dowladdiisa ay haatan u diyaar garowday wax ka qabashada dalka iyo samatabixinta shacabka Soomaaliyeed, sida uu yiri.
Waxa kale oo madaxweyne Shariif uu ka hadlay dhibaato uu sheegay in dalka Soomaaliya ay ka wadaan kooxaha hubeysan oo uu sheegay inaysan ogoleyn in dalka uu dowlad helo.
“Waxaa wax laga xumaado ah in dad Islaam sheeganaya oo waddamo badan oo ku yaala Caalamka dambiyo kala duwan ka soo galay ay qas iyo barakicin u geystaan ummadda Soomaaliyeed” ayuu yiri madaxweyne Shariif oo ku baaqay in la iska qabto kooxahaas oo uu ka soo hadal qaaday xarakada Al-shabaab.
Waxa uu madaxweynuhu sheegay in dowladdiisa uu dulqaadkii ka dhammaaday, isla markaana ay u soo jeesatay wax ka qabashada dalka Soomaaliya, isagoo xusay in wax ka qabashada dalka Soomaaliya ay iska kaashan doonaan Golaha Barlamanka, Xukuumada kMG iyo beesha Caalamka oo uu sheegay inay horseed u noqon doonto dhalinta nabad laga helo dalka Soomaaliya.
Madaxweynaha oo hore u soo maray magaalada Nayroobi ee xarunta dalka Kenya ayaa waxa uu halkaasi kulamo kula soo qaatay xubno ka tirsan beesha Caalamka oo uu uga warbixiyay xaaladda dalka soomaaliya gaar ahaan arrimaha amaanka.
Dowladda KMG oo baafineysa Kun askari oo ciidamadeeda ka tirsanaa
Sabti.31-July.2010{SOMAALJECEL}-Muqdisho, Ciidamo fara badan oo la sheegay inay Kun askari gaarayaan ayaa ka maqan dowladda KMG Soomaaliya, kuwaasoo la sheegay in sida ay u dhan yihiin ay ka goosteen dowladda kuna biireen xoogaga hubeysan ee dowladda ka soo horjeeda.
Ilaa kun askar ka tirsan dowladda KMG oo lagu soo tababaray dalka Itoobiya ayay dowladdu la’dahay, iyadoo weysay kadib markii tobabarka loo soo gabagabeeyay, sidaasi waxaa shaaciyey Radio laga leeyahay dalka Jarmalka oo soo xiganayay saraakiil sarsare oo ka tirsan dowladda KMG.
Qarashka ku baxay tababarka ciidamada ka tirsan dowladda KMG ayaa waxaa bixiyay dowladda Jarmalka oo ku maal gelisay dowladda Itoobiya, waxaana ciidamadaa markii uu u dhammaaday tababarka la siiyay agab kala duwan, ilaa iyo haddana lama oga meel ay kaga weecdeen dowladda, waxaase looga shakisan yahay in dhinaca kooxaha dowladda ka soo ghorjeeda ay u galeen.
Ciidamadan oo tiradoodu ku dhowdahay Kun askari ayaa wararku waxa ay sheegayaan in la waayay halkii ay ka baxeen labo bilood kadib markii tababarka loo soo gabagabeeyay, balse uu jira shaki la aamisan yahay oo ah inay u galeen kooxaha hubeysan ee dowladda KMG la dagaalamaya.
Dowladda Jarmalka oo lug ku lahayd tababaridda ciidamadan la la’yahay ayaan bixin wax faahfaahin ah oo ku saabsan ciidamada tirada badan ee la waayay markii tababarku u soo dhammaaday, sidoo kale dowladda KMG Soomaaliya ayaan si faahfaahsan u sheegin xogta ku saabsan ciidamadan la weysan yahay, iyadoo sidoo kale kooxaha hubeysan ee dowladda dagaalka kala horjeeda aysan shaacin ciidamo tiro badan oo dhankooda u soo galay .
Waa markii ugu horreysay oo ciidamo tiradan oo kale ah ka goostaan dowladda KMG inkastoo hore ay u dhacday in ciidamo dibadda loogu soo tababaray dowladda KMG ay u goostaan dhinacyada dowladda ka horjeeda, iyadoo marar badana ay dowladda KMG beenisay wararka ku saabsan goosashada ciidamada.
Mid ka mid ah shirkadaha Xawaaladaha ee Gaalkacyo oo la dhacay iyo dil loo geystay…...
Sabti.31-July.2010{SOMAALJECEL}-Gaalkacyo, Shirkadda Xawaaladda Qaran Express qeybteeda waqooyiga magaalada Gaalkacyo ayaa la soo sheegayaa in dhac loo geystay kadib markii kooxo hubeysan ay xoog ku galeen xarunta shirkaddaas.
Sida warku sheegayo kooxaha hubeysan ee dhaca u geystay shirkaddaas ayaa dil u geystay ninkii qasnadda lacagta hayay oo magaciisa lagu sheegay Jaamac Dheere, iyagoo sidoo kale toogtay mid ka mid ah ilaalada shirkadda oo sida warku nagu soo gaarayo dhaawac ah.
Laanta Shirkadda Xaawalada Qaran Express ay ku leedahay Waqooyiga magaalada Gaalkacyo ee Xarunta gobolka Mudug ayay wararku sheegayaan in laga qaatay lacago fara badan oo ah dhammaan lacagihii qasnadda ku jiray oo dhan.
Waxaa la sheegay inay kooxaha burcada ahaa ee dhaca u geystay shirkadda ay goobta ka baxsadeen, waxaana daqiiqado kadib goobta tagay ciidamo aad u fara badan oo howlgal baaritaan ah sameeyay, mana la sheegin cid ay falkaasi u qabqabteen.
Rag lala xiriirinayo qaraxyadii ka dhacay magaalada Kampala oo Maxkamad la soo taagay
Sabti.31-July.2010{SOMAALJECEL}-Kampala, Saddex nin oo dhalshadoodu tahay Kenyaati oo lala xiriirinayo in ay ku lug lahaayeen qaraxyadii ka dhacay magaalada Kampala ee dalka Yugandha ayaa la soo taagay Maxkamad.
Raggan oo magacyadooda lagu kala sheegay Xuseen Xasan Agad oo 27-jir ah, Maxamed Aadan Abdow oo 25-sano jir ah iyo Idriis Mogandu oo 42-sano jir ah ayaa lagu soo eedeeyay in ay ka qayb qaateen qaraxyadii ka dhacay caasimadda Kampala oo ay ku geeriyoodeen dad tiradoodu gaareyso 76 qofood, dhaawacuna uu ka soo sara maray 80-ruux.
Maxkamadda Cadaalada magaalada Kampala ee dalka Yugandha oo la hor keenay saddexdan nin ayaa sheegtay in dacwadooda loo gudbin doono maxkamadda sare ee dalkaasi, waxayna sheegtay in dib loo eegi doono dacwada ragaan 27-ka bisha Agost ee isla sanadkan aynu ku jirno.
Ciidamada Booliska dalka Yugandha ayaa waxay sheegeen inay baaritaan ku wadaan 10-qof oo looga shakisan yahay inay ku lug leeyihiin qaraxyadii ka dhacay Kampala, laakiin ma soo bandhigin magacyada 10-ka qof ee ay sheegeen inay uga shakisan yihiin inay ku lahaayeen qaraxyadii Kampala.
Axmed Wallad Cabdalla:- “Soomaaliya Caalamka halis ayay ku tahay”
Sabti.31-July.2010{SOMAALJECEL}-Newyork, Wakiilkii hore ee Xoghayaha guud ee Qaramada Midoobay u qaabilsanaa arrimaha Soomaaliya Axmad Walad Cabdalla ayaa sheegay in Soomaaliya aysan qatar ku ahayn gobolka geeska Afrika oo qura balse ay halis weyn ku tahay sida uu yiri dalalka caalamka oo dhan.
Axmed Walad Cabdalla oo warbixin uu qoray lagu soo daabacay wargeyska The Financial Times ayaa sheegay in waddamada reer galbeedka ay dayaceen dalka Soomaaliya, wuxuuna xusay in muddo 3-sano ah oo uu wakiil Qaramada Midoobay uga ahaa arrimaha Soomaaliya uu dareemay in Xoghayaha guud ee Qaramada Midoobay Ban Ki-Moon iyo ururka Midowga Afrika ay daacad ka ahaayeen xal u helista arrimaha Soomaaliya, isagoo tilmaamay in waddamada reer galbeedka ay u badan yihiin kuwa go’aankooda uusan dhameystirneyn.
Walad Cabdala ayaa sheegay in dalalka urur gobolleedka IGAD ay ka go’an tahay in la xaliyo khilaafaadka Soomaaliya, isagoo soo xigtay in dhibaatooyinkii ka dhacay dalalka Bolkaniska ay gacan weyn ka geysteen ciidamo shisheeya oo yareeyay qatarta ku fool lahayd dadka dalalkaasi, taas oo ay gacan ka geysnteen dalalka waaweyn, balse mid taas la mid ah aysan u muujin Soomaaliya.
Wakiilkii hore ee Qaramada Midoobay u qaabilsan Soomaaliya ayaa ugu baaqay beesha caalamka inay si degdeg ah ugu soo jeestaan xaaladda Soomaaliya, haddii aysan taasi dhicinna la arki doono mar ay talada faraha ka baxday sida uu yiri.
Dowladda Kenya oo waxba kama jiraan ku tilmaamay war ka soo yeeray dowladda KMG Somalia
Sabti.31-July.2010{SOMAALJECEL}-Nayroobi, Ra’isal Wasaaraha Kenya ayaa sheegay in dalkiisa uusan marnaba ciidan u direyn gudaha dalka Soomaaliya, xitaa haddii sida uu yiri dowladda KMG iyo Midowga Afrika ay ka codsadaan.
Raila Odinga ayaa Talefshinka CNN u sheegay in sababtu ay tahay iyagoo xudduud la leh dalka Soomaaliya, taasina ay meesha ka saareyso in dowladda Kenya ay ciidan u dirto Soomaaliya.
“Haddii ay Kenya ciidamo u dirto Soomaaliya waxaa loo arki karaa inay Kenya qabsaneyso Soomaaliya, sidaasi awgeed marnaba lagama yaabo inaan ciidan u dirno Soomaaliya” ayuu yiri Odinga oo intaasi ku daray in Kenya ay iska difaacayso oo kaliya haddii laga soo weeraro dhinaca Soomaaliya.
Mr. Odinga ayaa intaas ku daray in marka Midowga Afrika ay ku dhawaaqaan inay ka go’an tahay inay ballaariyaan howlgalka nabad sugidda Somalia, in markaas kadib ay Kenya dib u eegi doonto mowqifkeeda, balse aysan ku degdegi doonin ciidamo ay u dirto dalka Soomaaliya.
Odinga ayaa sidoo kale ka hadlay halista uu sheegay in Al-Shabab ay ku heyso dalka Kenya, wuxuuna xusay in Kenya aysan meesha ka saareynin weerar difaac nafsi ah ay ku qaaddo Soomaaliya haddii ay sii socdaan buu yiri weerarada ay Al-Shabab ka waddo dhinaca xadka.
Dowladda K/afrika oo sheegtay inay ka fiirsanayso ciidamo ay u dirto Soomaaliya
Sabti.31-July.2010{SOMAALJECEL}-CapeTown, Dowladda Koonfur Afrika ayaa sheegtay inay ka baaraan dageyso inay ciidamo isugu jira kuwa badda iyo ciidamo military u dirto Soomaaliya si loo xoojiyo ciidamada Midowga Afrika ka jooga Soomaaliya ee ku howlgala magaca AMISOM, sidaasi waxaa yiri haweeynayda wasiirka Gaashaandhigga ka ah Koonfur Afrika ee Lindiwe Sisulu.
Wasiiradda Difaaca ayaa sheegtay inuusan jirin codsi gaar ah oo uga yimid midowga Afrika, laakiin ay ka go’an tahay inay caawiyaan ciidamada nabad ilaalinta u jooga Soomaaliya.
Wasiiradda ayaa tibaaxday in haddii Koonfur Afrika ay diiddo codsiga uga yimaada Midowga Afrika ay meel ka dhac ku noqon doonto dalka Koonfur Afrika oo qaaradda Afrika sharaf iyo xurmo intaba ku leh.
Mar ay wasiiradda difaaca Lindiwe isu barbardhigaysay ciidamo u dirista Somaliya iyo ciidamadii ay u direen dalalka Congo iyo Sudan ayey sheegtay inaan la isu barbardhigi karin, oo xaladaha ka kala jira Soomaaliya iyo wadamadaasi ay aad u kala duwan yihiin, sidaas awgeedna ay Koonfur Afrika u baahan tahay inay fahanto waxa ka dhacaya Soomaaliya inta ay le’eg yihiin.
Mss. Sisulu ayaa sheegtay in arrinta ay hadda u taal madaxweynaha Koonfur Afrika ee Jakob Zuma, iyadoo intaas ku dartay in madaxweynaha uu arrintaan go’aan ka soo saarayo sida ugu dhaqsiyaha badan isagoo qodobkan hor dhigi doona golaha wasiirada.
Wasiiradda ayaa ka caga jiideysa inay u ololeyso in ciidamo Koonfur Afrika u dhashay in la geeyo Soomaaliya, iyadoo dhanka kalena sheegtay in haddiiba ciidamo la dirayo la raacin doono kuwa badda si ay ula dagalamaan burcad badeeda.
Dhinaca kale Asxaabta mucaarad dalka K/afrika ayaa iyaguna ka digay cawaaqib xumo ka dhalata haddii ay dowladdu qaadato go’aan ah in ciidamo u dhashay dalka K/afrika loo diro Soomaaliya.
David Maynier oo ka tirsan xisbiga ugu weyn dalka K/afrika ee mucaaradka ah DA {Democratic Alliance} ayaa sheegay in uusan ka war heynin qorshayaasha wasaaradda gaashaandhiga haddana loo baahan yahay taxadar dheeraad ah, wuxuuna intaasi ku daray in ku luglahaanshaha arrimaha Soomaaliya ee K/afrika ay keeni karto weeraro lagu soo qaado gudaha K/Afrika sida uu yiri.
Hoggaamiyayaasha Midowga Afrika ayaa todobaadkii hore isku waafaqay in la xoojiyo ciidamada 6-da kun ah ee jooga Soomaaliya, iyagoo markaas sheegay in loo baahan yahay in laga habaqtiro baahida qalab iyo saanad oo ay u baahan yihiin, iyo sidoo kale in lagu siyaadiyo ciidamo dheeraad ah oo gaaraya 2000-kun askari.
Shir Soomaaliya ay ka qeybgalayso oo ka furmaya dalka Yemen
Sabti.31-July.2010{SOMAALJECEL}-Sanca, Shirka waddamada ku bahoobay kulanka Sanca ee kala ah Soomaaliya, Yamen, Suudaan iyo Itoobiya ayaa berri oo Axad ah ka furmaya magaalada Sanca ee xarunta dalka Yamen, kaasoo looga hadlayo arrimo ay ka mid yihiin xaaladda dalka Soomaaliya.
Wasiirka arrimaha dibadda Soomaaliya Yuusuf Ibraahim Xasan {Yuusuf dheeg} ayaa shalay u tagay dalka Yamen sidii uu uga qeygeli lahaa shirka ay yeelanayaan wasiirrada arrimaha dibadda ee dalalka ku mideysan ururka Sanca oo halkaas ka dhacaya.
“Kulanka waxyabaaha looga hadli doono waxaa ka mid ah arrimaha Soomaaliya, gaar ahaan ammaanka” ayuu yiri Yuusuf Dheeg oo u waramayay wakaaladda wararka ee dalka Yamen ee SABA.
Madaxda dalalka ku mideysan ururka Sanca ayaa isla todobaadkan iyaguna isugu tagaya dalka Yamen si ay uga hadlaan ajandayaasha ka soo baxa shirka gogol-xaarka ah ee ay yeelanayaan wasiirada arrimaha dibadda dalalka Yamen, Suudaan, Soomaaliya iyo Itoobiya oo ku mideysan ururkan.
Wasiirka arrimaha dibadda ee Soomaaliya ayaa sheegay inuu rajeynayo in kulanka ay kasoo bixi doonaan qodobbo muhiimad gaar ah u leh sida uu yiri soo celinta deganaashaha Soomaaliya oo ay dagaallo ka jireen muddo 20-sano ku dhow.
Ururka Sanca ayaa lagu aasaasay magaalada Sanca ee dalka Yamen sannadkii 2006, iyadoo xilligaasi ku heshiiyay inay kawada shaqeeyaan ammaanka guud ee dalalkooda, waxaana wakaaladda wararka ee Yamen ay sheegtay in si gaar ah looga wadahadli doono ka sokow arrimaha Soomaaliya sidii loo xoojin lahaa iskaashi arrimaha dalalka ku bahoobay kulanka Sanca.
Qaramada Midoobay oo ugu baaqday dowladda Sacuudiga inay joojiso tarxiilka dadka Soomaaliyeed
Sabti.31-July.2010{SOMAALJECEL}-Riyaad, Hay’adda Qaramada Midoobay u qaabilsan qaxootiga adduunka ee UNHCR ayaa dawladda Sacuudi Carabiya ugu baaqday inay joojiso tarxiilka ay ku heyso qaxootiga Soomaaliyeed ee ku sugan dalkeeda oo ay u soo tarxiilayso magaalada Muqdisho oo ay dagaalo ka socdaan.
Afhayeenka Hay’addaas Melissa Fleming oo shalay saxaafadda kula hadlaysay xarunta Hay’adda ee magaaladda Geneva ayaa sheegtay in qaxootiga Soomaaliyeed ay yihiin kuwa magengalyo doon ah oo ka soo cararaya dalkooda oo ay ka socdaan dagaalo aan dhamaad lahayn, waxaa ay intaa ku dartay in Hay’addu ay aad uga xun tahay tarxiilka lagu samaynayo qaxootiga Soomaaliyeed ee Sacuudiga ku sugan.
Afhayeenka ayaa sheegtay in sa